Ke Aloha Aina, Volume VI, Number 49, 8 December 1900 — Page 5

KE ALOHA AINA, POAONO, DEKEMAPA 8, 1900.

  5

 

KA LA IUBILE O NA MORA MONA.

            Ma ka la 12 o keia mahina e hiki mai ana e malama ia ai he la iubile e ka hoomana Moramona, ka la hoi i piha ai na makahiki he 50 o ke ku ana o ia hoomana ma keia mau paemoku aloha.  Ua manaoia e hoea mai ana o Peresidena Snow, o ka luakini Moramona o ke Kulanakauhale Loko Paakai, alakai George G. Cannon (Pukuniahi) a me kekahi mau alakai e ae oia hoomana maluna o ka mokuahi Zealandia no ke komo pu ana ma na hauoli o keia la kamahao.

            O George G Cannon (Pukuniahi) ka makuakane o Senatoa Cannon, na hoea mai oia i keia mau aekai i ka la 12 o Dekemaba, 1850, a ua apo ia aku oia o ka lahui Hawaii me ka pumehana a nana ponoi i kukulu i ka panalaau Moramona ma Laie, a ma kana noi ana hoi i kukulu ia ai he panalaau ao na Hawaii ma Uta.

            O keia mau misionari eiwa ua hapauea loa laua a ua manao ia aole laua e hiki ke holo mai i anei aka ua loaa mai nei no nae na hoike e hoea mai ana no lawa.

            He elua mau kumu Moramona i hoea mua mai ia maluna o ka mokuahi Mariposa, oia o Lunakahiko N.S. Murdoch a me E. Eldredge.  O keia mau kanaka na piha ia laua ke kanalima ma kahiki o ha noho paana ana no ka pono, a o laua kekahi o na kanaka i hele pu me Brigham Young i ka 1847 mai kekahi aoao o Amerika Huipuia a hiki i Uta i ka wa kaaahi ole.

            Ma ka la 12 o Dekemaba, e malama ia ai ka ahaaina nui a na hoahanau oia hoomana e liuliu nei ua manao ia ma ka hale paikau koa e haawi ia ai ua paina la.  Ma ka halekeaka Ofiuma hoi i manao ia ai malaila e malama ia ai na hana haiolelo e keia mau kahuna nui, aka, ma keia mau ia aku nae e akaka ai na mea a pau.

 

KA PERESIDENA O KA PAPA OLA.

            Ma ka halawai ana a na lala o ka Papa Oia ma keia Poalua aku nei, Nov. 27, 1900.  Ua hookohu ia aku la o E.C. Winston i Peresidena no ka Papa Oia ma kahi o Kauka Wahie i waiho mai.  Oiai, o keia kulana he kulana uku ole ia nolaila aole he poe i hiaai aku e lawe ae i keia kulana.  Ua manao ia ma keia hope aku e noi ia aku ana ka ahaolelo e noho mai ana e hookaawale ia i puu daia no keia kulana ane nui a kekahi poe i noho hoomanawanui iho nei me ka uku ole.

 

KA LUAKINI O KAWAIAHAO

PIHA NA MAKAHIKI HE 75 O KONA KU ANA.

Ka Luhi a na Alii a me na Makaainana i Hala Kahiko aku i ka Make.  Aloha No.

            He nui na kahunapule i hoea ae malaila a ua hoopiha pu ia hoi ua luakini la me kekahi anaina nui i akoakoa aku.  Na ka Hou. E.K. Lilikalani i hoike mai i ka moolelo o ke kukulu ia ana o ka luakini imua o ke anaina, penei:

            “Ua hiki i ka luakini o Kawaiahao ke nana aku i hope me ka haaheo nui i na makahiki loihi ana i kaalo ae ai.  Ma na la mua o Aperila 1820, na pae mai la na misionari mua ma Kailua, Hawaii, mai Bosetona mai he 165 la hoio.  Ua wehe hamama ia aku na ipuka o Hawaii no keia mau kanaka pono i lawe mai i ka nu hou Karistiano.  Ia wa e noho ana no na kanaka iloko o ka hoomana kii.  I ka wa i hoea mai ai o keia mau misionari o Liholiho (Kamehameha III), ke noho moi ana no ka Pae Aina o Hawaii nei.  Ua ae piha aku oia i na misionari no ke kukulu ana i halepule no lakou ma Hawaii nei.  Ma ke kakahiaka nei o ka la 14 o Aperila, oia makahiki hookahi no, ua hoea mai la kekahi poe o lakou i Honolulu nei a ma ka la 20 o ia mahina ne, ua wehe ia iho la ka halepule mua loa ma na kapakai o Honolulu nei e ka Rev. Hairama Binamu.

            He elima makahiki mahope mai, a e kokoke ana i na ia hope o ka makahiki 1825, ma ka la 1 o Dekemaba, na kukulu ia iho la o ka Hooilina Alii Kaahumanu a me Rev. Hairama Binamu ka halepule Hawaii mua loa ma kaie mau pamoku.  Ua lawe ae oia i ke kulana kahu mua a kana iho la i na hua ohana mua o ke ola Karistiano ana a i ulu mai hoi he nani iwaena o na kanaka o keia mau mokupuni.  He 15 makahiki mahope mai, ma ka la 31 o Augate, 1840, ua huli hoi aku la o Rev. Hairama Binamu meko na ohana no Amerika Huipuia.

            O Rev. Rikeke Limaikaika oia ka elua o na kahu, a na noho oia a hiki i ka 1854.  Oia ke Kuhina Hoonaauao mua loa malalo o Kamehameha III.

            O ka Rev. E.W. Clark oia ka ekolu o na kahu, a ua noho oia a hiki i ka 1863, a ia wa i lawe ae ai ka Rev H.H. Pareka e noho kahu nei ia kulana koikoi.  He 37 makahiki ana i lawelawe ai i na hawi a oia kekahi o na kahuaka ole kahiko loa e noho nei ma keia mau paemoku.

            Aole ia kahunapule mua ekolu i ku mai maluna o ka awai o Kawaiahao i hoea ae ma keia anaina pule ano nui, no ka mea, na ohi aku ka make ia lakou, aka, pani ia mai ko lakou mau hakahaka e ka lakou mau keiki e oia nei, oia o Mrs. Coan, kaikamahine a Rev. Hairama Binamu; Mrs. Weaver, kaikamahine a Rev Rikeke Limaikaika, a me Mrs. Gulick, kaikamahine a ka Rev. Clark.

            Ua hoohiwahiwa ia oloko o ka luakini me na pua, a maluna ae o ka awai e kau ana he Hae Hawaii i makana ia mai i ka luakini o Kawaiahao e ke Kula Nui Aberlino Ohio.

           

HE POE ANO HOOHAUNAELE.

            Aia maluna o ka mokuahi Rio Janeiro i kipa mai nei a hala loa ako la no Kapalahiko, mai Kino a me lapana mai, he mau kuoio ano hoohaunaele.  O keia mau haole he poe lakou e huli hoi ana no Kapalakiko, i hoolimalima ia e ke aupuni o Geremania no ka malama ana i na lio mai Kapalakiko aku a hiki i Kina.  Ma ka hoike a ke kapena he nui ka lakou mau hana hooulu hoohaunaela, a i ko lakou wa i kau mai ai na pau lakou i ka ona, a ua hoomau ia a hiki i ke kokoke ana i keia awa.

            Malalo o ke kauoha a ke kapena ua pau i ka hoopaa ia kekahi poe hoohauhaele o lakou i ka hao, a na ia mea i hookuemi mai i ko lakou mau manao uilani.  Aole he oluolu maikai o ka noonoo o ke kapena o Rio Janeiro a hiki i ka wa e  hoolele ia aku ai keia poe haole ma Kapalakiko.

 

KE KENETURIA I WAKALUA.

           

            Nu Ioka, Nov. 24.  O na halawai kiai po e malamaia ana ia e 1,500 luakini ma ke ahiahi o ka la 31 o Dekemaba, 1900, a hiki i ke kakahiaka o ka la 1 o Ianuari 1901, maloko o Amerika holookoa.

            E kani ana na bele mai luna mai o na puoa he 1,500 e hoike ana i ko lakou hauoli no keia makahiki hou.  O na manao aloha Hapenuia o na poe rula e noho mana nei maluna o na aupuni nui he 43 o ka honua nei e heluhelu ia aku ana ia imua o na Amerika.

            O na manao kahoahoa o na alii a me na Rula o na aupuni naauao a pau, no ka Hapenuia e lohe ia ana maloko o keia mau luakini he 1,500 la po.  Iloko o ua mau manao la e hoike mai ana lakou i ko lakou mau manao kanaenae no ka makahiki hou e hiki mai ana.

            O keia mau manao ua kakau ia ia e na pulima o na alii a i kuni ia me ka lakou mau sila alii.  Ua hoea mai keia mau manao a eia ke waiho nei iloko o ka pahu hao o ka Hui Garfield Safe Deposit.

            O ka halawai kiai po nui e malama la ana ia ma ke kuea Madison Garden kahi i hiki ke loaa he 20,000 noho.  E hoohala ia ana na hora oia po me na leo mele o ka bana Sousa a me ka hui hookani pila Strauss, ma ka hookani ana i na leo mele lahui.

            He puali himeni o 500 kanaka ke mele ana i ka mele lahui Beritania, @ ola ka Moiwahine i ke Akua,” a mahope iho oia wa e heluhelu ia ai na kanaenae a ka Moiwahine no ka makahiki hou.  Mahope iho e mele ia ai ke mele lahai o Geremania, a e heluhelu ia ai ke kahoahea a ka Emepera no ke keneteria iwakalua, mahope aku ana ona ko Farani.  E malama pa ia ana he huakai keaka e kanalima kanaka pakahi o kela a me keia aupuni iloko o ko lakou mau aahula@.

            O keia manao @anaia ai o ka halawai kiai po aole wale no ia no ka makemake ana e lohe ia na hoike a na Moi a me Moiwahine, na Emepera, Peresidena, Duke Kiekie, a pela aku no Amerika no ke keneturia iwakalua, aka, o na luakini a pau i loaa aku keia mau manao e uku lakou i keia mau manao.  A o na dala e loaa mai ana no ke kukulu ana no ia i Anahui Kea Ulaula ma Amerika.

            He nui na aupuni i hoea aku ma ka halawai a na Ahahui Kea Ulaula o Geneva e waiho nei he mau puulu dala nui e ku makaukau ana.  O Iapana he $11,000,000 e waiho nei maloko o kona wiahona dala me ka lalau ole ia koe wale no na hana a ka Ahahui Kea Ulaula i ka wa kana pilikia i ke kai a i ole i ka makani.

 

HAKAKA LUA WELIWELI.

            Cumberland, Nov. 22.  Ma ka po Poaono ua malama ia ao he hakaka lua weliweli mawaena o Moore me kana wahine a na lanakila ke wahine maluna o ke kane.  E noho ana lana mahope o na mauna o Virginia Komohana a he hahai holoholona ka laua hana.  Ua ulu ae he hoopaapaa mawaena o laua, a o ka hopena ua lalau aku ko kane i kana pu raifela a ki mai la i ka wahine a i ka hala ana o ka poka @ lalau aku la ka wahine i kana po rafiela a ki aku la i kana kane a ku ma ka poohiwi i ka wa a kana kane e hoao ana e holo.  I ka ike ana o ka wahine ua poino kana aloha ua haalele iho la oia i kona manao inaina a hele aku la e kokua iaia.

           

            E lawe nui i KE ALOHA AINA i @ mau i na mea hou e @ mau ia e nee nei.