Ke Aloha Aina, Volume VII, Number 7, 16 February 1901 — Page 8

KE ALOHA AINA

 

HE KAAO HAWAII

NO

HAINAKOLO

 

Ka Ui Nohea o Waipio.  Ke Kai kawahine Nana i Wawahi i na Pani Paa o Kuaihelani a Haule Kona Kapu Ihiihi.

 

Pane hou o Keaniniulaokalani imua ona e hopu ana anei oe ia'u e like me kela poe e waiho mokaki mai la i hopu ai ia'u.  Pane ka luna nui, aole e hiki ia'u ke hopu ia oe. No ka mea, ke hoike nei kuu mana hoailona mai kuu mau kupuna mai, aole oe i kipi nou keia waiwai.              Ua pane mai o Keaniniulaokalani oiaio ka ike o ka hoailona mai kou mau kupuna mai, ola oe, ola kou lahui, kou aupuni a mau loa.  E kuu akua i ka mahaku, he koea mai au mai na lima mai o kau keiki mana nui, oia o Leimakaniikamahaku, oia na hoike oiaio maluna o kuu mana kilo a hoailona hoi.  E ola au ia Kamahaku kuu akua, wahi a Kaonohiwelaikekapu.  Ae, oiaio kou ike kilo a hoailona hoi no kau keiki no Leimakamniikamahaku oia kou akua kou haku e pule ai, ola oe ola kou lahui, wahi a Keaniniiulaokalani.  Maanei ke kokoke mai nei ko'u wa e hoi ai, nolaila, ke hoonoho nei au ia oe e moi ui maluna o keia mau aupuni o oe wale no ka ana a mana nui hou.  Akahi.  O kou noho mana ana maluna o keia mau aupuni no ka wa mau loa.  Alua.  O kuu keiki ka mana nui mana nui maluna ou a me kuu moopuna.  Akolu.  O na mea a laua e pane ai ia oe aia kau e hooko ai e ka paewaewa ole.  Aha.  O keia au kaoa kau e hooko ai o ka wa mau loa.  Eia a mea i koe mamua o ko'u hoi ana, o kela mau apuni e waiho kanaka ole mai la, he lahui kanaka maikai anei ia elike me kou lahui aole paha, no ka mea, aole o'u makemake i ka waiho wale mai o kela mau aupuni me ke kanaka ole.  Pane mai o Kaonohiwelaikaihikapu, e kuu aka i ka mahaku a haku hoi o'u, aohe pono o lakou e ola he lahui hookiekie ia, oi loa aku paha ina e noho haku ana au no lakou, o ke kipi mai no ia ia'u elike me oe.  Pane mai o Keaniniulaokalani iaia, aole pela, ina ae oe i ko'u manao e hoola ia lakou a pau mai ka make mai e lilo no lakou i mau makaainana nou, a o oe no ko lakou haku no ka wa mau loa.  Pane mai oia ina pela e hana ka mana nui olike me kau i ike ai he pono o ka'u no ia e hooko aku ai.  I ka pau ana o keia mau olelo a Keanmiiulaokalani, o ka wa ia i ala mai ai lakou a kukuli iho la imua ona me ka mihi ana.  Pane aku o Keaninilaokalani imua o lakou.  Eia ko oukou moi o Kaonohiwelaikaihikapu, hoole i kana olelo he make wale no.  Ua hoi mai of Keaniniulaokalani mai kana huakai imi i na mea huna a Kane i na aupuni o ka lewa a maluna aku, a ua loaa no iaia na ulia poino, aole na i lanakila na enemi maluna ona, no ka mea, aole i lawa ka ikaika hoohana ia lakou.  Ua pane aku oia imua o lakou, ua olioli loa au i ko kakou hui ana he al a he alo, no ka mea, aole o'u manao e hui ana kakou maanei, no ka mea, in a e ui ia na aupuni o ka papaku a me keia honua a me ka lewa a hiki ilaila, aole au e hop, no ka me, ua oi ma ka mana akua ua oi ma ka mana kilo a hoailona hoi, o a ko'u ike maopopo i na hana o keia mau aupuni.  Pane mai o Kuahailo, kuu akua i ka mahaku, kuu haku, ola na iwi ola au keki a me au moopuna, paa ka papaku, paa ka honua, paa ka lewa a maluna aku, poepoe ka ememi, nui ka ike, nui ka mana o kuu akua, aohe enemi e lanakila maluna ou, nui kuu olioli no keia mau hana kamahao a kuu akua i ike ole ia mamua ae nei, nolaila, aohe a'u oohalahala no keia mau hana a kuu akua.  Pane aku o Kuahailo imua o Hainakolo, ma kuu ike ma nuu mai no na mea e pili ana no keia mau huakai elua, no ka papaku a me ka lewa, akahi no a loaa iaia na wahi e hooluolu ma keia mua aku, nolaila, o ka'u noi hope loa keia imua o ke akua nui o kaua no na mea i loaa ia kaua mai iaia mai, no ka mea, aole pono oe ke kali, pau no e hana koke oe.  Pane mai o Hainakolo imua o Kuahailo, au nui na hooikaika ana no'u ma ka mana o ka hoailona o Luukia, ua hoole pololei mai ke akua nui imua o kakou.  Pane mai o Keaniniulaokalani ia Kuahailo, he oiaio o keia mau wahi elua o ka papaku a me ka lewa, o ko'u wahi ia e noho ai a hoomaha ai hoi.  O kau noi no Hainakolo aole i keaia wa, no ka mea, ua pohihihi keia noi au imua o kakou, nolaila, e waiho pela a maopopo.  Pane mai o Luukia ia Keaniniulaokalani, o ka ike i loaa ia Kuahailo o ko manao ia no Hainakolo, he akua oiaio, he mana kilo, he mana hoailona, aohe kanaka o Hainakolo i keia wa a me makou a pau, he akua wale no.  Pane mai o Keaniniulaokalani a Luukia, ua oiaio kou ike ma ka hoailona, a ua loaa ia mea ia olua nolaila, o ka me ahea ka'u e haawi ai no Hainakolo alike me ka elua no ia'u, no ka mea, ua loaa ko mana akua, ka maa kilo, ka mana o ka hoailona, he akua wale no aohe kanaka.  Pane mai o Luukia imua o lakou o ka mana kumu no Hanakolo ia, aole no Leimakani a me kaa keiki, ua nele laua no ka wa mau loa.  Pane mai o Keaniniulaokalani ia Luukia, nui ka ike o ka hoailona i loaa ia Luukia a me Kuahailo, hoi ke aupuni kumu ia Hainakolo, aole a'u olelo hou i koe no Kenoolino no ka mea, ua pau ke puhihihi, na hoike mai ka nuu a me ka hoailona na i ko Hainakolo kuleana mau loa.

 

UA HALA AKU LA NO MANILA

 

Maluna o ka moku lawekoa Lawton i haalele iho a o Miss Martha Afong i kona home aloha a me ka ohana, a au aku la i ke kai ma ker alahele e loaa aku ai kaa mea i aloha ai e noho mai la ma ke kahue kaua o Manila.  I holo aku la eia no ka hipuu ia ana me Lutanela Doynerty o ka regimaua 17.  Ua kipa mai keia lutanela he elua makahiki ae nei i hala i ka wa e hoouna pupuahulu ia ana o na regimana kuikawa mai na mokuaina like ole mai o Amerika Huipuia no Manila iloko o ka regimana Minesota i hoea mai ai keia lutanela i aei, a iloko o na la ekolu o ka noho aha o ka moku maanei ua pili paa iho la ke aloha iloko o ko laua mau puuwai.  Ma Manila e awaiaulu ia ai laua iloko o ka berita laahia o ka mare.

 

KOMO O DEWIT I CAPE COLONY

 

Ladana, Ian 31.  Ua hoike ia mai, wahi a ka mea kakau o ka Daily Mail ma Cape Town, ua komo aku la o Kenerala Dewet me kona pualikoa ikaika iloko o Cape Colony.  O na hiona pihoihoi ma Enelani no ka ullohi o na hoonee kaua ana ma Aferika Hema, aole ia i apono ia, oiai, aia ke homakaukau ia la kekahi nee kaua nui ana ma keia mua koke iho.  Ua loaa ma la i keia la he hoike mai a Haku Kitchener mai i ka keena kaua mai pretoria mai no ka la 29 o Ianuari penei.  He puali Boa kai komo aku i Beirsburg i keia kakahiaka me ka hoopoino aku he elua lua maina.  Ua malama ia he hakaka mawaena o na Boa me na Beritania, a iwaena o na Boa i lawepio ia o Alakai Marais kekahi.  Ladana, Ian 26.  He lono kai loaa mai nei ma Kimberley mai.  He kaaahi me kekahi mau koa me na lako ai kai hoohu ia mailuna aku o ke alahao a hopu pu ia iho la e na Boa ma Slyklip, ma ahi kokoke i Fourteen, ma ka akau aku o Kimberley i keia kakahiaka.  Ua hoouna ia aku la he kaaahi pale kila no ka uhai ina mahope o na Boa.

 

MA KE KAUOHA

 

NA AHUAU WAI-OIHANA WAI

HONOLULU

 

NA AUHAU MAOLI

 

Pauku 1 O na hale e noho ia ana e hookahi ohana, e ui aa i ka ili aina o (aole i hui ia na lanai i wehe h@mania ia)

 

Kapuai kue                  1 Hale              2 Hale

0 a ka 600                    $6.00               $9.00

601 a ka 800                 7.00              10.00

801 a ka 1000                8.00              12.00

1001 a ka 1200              9.00              13.00

1201 a ka 1400            10.00              15.00

1401 a ka 1600            11.00              16.00

1601 a ka 1800            12.00              18.00

1801 a ka 2000            13.00              19.00

2001 a ka 2500            14.00              21.00

2501 a ka 3000            15.00              22.00

3001 a ka 3500            16.00              24.00

3501 a ka 4000            17.00              25.00

4001 a ka 4500            18.00              27.00

4501 a ka 5000            19.00              28.00

5001 a ka 5500            20.00              30.00

5501 a ka 6000            21.00              31.00

 

No ua hale hookahi hale ke kiekie, e hui ana he ili aina nui maluna o eono tausani kapuai kuea, e pakui ia hookahi dala no kela a me keia elima haneri kapuai a i oe hakina, a he 50 pa keneta o ka auhau o kookahi hale ke kiekie e hookau nou ia iho maluna o ka hale e pakui hou iho ana i kona kiekie.  Ma kahi o na hale e noho a ana maluna aku o kookahi hana, e pakui hou ia aku he ekolu-hapaha (3/4) o kona auhau, koe wale no oia mau ohana-elua a i ole oi aku e noho ana ma ka papahele hookahi, ma ia, o ka auhau oka hana pakahi e uku ai oia o ka auhau o ka ili aina o ka papahele e noho ia ana e ia ohana, elike me na hoakaka a ka papakuhikuhi malua ae.  E hoolohe.  O ka auhau wai i hoakaka ia ae la no na mea pili wale no ia i ka hale noho, aka, aole nae ia i oohui ia ma keia auhau kuikawa malalo iho nei.

 

AUHAU KUKAWA

 

Pauku 2.  No na lio a i ole hoki me ka huipuia o ka wai holoi no na kaa:

 

No 1 lio                                               $3.00 o ka makahiki

No 2, 3, 4 a me 5 lio                            $3.00 o ka makahiki pakahi

No 6 a ke 50 lio                                   $1.00 o ka makahiki pakahi

No 51 a maluna aku                            $0.75 o ka makahiki pakahi

No 1 bipi wahine                                 $1.50 o ka makahiki

No 2, 3, 4 a me 5 bipi wahine             $1.00 o ka makahiki pakahi

No 6 bipi a ma luna aku                      $0.75 o ka makahiki pakahi

 

Pauku 3.  O ka hookahe wai ana e hanaia no ia maloko o eha (4) o ka la e like me ka manawa e hoolaha ia ana e ka Luna Nui o ka Oihana Wai, a e uku no ia ma ka hapa-ke-neta o ke kapuai kuea i ka makahiki, aole hoi he auhau makahiki e emi malalo o ($5.00) Elima Dala.

 

Pauku 4.  O na helekuai, banak, phui palaoa, hoahu ukana, inu rama, halekuai mea ai, hale aina, hale baba, halekua bipi, hale humu buke, amara, kuai mea ono, hotele, hale hoolimalima, hale pule, holo, raikii, pai nupepa, enekini mahu, hale meakanu, makeke, paukaukau makeke, hale lio, inu wai momona a me na wahi lawelawe oihana e ae, e auhau ia o lakou e like me ka noi o ka wai la lakou e hoohana ai.

 

Pauku 5.  E haawi ia no ka wai i na moku e pili ana i na uwapo a pau ma ka aeai ma kahi o na paipu i hoomoe ia ai, i na hora 6 am a ka hora 6pm o kela a me keia la ma ka auhau e hapa keneta no ke galani hookai.

 

(Kekauinoa ia)

J.A. MCADLESS,

Luna Nui o na Hna Aupuni

Honolulu, Feb 13, 1901

 

He nui na poe piliwaiwai 7-11 i hulu ia ae i ka halewai  ma a La Pale nei.