Ke Aloha Aina, Volume VI, Number 41, 13 ʻOkakopa 1900 — NA NIOI O PAKAALANA. [ARTICLE]

NA NIOI O PAKAALANA.

Mai poina, e koho i ke Keikialii Kawananakoa, he pua'lii mai ka po mai. He elima mau wahine Hawaii no lakou na inoa o Mrs. Jessie Kaae, Mrs. Stillman, Mrs. Hopkina, Mrs. Kihapa a me Mrs. Napahalna, i hala aka la no ka haiolelo ana ma na apana mawaho aku aei; no ka pomaikai o ka aoao Repubalika. Ma ke kaaahi o ke kakahiaka Poakolu nei i iho aku la o Hope Makai Nui Chillingworth no lalo o Ewa a hopu aku la he umi Pake puhi opiuma maloko o ka halekuai o Sun Kun, ma ka huli ia ana aku o ka hale ua loaa aku ia he elua tini opiuma Hongkong. Ua lawe ia mai o Sun Kun no ka halewai, a ua hookuu ia malalo o ka bona o $400. Ua lohe mai makou mai ka halawai a ka aoao Repubalika i malamaia ai ma kahi o John Ii, ma Kakaako ae nei, ua ku mai o Jesse [Jessie?] Kaae, he wahine aloha aina mamua, aka, i huli aku nae ma ka Aoao Repubalika, a haawi mai la he haiolelo imua o ke anaina i akoakoa aku, aka, mamuli nae o ka makemake ole o na kane e hoolohe i keia palekoki, ua kahea mai la lakou e noho ilalo, aka, ua ano okalakala aku la nae ua lede la, a haalele @ na kanaka i ka hoolohe @ i na haiolelo oia po.