Ke Aloha Aina, Volume VII, Number 7, 16 February 1901 — Page 2

KE ALOHA AINA

KE ALOHA AIN, POAONO.                      FEBERUARI 16, 1901

 

HONOLULU ......... FEB. 16, 1901

 

            Ke hoopahupahu liilii mai nei no kekahi mao nupepa namu o kakou i lahi mao mea huna o loko o ke keeua halawai o na moho Kuokoa Home Rula, e kukakuka malu mai nei no ka lakou mea e hana aku ai maloko o ka Ahaolelo me ko lakou makemake ole nae e puka aku ia mau mea i waho i ke akea a hiki i ka wa o ka hana, alaila, oia ka wa a hoike ia mai ai imua o ka lehulehu, eia nae ke huai malu ia nei e kahi poe no o lakou, a ke puka liilii nei i waho, a na kahi mau nupepa ninin ia e hoopahu e mai nei; malia paha he mao i'a eepa (muhee) no paha kahi iloko oia haheku.!  E na moho Ho ne Rula makaala mai ana oukou i kahi poe oia ano, i ola ka lahui ma o oukou la.

 

            Ua manao wale ia o kekahi o na bila ano nui e lawe ia mai ana i keia kau oia keia:  E hoopau loa ana i na laikini kuai rama liilii o ka waiona ikaika.  E haawi ia na ke aupuni e ana a hoolako i na nalekuai rama a pau i loaa na laikini kukaa a me hoohainu rama, i loaa ai i ka lehulehu inu waiona na rama maikai e inu ai me ka paipai ole ia me ka wai akika a me kahi mau mea ino e ae paha i ike ole ia aku ai ka hana akamai imi loaa a na hale rama e hana mai nei iloko o na ano mea inu a pau a ka lehulehu e inu nei; mai na wai ikaika o na ano a pau, a me na mea inu mama elike me ka bia a me ka waina.

 

            INA he olaio e lawe ia mai ana keia bila kanawai i keia kau (e kala ia mai makou ke hoomaoe wale ae no) alaila, o kekahi ana paha keia o na kumuhinu ai dala a kahi poe e hawahawa ai na lima i ke kipe olai, ua maopopo loa e kue ikaika loa mai ana paha kekahi poe halekuai rama i loaa na laikini, i keia bila kanawai; a oia aoanei ka wa e hele uluulu mai ai na hana ino ekaeka o ke kipe ka mea i maa mau ma na wa Ahaolelo a pau a kakou i lohe mau ai, i mea e umiapuaa ia ai keia bila a haule wale.  Nolaila, ma ka aoao o ka lahui, a no ka pono hoi o ka lehulehu, ka poe nona ka makou makapeni e paio mau nei, ua manao makou o kekahi keia o na bila kanawai maikai loa a kupono hoi i na moho o ka aoao lahui e hooikaika ai e hooholo ia, oiai, o ka hapanui o kekahi poe o ko kakou lahui he poe inu rama lakou; a no ka pomaikai oia poe, he mea pono e loaa ia lakou na rama maikai e ino ai i ana ia e ke aupuni, a hookomo ia ai iloko o na halekuai rama a pau a ke aupuni i haawi ai i na laikini, a he palekana aua la o ka lehulehu mai ka ino ana i na rama ino.  No makou iho, ke manaoio nei, aola no e poni ana kekahi o ko kakou mau wahaolelo i na hana ino ekaeka o keia ano e hana ia mai ana ia lakou, aka, he manaolana ikaika ko makou e hana ia ana no ka pono o ka lahui ma o lakou la, a e lanakila hoi ka hoopono maluna o na hana ioo a pau e manao ia ana e hana maloko o keia kau Ahaolelo oiai o ka hapanui o ka hale, aia no ia lakou.  A aole no auanei e nele ka lilo o ka lanakila ma ko ka lahui aoao.  O ka lakou hana oia ka kakou e nana aku e like me ka olelo.  Ma ka hua e ike ia ai ke ano o ka laau, a ma ka hana hoi e ike ia ai ke ano o ke kanaka.

 

EIA KE HOOMAKAUKAU IA NEI.

 

            Eia ka hoomakaukau ia nei kekahi mau keena o ke Kapitala i mau hale no ka Ahaolelo mua o ke Teritori Hawaii e noho mai ai ma ka Puakolu ae nei, Feb 20.  O kahi e hookaawale ia ana no na Senatoa ola kela wahi e waiho wale la o ka hale o luna o ke kapitala mawaena o ka rumi o ka Loio Kuhina a me ko ke Kiaaina.  Ua hoea na pakaukau o na Senatoa a me he mea la mamua o ka Poaono e pau ai na hemahema a pau i ka hooponopono ia.  E paku ia ana na puka e komo aku ai i ke keena o ke kiaaina a me ka loio kuhina i maluhia ka noho ana o na Senate.

            Eia pu ka rumi kalaunu o ke kapitala ke hoomaemae ia mai nei, a malaila ka Hale o na Lunamakaainana.

 

MAKUAKANE O KA HOOMANA THEOSOPHY.

 

            Eia ma ka Hotele Hawaii e noho nei i keia mau la o Koneia H. C, Olcott, ka mea nana i kukulu i ka hoomana Theosophy, he 25 makahiki i hala ae nei ma Nu Ioka.  Ua olelo ia ae aia me ia kekahi mana ikaika i hiki ke hoola i na ma'i ma ka hoopa ana aku me kona mau lima.  I kona nipau ia ana aku ina eia no ia ke lawelawe nei ia oihana, ua hoole mai oia, aka, ua hana no nae oia ia mau hana mamua.

            E haawi ana oia he mau haiolelo maanei e pili ana i kona hoomana mamua o kona holo loa ana aku no Amerika Huipuia. Mai Inia ola i hele mai nei, a ma ka mokuahi Coptie e holo aku ai oia no Kapalakiko ma ke kipa pu aku ma kekahi mau kulanakauhale nui o Amerika Huipuia a hoea loa i Amerika Hema e haiolelo ai no ka pono o kona hoomana.

 

ELUA MOKU AMERIKA ME NA KOA POINO I KIPA MAI LA I ANEI.

 

            Ma ke awakea Poaha nei i hoea mai ai ka moku haukipila Solace mai Manila mai ma kona alahele no Amerika Huipuia me na koa poino maluna ona i hiki aku ka noi i ka 17, i loohia i ka m'ai a hoehaia maluna o na kahua kaua o Pilipine a me Kina.  Aia maluna ona he eha mau koa i hoeha kukonukonu ia ma kela kaua weliweli o Tientsiu no lakou na palapu aola i ola a hiki i keia wa, a he ekolu o lakou e hoi muumuu nei no ka home.

            Aia pu maluna o ka Solace he 12 pio Amerika e laweia ana no ka mokupuni Aleratz e hoopaa ai.  He hookahi o lakou i lilo he Kenerala no na Pilipine maluna o ke kahi mau hoouka kaua kue i na Amerika mamua o kona hopupio hou ia ana e kona mau hoa Amerika, a no ia hewa e hpopaahaoia ana oia a pau ke ola.

            Ma ka hora 9 o ia po no i hoea mai ai ka moku lawekoa Indiana mai Manila mai no, a maluna hoi ona e hoihoi ana oia he ehiku haneri koa ma'i hoeha ia, a me na poe i heokuu ia mailoko mai o ka oihana kaua.

            Aia malalo o kona mau lua ukana he elua haneri pahu kupapau me na koa make e hoihoi ana no ke kanu ia ana ma Amerika Huipuia a i ole no ka haawi ana aku i ko lakou ohana, he mau moepua na na poka a me ua ma'i ma Pilipine.

            O keia ehiku haneri koa e huli hoi nei aole maluna o lakou na helehelena hauoli e like me na la a lakou i kipa mua mai ai i anei ma ko lakou alahele no Manila me na leo huro e wawalo hele ana maluna o ka ilikai o ke awa lai o Kou nei.  Aka, he mau helehelena hakanu a me ka ehaeha ke hekau ana maluna o lakou e hoike maopopo mai ana o ka huakai a lakou i hele aku ai aole ia iloko o ka hauoli, aka, ua halawai aku lakou me ka ehaeha, a he mau kausani hoi o ko lakou manahoaloha i moe aku la i ka moe kapu o Niolopua, mahope o ka hakaka ana no ka pono o ko lakou hae e pulelo haaheo la maluna o ka aina a lakou i manao ai a kaili lima nui mai mai na Pilipine.

            Aia pu malina o ka Indiana he aliikoa iloko o na haawina ehaeha ma o ke kikoo ana mai o ka lima o ka make a lawe aku ia i kona kokoolua o keia ola ana, he wahine, malalo o Manila. E hoihoi ana oia no ke kanu ana ma ko laua home aloha.

            Ua ili ka Indiana ma na kapakai o Luzon, aka, ua hemo hou mai no nae oia mahope o ke kokua ana a kekahi mau mokuahi e ae.  I kipa mai la lana no ka hoopiha nauahu ana, a ua manao ia ma ka Poakahi ae nei e haalele iho ai laua no Kapalakika.

 

MAKE HOU NO O AGUINALDO.

 

            Ma ka mokuahi Rio Janeiro i hoea mai ai e H. F. Symour mai Manila mai ma kona alahele no Amerika Huipuia.  Wahi ana, he manao io kona ua make o Aguinaldo, ke alakai o na Pilipine.  O kona lohe hope ia ana ma kahi no la o ekolu a i ole eha mahina i hala ae nei, i ka wa a na koa Amerika malaio o Kenerala Fonston i komo aku ai nolo io o na mauna.  Ua lawe pio ia e lakou he heluna nui o na waiwai a me na pepa a Aguinaldo, a mai na Pilipine i loaa aku malaila, ua hoike mai lakou, ua hoeha kukonukonu loa ia ko lakou alakai.  Wahi hou a lakou mahope o kona lawe ia ana no loko o na mauna, aole he wahi mea i lohe hou ia nona a hiki i keia wa.  Ina ola no oia ke ula nei, he mea kanalua ole e lohe ia ana no kekahi mea e pili ana nona.  A ma ia kumu aia na poe o Manila ke madaoio la ua huipu aku la oia me kona mau koa i hala mua aku la i ka make.

            I ko Seymouor ninau ia ina aku no ke kulana kaua ma Pilipine i keia wa, ua pane mai oia he mahaoio kona ua kokoke mai ka hopena o ke kaua.  He 35 aliikoa Pilipine i lawe ia aku no Guam, ma ka la mamua iho o ko'u haalele ana ia Manila.  Aia hoi iloko o kekahi pa hoopaahao ma Manila he 9000 koa Pilipine e paa la.  Mawaena o na aliikoa i laweia aku no Guam o Kenemala Pilar kekahi, i lawe i ko kupa Amerika, aka, ua ike ia no nae mahope iho ma kana haiolelo  e hoao hou ana oia e hooulu i ka haunaele.  Ua hopu hou ia oia, a lawe hou i ka hoohiki kupa, aka, mahope iho nae ua loaa iho la oia e kukai leta malu ana me ke kakauolelo e Aguinaldo.

            Aia o Kenerala Funston me kona mau kanaka iloko o na mauna, a o Kenerala Grant hoi aia oia ke kiai ia ma Luzon Hema.

            E holo ana o Seymour no Amerika Huipuia, no ke kuai ana i mau lako hoonoho hua a me ona papapai nana no ke kukulo aua ma Manila.

 

POINO HOU NA AMERIKA.

 

            Manila, Feb 2.  O Lutanela Hicken me kanakolu koa o ka regimana 34, oiai, lakou e hele ana maloko o ka muliwai ma ka po Poalua nei, ua lele kaua la mai lakou e na Pilipine, ma Fiesta Siu Lucia.  Ua make he elima Amerika, eha i hoehaia a me eloa i nalowale.  Ua manao wale ia na uni no ka make o na Pilipine.  Ua hoouna ia aku na koa no ka hoopuni ana i na Pilipine.

 

            O na loaa aupuni no ka makahiki i pau aku la he $4,304,656.16, na hoolilo he $3,680,184.91.  O ke koena maloko a ka waihona he $624,471.25.