Ke Aloha Aina, Volume VI, Number 42, 20 ʻOkakopa 1900 — Page 1

KE ALOHA AINA

 

HILO BAY. HAWAII

UA MAU KE EA O KA AINA I KA PONO:

HOOKUMUIA I MEI 20, 1895

 

BUKE  VI.   HONOLULU,  POAONO  OKATOBA 20, 1900   HELU  42

 

LOHEIA KA LEO O NA MOHO

 

HE ALOHA AINA KE KAHUA O KE DEMOKARATA.

 

 Haawiia he Halawai Makaainana Nui e ia Aoao ma ka Hale Keaka Ofiuma. Nui ke Ohohiaia.

 

 Ma ka hora 8 o ka po Poakahi nei i malamaia ae ai e ka Aoao Demokarata he halawai makaainana nui maloko o ka kale keaka Ofiuma.  Mamua o ka hoea ana mai o ka wa e ku mai ai na haiolelo oia po imua o ke anaina i akoakoa aku, ua hoopiha-u ia ae la na wahi a pau o ua hale keaka la me ke ku ku ia o waho o ka puka e komo mai ai.  I ka wa i hoea mai ai ka manawa no ka wehe ia ana o na hana haiolelo, ua ku mai la o Lunahoomalu McCarthy, a hoolauna mai la ia Sam. Kaloa, oia ka haiolelo mua oia po.

 Ua ku mai o Sam. Kaloa a haawi mai la i kekahi kalai manao naauao e kakoo ikaika ana, aohe aoao kupono e ae a Hawaii e hahai ai, aka, o ke Demokarata wale no, a o ka mea hoi i oi loa ae ai kona hanohano aia he alii hanau o ka aina ka elele a ia aoao no ka Ahaolelo o Wasinetona.

 Mahope o ka pau ana o kona manawa ua ku mai la o Aberahama Fernandez kekahi moho senatoa no ka mokupuni o Oahu nei, a haawi mai he mau hua olelo pokole.  E hoike ana i ka hoopilikia ia ana o na Hawaii e na Repubalika, a oia hoi kekahi i hoonele ia me ka hana mamuli o kona ae ole ana e kakoo aku i ka lakou mau hana hewa, a ua hoopaahau wale ia hoi me kona lihi launa ole a me ka maopopo ole iaia o ke kumu, aka, ua hoea la nae ka wa no na Hawaii e lanakila ai maluna o ko lakou mau enemi.

 Ma keia wahi i ku mai ai o J. O. Carter (Keo Kaaka,) a ua mahele ia mai kana haiolelo e F. J. Testa ma ka olelo Hawaii, penei:

 Ua hoea mai au imua o oukou no ke kamailo ana aku i ka'u mea i manao io ai he oiaio.  O ke ke kulana o na la kahiko ua kaa wale aku ia.  I keia la ua nalowale aku ko kakou hae.  Ua kaumaha au no ka mea i nalo aku la, aka, ma ke ano he makaainana maikai e hana no au e like me ka hiki no keia kulana hou.

 Aia he nui wale iwaena o na Hawaii he poe e ao ana i ko lakou mau hoakanaka e ku kaawale.  He hana hiki ole nae ia ia'u ke ao aku pela.  Eia he poe ke olelo nei o ko'u apone ana aku i ke Demokarata, na huli ae au a haalele i na Hawaii.  Ke noi aku nei au ia oukou mai puni aku ia mau olelo.  Imua au o oukou i ko'u mau la kamalii, a i ko'u mau la kanaka ui a i keia wa hoi iloko o ua oho hina, a ke olelo nei au i keia po o ko'a manao aloha no Hawaii a me na kanaka Hawaii he oia mau kona kupaa a me ka oiaio no ka wa pau ole.  Ke hoike aku nei au imua o oukou e lokahi kakou ma ka hana no ka pono o na kanaka a me na poe hanau o na aina e.  Na oukou e na Hawaii e noonoo no oukou iho i ka aoao a oukou e kakoo ae ina o ka Demokarata a i ole o ka Repubalika.  Ua hooholo au e kakoo i ke Demokarata.  Ina oukou e hahai mai ana mahope o'u e hanoli no au.  Ua hoike mai ka Aoao Demokarata aole o lakou manao kue no oukou a i ole i ko oukou mau alii.  Ua hapai ae lakou ma ke poo o ka lakou balota i ke alii, Kawananakoa, a ke haaheo nei au no kona lilo ana i poo no ka balota maluna olaila au e paa nei i ko'u kulana.

 I ka pau ana o ka Keo Kaaka haiolelo me ke ohonia nui ia, ua hoolaunaia mai la o S. W. Spencer.  Ma kana hoike me he mea la, oia ke kanaka opiopio iwaena o na moho i wae ia e ke Demokarata.  Aka, aia no nae he manao oiaio iloko ona i ko lakou wa e komo aku ai iloko o kela

 

( E nana ma ka aoao ekolu)

 

HE KIPU WELIWELI

 

MAKE KE KANE A KE KAMAU NEI KA WAHINE.

 

 He Lili ke Kumu i Hoea mai ai Keia Hana Manaonao ma ka Hotele Honolulu.

 

 Ma ka hora 8 o ka po Poalua nei, ua malamaia ae la he kipu weliweli maloko o kekahi rumi o ka Hotele Honolulu e ku nei ma ka alanui Nuuanu kokoke i ke alanui Waina e Mr. Steigemann maluna o kana wahine, a mahope o kona ike ana ua hooko ia kona makemake maluna o kana wahine, na hoohuli ae la oia i kana pu panapana a ki iho la no iaia.

 Mahope koke iho o ka lawelaweia ana o keia hana manaonao ua hoike ia mai la ha lohe i ka halewai, a i ka wa i hoea aku ai na makai ma kahi o keia hana weliweli i hooko ia ai, na loaa aku la ke kane a me kana wahine e waiho ana iluna o ka papahele iloko o ka lokowai koko, i puka mai ma kahi a ua poka a ke aloha ole i kapoo aku ai iloko o ko laua mau kino.

 Ua lawei aku laua me ka awiwi nui no ka haukipila, a malaila i nana ia ai ko laua mau palapu e ua kauka aupuni.  Ua ike ia he elua mau poka i kapoo aku ma ka aoao akau o ka wahine.  O ke kane hoi, ua ku oia i ka poka ma ka aoao akau o kona lae.

 Ua hoao ua kauka e hoopakele i ke ola o na mea poino, aka, ma ka hora 19:40 ua lele loa ae la ke aho o ke kane, a o ka wahine aia no ke kamau iki la ke ola iloko ona.

 O keia haole i lawe iho la i ke oia o kana wahine a me kona, oia no ka mea nona kela wahi hale kuai e ku nei ma ke alanui Moi, kokoke i ke alanui Betala, ma Ewa iho o ka hale kuai o W. W. Dimond.

 Ma ka lohe i hoike ia mai o ke kumu i hooko ai keia haole i keia hana weliweli, mamuli no ia o ka haalele ana mai e kana wahine iaia, a hele aku la e noho me kekahi haole okoa aku.  Ua kii aku keia haole e hoi mai oia i ona ia a me ka laua mau keiki elua, aka, ua maliu ole ia mai nae ia.

 Nolaila, ma ka po i olelo ia ae la ua koi aku la oia i ka makuakane o kana wahine e pii lana no ka rumi o kana wahine e noho aua no ka hoao hou ana e noi aku e hoi mai oia.  Ua ae mai ka makuakane o ka wahine i keia manao, a pii pu aku la me kana hunona.  Ua malamaia he mau kukai olelo ana mawaena o ke kane a me ka wahine, a ua ae mai hoi ka wahine e hoi mai ma kekahi la ae, a i ka wa o Steigemann a me kona makuahunowai e liuliu ana no ka haalei@ ana aku i ua rumi la, ia wa i huli na@ ai ua haole la a ki aku@ la i kana wahine.   He mau Iudeio@ lana a elua, ua hanau ia o Steigemann ma Ierusalema, a o kana wahine hoi ma Jaffa, na mare ia laua he mau makahiki i hala ae nei, a he elua a laua mau keiki i-oili mai mai ko laua mau puhaka mai.

 

 Oiai ua maopopo no@ nei kela a me keia aoao kalaiaina, ua hoea mai la ka wa no ka paio.  E ala e na Demokarata a pau a e hooko eku i ka oukou hana. Ioa e hooko ia ana ia mea e loaa ana@ no ka lanakila.

 E loaa ana i ke Keikialii Kawananakoa he mau balota nui hewahewa ma Kauai, ke one hanau o kona mau kupuna, a pela no me Maui.  O Hawaii e mahele like ia ana laue no Kawananakoa a me Sam. Paka.  Ma Oahu nei he ekolu mau moho e loaa like ana ia lakou na balota, oia o Kawananakoa, Paka a me Wilikoki, loa o keia mau kumu e oiaio ana. e loaa ana i ke Keikialii Kawananakoa ke oi ae o na huina@ balota ma kahi e 1500 a ka 2000.