Ke Aloha Aina, Volume VI, Number 45, 10 Nowemapa 1900 — Page 7

KE ALOHA AINA

Nuhou Kuwaho

 

NUI KA HAKAKA I ULELE IA.

            Manila, Oct. 28. I ka wa a na kiu ma kahi kokoke i Looc, he mahele koa malalo o Kapena  Beigler o ka regimana 20 a me 28 kai kaua ia mai he 400 kipi i lako me na pu raifela malalo o ke alakai ana a ke kahi ili keokeo.  Mahope o kekahi hakaka ikaika ana no elua hora ua auhee aku la na enemi.  He 75 o lakou i make.  he elua Amerika i make a me ekolu i hoeha ia mawaena o lakou o Kapena Beigler.

            Ua malamaia he hakaka mawaena o kekahi mahele kaualio o ka puali kaualio Ekolu a me ka regimana 33 no lakou ka huina he 60 me kekahi puali Pilipine no lakou ka heluna he 400 me na pu raifela a he 1,000 me na pahi.  He hahana loa keia hakaka ana, ua emi hope aku na Amerika no Narvican.  Ua make o Lutanela George L Febiger a me eha i nalowale, 29 lio i nalowale.  O ka poino o na Pilipine he 150.  Oiai, kekahi mahele koa o ka regimana 33 e huli hoi ana mai mangued maluna o ka lana, ua ki ia aku lakou e na Pilipini, a ua make o Kakiana Bearstaller a elua koa i hoehaia.

 

HE KAAAHI HOLO LOA.

            Parisa, Oct 29. O kekahi o na kaahi holo loa o ke ao nei no ka averika manawa oia ke kaa lawe ohua o Calais, ua holo ia eia mawaena o Parisa a me Calais, o laua ke kaawale he 185 mile iloko o ekolu hora a me 39 minute. Ma ka Poaono nei he kaaahi hou Dubonsquet e huki ana he ewalu kaa ua loaa iaia ka manwa holo loa mawaena o keia mau kulanakauhale he 185 mile iloko o 184 milute a me 30 sekona.  He manawa holo loa keia i loaa ole i kekahi kaaahi.

 

AIA NA BOA KE NEE LA NO CAPE COLONY.

            Pretoria, Oct. 31.  Ua loaa mai la na hoike maanei aia o Kenerala botha ke nee la a me kekahi puali ikaika, no kekmo kaua ana aku iloko o Cape colony e kokoke ana i Kenhardt, kahi i olelo ia aia malaila kekahi puali Boa e kali la no ka huipu ana aku.

 

NO KA HOOKIPA ANA IA KREUGER.

            Marseilles, Oct. 31. O ke Komite Hookipa ia Kreuger, ua hoopuka ae lakou he kono akea i ka lehulehu no ke komo pu ana mai ma ke anaina ike e haawi ia ana no Peresidena Krenger, aka, e waiho ia na olelo a i ole na hana e ulu mai ai ka haunaele mawaena o kekahi lahui hoaloha me Farani.

 

HEHI HOU NA KOA BERETANIA I KE ONE HANAU.

            Ladana, Oct. 29. O ka hoea ana mai la o na koa pualu Imeperiala o ke kulanakauhale o Ladana mai ke kahua kaua mai o Aferika Hema. ua apo ia aku la me ke ohohia nui la e na hoaloha o na koa.

            Ua piha a hookoke na alanui me na kanaka, iloko o keia hookeke nui o na kanaka ua make he ewalu, a mawaena o 200 a i ole 800 i hoeha ia ma ka hehi ia ana.

            He ewalu hora a na koa i maki ai mai kahi hoolulu kaaahi aku o Paddington a hiki i Guild Hall iloko o ka hookeke ana o na kanaka e haawi ana i na leo huro na lululima, a pela aku

            He 4,000 koa ma kahi a na koa Ladana i nee mai ai, aka, ua hiki ole nae ia lakou ke hoomal i na kanaka. He nui na wahine a me na kaikamahine i maule a i hehi ia iloko o keia wal.  A he nui pu hoi na koa kiai i hoeha ia ma o ka hakaka ana me na puulu kanaka.

            Mahope o ka malama ia ana e na koa Imeperiala he anaina pule ma ka luakini St. Paul, ua maki aku la lakou no ke Guild hall, a malaila i malama ia ai he paina no lakou, a ua hoea ae ke alihikaua nui o ka oihana kaua o Beritania Nui, oia ka Haku Wolsey.

 

KAUOHA IA NO KINA

            Durban, Natal, Oct. 31. O ka regimana Gordon Highlanders a me ka Devonshire ua haawi ia aku la ke kauoha ia laua no ka hoomakaukau ana no ka holo ana aku i Kina iloko o na la pokole.

 

HAUNAELE MA COLOMBIA

            Nu Ioka, Oct. 31. O C B Hart ke Kuhina Amerika ma Colombia, e huli hoi ana no kona home ma Wheeling, ua hoike mai la oia, ua hooulu ae na Liberala i ka haunaele no ka elua o ka manawa ma kela mau la pokole aku nei.  He nui ko lakou ikaika a ua malama ia he hakaka hahana a hiki i keia wa ma kahi he 30,000 i make a hoeha ia.

 

KA LA KOHO PERESIDENA O AMERIKA HUIPUIA.

            O ka Poalua, iho nei, Novemaba 6 i hala aku la, ka la i malama ia ai ke koho balota ma Hawaii nei oia pu ka la i lawelawe ia ai o ke koho Peresidena ma Amerika Huipuia mawaena o Peresidena Makinile o ka aoao Repubalika a me Mr. Baraina ka moho Peresidena a ka Aoao Demokalaka.  E loaa mai ana na mea e pili ana no laua ma keia pule aku.

 

            O ka mokuahi Gaelic ko ka la apopo mai Kapalakiko mai me na nuhou o na aina e.

            He ekolu mau mokuahi i hoea mai la mai Kapalakiko mai, oia no kamoku lawe koa Sherman, ka moku haukipila Solace a me ka Mariposa.

 

B.F. EHLERS CO.

Alanui Papu

 

Na HAINAKA LIHILIHI Nani

2 i ka 25 keneta

 

KEENA MALUNA--Na Lole hele kula o na Keiki i hooluuia me na waihooluu like ole, mai ke 90c a ka $3 o ka Lole hookahi

KEENA LOLE KANE--Na Paleili Kane nani o luna ame lalo 75 keneta wale no.

LOLE AUAU- O na Wahine Eleele a me Hauliuli Bolu, mamua $5, i keia wa $4.

HOOWEHIWEHI-- He nui na mea ano hou i hoea mai mai Nu Ioka mai.

He nui na Waiwai e ae o ko makou nei halekuai.  E hle mai e wae nou iho.

 

E NANA AE I KO MAKOU PUKA ANIANI

 

B.F. EHLERS & COMPANY.

ALANUI PAPU.

 

HOOLAHA KUAI A ME HOOPAA A KA MEA MORAKI.

            Ke hoike aku nei ka lohe maanei no ka hooko ana aku i ka mana o ka hoolilo ana i na mea maloko o kekahi moraki i hana ia ma ka la 29 o Mei, 1897, e John K. U. Kuaana o Honolulu, Mokupui o Oahu, ia C.E. Bishop, C.M. Hyde, C.M. Cooke, J.O. Carter ame Sam Damon na Kahu Waiwai malalo o ka palapala kauoha a B.P. Bishop i make o Honolulu i oleloia, a i hoopaa ia maloko o ke Keena Kope ma Honolulu ma ka buke aupuni 170 aoao 329 a ka 331, ua makemake ka mea paa moraki e hoopau i ka moraki i oleloia maluna o na kumu, oia hoi, ka uku oleia o ke kumupaa a me ka uku panee i konamaawa.  Olaila, ke hoolaha ia aku nei ua waiwai la i hoopaaia malalo o ka moraki i oleloia, e kuai kudala ia aku ana ia ma ke keena kudala o James F. Morgan, Alanui Moiwahine, Honolulu, ma ka Poaono, Novemaba 24, 1900, ma ka hora 12 awakea.

            O ka waiwai i hoakakaia maloko o ka moraki oia keia. Akahi; Oia kela mau apana elua nona ka ili aina 4 16-100 eka, e waiho ana ma Halawa, mokupuni o Molokai, o na aina a pau i hoakakaia maloko, i haawiia, a i hooiaioia no Kaluu ma ka Palapala Sila Nui 3491, Kuleana 8930. Elua; O kela mau apana aina elua e waiho ana ma Wailau, Ili Kieu ma ka mokupuni o Molokai, nona ka ili aina 910 anana kuea, o ia na aina i hoakakaia ma ka Palapala Sila Nui 2320, Kuleana 4809 i hookoia no Mahimahi

            J.O. CARTER,

            S.M. DAMON,

            ALFRED W. CARTER.

            Na Kahu Waiwai malalo o ka Palapala Kauoha a B.P. Bishop i make. Na mea paa moraki.

            Kuike ma ke dala gula Amerika Palapala Kuai ma ka lilo no ia o ka mea kuai.  No namea i koe e ninau ia Holmes a me Stanley nal oio no na mea paa moraki.

Hanaia ma Honolulu, Oct. 25, 1900

 

HOLAHA KUAI A ME HOO

PAA A KA MEA MORAKI

            Ke hoolaha ia aku nei ma keia po ka hooko ana i ka mana o ka hoolilo ana i kekahi moraki i hana ia ma ka la 15 o Mei, 1896 e Mary A. Aki o Honolulu mokupuni o Oahu ia S.C. Allen e hana nei malalo o ka hui o Allen & Robinson o Honolulu i olelo ia i moraki a hoopa ia ma ke Keena Kope ma Honolulu ma ka buke 160, ma na aoao 380 a ka 383, o ka moraki i olelo ia ua manao ia e hoopaa ia ua moraki la i olelo ia mamuli o na kumu ua hahaki ia ka aelike, oia hoi, ka uku ole ia o ke kumupa a me ka ukupanee i kona manawa.

            Ke hoolaha pu ia aku nei o ka waiwai i hoopaa ia maloko o ua moraki la i olelo ia e hoolilo ia aku ana no ia ma ke kuai kudala ia ana ma ke keena kduala o James F. Morgan, ma alanui Moiwahine, Honolulu ma ka Poaono, Novemaba 24, 1900 ma ka hora 12 o ke awakea.

            O ka waiwai i hoakaka ia maloko o ka Moraki i olelo ia oia keia.  Kela mau apana pa hale e waiho ana ma Kalihi, Kona, mokupuni Oahu he apana hoi no ka pa hale i hoakaka ia ma ka Palapala Sila Nui Helu 3546, kuleana 10496 i hooko ia no Nahinu i hoakaka ia na palena penei: E hoomaka ma kekahi wahi o ka aoao komohana o ke alanui Kamehameha Iv, 450 kapuai ma ka akau o ka huina alanui MOi a me Kamehameha IV (aoao akau) alaila holo penei:

            N. 34˚30' W. 200 Kapuai he alanui ololi alaila,

            S. 36˚ 05' W. 134 kapuai, alaila.

            S. 52˚ 20' E. 202 kapuai ahiki i ke alanui Kamehameha IV, kahi i hoomaka mai ai, nona ka ili aina 56-100 (kanalimakumamaono haneri) o ka eka pii aku a emi mai paha, maluna o ka aina.

            S.C. ALLEN

 

            E hana nei malalo o ka inoa hui o Allen & Robinson. Mea paa moraki

            Kuike me ke dala gula Amerika. O ka Palapala Kuai malalo o ka lilo o ka mea kuai. No ua mea i koe a ninau ia Holmes & Stanley, na loio no ka mea paa moraki.

Hanaia ma Honolulu, Oct. 24, 1900

 

KAUKA SLOGGETT.

Lapaau Maka a me Pepeiao, Progress Block Papahele 3

Manawa Hana: 9 a.m. a ka 4 p.m.