Ke Aloha Aina, Volume VI, Number 43, 27 October 1900 — Page 1

KE ALOHA AINA

UA MAU KE EA O KA AINA I KA PONO

BUKE VI.          HONOLULU, POAONO OKATOBA 27, 1900 HELU 43

 

HALAWAI MAKAAINANA NUI.

 

NUI KE OHOHIA IA O KA AOAO DEMOKARATA.

 

         Hoopiha Hou ia ka Hale Keaka Ofiuma me na Poe Makaainana -- Lohe ia ko Maui Leo.

 

         Ua wehe hou ia ae he halawai makaainana nui e ka Aoao De,okarata maloko o ka halekeaka Ofiuma iloko o ka wa a ka ua e haluku ana ma ka po Poakahi nei. Iloko o ka ino oia po ua hoopiha ia no nae ka Ofiuma.

         Ma ka hoea ana mai o ka manawa no ka haiolelo ana ua ku mai o Lunahoomalu McCarthy a hoolauna mai la ia Thomas Kalaka kekahi moho Senatoa o Maui.

         Mahope o kekahi mau kanaenae pokole ua haawi mai la oia i kona aloha no ke anaina, wahi ana. He aloha aina au no na makahiki ehiku i hala ae nei a hiki i keia la he aloha aina no au. I keia la eia he ekolu aoao kalaiaina oia ka Repubalika aihue aina, Demokarata aloha aina, a me ke Kuokoa. Ua hoike ae o Wilikoki iaia i loaa ai ka mana koho ia kakou. Ke hoike aku nei au ia oukou na Maui i lawe mai ia mea. Ma ka 1898 ua olelo ae o Wilikoki, Kalauokalani, a me J. K. Kaulia, ua hiki ia lakou ke hoihoi i ka Moiwahine. Ia wa hookahi no ua ao aku o Maui he hana hiki ole ia na ka Ahaolelo o Amerika Huipuia e noonoo mai ai, ua hoao lakou a ua ike ia ka nele.

         Ua loaa ia kakou ka pono koho balota mai na Demokarata mai, a i keia la o ka poe waiwai a me ka poe ilihune ua like a like ko laua kuleana ma ka paa balota. Eia o Wilikoki ke alakai nei i ka lahui ma kekahi alahele e haule aku ai iloko o kekahi lua hohonu. Ke hoike aku nei au ia oukou ina he makemake oukou i ko oukou kuokoa a me ko oukou hae e koho i ke Demokarata, no ka mea, o ke alahele kela e loaa hou ai

 

____________

E KAAHELE HOU AKA ANA.

 

         E haalele iho ana ke Keikialii Kawananakoa a me kekahi poe moho koikoi Hawaii ia Honolulu nei ma ka po Poaha, Nov. 1, 1900. maluna o kekahi mokuahi i hoolimalima ia e lakou, a e haiolelo ana ma na wahi a ma na manawai i hoikeia malalo iho nei ma ka Mokupuai o Maui: --

         KAHULUI, Poalima, Nov. 2, Hora 6 a. m.

         KEANAE, Poalima, Nov. 2, Hora 9 a.m.

         NAHIKU, Poalima, Nov. 2, Hora 12 m

         HANA, Poalima, Nov. 2, Hora 6 p. m.

         KIPAHULU, Poaono, Nov. 3, Hora 10 a. m.

         NUU, Poaono, Nov. 3, Hora 12 m.

         MAKENA, Poaono, Nov. 3, Hora 3 p. m.

         LAHAINA, Poaono, Nov. 3, Hora 6 p. m.

___________________

 

ko kakou kuokoa a me ko kakou hae. He mau hoaloha maua me Wilikoki maiko maua mau la opio mai, aka, i keia wa nae au e ike nei eia oia ke alakai hewa nei i ka lahui ua kue aku au iaia. I keia la eia ke Keikialii Kawa nanakoa ke hookaawa nei iaia iho no ka pono o na poe e aloha ana i ko lakou aina a me ko lakou nae. E hoouna aku i ke Keikialii Kawananakoa me kona inoa alii i ike mai ai o Amerika he aloha oiaio no ko oukou i ko oukou alii a me ko oukou aina. Aka ina, he makemake ko oukou i kanaka akamai ike kaua e hoouna ia Wilikoki.

         Maanei ua hoolauua ia mai o J. H. Wise, wahi ana. Aole e hiki ia’u ke hoike aku ua hanau ia au he Demokarata. Aka, ke manaoio nei au o ke Demokarata ka aoao o loaa ai o ka pomaikai ia kakou, aka, ma he pomaikai ma ka aoao Repubalike e wehe no au i ko’u kuka Demokarata. Owai na poe o ka Repubalika. O na poe no e kakoo nei i ka haole umiumi loihi a me kaua kakauolelo. Owai na poe o ka Aoao Kuokoa. O Robata Roe i hoohiki malalo o ka hoohuiaina, o Keoki Makamu i holo ai maluna o ka mokukolo Eleu e kipoka i na Hawaii mawaho o L@ ahi. Aole paha oukou i mao popo ia’u. Ke hoike aku nei au owau kekahi i lawe hele ia ae e na mikanele ma na alanui. E hele ana au e paio i na enemi, Repubalika, e olelo nei i keia la he aloha lakou i ka aina. Eia lakou ke olelo nei e haawi ana lakou i uku hoomau no ka Moiwahine, ihea no hoi lakou hana mua i ke ia mau makahiki ehiku i hala ae nei. Eia lakou ke haawi mai nei i ka hana i na Hawaii ma na alanui no ke alualu ana i ko oukou mau balota. E poino no oukou ke koho i ka Repubalika.

         Ua olelo mai lakou he opiopio ke Keikialii Kawananakoa, aka, mai noonoo ia mea. Ua kue mai lakou i ka hoohanaia ana o ke kapu o na’lii oia ka puloulou a me ke kahili. Ua ae ka Moiwahine i keia mea a pehea aole anei e hiki ia makou ke hoohana aku? Eia oia ke kakoo nei i keia aoao, no keaha e hiki ole ai i keia wa e hana ia ai ia mea?

         Ua ku mai o E. K. Lilikalani ma keia wahi a hoike mai la, he ekolu mau elele e noonoo ia nei no ka hoonua ana aku i kekahi o lakou no ka Ahaolelo o Wasinetona. No Sam. Paka oia ke Kuhina Kaua i ka wa i kahulihia ai ke aupuni, a mamuli o konahohe wale ua haawi aku la oia i na poe hookahuli aupuni kakaikahi i ka mana o ke aupuni, oiai no nae na koa kuma@ paila a me ka oihou @ kaukau ana no ke @ keia mau hana. O Wilikoki hoi mamuli o kona alakai hawawa ua hoopaahao ia ka Moiwahine, a ua lilo pu aku hoi he mau ola. Aka, no ke Keikialii Kawananakoa, ua hana mua no oia i ka hana a ke lahui, i ka 1893 ua hoouna ia aku oia i Wasinetona me Paul Numana, no ka anuhi  ia ana mai o ke kuikahi hoohui aina a ua holopono ka laua bana. Nolaila, e koho i ke Keikialii i ike mau ia ai no ko oukou aloha i na alii a me ke aloha i ka aina.

          Mahope mai ona ua ku mai o Ailuene Buki, H J Mossman, F. Harvey, Sam K Kaloa a me Keoni Rikikiui o Maui, a o la haiolelo hope loa oia no o McClanahan. Wahi ana:

         O na aoao kalalalua ua iike loa no ia me no kauaka no ka mea, ma ka lakou haua e ike ai kakou ia lakou. E hoike aku ana au imua o oukou, ai ko’u wa e olalo ai i na mea i kamailio ia no na kumuhana a keia mau aoao kalaiaina nei o Amerika Huupuia na hiki no ia oukou ke hoomaopopo ia laua me ko’u hai ole aku i ko laua mau inoa. He kanaka koikoi a hoopono no Amerika Huipuia, ua olelo ae oia, he hookahi aoao he aoao no ke dala a o kekahi aku he aoao no ke kanaka, a ua hiki la’u ke aa aku ua maopopo i na poe a pau maloko o keia hale keia mau aoao.  A i ko’u wa e olelo ae ai o ka aoao Repubalika o Amerika Huipuia oia ka aoao o ke dala, a o ka Aoao Demokarata oia ka a ao o ke kanaka, ua lawa ia no ka hoakaka ana aku ia oukou i na kahua a keia mau aoao e hoomalu ana mai ko laua wa i hoomaka ia ai e kukulu. O na Repubalika aia ko lakou mau kuka ikaika ana maluna o ka ninau dala, me ke hoole ae i ka noohoo ana i na mea pono pili hoakanaka. M@i ke kekulu ia ana o ka Repubalika Amerika, a o ke kahua o ua Repubalika la, a maluna he@na e keehi paa nei ke Kumuk@wai, ua hanauia ke kanaka me ka ke-

         (K@ ma ka @ d@)