Ke Aloha Aina, Volume VI, Number 42, 20 ʻOkakopa 1900 — Page 8
| This text was transcribed by: | Ruth S. Goldstein |
| This work is dedicated to: | Awaiaulu |
KE ALOHA AINA
Ka Ui Nohea o Waipio. Ke Kai kamahine Nana i Wawahi i na Pani Pa o Kuaiheiani a Haule Kona Kapu Ihiihi.
Ua pane aku o Lonokaio’ohia imua o ka moiwahine, aole e hiki i kekahi aupuni a mau aupuni paha ke ninau elike me keia, no ka mea, he makau wale kona ano.
I ak lohe ana o ka moiwahine i keia mau olelo a Lonokaiolohia, ua pi@ ino kona inaina no keia mau olelo. Ua makaukau au o kaua aku ia oe i heia wa a hoi uhane aku i kou aupuni i hele mai ai.
Pane aku o Lonokaiolohia imua o ka moiwahine, aole au e nee mai keia wahi a’u e ku nei a hiki i ka nalo ana ou a me kou lahui.
Ua oiaio na olelo a Lonokaiolohia i kela moi lokoino a mee kona Lahui aohe ahailono, i ka mao ana ae o ka pouli nui, aia hoi, e waiho mai ana ua make lakou ia lakou iho me ka lalau one aku o kona lima.
Ia wa i olelo aku ai o Lonokaiolohia i ka moiwahine, ua aki kou aa ana mai e kaua mai i ka mea hookaoi, no ka mea, aohe i lawa ka mana a me ka ikaika ia oe, a ke hilahila nei au no kaua mau hana hokiekie imua o’u.
Pane mai ka moiwahine imua o Lonokaiolohia, aole au e hoi hope a hiki i kou make ana, alaila, moe kuu maka a me ke koena o kuu lahui e ku makaukau nei no ka hooili ana i ke kaua weliweli maluna ou.
Pane aku o Lonokaiolohia i ka moiwahine, aole au mea e ae mai keia wahi ae a hiki i kou paa pio ana me ke koena o kou lahui.
Ua ko keia olelo a Lonokaiolohia ua paa ka moiwahine a me kona lahui ka kahi paa o ua aupuni nei aole i luku ia, no ka mea hilahila loa oia ia mea, nolaila, ua hoopau oia i kana hana malaila, aole nae no ka hoopoino ia lakou.
A ma ka paa ana o keia moiwahine a me kona lahui ia Lonokaio lohia, ua ulu mai no kona manao no ka huakai makaikai ina aupuni i koe ana e manao nei aohe hae mea i halawai ma kona alahele, nolaila, ua ulu mai kona manao, no ka mea ua lawa.
A ma kekahi aupuni kanaka ole ua ike oia i na pua ala e moani ana i na huaai e lulou ana a noe ka nani lua ole o keia aupuni.
Oia oia e nana ana i keia mau mea. loaa iho la iaia he moeuhane, ua ike aku la oia i kekahi kanaka ui a nani i oi mamua oua.
Pane mai la oia iaia nei, e ka malihini ka@hele e h@le pua kau huakai ihea.
Pane o Lonokaiolohia imua o ke kanaka ui, e hele ana ka u huakai a hiki i ka palena pau o keia mau aupuni hoi mai au.
Pane mai ua kanaka ui nei ia Lonokaiolohia aole paha e hiki ia oe ke aa aku i keia mau aupuni, no ka mea, mai laila mai au.
Pane aku o Lonokaiolohia i ke kanaka ui, o ka hoao paha ka mea e hiki ai, ina no ka make aohe minamina.
A na keia mau olelo a Lonokaiolohia imua o ke kanaka ui. Ua pane mai oia ina ua lawa kou ikaika a me kou mana a kilo hoi, e hana aku oe elike me ia. O ke aloha no kou e ka malihini kaahele.
I ka puoho ana ae o Lonokaiolohia eia ka he moeuhane, nolaila, ua hooko no oia i kana apana hana me ka makau ole i na pilikia e alai mai ana ma kona alahele.
A ma kona kaawale ana mai ke aupuni kanaka ole ana i noho ai, ua ike aku la oia i kekahi aupuni nui me ka lahui aole e hiki ke helu ia a me ka moi kane e nohoalii nani ana maluna o kona aupuni
Ua makaikai no oia i kona mau koalono aohe mea i hoopoino mai aia.
A ma ka lua o na aupuni ua hookuke mai la ka moi oia aupuni iaia nei aole e komo iloko. Ua ae no keia, eia nae, aole e hiki i neia aupuni ke hemo ma kona mau palena.
Maanei nae hiki aku la o Lonokalolohia i ke aupuni o ke kanaka ui ana i ike ai ma ka moeuhane. Ua akea ke alanui nou e ka ui, ka nani a’u e ike nei, aohe lua, ua noa na wahi a pau o ko’u aupuni nei ia oe, no ka mea, ua hoike mua au ia oe ma ka moeuhane, a elike me ia a@o pela iho la au i hookipa ai ia oe maanei.
Pane aku o Lonokaiolohia imua o ke kamaaina maikai, aole au i ike mai ke lewa a maluna aku a pela hoi me ka papako a hiki mai la oe na hookipa maikai aua, a nolaila, ua aie nui au i kou lokomaikai lua ole, eia ka lua, ua kuu akea mai oe ia’u no ka makaikai ana i kou aupuni a me kou lahui a me ka nani oikelakela o kou halealii a’u e ike nei.
Pane hou mai ua alii nei ia Lonokaiolohia. O kuu aupuni a me kuu lahui, ka haleahi, kuu kaikoahi@e a me auj’u pu no ke aupuni, a e noho kanaka aku malalo ou.
Pane aku o Lonokaiolohia imua o ke alii, aole i kupono ia’u ka lawe ana i kou waiwai ponoi mai ko olua mau kopuoa mai a me ko olua halealii a me ka lahuikanaka.
No ka mea, he hana ino loa keia aole loa au e lawe i ko elua waiwai no ka mea, nohe ia he hana maikai ua ka hoaloha i ka hoaloha.
Pane mai ua alii nei ia Lonokaiolohia, auhea oe ma kuu mana @ile a ma kuu mana ikaika ma ka @ a maluna aku, a pela hoi ka papako a hiki mai ia’u ua haule na aupuni a pau ina e hiki io mai ana ia wa, no ka mea, ke hoookuku nei na mana like ole no ka makau i keia inoa e weli ia nei.
Eia ka lua o na kumu, aohe o’u makemake e kuku hoomainoino ia mai ko’u lahui a me maua pu, nolaila, ua lilo ke aupuni a me ka lahui a me maua pu e noho kanaka aku maua malalo ou, o na pono iho ka ai maikai ka noho laula ana ma keia aupuni.
A eia ke kolu, ina hoi aohe e hiki io mai ana ia la ua lilo no ke aupuni ia oe, aohe o maua kuleana a me ka lahui i ke aupuni, nou a mau loa aku, no ka mea, ke hoike mai nei na ouli o ka lewa a me ka papaku o lalo nei, o oe no ua weli la ao he mea e ae, oia ko’u ike kilo a me ko’u mana ikaika ma ke kilo, nolaila, e paa oe i ke aupuni nou a mau loa aku.
MAU MAKE HOOHUOI IA.
He ekolu mau make hikiwawe i ikeia ma Kailua, ma keia mau pule aku nei. O na poe i make oia o Kaeo, Alexander Burgess a me kana wahine. Ua oleloia ae, ua hele aku keia poe i ‘ka paina luai i haawi ia ae malaila no ke Keikialii Kawananakoa a me kona mau hoa ma ka Poaono, Oct. 6. Ma ka La Pule ae, Oct. 7, ua hoomau keia i ka inu ana ma kahi o Kaeo, a ma ka Poakahi ua loaa iho la o Kaeo i ka ma’i a make iho la ma ke ahiahi Poaiua.
Ua hoomau o Burgess a me kaua wahine i ka inu ana, a ma ka wanaao Poalua ua hoi aka la laua no ko laua home. Ua loaa koke o Mrs. Bugress i koma’i a @a ka hora 11 o ia awakea ua make iho la oia. O Mr. Gurgess ua loaa pu no oia i ka ma’i a ma ka hora 3 no o ia auina la i make ai oia.
He elua mau kanaka opio i ko mo pu ma keia aha inu i loaa i ka ma’i, a pakele makunehune ko lana ola mai make. Ua lawe ia mai ka opu o Kaeo no ka nana ia ana e na kauka aupuni o Honolulu nei i ko lakou kumu i make ai. Ua manaole no nae mamuli uo ia o ke ino o ka ram@ a lakou i i@ ai ko lakou kumu poino.
Papa Inoa o na Moho ma ka loao Demokarata.
Senators:
Hon. D. P. R. Isenberg Jr,
(Paulo Ia@nberg Opio.)
Col. John D. Holt Jr.
(Keoni Holo Opio)
Abraham Fernandez Esq.
(Aberahama Fernandez)
Hon. Edward K. Lilikalani,
Hon. Joseph O. Carter,
(Keo Kaaka.)
Francisco J. testa,
(Hoke.)
Lunamakaainana, Apana Eha:
Charles W. Booth, Esq.
(Kale Keopu,)
Major J. M. Camara.
S. William Spencer.
Hon. E. C. Macfarlane,
(Makapolena)
John H. Wise Esq.,
(Keoni Waika)
Hon. John E. Bush,
(Ailuene Buki.)
Lunamakaainana, Apana Elima:
Hon. Samuel M. Damon,
(Kamu Kaimana.)
H. J. Mossman Esq
(Mokimana.)
Hon. Frank Brown,
(Palaniko Haraunu.)
Frank Harvey Esq.
(Palanike Have.)
Hon Samuel K. Pua.
Jesse P. Makainai,
(Ieke Maka@i)
E HOOLIMALIMA IA ANA.
He aina i mahele ole ia a waiho nei ma Keauhou, Kona, Hawaii, i hoakaka ia ma ka Palapale Sila Nui Helu 6843, kuleana Helu 5903 a me 10,734 nona ka haina ekolu apana o ehiku me ka hapa eka. No ka uka hoolimalima e hui ae me.
Joseph O. Carter
Kahu Malama Waiwai.
Honolulu, Sept. 26, 1900. lm
HOOLAHA HOOKOHU MOPE.
Oiai au ua oo i keia manawa, aole hoi i mare kane, nolaila, ke hoonoho nei au ia Kal@ (k) kuu kaikunane i hope no’u. He maua pika kona e hana ai no ko’u mau waiwai paa e waiho nei ma Waipio, Hamakua, Hawaii.
Kaiawa K@
Sepatemaba @1m 19@
OLELO HOOLAHA.
Owau o ka mea nona ka Inoa malalo ina nei ke hoike aka nei au i ko’u mau makamaka Hawaii. Oiai ua haalele mai ka’u kane Mr. E. @ Wiliame, i ka @anelawa pu ana me a’u i na hapa pili i na kino make. Ua makekau loa au a hoalo
he i nakanoha e waiho ia mai ana ia’u mai ko’u ouau loa oha mai me kakahi ma kanaka akamai i loaa mai la mai Amerika Hu@
Owau no me ka maie,
MRS. E. A. WILLIAMS
Honolulu, Oct. 13, 1900.