Ke Aloha Aina, Volume VI, Number 43, 27 October 1900 — Page 8

KE ALOHA AINA

 

8   KE ALOHA AINA, POAONO,  OKATOBA 27, 1900.

 

HE KAAO HAWAII

NO

HAINAKOLO

 

 Ka Ui Nohea o Waipio.  Ke Kai kamahine Nana o Wawahi i na Pani Paa o Kuaihelani a Haule Kona Kapu Ihiihi.

 

 A ma keia haawi lilo ana a ke alii i kona aupuni ia Lonokaiolohia aole oia i pane koke aku, no ka mea ua maopopo iho la iaia ua haawi io ke alii i ke aupuni nona, ma ke ano kilokilo a me ka mana ikaika me ke kilokilo ana.

 A o ia mana i loaa i ke alii, ua like ia me ka ike a m@na ikaika ho@, wahi a Lonokaiolohia,

 Pane elua a Lonokaiolohia imua o ke alii nui a me kona muli pokii a me ka lahui.  Ua olioli nui au ina pane akua ana, oi loa aku ma na mana kilo a ma ka mana ikaika ma ke kilo ana.

 Eia wale no ko'u manao ia oe ma na hoailona a ma ka ike kilo a ma ka mana ikaika ma ke kilo ana, ua pai a pai nou, no ke aupuni a me kou lahui, aohe mana e ae o oe hookahi ma kou aupuni, a o ke aupuni e kipi mai ana ia oe, aole lakou e lanakila maluna ou.

 Oia na hoike ma kuu papa konane, paa kou aupuni lanakila kou lahuikanaka, maemae ka aina, aohe kupu, aohe eu nana e kii mai a kaili ae no ka wa mau loa.

 Pane mai ke alii nui imua o Lonokaiolohia, akahi no a ike au i ka mana kiekie hunahuna ole iho ilike me oe.

 A nolaila, ke ae nei au e noho hou no ka wa mau loa i kuu aupuni ua loaa no kokua mai ia oe mai.

 Pane aku o Lonokaiolohia imua o ke alii, e oluolu oe e hookuu mai ia'u no ka'u huakai makaikai no keia wahi aku.

 Ua ae au ia oe e kuu akua, kuu haku, kuu milimili, kuu kokua wiwo ole, hopo ole ma na ano a pau, wahi a ke alii.

 Mamua o kou kaawale ana no kahi wa loihi, he manao ko kuu muli pokii e pane aku ia oe ke oluolu nae oe ia mea.

 Pane aku o Lonokaiolohia imua o laua, he wa kupono keia no ia manao.

 He mea oiaio imua o kou kapu ihiihi a me kou nani lua ole imua o maua, aole e loaa aku kou nani, kou mana kou ikaika aohe lua ina e hui ka lewa a maluna aku me ka papaku nei a malalo aku, ua uhipu a nalo no ka wa mau loa.

 Owau o Miloikeaalani, aole au i ike i kekahi mana oikelakela elike me kou kapu ihuhi, aole i launa aku me oe, no ka moa@, ua ike au i na aupuni i pio ia oe.

 Olioli au i ka hoi ana mai o ko mana aupuni mai kou mana oikelakela mai.

 I ka pau ana o keia mau olelo a Miloikeaolani, ua nalo aku la oia me ko laua ike ole.

 Nolaila, ninau aku la o Miloikeaolani i kona kaikunane, mahea ia i nalo iho nei ka ui, ka nani.

 Pane kona kaikunane iaia aole kaua i ike.

 A ma keia hele ana a hiki i ka papaku oia ka palena pau, aohe mea i halawai me ia a papa leo hoi, aka, he mau aupuni no a aole he pane mai iaia nei.

 A maanei ua hoopau oia i kana huakai makaikai, a ua hoi oia no kona wahi aupuni a hui me kona kupuna.

 A ma keia huakai a Lonokaiolo hia, ua ninau aku o Kuahailo i kana moopuna.

 Heaha na poopoo i ike ia e oe ma kou kilo ana ia mau aupuni?

 Heaha na mea huna pohihihi i ikeia e kuu alua Lonokaiolohia?

 A no keia mau ninau ia Lonokai olohia ua kulou iho la oia ilalo no kekahi manawa, a pane aku la ia Kuahailo me na huaolelo moakaka.

 Aohe poopoo aihe mea huna pohihihi i koe i ka ikeia.  Ina e ala io ana keia kaua aohe ahailono, koe wale no ke aupuni i haawi mai ai no'u, oia ke pakele mai kuu lima aku.

 Olelo m@i o Kuahailo ia Lonokaiolohia, ola na iwi i kuu moopuna akua, palahalaha ko wahi aupuni uuku he kapuai wale no.

 Nolaila, ua loihi na la, ua pono ia kaua ke hele no Keaoolino e ike i ou mau kupuna.

 Pane aku o Lonokaiolohia ia Kuahailo aole kaua e hiki ke hele he mau la kapu keia no laua.

 A me keia kaawale ana o Lonokaiolohia, ua pane hope aku ke kaikuahine imua o Lonokaiolohia e like me ka nui o kou lokomaikai no maua a ua poina ai i keia.

 Owau ka elele o ko maua aupuni nei no ka hui ana me na aupuni o ka lewa no ka imi ana i mea e poino ai ka inoa e weli ia nei.

 A pela hoi ka papaku a malalo aku no ka inoa i weli ia .  A na keia mau kumu i kono mai ia u e hoike aku i kou ihiihi kapu.  A i na ua hewa maua no keia, e kala mai oe ia maua.

 Pane aku o Lonokaiolohia imua laua.  Aohe mea nui ia aohe no hoi a'u kala ana.

 Ua lawa na manao ma keia huakai makaikai a Lonokaiolohia mai ka lewa a ka papaku o laio.  E huli kaou a nana i na mana nui ekolu, wahi a Lonokaiolohia.

 Akahi.  Na aupuni o ka lawe@.

 Alua.  Na aupuni o ka honua@.

 Akolu.  Na aupuni o ka papaku.

 Mamuli o na olelo i leno ia ma ke kaua ana o keia mau aupuni, aia no ia ma kahi i hooholo ia e na aupuni ekolu.

 A o ke aupuni e lanakila ana ma keia kaua aua, oia ke aupuni i kaua @@@

 

Mau

Olelo

Pokole   e pili ana i ka

  PAIN - KILLER

   (Peni Kila)

 He kahunapule no Montreal, Rev, James H. Dixon, no ka luakini St. Judes, a me Hon. Canon o Christ Church Cathedral, ua kakau mai oia:  E ae mai ia'u i mau wahi laina pokole no ka hoomaikai ana aku i ka Perry Davis' Pain-Killer.  He kanakolu kumamalima makahiki o'u i hoohana ai iaia me ka holopono.  He mea kupono keia na ka lehulehu e hilinai ai.

 PAIN-KILLER  He hoola no na Puu Eha.  Kunu.  Anu.  Aa Huki.

   Elua ano 25c.  a me 50c.

  He hookahi wale no Pain-Killer, Perry Davis'.

 

 @@@ mai i ka inoa i weli ia a me kona ohana.  A he kokua ana mai ka na aupuni i koe malalo o ke aupuni i lanakila mua, i mea e ko ai ko lakou makemake.

 He nui na makahiki a keia mau aupuni e noi nei i mea e ko ai ko lakou makemake, aohe loaa ia iini o lakou ma na ano a pau.

 Maanei hoi e huli kakou a nana aku ia Leimakani a me Luukia no ka laua kamalei, a akua hoi o laua.

 Ua loaa aku la ia Leimakani ma ka moeuhane kana keiki e kamailio pu ana me kekahi wahine ui lua ole e kamailio ana no na mea pili aupuni.

 A mahope iho ua hoomaka mai la oia e kaua ia Lonokaiolohia a me kona lahui, eia nae ua lanakila no o Lonokaiolohia.  Ua paa pio ia aupuni i ke akua o kaua.

 Pane aku o Leimakani ia Luukia hoeneu hoi ka'u moe no ke akua o kaua.

 

MAKAU O FARANI IA BERTANIA NUI.

 

 Paraisa, Oct. 10.  Elike me na hoike a ka La Presse, ua noho ke aupuni e kuka maluna o ke kumuhana o ka ae ana aku ia Peresidena Kreuger e hoolele ia ma Marsilles me ke kipa ana mai ma Parisa ma kona alahele no Holani.

 O keia manao no ke kipa ana mai o ka Peresidena Boa ma Farani wahi a ua nupepa la, ua kue ilaika aku o M. Deloasse.  E hoomanao kakou i ka hookipa ohohia ana o na kanaka i na elele Boa ekolu.  A heaha ka lakou e hana ai i ke kanaka wiwe ole aoo o Pretoria ina oia e hiki kino mai ana mamua o ka lahui Farani?  Ua maopopo i na makaainana Farani a pau ka helehelena o Oom Paul, a ua ohohia ia hoi e ka aina holookoa e like me ia ma Holani, aka, ua makemake ole ke aupuni e ala mai na mokuahana ana me Enelani.  O ka malama ia he hookipa ohaoha no Peresidena Kreuger e hooino no aku ana ia i ko Mr. Chamberlain noonoo.  Ina e holopono ana keia kue ana he mea maopopo o ke koa wiwo ole o Aferika Hema e noi ia aiu@ ana oia e hele ma kekahi alahele okoa.

 

 O na Hawaii a me na haole aloha aina a pau i aloha ia Hawaii a koho ana lakou i ke Keikialii Kawananakoa, no ka mea, maluna wale no Ona e loaa ai he manaolana no ka hoihoi hou ia mai o ko kakou kuokoa.

 Ma na lono i loaa mai la ia makou mai ke kahua ma'i mai o ka ehaeha ma Molokai, aia ka hina ikaika ana o ka uwahi kalaiaina ma ka Aoao Demokarata me ka Home Rula, aka, no ka aoao Repubalika he nawaliwali loa kona kulana i ahona i na poe paa lalo o ke aupuni.  O ko kakou lokahi ma ka Aoao Demokarata malaila e loaa ai he ola hou no na Hawaii.

 

Papa Inoa o na Moho ma ka loao Demokarata.

 

 

Senetoa:

 Hon. D. P. R. Isenberg Jr.,

  (Paulo Isenberg Opio.)

 Col. John D. Holt Jr.,

  (Keoni Holo Opio)

 Abraham Fernandez Esq.,

  (Aberahama Fernandez.)

 Hon. Edward K. Lilihalani,

 Hon. Joseph O Carter,

  (Keo Kaaka.)

 William Auld,

  (Wihama Olo.)

Lunamakaainana, Apana Eha:

 Charles W. Booth Esq.,

  (Kale Kaopu@.)

 Major J. M. Camara.

 S. William Spencer.

 Hon. E. C. Macfarlane,

  (Makapolena)

 John H. Wise Esq.,

  (Keoni Waika)

 Hon. John E. Bush,

  (Ailuene Buki.)

Lunamakaainana, Apana Elima:

 Hon. Samuel M. Damon,

  (Kamu Kaimana.)

 H. J. Mossmann Esq.

  (Mokimana.)

 Hon. Frank Brown.

  (Palanike Baraunu.)

 Frank Harvey Esq.,

  (Palanike Have.)

 E. William Holt.

  (Wihama Holo.)

 Jesse P. Makainai.

 (Ieke Makaimai.)

 

OLELO HOOLAHA.

 

 O ka Halekula Kaikamahine o Maunaulu@ Baldwin Hall, ma Paia, Maui, ua paa ka i ke kukulu ia, a e hoomaka ana ke kula ma ka la 5 o Novemaba 1900.

  MARY E. ALEXANDER.

  Peo@ Kame@