Ke Aloha Aina, Volume VI, Number 52, 29 December 1900 — Page 2

This text was transcribed by:	Kate Motoyama
This work is dedicated to:	with respect to c. s. crane, ka nupepa kuokoa

KE ALOHA AINA

2 KE ALOHA AINA, POAONO, DEKEMABA 29, 1900.

HONOLULU . . . DEC. 28, 1900

UA haule pahu loa na hana lokoino a ka aoao Repubalika i manao aku nei e waiho aku i ka lakou mau kue ana no ka Elele Wilikoki iloko o ka Ahaolelo o Amerika Huipuia. Ma o ka loaa ana mai nei o na hoike oiaio, aole e hoolohe ia mai ana ka lakou kue e ka Ahaolelo.

UA hoomana ka Ahaolelo o Amerika Huipuia i keia wa a hiki i ka pau ana o na la kulaia. Nolaila, aole no he mau mea ano nui e lohe ia mai ana no ka hana a ka Elele Wilikoki a hiki i keia noho hou ana aku a ka Ahaolelo.

EIA kekahi mau hoa o ka aoao Kuokoa Home Rula ke manao nei e hoohui ia aoao me ka aoao Demokalaka, ma ko makou ma kou manao iho he hana kupono maoli no ia e mau ai ka lanakila ma ka aoao o ka lahui Hawaii aloha aina.

MA ka olelo a kekahi poe Repubalika eia me ka aoao Demokalaka kekahi heluna balota kiekie e ku nei a mamuli o ko lakou ae oie ana aku e huipu me lakou i haule ai ka aoao Repubalika. No ka mea aole ka i manao loa aku ka heluna balota oi o Wilikoki ia Sam. Paka. Pololei keia mau olelo a ia mua Repubalika, aka, elike me ka hiki ole i ka hipa a me ke kao ke noho kuikahi pela no i hiki ole ai i na Demokalaka a me na Repubalika ke hoohuipu ia.

O KA aoao Demokalaka, he aoao ia ao ia no ka poe ilihune, a o ke Kuokoa Home Rula no hoi no ka poe ilihune. Nolaila, pela no laua i kue ole ai kahi i kahi i keia mau la e nee mai, a me he mea la, he mau la pokole wale no koe, a lilo no auanei laua he hookahi wai o ka like.

O ka makou helu hope keia o ka nupepa puke pule no keia makahiki 1900. A nolaila, ke hoike ia aku nei ka lohe i kona poe heluhelu i koe i hoomanao ole mai i ke koena o kona ola i keia makahiki e pau nei, aole loa makou e hoomau aku ana i ka hoouna ana aku i ka lakou mau pepa in a aole lakou e hookaa koke mai ana.

HE mea hauoli no makou ka ike ana iho eia ke pii mahuahua ae nei na poe lawe pepa hou o KE ALOHA AINA i keia makahiki. Aka, he hookahi no paha kumu nui no ke ake ana no ia e ike i na mea hou e pili ana no ka Elele Wilikoki ma Wakinekona. He mea oiaio, e huaipau aku ana makou i na mea a pau e pili ana nona me ka hunahuna ole iho. Nolaila, e lawe nui i ka nupepa KE ALOHA AINA.

ALOHA HAPENUIA KAKOU

A PAU LOA.

Mamua o ka hoea ana mai o ka la mua o ke keneturia hou, ka la ano nui i hoopomaikai ia mai ai kakou a pau e kiei aku ma kela aoao, in a ia he mea e hiki ana i ko ke Akua ahonui ka haawi ana mai ia kakou e mau ko kakou hanu ola a hiki ia wa, ka wa hoi a kekahi poe i koho ai, e halawai ana oia me na ulia pomaikai oia makahiki.

O KE ALOHA AINA, ma kona ano he wahaolelo no ka lahui Hawaii, ke haewi aku nei oia i kona aloha keneturia hou i na poe a pau e lawe ana i kona kino lahilahi, a me ka lahui Hawaiino hoi a pau.

He oiaio, ke nee nei keia keneturia umikumamaiwa e nalo, a o kana mau hana kamahao oia kana e waiho iho ana i kia hoomanao na ko ka honua nei e hoomanao aku ai nona. Ua lawe mai keia keneturia i na la hope o kona ola ana i na ehaeha maluna o keia lahui Hawaii, a ua komo mai na malihini e a kaili aku ia i kona pono kumu mai na kupuna mai. Aka, mamua nae o kona nalo loa ana aku ua oili hou mai la he manaolana no keia lahui Hawaii.

O keia mau ehaeha a kau nei maluna o keia lahui i keia keneturia, ke kalokalo ae nei makou i ko ke Akua ahonui e lawe ia aku ia mau haawina kaumaha mai luna aku o na papalina o o Hawaii aloha, a o na pomaikai he nui oia kana e papahi mai ai maluna o kakou ka lahui i hoopilikia ia no keia keneturia hou aku. A no ka pono a me ka pomaikai o ko makou mau hoaloha, ke haawi aku nei makou i ke aloha oiaio i hookumu ia iloko o ko makou mau puuwai, ALOHA HAPENUIA kakou a pau loa.

HALAWAI ME KA INO MA

KA MOANA.

Ua kipa mai maanei ka mokuahi Beritania Carmarthenshire, e holo ana no Auseteralia mai Port Townsend mai. He elima on a la i alo ai iloko o ka ino nui, a ua hoopoino ia kona mau lako ai a pau.

Ua haalele aku keia mokuahi ia Port Townsend ma ka la 13 o keia mahina. Ma keia ino ua hoopoino ia he waapa, a o kona pahu have o hope ua lilo aku i ke kai. Ua uhi mau ia oia e ke kai iloko o ia mau la, a i ka pau ana o ka ino ua ike ia iho la na piha oloko o kona keena ai i ke kai a ua inoino hoi na mea a pau, nolaila, na kiola ia aku ia mau mea ai a holo mai la oia i keia awa no ka ohi ana i mau lako ai hou. He eiwa la o ke ola ana o na luina maluna o na mea ai tini a hiki i kona ku ana mai nei.

LETA MAI KA ELELE

R. W. WILIKOKI MAI

KOMO LANAKILA I

KA AHAOLELO.

Haawi ia ke Aloha

Nona Auhee

na Enemi.

Ma keia kakahiaka Poaono i loaa mai ai ia makou keia leta ponoi a ka Elele Wilikoki i kakau ae nei i ka Senatoa David Kalauokalani, a ma kona lokomaikai ua haawi mai la oia i keia leta no ka hoopuka ana malalo o KE ALOHA AINA. Ua hoea mai keia leta maluna o ka mokuahi Kop tika, a ku mai ma ka ponei mai Kapalakiko o ka ka Elele wilikoki leta mua no hoi keia i loaa mai. No k@ aikai o ka aoao Kuokoa Home Rula a me ka lahui Hawaii ke hopuka aku nei makou me ka awiwi nui.

Wasinetona, Dec. 17, 1900

Hon. David Kalauokalani,

Aloha nui oe:--

Uea hoea mai la makou i ke kakahiaka Poaono nei, ma ke kaaahi o Nu Oliana mai. Ia makou no a hoea i ka Hotele Normandie, hoea ana ka pepa inoa (card) oia hoaloha o'u, oia ka elele Pedro Perea o Nu Mekiko e noho ana ma ia hotele no. I ko mana hui ana ua koi mai la kela ia'u e hele koke mana i ka Hale Ahaolelo e launa me Speaker Henderson mamua o ka noho ana o ka Hale. I ko maua hoea ana aku na apo pumehana mai la ka Speaker ia'u, a hoolauna koke aku la me ke kakauolelo o ka Ahaolelo, a haawi aku ia au i kuu hookohu a Dole mai.

I keia wa, kokoe e kani ka hora 12, ua nee aku la makou a komo i ka Hale Ahaolelo, a pii aku la ka Speaker me ka kakauolelo e lawe i ko laua noho, a koe iho la mana o Perea e noho ana iwaena o na hoa ahaolelo e hi-o ana me ka maopopo ole ia lakou owai la au.

A i ka pau ana o ka pule me ka moolelo o ka Hale, ua heluhelu aku la ke kakauolelo i kuu hookohu a ku koke ae la o Speaker Henderson, oiai, mana e nee aku ana me ka Elele Perea a hoohiki mai ia ia'u. Me ka hikilele o na hoaloha na holo mai la na hoaloha na holo mai la na hoaloha mua na lakou i kokua ia'u mamua i ka Bila Teritori o Hawaii a huki ana i ko'u mau lima ma ke kua. la wa ua eu like mai na hoa lehulehu o ka hale a lulu lima mai la me ka elele malihini o Hawaii, ka lakou malihini hou loa.

Ua hana ia keia me ka hikiwawe loa, a ua puiwa pu na hoaloha a me he mea la, mai ka lewa mai au i haule iho ai a ku ana imua o lakou. Ina he mau enemi kekahi i hoomakaukau mai e lele kae mai i ko'u ae ia e lilo i hoa no ka Hale, ua hiki ole no. Ua auhee loa aku na enemi, oia o Morena aeahaukae ma, Gear eke lauhala ma, ke walaau wale mai nei no mawaho loa, ke keonimana nana i lawe mai i ka palapala kue a Loebenstein Iuda, me Kepoikai poo eha, ua hai mai ia'u nana i heluhelu ka palapala kue mamuli o ka lakou nonoi, aka, ua ao aku nei nae oia e noho malie aohe kahua.

Ua nui ko'u apo pumehana ia me na hookipa pumehana ia ana e na hoa o na aoao Demokalaka a me Repubalika, ke lilo loa nei ku he punahele na na aoao kalaiaina a pau. Ua apono ia ko kakou aoao kalaiaina, oia wale no ka aoao kalai manao naauao no na Hawaii.

Ko'u aloha nui ia oukou a pau J. K. Kaulia ma, a me na Home Rula a pau.

ROBERT W. WILIKOKI.

E HOOMAHA HOU ANA NO

MAKOU.

Ma ka Poalua ae nei, Ianuari 1, 1901, he la nui a hoomanaoia ma na wahi a pau o keia Paeaina, e komo pu ana makou a me ko makou mau limahana e malama ia la i la hauoli no ka hoea ana mai oia la nui hookahi iloko o ka makahiki Nolaila, e hoomanao e na makamaka heluhelu o ka makou nupepa pukala, aole e hoopuka ia aku ana ka nupepa KE ALOHA AINA pukala mai ia la, aka, e puka aku ana no me oia ma ka Poakolu, Ianuari 2, a mai lilo hoi ia i mea e kaniuhu ai ko oukou mau manao, oiai, e haawi ana kakou i mau wa hoomaha no na paehana a pau, i mea e hooi aku ai i ka ikaika hana iloko o lakou no keia kene ria aku.

ALOHA IA HAWAII.

Ua loaa mai nei na hoike ana ia makou no ka haalele ana mai la o D. L. Naone i keia ola ana, ma ka po Poalima nei mahope o kona kaa mai ana no hookahi pule. He kanaka oia i kamaaina nui i ko Honolulu nei, a he hoa no ka papa hoopaa inoa koho balota iho nei.

E hoomau ia aku ana ka ahamele manawalea o ke ahiahi La Pule maloko o ka Halekeaka Ofiuma me ka auhau ole.

Ina aole he mau kuia e haawi ia ana e ka hana aupuni he aha puhi ole ma ke kapitala ma ka hora 11:30 o ka Poakahi ae nei a hiki i ke komo ana i keneturia hou.