Ke Aloha Aina, Volume VI, Number 47, 24 November 1900 — Page 2

KE ALOHA AINA

POAONO NOVEMABA 24, 1900

2

HONOLULU             NOV. 23, 1900

 

HE OIAIO ANEI.

  He nui na kamailio e loheia nei i keia mau la no ko Mrs. R. W. Wilikoki makemake ole ana e @ haahaa iaia iho e hele aku e kono i ka Moiwahine Liliuokalani e hele mai e paina ma ka ah@ina a ke Kuokoa Home Rula, a @ kona aku oia ia Mrs. Kuaihelani nana e hele aku e kono me ka olelo aku.  “O ka wahine au a ka olelo no ka Ahaolelo, aole ia o ka @ hana o ke kono i ka Moiwahine.  E hana aku oe ia mea.”  Ua hooko aku keia wahine makee alii a kono aku la i ka Moiwahine, ke Keikialii Kawananakoa a me Sam. Paka, aka, ua lohe mau aku nae kela poe i na hana a Mrs. R. W. Wilikoki, nolaila, ua hiki ole ia lakou ke hoohanohano aku i ua papaaina la, pela mai ka hoike a kekahi Kuokoa  Home Rula ia makou.

 

HALAWAI  A  KA  AHAHUI  KOKUA  MANAWALEA  HAWAII.

  Ua malama ia ae ma ke home o Mrs. S.C. Allen, ka halawai makahiki a ka Ahanui Kokua M@awalea Hawaii, ma ka hora 10 o ke kakahiaka Puaha nei.

O ka manao nui o keia halawai oia no ke koho ana i mau luna nui no ua ahahui la no keia makahiki e hele nei, a o na poe i kaho ai oia keia.

  Mrs. S.C. Allen, Peresidena.

  Mrs. James Campbell a me Mrs. Robert Lewers, Hope Peresidena.

  Mrs. Abraham Fernandez Puuku.

     Mrs. E.C. Cunha, Mrs. Geo. W. Beckly, Miss Agnes McInttre, Mrs. Jos. Nawahi a me Miss Peabody, na lala o ka papa hooko.

  Ua kukulu ia keia ahahui i ke kau ma’i korela o ka 1895, no ka hoopakele ana i na ohana i hoopilikia ia ia mau la, a mahope iho oia kau ma’i ua kukulu paa ia iho la kona kahua, he nui na hana kokua aloha mahope mai a keia ahahui ma ka poino nui o Honolulu nei i ka wai kahe i ka 1898 a ma ka pauahi nui o Kinata@na i keia makahiki 1900.  No kela ahahui ka aie nui o ka lahui Hawaii, a he puuhonua hoi no ka wa pepilikia.  Ma ka hoike a Mrs. A. Fernandez, o ka waiwailo o ua ahahui la maloko o ka banako e waiho nei i keia wa he $8000, a he mau ohana pilikia no ka keia ahahui e hoomau nei i ka malama ana.

    E lawe nui i KE ALOHA AINA i ike mau i na mea hou o keia mau la e nee nei.

 

AHAAINA  LUAU  NUI.

A KA  AOAO KUOKOA HOME RULA.

  Pihau ka Hale Paikau Koa i na Kanaka – Hoi Nele Kekahi Poe me ka ai oie.

  Ma ka auina la Poakolu nei i malamaia ai ka ahaaina luau nui a ka Aoao Kuokoa Home Rula no ka hanohano o ka lakou elele i Wasinetona a me ka hanohano a na moho a ia aoao i puka ae nei, maloko o ka hale paikau koa ma Haimoeipo.  He ekolu mau pakaukau i kukulu ia maloko o ka halekoa i hele a Iuluu i na ono a ka Hawaii, o kela a me keia ano.

  Mamua o ka hoea ana mai o ka wa e paina ai, ua hoopiha ia ke kahua mawaho me na Hawaii e kali ana no ke kahea ia mai e komo aku iloko.  Ma ke poo o ke pakaukau mawaenakona i noho iho ai ka elele R.W. Wilikoki me kana lede a me ko laua mau hoa ai, a hookuu akea ia aku la na mea a pau i komo mai e hauoli pu me ka lakou elele.

  Ua hoomauia ka ai ana mai ka hora 5 p.m. a hiki i ke kula aumoe a ma kahi he mau tausani i hoea ae malaila, ua hooneleia kekahi oia poe i hiki aku mamuli o ka makemake koke ia ana o ka hula olapa Hawaii.  Ua uluaoa koke ae la o loko o ka rumi kahi a ka lehulehu i koe e hele aku ai e paina huikau ae la kela anaina me ka nana ole ia o ka pono o ka lehulehu i koe aole i ai.  Pinana ia ae la o luna o na pakaukau e na poe e ake ana e ike i na lealea hoolewa kino a ka Hawaii.

  O na auwaa i hiki mua aku ua pae pono aku lakou, a o na poe i hiki hope aku ua kau ino aku la na auwaa o Kaalualu.  A o kekahi no nae oia poe i hiki aku ua kali lakou mai ke ahiahi mai a hiki i ke aumoe ana, me ka nele i kekahi hunahuna mea ai.  Oiai, o na poe i ko mo mua aku iloko e paina ai, a i ko lakou maona ana aole lakou i hookaawale ae i na noho no ka poe e hiki hope aku ana.  O kekahi o keia poe i hoonele ia ua lulu i ka lakou mau dala no keia ahaaina, a he loihi hoi ka lakou wahi i hele mai ai, nui ka hoohalahala o kekahi poe i hiki aku ilaila ua lohe okoa ia aku no ko lakou namunamu a me ka ohuma maoli, a ua hoi aku lakou me ka maka poniuniu a ka pololi ai me ka manao kuhihewa ana, he dala ka lakou i lala ai a e noonoo ia ana la hoi ko lakou  pono.  O kekahi o keia poe ua hoi aku lakou a komo iloko o na hale inu ti e kamau ai, pela ka lohe i hele ia mai e hoike ia makou e kekahi oia poe.  O ua poe la no i hoonele ia ma he mau Kuokoa Home Rula.

  Mahope iho o keia ua malama ia na lealea, oia hoi, na leo himeni a me ka hula olapa Hawaii, a iloko o keia wa ua ike ia aku na kanaka o na lahui like ole e hookeke ana, e pinana ana iluna o na noho a me na pakaukau ahaaina, no ke ake ana e ike aku i ka hula, iloko o keia mau hookeke ana ua hiolo iho la na pakaukau ai, aka, ua laki nae aole he mau poino i ike ia.

  Mahope iho o ka pau ana o ka hula, ua ku mai o Rev. J. Kekipi a haawi mai la i kona mau hoomaikai kiekie i ke anaina me na manao hoolana, mahope mai ona i ku mai ai o R.W. Wilikoki a haawi mai la i kona mau hoomaikai kiekie no ka poe i kakoo aku iaia i elele i Wasinetona.  Me  ka hoike pu ana mai e haalele iho ana oia i na kapakai aloha o Hawaii nei ma ka la 30 o keia mahina, a mamuli o ka loaa ole ana mai o kona hookohu mai a Kiaaina Dole mai ke kumu nui i kaulana ai kana huakai.  A ma ka po Poakolu, Nov. 28, e malamaia ai ke kai kukai nui, a ia po no hoi e lohe hope ia ai ka leo o ke elele me na moho Senatoa a me na Lunamakaainana, a pela pu me na moho i haule a ka aoao Kuokoa Home Rula.

 

LOAA  AKU  UA  MAKE.

  Ma ke awakea e ka Poaha nei ua loaa aku la ke kino make o Richard Brash i ke kaikamahine a ke Pukiki nona ka hale hoolimalima ana e noho ana.  I ka wa a ke kaikamahine i wehe aku ai i ka puka ua ike aku la oia ia Brash e moe ana iluna o ka moe, aka, mamuli nae o kona oni ole ua hoike aku oia i ka makuakane a i ko laua ike ana ua make oia, ua haawi ia mai la ka lohe i ka halawai.  Ua manao ia na make oia mawaena o ka auina la Poalua, a me ke kakahiaka Poakolu.  Ua lawe ia mai kona kino make i ke keena kaha kanaka o ke aupuni no ka nana ana i kona kumu i make ai.  He kanaka ilihune maoli oia ma kona rumi e waiho ana.

  Ua haalele iho oia he mau kaikuaana a me na kaikuahine e ola nei, oia o W.G. Brash, kupakako o ka Hui Mokuahi o Waila, Walter Brash, Susan Brash a me Mrs. Lizzie Robson.  He hoonoho hua kana oihana i kona mau la opio a hiki i kona oo ana, a ua piha iaia na makahiki he 49.

  Eia ka halekuai o Iwakami ke kuai hoemi nei i na waiwai like ole, na papale, a pela aku.  E naua ae  i ka lakou hoolaha e puka aku nei.

 

KA  MAKINILE  HANA  NO  CUBA.

  Wasinetona, Nov. 9.     O ka Kuhina Root huakai no Cuba, e haalele iho ana ia Nu Ioka ma ka la apopo, aole wale no ka imi ana i kahi e loaa ai ka oluolu i kona ola kino, aka, no kekahi kumuhana nui no ia e hooko ia aku ana e keia aupuni no Cuba.

  Ua hoolala ia keia kumuhana he mau pule i hala ae nei, aka, ua hoohakalia ia ia no ka hopena o ke koho balota.  I keia wa i maopopo ae la e hoomalu hou mai ana o Makinile no eha makahiki, e hookoia aku ana ke kumuhana o ka paa ana ia Cuba.  A o keia iho la ke kumu nui o keia huakai a    Kuhina Root.

  O na hoolala ana a Kuhina Root i hoomaopopoia, no hoomalu ana aku ia o Amerika Huipuia maluna o Cuba.  E hoao aku ana oia e kuka me ka poe hana kumukanawai o Cuba e hoopuka ae lakou i ke kuahana o ka hoomalu ana maluna e keia mau kahua ekolu maloko o ke kumukanawai.

  E paa ia na pualikoa Amerika maloko o ka mokupuni no kekahi mau makahiki.

  E haawi ia na launa pili aupuni o ka mokupuni me na aupuni kuwaho ia Amerika Huipuia.

  E kukulu ia maloko o Cuba he kiaaina kaua mai Amerika Huipuia  aku, no kekahi manawa, me ka mana hoi e @o aku i na kanawai e hanaia ana o ka ahaolelo o ka mokupuni.

  He manaolo ko ka Peresidena  aole na Cuba i kupono e hooponopono i ko lakou aupuni i keia wa, a ua olelo ia aole he kuokoa e hoopuka ia an@ ana e ka aha o Makinile no ia mokupuni ma keia mua aku.

  O ke koho ia ana o na elele hana kumukanawai ua olelo ia ae ua kue loa aku ia mai ka Makinile i manao oi e hana ia. He mau pule i hala ae nei ua loaa aku la he mau hoike oiaio i ka Peresidena o keia aha hana kumukanawai he poe kue Amerika lakou.

  E hoao aku ana o Kuhina Root e hana i na hana a pau i ku like me ka makemake o ka Peresidena, me ka manaolana o ka hoikeike ana aku na Cuba e hana ana lakou i mau pono no na kanaka Cuba.

  He nui na poe a manaoio nei e hoonele io aku ana no o Makinile ia Cba ma ka pono kuokoa ana i haawi aku ai.

  He eula mau la kulaia aupuni e malamaia ana ma keia pule aku oia ka Poakolu, Nov. 28, ka La Kuokoa o Hawaii, a me ka Poaha, nov. 29, ka La Halepule no Amerika.