Ke Aloha Aina, Volume VII, Number 11, 16 Malaki 1901 — Page 3
| This text was transcribed by: | Inger Hojfeldt |
| This work is dedicated to: | Daughters of Hawaii |
KE ALOHA AINA
KE ALOHA AINA, POAONO, MARAKI 16, 1901. 3
KA AHAOLELO MUA O KE TERITORI HAWAII
LA HANA EHIKU.
HALE O NA SENATOA.
Aole he mea ano nui a keia Hale i hana ai ma kona noho ana i ke kakahiaka, a pela pu no hoi i ka auina la, o ka noke wale no o na aoao elua i ka hoopaapaa i na rula o ka Hale, a e hoikeike ana hoi ka poe Home Rula a me ka poe Repubalika i ka nui o ko lakou mau ikaika ma ka hoopaapaa ana. Pau keia la ia lakou ma na hoopaapaa ana ma na rula e pono ai na hana o ko lakou hale.
LA HANA EWALU.
HALE O NA LUNAMAKAAINANA.
Mahope o ka pule ana a ke kahunapule, ua waiho mai o Dike he palapala hoopii mai kekahi poe maʻi lepera mai o Molokai, no kekahi mau hoololi i makemake ia e lakou no na hana ma ia wahi.
Na Kauiho hoi i waiho mai he bila kanawai e hoopau loa ana i na auhau kino, a heluhelu mua ia no ma ia wa.
He bila kanawai hoi ka Robikana i waiho mai no ka hoopau loa ana i kekahi mau kanawai waiwai ole e ku nei maloko o na kanawai i keia wa, a i pau kahiko loa hoi ko lakou pono. Na Kumalae, he bila kanawai e papa ana i ka Papa Ola a i kona mau luna paha, aole e lawelawe i na waiwai o ka lehulehu me ka loaa ole ana o kekahi uku poho kupono.
Na Haaheo, he hoololi i ka pauku 814, mokuna 59 o ke kanawai kivila. Heluheluia a waiho ia i ke komite pai.
Heluhelu elua ia ka bila kanawai e hookaawale ana i $45,000 no na lilo o keia Kau Ahaolelo.
Hoohalahala o Dike no na mea e pili ana i ke pai ia ana o na bila kanawai o ka Hale no ke ulolohi loa o ke pai ia ana, a makemake oia e haawi ia ke pai ia ana oia mau bila kanawai i ka hale-pai e kaki ana me ka haahaa. Pane aku o Emaluka, eia no na Home Rula ke haawi nei i na hana oia ano i ko lakou mau hoaloha ponoi, elike no hoi me ka hana a na Repubalika, ina ia lakou ka hapanui o na hoa o loko o ka Hale.
Ma ke noi na hoomaha ka hale a ka hora 1:30 p.m.
Noho hou ka hale e like me ka hoomaha ana.
Na Robikana he noi e kapae ia na rula i waiho mai ai oia i kana hoolaha kanawai, hooholo ia. Hoolaha mai oia e lawe mai ana oia he bila kanawai, e hoololi ana i na hana o na aha hookolokolo.
Na Mokimana i hoolaha mai e lawe mai ana oia he bila kanawai e pili ana i ka hoomoe ana i na uwea uwila malalo o ka honua ma na alanui o Honolulu.
Na ka Noho i hoike mai he palapala mai ka Hale mai o ke Senatoa, e pili ana i na komite koho o ka Panalaau o Molokai.
Na Robikana he noi e hoomana ia ke komite o keia hale e huipu aku me ke komite o ke Senate, ma na mea e pili ana i na maʻi ma Molokai.
Na Penikalaka i hoike mai na makaukau ka bila kanawai helu Eono.
Nana no, e ae ia @ oia e waiho mai i ka hoike a ke Komite Pai ma ka palapala, hooholo ia.
Noi o Kaniho e hoomaha ka hale no 10 minute, hooholo ia.
Mahope o ka hoomaha ana o ka hale no 10 minute, ua noho hou ka hale.
Na Dike i noi mai e heluhelu ia ka bila kanawai helu Eono.
Na Hugo i noi mai e kapae ia na rula i hiki ai i ke komite holo i Molokai ke waiho mai i ka lakou hoike, hooholo ia.
Heluhelu ia ka hoike a ke komite a kue mai o Maunakea, i ka ae ia o na poe e ae mawaho o ka poe i ae ia ma ka olelo hooholo.
Na Bekele i hoakaka mai i ka manao nui o keia holo ana o ke komite.
Na Kaniho he kue oia i ka holo pu o na poe e ae ma keia huakai.
Na Ewaliko he noi e apono ia ka hoike a ke komite holo i Molokai.
Na Makekau, e apono ia ka hoike a ke komite huli moku, apono ia.
Nana no i noi mai e hoololi ia na olelo hope o ka olelo hooholo.
Noi o Robikana e heluhelu elua ia ka bila helu Eono, (he noi hoohuikau keia.)
Na Paele kue oia i ka noonoo ia o keia bila, oiai aole i lawa na hoa me na kope, nui ka (hoopaapaa ma keia ninau hookauhili a Robikana, ma ke ano hoopau manawa) a heluhelu ia ma na pauku, a kaapa loa kau la i ke komite hookolokolo.
Na Emaluka i waiho mai he noi e kauoha ana ia S.K. Pua ke kokua kakauolelo o ka Hale, ka mea hoi nana e nana i ke pai ia ana o ka moolelo o ka Hale i keia la, a e hoouna aku i ke kakauolelo o ke Teritori i kope i apo-
HE LOEA HANA I NA MAKA
O ka loaa pono ana o na MAKA ANIANI kui ono no na poe i nawaliwali ka ike ana, ola ka mea nana e ho@ hou mai ka ike e ike ole kinohi a'u hoi e hooiaio nei ola no ke alahele e loaa hou aia la oe ka ike.
O na mea au e ike i owehiwehi ana ma kahi kaawale loa e ike moakaka aku ana oe maloko o keia MAKA ANIANI.
O keia mau MAKA ANIANI wale no ka mea nana e haawi ia oe i na kokua ana. Aole he uku o ka nana ana i ka maka.
S.E. LUCAS.
Kanaka Hana Maka Parisa.
Halepohaku Love, Alanui Papu, Rumi Helu 1. Pahu Leta 351. Ma ka hale maluna. feb 20-3m
no ia o ua moolelo la i paa i ke pai ia. Hooholo ia keia noi.
Nana mai no he olelo hooholo e papa ana i ka Luna Nui o na Hana Hou, aole e hoopuka hou aku oia i na palapala ae no ke kukulu ana i na hale maluna o ke kahua pauahi o Honolulu nei, koe nae na hale pale ahi, aia a pau ka nana ana a ka Ahaolelo i na kahua pauahi la. Ulu mai he hoopaapaa ikaika mawaena o na hoa no keia olelo hooholo. A ua manao loa kekahi poe, aia he lio eleele ma ke kua mai o ka olelo hooholo.
LA HANA EIWA.
HALE O NA LUNAMAKAAINANA.
Halawai ka hale hora 10 a.m. Lunahoomalu Akina ma ka noho. Pule ke kahunapule, kahea inoa. Heluhelu ia ka moolelo o ka la hana ewalu, a apono ia me na hooponopono.
Na ka noho i waiho mai he palapala mai ke keena makai mai, e noi mai ana e uku ia aku na dala oi aku o ka oihana makai iloko o ka waihona aupuni, waiho ia ma ka lima o ke Komite Buke Helu.
Na Makekau e hapai hou ia ka noonoo ana i kela olelo hooholo a Emaluka e pili ana i ke pai ana i ka moolelo o ka hale i kela a me keia la.
Na Bekele he palapala hoopii mai Makawao mai, e pili ana i mau haawina dala no ko lakou mau alanui.
Ma ke noi ua waiho ia i ke komite o na aina aupuni.
Na Bekele, noi mai i manawa houi no ka waiho ana aku o ke komite i ka lakou hoike o ke kahua ma'i o Molokai, ae ia.
Na Penikalaka Lunahoomalu Komite Pai na makaukau na bila kanawai helu 8, 9, ua pau i ke pai ia, a o na bila helu 11, 12, 13 aia i ka lima o ka poe pai, a e loaa ana i keia auina la.
Na Robikana noi mai oia e ae ia aku e heluhelu mua oia ma ke poo i kana bila i hoolaha mua mai ai, hooholo ia, nana no i noi mai e ae ia keia bila mai ko na heluhelu mua ia ana, hooholo ia.
Na Dike e ae ia aku kona hoolaha mua ana mai e lawe mai ana oia he bila kanawai e pili ana no na mare, ae ia aku.
Na Robikana, noi mai e heluhelu mua mai oia me kona poo i kekahi o kana mau bila kanawai i waiho mua mai ae e pili ana i ka hoololi i ka mokuna 10 o na kanawai o 1896, hooholo ia.
Nana no i hoolaha mai e lawe mai ana oia i ke kuai ana i ka aila Kohola.
Na Keliikoa, he hoolaha e lawe mai ana oia he kanawai e hoomoe ia i alahao kaaahi mai Kona a Pahala ma Kau, mokupuni o Hawaii. (Paipai ia.).
Na Makekau, he noi e heluhelu hou ia mai ka olelo hooholo e pili ana i ke pai ana i ka moolelo o kela a me keia la o na hana o ka Hale.
Na Makekau i hoakaka mai, e kulai ana i ka olelo hooholo, ma ka ninau ana na hooholo ia.
Heluhelu ia mai ka bila 1 e pili ana i ka hookaawale ana i bila haawina no na lilo Ahaolelo o keia kau. Ma ke noi hooholo ia ma heluhelu ekolu ia ana.
Noi o Bekele e hoomaha ka hale a hore 1:30 p.m.
(E nana ma ka aoao 4.)
HE ANAINA HAIPULE MAU.
Mamuli o ka hooholo ana a ka Papa Hooko o ka Aoao Kuokoa Home Rula e malama mau ia he halawai haipule ma ke keena maluna o ke hale pohaku. M@v E. Foster, no ke alanui Nuuanu, o@a na auina La Sabati a pau. Ua makemake ia no mea a pau o @ omana like ole e naue ae, a @ ma ka hoo@ ana i ke Akua @ ke ola o ka L@ni, ka naauao o ka Lunamakaainana a @ Senatoa mai ke Aina mai, no ka hooponopono ana @ kanawai kaulike no na mea a pau. A n@ @mae o ka E@ a ka Lahui @ kana Kakau@ me @ kaikuahine @ e kiu @ puu ahi opio e @ hoopuai me ka aina malihini. U@ keak@puka @ na mea a pau