Ke Aloha Aina, Volume VI, Number 49, 8 December 1900 — Page 7

KE ALOHA AINA

POAONO, DEKEMABA 8, 1900.

 

Nuhou Kuwaho.

 

AIA NO O PILIPINE KE HAKAKA LA

 

            Manila, Nov. 28. He mahele koa o ka regima@ Ekolu o na Amerika kai lele kaua malu ia e na Pilipine ma kahi kokoke i Malolo. Ua ki mai lakou i na Amerika me na pu raifela, a ua make he elua koa a me ekolu i hoeha ia o ka puali F, a na mahuka aku na Pilipine maloko o na lepo pohopoho.

            He nui na puali Pilipine i hoopuehu ia aku e na koa o Kenerala Grant me ka hoopoino pu ia aku o na lako e loaa aku ana ia lakou.

 

MAKE O SENATOA DAVIS.

 

            St. Paul, Minesota, Nov. 27. O Senatoa Cushman Kellog Davis, ka lunahoomalu o ke komite o na mea pili kuwaho o ke Senatoa, ua make iho la oia ma ka hora 8:40 o ka po nei ma kona home ma keia kulanakauhale. He elua mahine o kona waiho ana i ka ma'i a make aku la. Ua hanau ia oia i ka 1838, a na haalelo iho la he wahine.

 

HE MAU AIHUE MAKAU OLE.

            Emden, Ill. Nov. 28. He eha mau kanaka i huna i ko lakou mau helehelena i hoopoino ae i ka Kanako Mahiai o Emden i keia kakahiaka nui. Ua olelo ia ae na pau loa aku ia lakou na dala o ka waihona o ka banako ma waena o $3,000 a o p;e $4.000. I ka wa a na aihue i hoopahu mua ai i ke dainamita me ka manao e hoopoino i ka pahu hao, na hoohikilele ia o John Alberts. Ua holo koke mai oia no ka banako. I ka ike ana a kekahi o na aihue o kiai ana ia Alberts ma ke alanui ua hopu mai la oia laia a nakii iho la i ke kaula i na lima a me na wawae a kaualako aku la iaia iloko o ka hale banako, e liuliu ia ana no ka hoopahu hou ana i ke dainamita. I ka wa i @ ai o ke dainamita na hemo aku la ua poe aihue nei no waho me ka haalele iho ia Alberts e waiho ana ma ke kihi. Aole i hoeha kukonukonu ia o Alberts, a ua hemo mai ke pani hao ma o keia hoopahu elua ia ana, a lawe aku la na kolohe i na dala a pau.

            Ua hookau aku lakou i ka lakou mau waiwai maluna o kekahi kaa pahu lima a hele aku la ma ke alahele o Delvan. Ua haiawai lakou me makai kiai po Sanford, a i kona wa i hoao aku ai e hopu ia lakou ua ki ia mai la oia i ka pu me ka hoeha kukonukonu ia. Ua hele aku keia poe no waho o ke taona a kau aku la maluna o kekahi wahi kaaahi lawe ohua o Chicago & Alton. Ua nalowale ko lakou @lahele i hele aku ai.

 

NUI NA KAIKUAHINE POMO E HOEA

MAI ANA.

            Wasinetona, Nov. 24 He he luna o na kaikuahine Franciscan e haalele iho ana i keia aina ma keia pule aku no ke kuku@u ana i kula hana lima ma ke kahua ma'i lepera o Molokai. O ko lakou mau ola no ka pono o o na lepera, a me he mea la, aole lakou e hoi hou mai ana i ko lakou mau home ma Amerika Huipuia nei. O ke alakai o keia puali oia o Makuahine Anna M. Scuilling o Syracuse Nu Ioka. E haalele iho ana oia me na hoa ia Kapalakiko no Hawaii, e lawe pa ana hoi oia wahi a ka olelo ia, he mau hoomaikai mai ka Pope Leo XIII.

HALAWAI ME KA ULIA HOINO

Pittsburgh, Pa., Nov. 28. Ma ka hora 1 a. m. o keia wanaao o ke K@ahi holo loa Cleveland a me Pittsburgh, e holo ana he kanakolu mile i ka hora i ke komohana, ua hanle aku la iloko oo ka muliwai Ohio, ma kahi he kanakolu mile mai Pittsburgh aku O ka nui o na ola i poino aole he mea i maopopo, aka, na manaoia u@ n@ hewahewa. Ma ka hora 3 a. m., ua loaa iho la ke kino make o Casey maloko o ke kaaahi. O Eneginia A. Coughanber o Cleveland ua moku pu kona mau wawae a ua manao ia e make ana oia. He nui na ohua i manaoia aia no iloko o na kaa e waiho la he umi kapuai malalo o ka wai. He umi mau ohua i pakele ma ka au ana mailoko mai o ua kaa a ua lawe ia aku no Conway me na poe i hoeha ia a i make.

LOAA PONO KE KOLOHE.

            Vineland, N. Y., Nov. 25. O Mrs. Paraell Leeds, he wahine opio oia no Vineland, ua hoea oia ma na alanui iloko o ka aahu nani o ke kane no ka hoohalua ana i kaua kane ana hoi i lohe wale ai oia oia ke hoolalah@ nei me kekahi mea okoa aku.

            Ua hoike aku o Mr. Leeds i keia aloha hou ana ha kanaka oia i mare ole i ka wahine, a i ka maopopo ana ia Mrs Leeds eia kana kane ke hele lalau nei, ma ka po nei, na komo iho la oia ke lole wawae kane, he koloka loihi me kekahi papale kaleponi. Me ka mahui ole o Mr. Leed eia oia ke hakilo ia nei, ua kono aku la oia i kana ipo hon no ko laua hele pu ana, a i ko lana wa e kuikui lima ana, i loaa pono aku ai laua ia Mrs Leeds, a me ka leo oluolu pane aku la oia.

            "E kala mai ia'u e ka lede opio o k@ kanaka e h!le pu la me oe o ka'u kane mare ia."

            Ua hoi aku o Mr. a me Mrs. Leeds no ko laua home, aka, aole nae i liuliu mahope iho na hoea hou mai la o Mrs. Leeds ma ke alanui me na kapuai mama no ke keena o ka Meia no ka hopu ana i kana kane, no ke kulai a me ka ka hoao ana e umi iaia. Ua hopu ia o Leeds e ka Me@a, a e hoo lohe ia ana kona hihia ma ka la apopo, na olelo ae ka mea i hoo pii ia, na uhau mua ia kona poo i ka mamalu e kana wahine.

 

THE

WHITE HOUSE.

420 Alanui Papu 420

NA MEA E KUAI AI NO KE KARIKIMAKA

PURSES         PERFUMES

(Eke Dala)       (Waiala)

GLOVES        SIDE COMBS

(Mikilima)       (Kahi Aoho)

HANDKERCHIEFS  HAIR BRUSHES

(Hainaka) (Balaki Lauoho)

            STOCKINGS COMBS

(Kakini)           (Kahi)

BELTS                        NAIL BRUSHES

(Apo Ili)          (Balaki Maiuu)

CAPES           TOOTH BRUSHES

(Koloka)          Balaki Niho)

PARASOLS   SOAPS

(Mamalu)         (Kopa)

SHAWLS       FLORIDA WATER

(Kihei) (Waiala Florida)

E NANA AE I KO MAKOU PUKA ANIANI

 

HOAO HOU IA E HOOPOINO KE OLA.

            Ladan, Nov. 27. Elike me na hoike i hoopuka ia ae e ka Evening Standard i keia la, ua hoao hou ia aku la e powa ke ola o Haku Robata o kekahi mau kanaka malihini. O kela mau kanaka manao ino na hana aku lakou he lua main@ pahu malalo o ka halepule a Haku Robata o malama ai i kana anaina haipule ma Johannesburg ma ka La Pule, aka, ua loaa aku la nae na poe kolohe i ua makai a me na koa kiai kino o Haku Robata a hopu ia iho la lakou He umi mau kanaka i hopu ia a he heluna nui o lakou he mau Italia.

            O keia malalo na hoike a Haku Robata i ke keeua kaua, mai Johannesburg mai no ka la 26 o Novemaba.

            Oiai o na hoike no ka okumu ia ana o ko'u ola o loaa aka ana la ia oukou, a ua manao au he mea pono ke hoike aku i ka oiaio. Ua manao ia he ohumu kipi kai ulu ae he elima mau Italia, oha Helene a me hookahi Farani @ kali ia nei ko lakou hihia no ka hoolohe ia ana. O ko lakou manao oia no oka hoopahu ana i kekahi lua maina malalo o ka @pule St. Mary ma ka pule kakahiaka o ka la 18 o Novemaba.

            Ua loaa pu mai h@ mau hoike mai a Haku Robata mai a@a ke malama @a la he hakaka ma na wahi like ole, a na hopu pio ia na bipi a me na Boa, he uuku na poino o na Beritannia. O ka hakaka ikaika i malama ia me ka puali no ia o Kenerala Dalary nona ka heluna kanaka he 1000 me ekolu puku@iahi, i kue mai i ke Kenerala Beritania Clements komo ana aku i Rietfontein. Ua hooauhe@ ia na Bua

 

NUI KA POINO O NA HOLO

BOLONA.

 

            Ua loaa aku nei na telegrapa mai Manila aku i ke keena kaua ma Wasinetona, ua komo aku ka mokuahi lawe holoholona L@ela@w iloko o ka makani ino o na lio a me na hoki a pau no lakou ka huina ma kahi he 250 @ pau i ka make, ua mau@oia ua komo pu ka Wyefeild a me ke Conemaugh iloko o keia ino hookahi, a ua pau pu na holoholona oia mau moka i ka poino, no ka mea aole i kaawale loa na la o ka haalele ana iho o kani moku i kahi moku mai ke ana o Honolulu aku nei no Manila