Ke Aloha Aina, Volume VII, Number 8, 23 February 1901 — Page 3

KE ALOHA AINA

 

POAONO, FEBERUARI 23, 1901.

 

 

(Mai ka aoao 2 mai.)

mai o Ewaliko a noi hou mai la e hoopaoea ia keia kumuhana a hiki i ka hora 10 o ka Poaono a apono ia.  Ua heluhelu ia mai he noi i na hoa e Konela Sopa e hoea aku e makaikai i ka paikau koa no ka hoomanao ana i ka la hanau o Keoki Wasinetona e malama ia ana ma ka la apopo.  Hoomaha ka Hale ka hora 1:30 o keia auina la.

 

 

LA HANA EHAHI.

HALE O NA SENATOA.

 

Ma ka hora 10 ponoi i lawe ae ai na Senatoa i ko lakou mau noho.  O ka hana mua i hapai ia ma oia ke koho ia ana i Luna hoomalu no ka manawa e Senatoa White.  Ua waiho mai oia i ka inoa o Senatoa Rusela a ua apono ia.

Ua lawe ae o Rusela i kona noho a hoomaka mai la i ka hana ma ke koho ana i kakauolelo no ka manawa.

Na Senatoa Achi i waiho mai ia Testa Boke i Kakauolelo no ka manawa, ma ka ninau ia ana aponoia.

Ua hapai maki o White he noi e koho ia i komite no ka nana ana i na hookohu, a na apono ia keia noi maope o kekahi mau hoopaapaa ana.  No komite Wm. White, John T. Brown a me Kanuha, Maka hoike a ke komite ua pololei na hookohu, a he elua mau hoa i haule ola o H.P. Balauwina a me J.D. Parisa aole i hiki mai mamuli o ka ulolohi loa o ka Mauna Loa, a mamuli o ka haule ana o keia mau hoa ua noi ia ka hale e hoopanee a noho hoa ma ka hora 20 o ka la apopo.

Ua lohe wale ia e hoao ia aku ana o Senatoa Keoki Kaaka e kulai mai kona noho aku, oiai, ua manao ia no Keo Kaaka, ka hapa.

 

 

 

LA HANA ELUA.

HALE O NA SENATOA.

 

Ma ka hora 10 o ke kakahiaka Poaha nei i noho hou ai ka Hale o na Senatoa.  Weheia na hana ma ka pule a D. Kalauokalani.  Mahope o ka heluhelu ia ana o na hana o ka la mua, ua koho ia iho la o John E. Bush i mahele olelo no ka manawa.

O ka hana mu i lawe ia mai e noonoo oia ke koho ana i Peresidena mau no ia aha.  Na Kikila Baraunu i koho o Kaiue ka Peresidena, na Kaiue o Kauka Russell ke noho Peresidena, ma ka ninau ana ua kohoia iho la o Russela i Peresidena.  Hapai ia ka noonoo ana ana i Hope Peresidena, na Johyn T. Brown o Kaiue, na Kaiue o Kauuha, hoole o Kanuha a koho aku la ia Kikila Baraunu.  Ma ka hooikaika ana a H.P. Balauwina ua koho o S.E. Kaiue i Hope Peresidena.

Noonoo ia ke koho ana i Kakauolelo na Kanuha o Edgar Caypless, na Achi o Enoch Johnson, a hooikaika mai la ua lawa oia me na olelo elua, a no Caypless aole ona ike i ka olelo Hawaii.  Ma ke koho mua ana ua loaa ia Caypless 7 balota , Johnson 6 balota me hookahi balota ino.  Ua hapai hou ia e malama hou ia ke koho balota ana mamuli o ka haule o keia balota.  Ma ke koho elua ana ua kau like 7 o Caypless a 7 o Enoch Johnson, aka, ua huli aku ia nae o Russell ma ka aoao o ka Home Rula a puka aku ia o Caypless.

Ma keia wahi i ku mai ai o W. White a waiho mai la i ka inoa o W.H. Coney i Hope Kakauolelo.  Ua nui na hoopaapaa i hana ia no keia noho e na hoa o ka aoao Repubalika, oiai, he mau hana hoopau dala ia.  Ua hoomaha ke Senate ma ke awakea me ka holo ole o keia kumuhana.

A ma ka noho hou ana o ke Senate ma ia auiua la ua hoomau hou ia aku la ka hoopaapaa ana no ka noho Hope Kakauolelo, a mamuli no nae o ka mana o ka Home Rula maloko oia hale, ua kohoia ho la o Coney i Hope Kakauolelo.

Noonoo ia ke koho ana i Ilamuku ua White i waiho mai i ka inoa David K. Kahaulelio, na Achi o Kaulia, ua kohoia ia inoa mua ma ka loaa na he 8 balota, a o Kaulia he 6 balota.

Ua hapai ia ka noonoo ana e kohoia i Elele. Ekolua inoa i waihoia mai Geo. Maxwell, E.H. Meekapu a me S. KI. Maloi, a ua kohoia o Meekapu.

No ke Kahunapule he hookahi no inoa i waiho ia mai e Kalauokalani o Rev. J. Kekipi, a ua aponoia.

Lawe ia mai ka noonoo ana i Mahele Olelo.  O.F. J. Testa a me John E. Bush na inoa i waiho ia mai, a ua koho ia o John E. Bush i Mahele Olelo.

Waihoia mai ka inoa o McMahon i mea kakau pokole, aole he mau kue a ua aponoia oia.

He elua mau inoa i waiho ia o Kauimakaole a me Kahiolani, i mea malama a pulumi hale, a ua puka o Kahiolani.  Na Baraunuhe noi e hoike aku i ka hale o lalo ua makaukau ka hale o luna e lawelawe i na hana.

Ua hoopaneeia ka Senate a noho hou ma ka hora 10 o ke kakahiaka Poaono.

 

 

 

HAUHILI KA AI A KAWELA-A

Hapala ke Kea na ka Ele ka ai

OLA IA KINI KE A MAI LA KE AHI

Hewa ka I’a a Umiamaka he Okea o loko

 

AUWE!  A PILI, A PILI KA’U MANU,

                            Aia no he Ahi malalo ae

 

E KE KIAI E!  HEAHA NA MEA HUNA O KA PO?

PANE KE KIAI:  EIA MAI NA NIOI MIKOMIKO O PAKAALANA.

 

MENE, MENE, TEKELA, UPARESINA.

UA KAUPAONA IA OE MA KA MEA KAUPAONA A UA IKE IA KOU MAMA.

 

Ua puunaua ia na waiwai loaa hewa, a e hiki mai ana ka hopena no ia mea.  E kau liilii ana kekahi poe, a e lilo ana i na Media a me na Peresia.

E NA KILO?  KUAILO IA MAI.

 

 

 

Ua loaa hou mai na lohe ala na keiki himeni Hawaii e noho mai la ma Kapalakiko, ke himeni la maloko o ka halekeaka Chutes, a he nui no ko lakou ohohia ia.

Ua hoea mai la mokuahi Ventura kekahi o na mokuahi hou o ka laina mokuahi Okeanika i kapili ia mai nei ma Piladelapia, ma kona alahele no na Paualaau Hema.  O kana huakai mua loa keia ma na kai o ka moana Pakipika.

 

 

 

NA MEA HOU O KONA.

 

Mai ka Poakahi no a ka Mauna Loa i haalele ai ia Kona nei no Honolulu ka hooma@ ana o ka io a hiki i keia wa o ke mau nei no ka ino.  A o na maweaewa a ka ino i waiho iho, uahina ka puoa o luna loa o ka luakini hoole pope o Hookena, na hoolei ia hoi ka puoa a me ka hele o ka luakini o Homaunau, ua loolei ia e ka makani, a o kekahi hipa o kaupoku o ka luakini o Kopulou, ma Napoopoo, ua olepe ia e ka makani.

O na kumulaau a me na kumuniu ua ulaa pu ia, a o kekahi mau hale ma Kona Akau, ua hoohina ia e ka makani, a me Hookena ua hoohiolo ia ka hala kuke o kahi ohana a pakele mai poino ke ola o ka wahine o ka mea nona ka hale.  He makani Kona a me ka makani kuhonua, ka mea nana i hana keia mau poino, a i ka wa e pa ana ka makani e haule pu ana na pakaua koikoi, e olapa ana kauwila, a e kui ana ka hekili, ua ala pu mai la hoi na nalu o ke kai a hoohaalulu ae la i kumupali, a he ku maoli no i ka weliweli na hana a ka ino ma ka aina nona ke mele kaulana:

Ua lupea opea Kona e ka la,

Ua hino-a e ka lai ke kai a Ehu,

Ua ka ia e ka waimaka o ka Opua, Hanini aku la mauka o Alanapo,

Po ae ia i ka ua na ulu a weli e,

E hooweliweli mai ana anei ka moe ia’u,

He a a no loko au e noho nei e,

    Oia anei e.

I ke ku ana mai nei o ka Mauna Loa, aole oia i ku ma Kailua, ua holo loa mai la no a ku i ke kaikuono o Kealakekua, a ma Kaawaloa i hoolele ia ai kahi mauohua, a ma na waa i hoohikihiki ia mai ai kahi poe o lakou no Napoopoo, a ma ka waa pu i hoolele ia mai ai na eke leta o na Kona nei, a nana kaa i lawe aku ma na wahi like ole.

Wahi a na kamaaina kahiko o na Kona nei, he keu keia a ka ino loihi a lakou i hoomaopopo ai, me he mea ala wahi a lakou.  “Ke kanikau pu nei na lani no ka moiwahine kaulana o Enelani.”

Ua mare ia iho nei kekahi o na kaikamahine a ka makuahine Laika Roy o Kainaliu, Miss Lizzie H. Roy me Thos. E. White, Esq. o ka Hale Dute o Honolulu, na ke Kahu o Hail@lana i hoohui ma ka ber@ta maemae o ka mare ma ka home nani o ka makuahine o ka wahine ma ka la 31 o Ianuari keia mare ana.

      Me ke aloha nui no.

                        KAIOPUA.

 

 

 

E hoea hoa mai ana ka mokuahi Zealandia i anei no ka lawe ana mai he 800 limahana Porto Rico, no na mahiko o Hawaii nei.

He nui no na poe makaikai i hoea ae ma ka la wehe Aha olelo o ke Teritori, aka, aole no nae e loaa aku na la wehe ahaolelo o na au moi, ke hele a le i Kohala i ka nuku na kanaka.