Ke Aloha Aina, Volume VII, Number 10, 9 Malaki 1901 — Page 1

KE ALOHA AINA

 

 

Hilo Bay, Hawaii

Ua Mau Ke Ea O Ka Aina I Ka Pono

HOOKUMUIA I MEI 20, 1895.

buke vii.                                 honolulu, poaono, maraki 9, 1901.                       helu 10

 

HAUNAELE NA SENATOA

            Ma ka Poalua nei i waiho ia ae ai e Hon. Kale Aki, he olelo hooholo hui, e nonoi ana i ka Ahaolelo Nui o Amerika, e hoolilo ia ka Panalaau o Hawaii nei i Aupuni Mokuaina.

            Ma ka manawa i lawe ia mai ai na olelo hooholo la a noonoo ia, ua hoomaka ia ka oniu mua loa ia ana mai o ka niu maikai i ke kahua e Senatoa Keoki Kaaka, a oiai, e poahi ana ka ulu a ua Senatoa la, ua hookuu pu aku la ia me na huaolelo nana i hoa-a a@ ka puuluu’u ma kona i ana aku i ka Peresidena.  He pili aoao kalaiaina wale no na rula ana a ka Peresidena i na hora o ke kakahiaka.

            Ua papa mai la ka Peresidena ma ka hoomalu ana mai, ia wa na hapai ia mai la na a@ ame na hoole ma ke noi a Waita, na koho pu me kahi Peresidena ma kela ninau, ua ku mai o Senatoa Kikila Balaunu, a olelo mai la, aole

loaa ka mana i ka Peresidena e koho balot ai ma keia ninau e like me na rula, ua hoopaakiki mai ka Peresidena ua loaa no ke kuleana iaia e koho ai, a huli ia na rula.

            Hoomaka hou o Senatoa Balaunu e kamailio, alaila, olelo mai la ka Peresidena ina no ka Hoohikiwawe ana aku i na @ana, e oluolu oia e hoopau ae i kana kamailio ana.  Pane aku o Senatoa Balauna, Aole loa au e hooki ana i ka’u kamailio ana, a e kamailio ana au maanei a hiki i ke bolu a i ole eleele ana o ko’u mau papalina.

            Ua olelo hou mai ka Peresidena na hoopuka au i ka’u olelo hooholo.  Pane mai o Balaunu.  Ua makaukau oia e hoopii i ka rula ana i ka noho, aka, heaha ka waiwai oia hana ina ma ka aoao kalaiaina ka noho e nana ai.

            Ku mai o Bila Waita, a olelo, ku mai o Balaunu malalo o na rula, a unoke laua i ka hoopaa paa kekahi me kekahi.

            Pane ka noho, eia no he noi malalo o na rula e waiho nei i mua o ka hale, hoole o Balaunu, mamuli o keia mau kukahalake o na Senatoa elua me ka Peresidena, ua kuku ae la he eha a elima ma mau Senatoa iluna a hoomaka ka uluaoa ana, ia wa kauoha koke ae la ka Peresidena i ka makai o ka hale, wahi ana, “E kipaku aku ia Senatoa Balaunu mai keia rumi aku!”

            Ua hele aku ka makai o ka hale me kela kino nui puipui a ku imua o Mr. Balaunu he alo a he alo, me ka olelo ole, poha mai la ka leo o Mr. Balaunu, “mai hoopa mai oe ia’u!  mai kau mai kou lima maluna o’u!! he mea pono nou ke hana ole pela!!!” na hoomaopopo ia aku ua kau ka weli i ka makai mai Lahaina mai i na olelo uahoa a Mr. Balaunu, oia ke kumu o kona hooko ole i ke kauoha a ka Peresidena o ka hale.

            No keia ike ana mai o Senatoa Kalauokalani, e komo loa aku ana na hoa o ke Senate iloko o ka enaena, ua ku mai la eia a noi e hoopanee i ka hale, a pela i emi pu iho ai ka pii ena o ka nal@.  Aka, ke mau la ke o ana o kela mau olelo, hopu, kipaku, a kaiehu ia Senatoa Balaunu mawaho aku o ka rumi Ahaolelo, oiai, aole i hooko ia e kela makai kino puipui mai Lahaina mai.  Ka makou ia i hoomanao ae la i ke olelo kaulana, “Puali ka Hau nui i ka Hau iki.”

 

KUE O WILIKOKI IA GEAR.

            Wasinetona, Feb. 21.  Ua hele aku ka Elele Wilikoki e hui me ka Peresidena i keia la no ke kue ana aku i ka hooiaio ia ana o George D. Gea i Lunakanawai no ka Aha Kaapuni o Hawaii.  Eaia no o Gear me kana hoohiki kue

i ka noho ana o Wilikoki maloko o ka Hale Ahaolelo.  Ua pane aku ku Elele Wilikoki i ka Peresidena, aole i kupono o Gear no ka lawelawe ana i ka oihana Lunakanawai Kaapuni ma Honolulu.

 

KA LETA A KA ELELE

Hale o na Lunamakaainana,

                        Wasinetona, Feb. 17, 1901.

James K. Kaulia,

                                    Aloha oe a nui:––

            Ua loaa mai la ia’u kau.  Ua waiho aku au i ka Lolo Kuhina i ka palapala noi a oukou no Caypless e lilo oia kekahi o na Lunakanawai Kaapuni o Hawaii.

            Ua ike iho la paha oukou ma na nupepa i ka hoopii a Gear ma me na leta a Moreno ame na hoopii pulelehua lehulehu.  Ua haawi ke komite i ka lakou olelo hooholo me ka lokahi like no’u ka noho Elele, a ua kapae ia na kumu hoopii a pau no ke kahua ole.  O J. M. Robinson o Indiana ko’u kokua a ua lele liilii o Gear ma.  I keia pule e waiho ia mai ai ka hoike a ke komite, a o ke pani ana ia i na hoopii ano ole a ka poe lili kohu ole.

            O Sam Paka ma no ka poe nana e uku nei o Gear ekelauhala me Moreno puhikole i keia hana u@o ole.  Ua puka mai keia mai a Gear mai no i ka wa i ninau ia ai e Robinson.  He poe moo wale iho no kena e kolo iho la, aka, na make loa ka moo maanei.

            Ua akaka loa e kahea hou ia ana i Ahaolelo Kuikawa, nolaila, e loihi loa ana makou a hiki i Iulai hoi aku no ka aina, a kaapuni hou aku ia Hawaii nui o Keawe, Maui o Kama, Molokai o Hina, Oahu a Kakuihewa, me Kauai o Manokalanipo.

            E hoouna aku ana ma ou la a na Senatoa me Lunamakainana a me na kumu kula he mau tausani op@ anoano mea kanu ai o na ano a pau a pela me na buke oia oihana (mahiai).  He $12,000 i hooholo ia iho nei i Agricultural Experimental Station no Hawaii.  E hooholo iho oukou i $70,000 no ke kahua, me na kauhale no ia hana me ka Agriculture College.  He mea hou keia no Hawaii, ke ola keia o na lahui apau o ke ao nei.

            Apopo hoouna aku wai i na buke au i kauoha mai nei.  E hoopiha aku ana au i na libraries o kakou me na buke waiwai nui.  He pau mua iho nei ko keia ia’u i ka hana ia, aka, o keia mau hoopii hilahila ole a Sam Paka ma me keia poe haole puhikole, lilo loa ko’u manawa ilaila, aka, no kakou no ka lanakila.  Nohea no ka ike o ka haole liilii puhikole a Sam Paka ma e puni wale ma nei, a pau hewa ke dala i keia poe puhikole.

            Mahalo aku wau ia oe no kou haalele ana i ka waiona.  E hoomau i na hana pono a e loaa no ka pomaikai.  Mai hoolohe wale aku oukou i na haole puhikole ake oihana wale.  E kuka pono no oukou me ke Kiaaina no kana mau hookohu, a o na hookohu i kupono ole i ko oukou imi pono ana no ka limahana paha, a i ole, he mau hewa e ae i maopopo maoli, oia poe ke hoole ia, manao au, aole e hoole ana ke Kiaaina.

            He aupuni Home Rula me ka maikai ka ko kakou aoao, aole no ka hao oihana.  Ina he kanaka ka oukou, i kanaka kupono no kona makaukau me ka hoopono.  O ka hewa moe kolohe ke hopu ia a hoopai ia, he hewa ia e pau ai o kahi luna aupuni, aole hiki i ke Kiaaina ke hoole.

            He @iki no na kanawai me na palapala hoopii kupono a oukou i manao ai e hoouna mai, a ina au e ike he kupono, hookomo i ke Congress.

            Ko’u aloha a me na keiki, me makou a pau ia oukou a pau a me ka ohana.

R. W. WILCOX.

 

KA MOKUAHI RIO DE JANEIRO.

            O ka mokuahi Rio de Janeiro i ili mai la ma na kapakai o Kapalakiko, oia no ka mokuahi a ka Elele R. W. Wilikoki i kau aku ai a holo no Kapalakiko ma kona alahele no Wasinetona ma ka la 1 o Dec., 1900.  He mokuahi oia ia kamaaina i ko Honolulu nei poe.