Ke Aloha Aina, Volume VI, Number 52, 29 December 1900 — Page 5

KE ALOHA AINA, POAONO, DEKEMABA 29, 1900.

HOOLE IA KE NOI.

            Ua hoea aku o David Dayton imua o ka Papa Ola ma ka Poakolu nei, a noi aku la i @a Papa la, o na aina o ka Ahahui Ilina Oahu e waiho nei ma Nuuana e ae la e kuai ia aku ma ke ano ilina. Ua noi pu aku ola e ae ia na ala ololi na ilina e kuaiia i na ohana e makemake ana no lakou na pa e pili kokoke ana. O keia mau noi ua hoole ia mai ia e ka Papa Ola me ka hoike ia mai ma ka la 1 o Ianuari e hoopau ia no ke kanu ia ana o na kino maloko o na pale@a o ke kulanakauhale, a o ka poe wale no he mau kuleana ko lakou oia wale no ke ae ia ana mahope aku o laila.

            Ua hoike hou aku o Dayton o @a apana ilina aole ia e hiki ke kuai ia aku i na mea a pau, oiai, he kiekie loa ke kumukuai no na poe ilihune, a i na poe kuonoono wale no e hiki ai ke hoolilo ia.

            O ke kino make o na ilihne a me na poe waiwai, @a like no a like e Mr. Dayton, wahi a Mr. Dole me ke kuoo.

            Ua hoike aku o Kauka Kupa, o ka rula i hooholo ia e ka Papa Ola e papa ana i ke kan@ la ana o na kino maloko o na palena kulanakauhale e hooko ia ana ma ka la 1 of Ianuari, Ua huli ae la o Dayton a hoi aku la me ka nele.

 

NA LIMAHANA PORTO RICO.

            Maluna o ka mokuahi Rio Janeiro i ku mai nei ma ke kakahiaka La Pule nei, i hoea mai ai na limahana Porto rico mua loa no keia awa no lakou ka heluna he 56 wale no, a o ko lakou heluna he 112 i ae ai e holo mai no ka hana ana maloko o na mahiko o Hawaii nei, ua noho aku la he hapa o lakou i Kapaiakiko me ka ae ole e holo mai i Hawaii nei e hana ai.

            Mahope o ka pili ana mai o ka Rio i ka uwapo ua hoopili aku la ka mokuahi Lehua ma kona aoao, a oia ka wa i hookau ia mai ai keia mau limahana maluna o kona oneki. I ko lakou pau pono ana mai iluna o Lehua, oia no kona wa i haal@le iho ai i ke awa o Kou nei a holo pololei aku la no Kahului, ka pahu hopu o ka huakai au moana a keia mau limahana Porto rico.

            Mamuli o ka holopono ole ana o keia hoouna mua ia ana mai o na limahana, a ke hanu ino nei lakou i kahi e loaa ai he mau limahana hou e hoopau ia ae ai keia nele nui. Ua manao ia e hoao aku ana lakou ma keia mua aku e lawe mai i na limahana Canada. Hahai mau no ka poino i ua poe puni waiwai nei.

 

HOOKAPU IA KA WAIONA.

                        Ma ka halawai ana a ka Papa Ola ma ka Poakolu nei, i haawi ia aku ai ka mana piha ia Agena Reynolds no ka hopu a hoopoino ana i na waiona a pau e loaa aku ana maloko o na palena o ke kahua ma'i lepera. He hooko ana aku keia i kekahi olelo hooholo i apono ia ma kela pule aku nei, e hookapu ana i ka waiona a i ole i ka pu mai ka hookomo ia ana aku iloko o ke kahua ma'i, koe wale no ma ke ano he laau na ka Papa Ola. Ua hoike ae o Reynolds ua loaa iaia mamua aku nei he mau omole gini kakaikahi, wisike a me ka bia. O ke kumu paha i ulu mai ai o keia hookapu ana o ka Papa Ola, mamuli ia o ka nui o na hoike e pili ana i ka nui o ka ona ke kahua ma'i.

 

LOAA KA PAPA POHAKU O KA HOOMANA MORAMONA.

            Carbondale, Ill.,, Dec. 13. O Marshall Penrod, e noho nei ma kekahi kihapai e kokoke ana i kahi kauhale o Dong@ia, ma Union County, oiai oia e pa@li ana no ka ula@ ana he okumu oka mailoko mai o kana mala ua@a ma kahi kokoke i kona wahi noho, ua loaa iho la iaia he pohaku nui @ona ka loihi he hookahi kapuai, a nona hoi ke anapuni he ewalu iniha. Mamuli o ke ano e o kona nanaina i like me kekahi buke pakeke, ua lilo ia mea nana e makaikai nui ai. A i kona wa @ hakilo pono ana i ua wahi pohaku la, ua ike iho la oia i keia mau huaolelo i palapala ia ma ka olelo Enelani a i kalaila iluna o ua pohaku la, penei: Maloko o keia pohaku na olelo i kakau lima maoli ia o ka buke a Moramona. Iosepa Kamika.

            Ua eli ia o loko o keia pohaku mai kahi a kahi aoao. A ma na poo o na pohaku @a ua makia ia me kekahi mau laau @ed@ ulaula I ka wa i wehe ia ae ai o kekahi o keia laau ceda, ua loaa iho la kekahi mau apana pepa i kakau ia me kekahi mau huaolelo ano @ i maopopo ole kona manao. A malalo o ka aoao hope o na apana pepa, ua kakau hou ia iho la keia mau huaolelo Enelani, "O ka mea e loaa ai keia mau palapala e hoouna aku i na lunakahiko o ka luakini Moramona."

            Aia no me Penrod keia poha ku i keia wa, aka, ua hoouna aku la nae oia i na hoike i ka luakini ma Loko Paakai i keia mea nui i loaa iho la iaia.

            Ua haalele aku la o G. B. Robertson i ke kulana lunakanawai no Wailuku, Maui pela na hoike i loaa mai.

 

HALA KE ALOHA NAUE ME KA ANOI-A.

(Hoomauia)

Kanikau keia,

Nou e Miss Emalie Kailihiwa,

Ke uwe helu mai nei.

Mariana ko kuaana,

Auwe kuu ike ole,

I kou hanu hope loa,

Ke hopu hewa nei au,

I ko kino wailua,

Aole oe i loaa.

Hamo hewa i ko kino,

Aohe pane leo mai,

Auwe kuu pokii,

Kuu kaumaha luuluu,

Pau ka ike na i na maka,

Me ka leo i ka pane mai,

He aloha kuu pokii,

O ka leo o ke kaaahi,

Ahiwela mai nei loko,

I ka hana a ke aloha,

Aloha no hoi oe,

I ko hele hookahi ana,

Noho iho nei makou,

Me ka u me ka minamina,

Au ae nei na maka,

Aohe ike wale aku,

Auwe, auwe kuu aloha ia oe-a,

                                    MRS. MARIAN NAKI.

Kanikau he aloha nui,

Miss Emalie Kailihiwa,

Ke uwe helu mai nei,

O Neki no he kane,

Auwe kuu wahine,

O ka lai o Laie,

Aloha ia aina,

I ka eheu o na manu,

O ka pa a ka makani,

Ahai lau olelo,

Lua ole oe e ke aloha,

E lalawe nei i ke kino,

Ko leo ka mea aloha,

I ka pane mai nahenahe,

E huli hoi kakou,

I ka lai o Honolulu,

I ike aku i ka nani,

I ka wehi o na pua,

Aloha Kukuluaeo,

Lau hunehune o ke Kiawe,

Aloha @a home nani,

A ke aloha i noho ai,

Aloha o Kawaiahao,

H@lau o na hana pono,

E uhai a holo ana,

I na hana kaulike,

Auwe, auwe kuu wahine.

                                    Mr. M. Neki.

Kanikau he aloha nui,

Nou Miss E. Kailihiwa,

Ke uwe kaukau mai nei.

O Louis no he kunane,

Aloha ino kuu kaikuahine,

O ka makani anu he malualua,

Lua ole ke aloha noho nei.

E lalawe nei i kuu kino,

Auwe kuu hoapili,

Kuu luhi o ka wa naaupo,

I hanai keiki ia oe,

E makou kou mau kunane,

Aloha kuu pokii,

I hele i ke ala hoi ole mai.

Kaupale mai nei oe,

Pau ka ike na i na maka,

Aloha ka leo o ke kai,

I ka ikuwa mai i Haliipo,

Aloha ka wai o Mauihau,

Ia wai awili pu me ke kai,

Akahi au a hemohemo,

Ua hala oe i ke ala hoi ole mai,

Auwe, auwe kuu aloha ia oe-a,

Kanikau he aloha keia,

Miss Emalie Kailihiwa,

Ke uwe @aaloulou nei,

Keoki ko kuaana,

Auwe kuu pokii,

Malu hale o ka makua,

Aloha no hoi oe,

I ka h@le hookahi ana,

Noho iho nei makou,

Me na kulu waimaka,

E hoopulu mau nei,

I ka lau o ka lihilihi,

Hookahi mea aloha,

Ko kakou mama,

I ka uwe kaukau mai,

Aloha Waiapuka,

Wai auau a ke kamahele,

Hele oe i kau huakai,

Me ka naau kaumaha,

Noho iho nei makou,

Me ka luuluu paumako,

Auwe, auwe ke aloha ia oe-a.

                                                GEORGE & LOUIS

Kanikau he aloha keia,

Miss Emalie Kailihiwa,

Ke uwe haalino mai nei,

Pahukoa ko kuaana,

Aloha kuu pokii,

Kuuhoa haihai olelo,

Aloha ka la welawela,

O ke kula o Puuahi,

Aloha i Hemolele,

I ka leo honehone o ka bele,

E hea mai ana @ naue,

I na hana maikai a ka Haku,

Aloha Waianuenue,

Home a na manu e walea ai,

Aloha na Pali Hauliuli,

Aloha Kaneohe i ka malu o ko paina,

Aloha ia wahi a kakou e pili ai,

Noho aku i ka hale aikane,

I ka malu leo o ke aloha ole,

Ha@a oe i ka hora 10,

I ke kakahiaka Poakolu,

Aloha na hanau mua o kaua,

Ike ole i kou hanu hope,

Owau a me mama,

Kai ike hope loa ia oe,

Auwe, auwe kuu pokii hoi-a.

                                                MISS PAHUKOA.

Kanikau keia he aloha,

Miss Emalie Kailihiwa,

Ke @we paiauma mai nei,

O Kahala ko koeke,

Aloha ino kuu pokii.

O ka uka o Malaekahana,

Aloha ia home iuiu,

E pupue ai i ke koekoe,

Elua maua hookahi oe.

Nohe aku kaua hoolono,

Ka halulu a ka pauma wai,

Ka haloko mai a na hao,

Aloha kou hoa hele,

O ke kula o Kaniakamoa.

Aloha o Paakea,

I ka wai hanupanupa o Kaulia,

Kulia loko maeele i ko aloha,

Aloha ko leo i ka hea mai,

E kuaana Kahala e,

Auwe! Auwe kuu pokii hoi-e.

                                                MRS. KAHALA ATONI

Kanikau he aloha keia,

Nou Miss emalie Kailihiwa,

Auwe kuu kaikuahine,

Kuu hoapili o ke anu,

Pupue aku kaua,

I ke anu o ke kenau,

Hoopumehana i ke alo.

I ka poli o k@ makua,

He aloha o Laie,

Aina i ka hanohano,

Ua lawa na makemake,

Na ko@@@ koi a loko,

Aloha kuu pokii,

Haulani o ke alahao,

I nanea i ka hone ae,

I ka leo o ke oeoe,

E uhoi paha kakou,

I ka uka o Mananaoa,

Aloha ia home nani,

A ke onaona i noho ai,

Auwe! Auwe kuu aloha ia oe-a.

                                                MR. ATONI.

Laie, Koolauloa, Oahu, Dec. 1900