Ke Aloha Aina, Volume VI, Number 47, 24 Nowemapa 1900 — Page 1
| This text was transcribed by: | Mary Deguzman |
| This work is dedicated to: | to all who have participated in this wonderful project |
KE ALOHA AINA
UA MAU ME KA O KA AINA I KA PONO
HOOKUMUIA I MAI 20, 1895
BUKA VI. HONOLULU, POAONA, NOVEMABA 24, 1900. HELU 47
KOHO PERESIDENA MA AMERIKA HUIPUIA
--------------------------------
LANAKILA O MAKINILE MALUNA O BARAIANA.
------------------
He 28 ke nui o na Mokuaina i Kakoo aku ia Makinile ame 17 ia Baraina.
--------------
Nu Ioka, Nov. 7. Ua hoho ia aku la o Makinile a me Rosevelt e kekahi heluna balota kiekie i haawe ia aku i kekahi Peresidena Repubalika mai ka 1972 mai., O ka Ahaolelo ua mahuahua na Repubalika ma na hale ekua. He Repubalika i Nu Ioka ma kahi he 150,000 balota a o Penesalevania me ka 300,000, Aole wale o Makinile i lawe ae i na mokuaina i kakoo iaia i ka 1896, aka, ua pakui pu aku he mau mokuaina o ke Komohana.
Nu Ioka, Nov. 6. O ka hale o na Lunamakaainana he mahuahua iki ae na Repubalika i hiki ke koho maluna ae o na Demokalaka a me kekahi poe e ae maloko o ka Hale. he oi mahuahua ae no na Senatoa o ka Aoao Repubalika. Ma ka nana aku i ka hale maluna penei no ia:
Repubalika 48
Demokalaka 31
Na aoao e ae 11
---------
Huina 90
Ma na hoike hope i loaa mai la mai na Mokuaina Komohana mai o ka ilaila o na Repubalika maloko o ka hale o na Lunamakaainana, penei no ia:
Repubalika 203
Demokalaka 104
Na aoao e ae 6
-----------
Huina 357
NA MOKUAINA I KAKOO IA
MAKINILE.
Nu Ioka, Nov. 7. O na mokuaina i kakoo ia Peresidena Makinile oia keia:----
Kaleponi 9
Konetituka 6
Deleware 3
Ilinoi 24
Indiana 15
Iowa 13
Kansas 10
Maine 6
Merelana 8
Masekuseta 15
Mikikana 14
Minesota 9
Neberesaka 8
New Hampshire 4
Nu Ieresi 10
Nu Ioka 36
Dakota Akau 2
Ohio 23
Oregona 4
Penesalevania 32
Rhode Island 4
Dakota Hema 4
Uta 3
Vermont 4
Wasinetona 4
Vireginia Komohana 6
Wisconsin 12
Waiomina 3
-----------
Huina 292
NA MOKUAINA I KAKOO IA
BARAIANA.
Alabama 11
Arkansas 8
Colorado 4
Florida 4
Georgia 13
Idaho 3
Kanetuke 13
Luisiana 8
Misisipi 9
Misiouri 17
Montana 3
Nevada 3
Karolina Akau 11
Karoina Hema 9
Tenesi 12
Texas 15
Vareginia 17
-----------
Huina 155
Nolaila, o ka heluna oi ae o Peresidena Makinile ia Baraina he 137.
------------------------------------------
He nui ka lealea o ka Ofiuma i keia mau po e keaka mai nei. Nolaila, mai poina i ka naue ae.
He nui na io holoholona a ka mokuahi Zealandia i lawe mai nei no na makeke maanei i pau i ke ino mamuli o ka pau e ana o ka hau.
Ma ka Poalua nei i lawe ae ai o Abrabam G Kaulukou i kona kulana kakauolelo iha no ka Aha Kaapuni, ma kahi i Frederick D. Smith i waiho mai.
E HOOMAU IA ANA KE KAUA
-------------------------------
KA LUKU WELIWELI ANA I
KA LAHUI PILIPINE.
----------------
Ka Poe Hoi e Kue Nan no ka Makee a me ke Aloha i ka Kuokoa o ko Lakou Aina.
------------------
Nu Ioka, Nov. 10. O Mekia Kenerala Mac Arthur, wahi a kekahi lono i loaa i ka Herald mai Wasinetona aku, e alakai kino aku ana oia i na pualikoa me ka ikaika no ke kue ana aku i na Pilipine, me he mea la o Mekia Kenerala J. C. Bates ke lawe ae ana i ke kulana mana hooko o ka oihana kana ma Manila, oiai, o Kenerala Mac Arthur e kaawale ana oia maluna o ke kahua kaua.
Ua hoike maopopo ae o Kenerula Mac Arthur mahope koke iho o ka pau ana o ke kau ua o lawe ponoi ae ai oia i ke alakai ana i na pualikoa. A ua ae ia aku keia manao e ka Peresidena.
He hoike mai Wasinetona mai kai hoouna ia mai i ka nupepa Manawa e olelo ana. O na paio hahana ana e hoomaka aku ana ia, oia hoi, ka hiki ana paha i ka Peresidena a me ke Kuhiua Kaua ke noi ana aku no ka hoomahuahua ana i na pualikoa kumau maloko o ka Ahaolelo. Ina e hiki ana ia Kenerala Mac Arthur ke hoopio i ke kaua mamua o ka hoi ana mai o na loa kui kawa, a lawe mai i ka maluhia oia mau paemoku, aole he mau hoomahuahua e hanaia. Ina o ka pualikaua e aneane 70,000 kanaka e hakaka ana me ka ikaika aole ia e lanakila maluna o na Pilipine, he kahua ikaika ia e noi ai i ka Ahaolelo no ka hoomahuahua ana i ka oihana kaua. He hana hoi ia e lawelawe ia ana maluna o ko kahua i hiki ke noonoo ole ia.
Wasinetona, Nov.10. O Mekia Kenerala Mac Arthur e hoomallu ana i na pualikoa Amerika ma na Paen@iku Pilipi e he Kiaaina Kaua mai ka la 5 o Mei, 1900, ua waiho mai la eia i kana hoike i ke Keena Kaua. O ke kau liilii ana o na koa Pilipine i @kali ia mai e na kaua @i. na hoonoho aku ia i na koa Amerika ma na wahi like ole, he 53 ka nui o na kahoa hoolulu i ke la 1 o Novemaba, 1899 a he @3 kahua hoolulu i ka la 1 o Sepatemaba. He nui na halala liilii i malama ia mawaena o ia manawe, aka, kole nae he mahuahua loa. O na poino o na Amerika i make na ke kahua kana he 263, hoeha i@ 150 a me 55 i kopu pio ia e na Pilipine. O na Pilipine ia wa hookahi 3,227 i make i ke kaua, 694 i hoeha ia a me 2,864 i hopu pio ia Ua haawi ae e Kenerala Mac Arthur i na mahalo kiekie ana i na pualikoa Amerika.
-------------------------------
MAHALO NUI.
---------------
KE ALOHA AINA, Aloha oe:
E hoike ae oe i ko'u m@ @ a loha makaainana o ka mokupuni o Kauai a me Hiihau, ma o ke l@ haawi ana mai i ke lakou m@ balota no'u.
Ke haawi aku nei au i @ hoomaikai a me ko'u mahalo @. Aia no na hoomanao ana iloko o ko'u puuwai no oukou, a me he mea Ia no, aia pu no ia manaolana iloko o ko oukoou man puuwai no he Kau Ahaolelo e hiki ami ana. Ke oluolu mai ko ka Lani Mana Nui i ko kakou noho lanakila ana. A o ka'u pule no ia manawa, e hoolo@ ia ko kakou mau la. A o ka'u pule hoi no keia manawa. "O ka pono ke hana ia a haule mai na Lani."
Me ka mahalo,
SAM K. KAILI.
Hanalei, Nov 10,1900.
------------------------------------------
Ua loaa mai nei ia Pai@pa ma, he heluna nui o na . Koleka wahine he nani ko lakou ma@ nanaina.
Mai ka puhaka mai o ka wahine a Mr. C. A. Williams, na oili mai la he keikikane nui mohaha, ma ka Poalua nei, Novemaba 20, eia ka makuahine me ka oi au makamae me ke oia kino ma@kui.