Ke Aloha Aina, Volume VII, Number 7, 16 February 1901 — Page 3

KE ALOHA AINA

POANO, FEBERUARI 16, 1901

 

MOOLELO HOONI PUUWAI

 

––:NO:––

 

Kuu Aloha i na Pua, Kuu Ipo o na Launahele!

 

Ka Makaikiu Kupaianaha!

 

MOKUNA I.

 

AOLE O OE KA’U WAHINE MARE.

 

I ke kaao ia anaia o keia moolelo oia no ke ahiahi o ka mahina o Iune 18—ke ahiahi hoi a Silevia Le ma e noho ana me ke kali hoomanawanui no kana kane o ka huli hoi mai, ua hala ae ka hora elima o ke ahiahi, ka manawa hoi a ua kane ala i hoopaa mai ai i kana hoohiki e huli hoi mai ana ia no Lokowai Home ma ia manawa, hora ehiku oia ka manawa o Hana ka wahine kauwa i komo mai ai a hoike i kona haku wahine ua makaukau ka paina ahiahi, aka, o ka pane ma ka aoao o ka haku wahine, e kali iki iho a hoi mai o Ailika Lima.

Ae, o Ailika Lema, oia ka inoa o ke kane a ka ui Silevia, a o ke kanaka hoi nana na olelo hoopaa mua o ka hoohiki e hoea hou mai ana oia no ka hale ma ka hora elima o ua ahiahi la, aka, i keia hora iho la nae.  Auhea oia?  Aole loa oia i huli hoi mai no ka hale.  Nolaila, o ka wehe ana o ka kaua moolelo, aia na olelo paa mau ma na lehelehe o ka ui Silevia.  “Kuu aloha i na pua, kuu ipo o na launahele.”

Oiai, ua Silevia nei e noho ana me na noono anoai no kana aloha.  aia hoi, ua kani mai la ka hele o ka halepule Rafaela e hoike mai ana o ka hora ehiku ia me ka hapa.

Wahi a Silevia.  Heaha la keia o kuu Ailika Lema, ua halawai anei oia me kekahi ulia ma kona alahele.  O!  E kuu aloha i na pua e aha ana oe?  A e kuuipo o na launahele heaha keia mau apaapa ana au?  Kokoke e hiki i ka hora ewalu aole oe i hoi mai.  Auwe!  Ke hopohopo loa nei au nou.

Aole i pau pono aku na huaolelo a ua Silevia nei, aia hoi, ua hemo mai la ka puka a komo mai la o Hana a hoike, ua aneane e kani ka hora ewale aole i hoi mai ka haku hale, aka, eia he leta mai iaia mai, wahi a ka elele i hoike mai nei mai mai Barae mai nei oia me ika awiwi nui.

Ua lalau aku ka ui Silevia i ua leta ala a honi iho la ia me ka naau o ka wahine i piha me ke aloha oiaio no kana kane, alaila, uhae ae la oia i ka wahi a heluhelu iho la me ka malie, alaila, me ka leo ano hehena hoopuka ae la oia i keia mau olelo:

“Lokoino!  Lokoino maoli oe e Ailika Lema,” ua kuhi au he pono la kau, eia ka he kumakaia a he lapuwale oe.  Heaha la hoi, he au ko ka manawa e uku ai kela a me keia o kaua i ko kaua mau hewa a me na bala iho.

O keia ae i na olelo a Silevia i hoopuka ae ai a heluhelu iho la oia i na olelo o ka leta a e heluhelu pu ia e kaua e ke mea heluhelu me ke akahele.

Kuu Silevia aloha:  He mea pono ia’u e hoike aku ia oe i na mea a pau, aka, e loaa mai ana nae na ahewa ia mai a oe mai.  No’u iho aohe a’o huaolelo kala ma ko’u aoao, aka, he hookahi wale iho no o ke aloha.  Ae, e kuu Silevia, ua aloha au ia oe me kuu puuwai a pau, a ua aloha hoi ia oe me kuu naau a pau, a ua hiki ole maoli no ia’u ke ola ina aole oe.  E hoomanao mau iho iloko o kou inaina ana no’u nei a hoopuka ae paha i na olelo e hoina ia’u, aole loa au i poina nou, ua aloha au ia oe, me he mea la, aole wahine maluna o keia ilihonua a’u i oi aku ai o ke aloha a me ka makee ana iloko o kuu puuwai e like me oe.

Aka, e Silevia, ua hamabaga aku au ia oe, a i na pela iho la ke ano i lilo mai ai kou aloha ia’u, alaila, e kala mai oe ia’u, no ka mea, aole paha owau ke kanaka mua i hanaia karaima ekaeka loa o ka mare ana i kekahi wahine malalo o ka aahu wahahee a me ka hoopunipuni.  I mea nou a me a’u e maemae ai kaua malalo o ka olelo a ka poe kahiko, e hale kipa kaua e pono ai, alaila, e ike oe i ka oiaio o na mea a pau mai ia’u aku.  Ua ike oe e Silevia aole loa e hiki ia’u ke hauoli i na hauoli ana o keia ola ana i na aole oe.  Aka nae, i keia hora a me keia minute iho la, aole ae la ua aloha nemo ole nei ia’u no ke aha mai la keia?  E Silevia aole oe o ka’u wahine mare, ae, aole oe he wahine mare na’u, aole imua o ke Akua, aole ho imua o na kanaka.  Ua manaoio paha oe o Ailika Lema ko’u inoa a he kanaka hoi o ke kulana i maa mau i ka ike ia, aka, aole nae pela, ua keakea ia mai au e ka mana o na kanawai lahui o Beritania nei, a ina aole pela, alaila ua hoike e aku au ia oe no ko’u ano.  Ano, e manaoio mai ia’u e Silevia ke kakau nei au i keia me ka ehaeha a kaumaha o ka naau no ka’u hewa nui i hana aku ai ia oe, no ka mea, o kela hoohui mare i malamaia mawaena o’u a me a’u he hoohui mare ia o ke apuka a me ka wahahee, a ua mare wale ia iho no koua ma ka lehelehe a me na olelo puahiohio oiaio ole.  Nolaila, me ka manaolana mau e alakai ia kou ola ana ma ke ala e hoopoino oleia ai kou ola ana no ka loaa hou aku ia oe he kane i like ke aloha ia oe e like me kau Ailika Lema nei.

Aka, e manaoio mai ia’u e Silevia ke kakau nei au i keia me ka ehaeha a kaumaha o ka naau, no ka’u hewa nui i hana aku ai ia oe, no ka mea, o kela hoohui mare i malamaia mawaena ou a me a’u, he hoohui mare ia o ke apuka a @ ka waha@, a ua mare wale ia iho no kaua ma ka lehelehe a me ia olelo puahiohio o ka oiaio ole.

Nolaila, me ke manaolana mau e alakai ia kou mau noonoo wahine a lede oiaio ma ke ala e hoopoino ole a ai kou ola ana no ka loaa hou aku ia oe he kane i like ke aloha la oe elike me kau Ailika Lema nei.

O na ahewa a me na hoino ia ana e hoomanao iho, aia la maluna o kou hokua, a e hala ole oe ma la mea oiai, ua manaoio paa i a paha oe o oe io no ka’u wahine mare, aka, ma keia ke hoike hou aku nei au, aole ae o ka’’u wahine mare.

E Silevia, he ea paakiki no’u ke kaawale ana mai ia oe mai, oiai, ke aloha e paa ana mawaena o kaua ua hooikaika nui au e hakoko me na manao hehena o ke kuko, eia nae ua lanakila ae la ke kuko maluo’u, a na ia kuko i alako aku ia’u e komo iloko o ka hoohui mare apuka me oe.

Nolaila, i ke kaawale ana no ko kaua manawa hope loa, eia au ke waiho nei me ka hui banako o Kini me Gerehama me, he waihona nou a me ka kaua keiki, a e loaa mau aku ana hoi ia ia oe ke kauoha ae oe i kuu lolo Kevika, no ka mea, e waiho aku ana au me ia no ka hooponopono a malama ana i ko olua pono me keiki.

O Lokowai Home no olua ia no ka wa mau loa, a no kau Ailika Lema nei la, aole loa ia e loaa hou ana ia oe maluna o keia ilihonua, no ka mea, e nalowale aku ana ia mai ia oe aku no ka wa hope loa.

E huli mai ana paha oe no’u malalo o kela koi he wahine mare oe na’u, a pela hoi au he kane mare ia nau, aka, e Silevia, ihea au e loaa ai ia oe?  Aole loa iloko o keia ao.

Ma kahi o Ailika Lema, aia he Ailika akoa au e hoohewahewa loa ai, a he ulia ko kaua hui hou ma keia mua aku, alaila, e pahaohao ana oe ke ike iho aole au o ka Ailika Lema o keia hora, aka, o ka Ailika Lema au o ka papa o na poe hanohano loa.

Ano, me kuu puuwai i hoehaeha ia nou e kuu Silevia aloha, pela aue hoomaha hope nei i ka’u kakau ana, a ke noi hope nei i kau huikala ana mai, a e hoao iho ma na ano a pau e hiki ai ia oe ke hoopoina ia’u, hoopoina ia’u ma ke aloha, hoopoina ia’u ma na ano like ole e hiki ana ia oe, a e hauoli hoi me ka mea a kou puuwai e aloha hou aku ai.

Aole loa he hora luuluu e ae a kuu naau a me kuu puuwai i ike ai i ka ehaeha elike me keia, aka, e hele au e pono ai a e kaawale hoi ma ia oe mai.  E haalele iho ana au ia Sekotia nei o ka hoohakalia ole, a na ke Akua e hoomaikai mai ia oe e kuu Silevia iloko o kana mau kiai ana.

Kau aloha me ka oiaio,

Ailika Lema.

 

O kela a@ la ka leta @ @ loa a kela kanaka i kana wahine, ma kou, hoole maoli ana mai aole o Silevia he wahine i mare ia e ia he @ ke a@ o na kanaka elike me keia, aole anei o keia ano kanaka kumakaia a lapuwale o lakou kekahi poe e lawe ia ko lakou naau poo maluna o ka paepae oki a hookaawale i ko lakou kania i mai ke kino aku?

Na kela leta kumakaia no hoi i hoop@ aku i na aakoko oki ri Silevia e lilo ai ola he lede puuwai pohaku, a o ke aloha pumehana i ike ia i na la aku la i hala ua puanuanu iho la ia, a no keia ano paha ka mea i hooheno ia e na keiki puni mele:

Koekoe kuu po hoa ole ke moe.

I lohi hookahi aole koolua.

Ae, ua puanuanu a paakiki ka puuwai o ka ui Silevia, a ua ano hehena hoi kona noonoo mamuli o kela leta ana i heluhelu ai, a o ka inoa Ailika, oia ka ua Silevia nei i hoohoae ai me ka leo uwe o ka ehaeha, a na ia leo uwe o ka hoopu wa i hoouna awiwi mai i ka wahine kauwa no ke alo o kona haku wahine, a haawi mai la i ka huaolelo o ka ninau ina paha ua kahea aku oia (Silevia) iaia.  Aole, me ka hoomau hou ana aku i ke kamailio.  E Hana hele aku e nai ia Jinnie na makemake au iaia a me ka bebe e hele mai.

O keia kauoha oia ke ka wahine kauwa i hooko aku ai, emoole, aia o Jinnie ka wahine malama keiki me ka bebe a ku ana imua o ke alo o Silevia me ka makaukau e hooko i na kauoha e haawi ia mai ana, e ka haku wahine o ka hale, ua lalau a hopu mai o Silevia i ka bebe a puili aku la iloko o kona umauma me ke kanaena e ana iho.  Kuu aloha i na pua, kuu ipo o na lau nahele, a e kuu kamaiki aloha, auhea kou papa?

Ua leha a nana ae na maka poni uliuli o kela bebe iluna i na make aloha o kona mama a kamailio ae i keia mau olelo:  Kuu papa, kuu papa.

Poor child.  auhea auanei kou papa, ua haalele a kumakaia mai oia ia kaua, a ina he mea hiki i na Lani ke hoopakele mai ia oe mai ka lilo ana aku i kanaka e ukali a e hahai ana mahope o ka meheu o kou makuakane, alaila, ke noi nei ka’u leo pule, mai hookuu ia oe e lilo i ka hoowalewale ia mai, a e hoopakele ae hoi ia oe i ka ino.  O!  Kuu keiki!  Kuu keiki!  E lilo ana anei kaua i mau kuewa e aea ana maluna ao keia ao akea, a e aahu ana anei kaua i ka aahu o ka poe makilo a nonoi?  O Jinnie!  Lawe aku iaia a hoi aku no ko olua rumi, aole e hiki ia’u ke nana hou maluna o kona mau helehelena.  O Ailika, kuu Ailika lokoino, ua kuhi paha oe ua poina au nou.

Aole loa au e hoopoina ana ia oe, e hoomanao mau ana au nou, o oe kuu aloha i na pua, a o kuu ipo hoi o na launahele.  Ua houle mai nei oe aole au he wahine mare nau, alaila, heaha ia au nau i keia mau makahiki elua i hala hope aku, aole anei ao o kau wahine mare?  O, e na lani o oe ko’u hoike ma keia hihia, a ina ua pono a hala ole o Ailika Lema, aloha, nau no e ka’a lai me ka maemae, aka, ina ua pia kela hao kuni ma kona lae elike me ko Kaina, alaila, nau no e ahewa iaia elike me ka nui o kana mao hewa i lawekala ai.

Ua haawi iho ua Silevia nei he muki hoi maluna o kana kamaiki me ka leo pule hope i na laui no ka malama a kiai ana mai i na kainaiki aloha ala ana, a e hoopakele hoi iaia mailoko mai o na ino a me na hoowalewale ia no kona lilo aku i kana hoopono, a aloha oiaio mahope aku ke hiki mai na makahia i o ke kanaka makua.

Aole i pau.