Ke Aloha Aina, Volume VI, Number 40, 6 ʻOkakopa 1900 — Page 7

KE ALOHA AINA

 

HON. J. O. CARTER.

(Keo Kaaka.)

 

            O keia kekahi moho o ka Aoao Demokarata no ka Aha Senate. He kamaaina keia a he aloha aina oialo. Ua hoino ia oia e ka Aoao Rupubalika a no kona ae ole ana e hoohiki i ke aupuni Repubalika o Hawaii, na haalele oia i kana hana, he luna nui no ka hui kalema o Berua ma. Ua noho oia iloko oia oihana waiwai he malama @@@ hela o ke aupuni. Ua koho ia hoi i ka makahiki 1872 he Lunamakaainana, a he nui kona kue i ka aoao aupuni oia mau la no na hoolilo ahuai no na hana o ke aupuni. Ua ka ulana hoi oia i ka nui o kane mau hoololi i ke kanawai "haku a me kauwa." E paio mau ana oia i na haku i ka hook@u@a kuapaa i na paahana Hawaii e hoopaa ia ana malalo o na olelo aelike, no na olelo hoopaahao no ka aie o na limahana. Ua hele kona uwao mahope o na kanaka i hoopaa ia malalo o na aelike hookauwa kuapaa e like me ia ma na mahi ko ma Hawaii. A hiki i keia la ke mau nei no kona ewaewa ia e kona mau hoa haole no kopa ku mahope o ka Aoao o na Hawaii. Ua huhu loa ia oia i kona wa i hoao ai e hookuu ia na ohua pake mai na moku mahu hoopae limahana e holo ana no Chili i ka 1868 a ka 1868, a no kona hooikaikai na makau na kapena oia mau moku a hooki i ka holo ana a kipa mai ia Hawaii nei. Nolaila, aole oia he malihini ia kakou a aole no hoi he kanaka i kaulana ole ia kakou.

 

FRED H. HAYSELDEN.

(Kikaha.)

 

            He haole Beritania o Mr. Hayselden a na hiki mai oia ma Hawaii nei i ka makahiki 1867, a maanei nei oia kahi i noho ai a hiki i keia manawa. He halekuai kona me hona kaikuaana ma Honolulu nei, a i ka makahiki 1874, na mare oia i ke kaikamahine hookahi a ka Hon. W. M. Gibson, (Kipikona) i kaulana ai i kona mau la i noho ae ai he Kuhini Nui no Kalakaua I. He keiki punahele o Kaikaha na kona makuahunawai. O ka lima akau iho la no ia o ke kuhina ma na hana a pau. He hoaloha pumehana oia no ka Moi Kalakaua a me Liliuokalani i ka laua noho ana ae ma ka noho moi o Hawaii a ke mau nei no kela aloha alii a keia la. Ua noho oia ma ma na oihana he lehulehu malalo o ua no ana moi, e l@a hoi ka luna helu no Makawao a me Laha ina, a oia hoi kekahi i noho loihi he luna helu no Honolulu nei. He kakauolelo oia no ka Papa Ola no kekahi maumakahiki, a iaia ma ia kulana i lilo ai oia he hoaloha oiaio no na hoa Hawaii ona. Ua hoopoi oia i na Hawaii i haulehia i ka poino o ka ma'i hookaawale ohana. Ua malama ia ka pono o kela a me keia @ia'i me he la he hoahanai ponoi nona, a na hooluolu ia noi ka mana o ke kanawai hookaawale me na manao aloha o kona puuwai iaia e hooko ana i kana hana mak ka oihana. Ua koho balota ana o ia wa a hiki wale i keia wa, a nana i pulama aku ma kona ohohia ia e na Hawaii, kona mau hoa, oia o Keau, Keoni Beka a me Lilikalani.

            I kona helu auhau ana aole hoi he hoopii hoohalahala a ka poe ilihune iaia, koe aku na hoopii a ka poe waiwai. He maemae kona moolelo ma ka Ahaolelo.

A hiki i keia la ke mau nei no ke aloha o na Hawaii iaia. Aole loa no hoi e haule na hoomanao ana a na ma'i alii a me ko lakou ohana  ikana mau hana ia lakou, a aia no ke ola nei kekahi poe o ia mau la i ike a i aloaha ia Kikaha. He oia mau kona aloha i na Hawaii a ka hopena.

 

NUI NA OPIO E HELE NEI I KE KULA.

 

            Ma ka hoike a na halekula aupuni a pou o ka Apana o Kona nei, ua ike ia ka pii mahua hua ana ae o na opio i komo aku ma ia mau halekula i keia makahiki i ko na wa i hala ae ne. Ma ka halekula Kaahumanu ua hoea akula ka nui o na oipio i ka 481, a o ka halekula Kaiulani hoi i ka 495.

            O keia na halekula aupuni nui ma keia kulanakauhale, a he 540 haumana

pakahi ko laua piha pono nolaila, he mea pono i na makua mea keiki i koe e hookuu i ka lakou mau keiki e hele e hooikaika i ka naauao, no ka mea, o ko lakou makua wale no ia o keia mua aku i ka wa e aui ae ai ko kakou mau la.

 

            Ua lohe mai makou eia kekahi mau Repubalika ke kokua nei i ke ola o ka nupepa Ka Loea Kalaiaina, i hookomo ia ai ko lakou mau manao alakai ma loko oia pepa. A ua ike mua ia ma ke komo ana o na manao o J. M. Poepoe. Laki no.

            Ua ike iho la makou maloko o ka nupepa Ka Lahui Hawaii, ua Mr. Kaleihuia ka ke@a mau manao ano keonimana ole i hoopuka ia ai maloko o Ka Loea Kalaialua i ke@a mau pule aku nui, e puhi ana maluna o ka makou makuahine puuku, He mea oiaio, ua hoike mai no i kona ano hupa a peia oia i hailiili ai i kela le@e hooponopono, a mamuli hoi o ko makou makemake ole @ paio aku me ia, ua hookuu maile aku no makou @@ e walaau.

 

HE MOOLELO WALOHIA

NO

ALANADELA

 

ka Wahine Hoopohaohao o ka Aahu Keokeo

A I OLE

Ka Loea Hookani Pila Hapa o ke Kulu Aumoe.

            Aka me ka leo malie i piha me ke kaumaha pane aku la o Kaisa i kona hoaaloha i ka i ana aku me na waimaka e hiolo makawalu ana ma kona mau papalina.

            E kuu haku wahine Alanadela mai ae i keia manao weliweli a lanakili maluna ou, no ka mea, aole i maopopo ka awahia a keia haawina e halawai mai ana maluna ou, i kou wa e hooko ia aku ai, a oiai, eia no au ke ola aku nei, he manaolana no ko'u ua hiki no ia'u ke malamalama ia oe a hiki i ka wa e loaa hou aku ai he mea na kou puuwai e aloha ai. A mai nana aku hoi i ka mea i hala, oiai, aole oia e hoi hou mai ana, aka, o kakou ke hele aku ana i ona ia. Nolaila, e hookaawale loa aku i kela manao lapuwale ou, a e hoopakele ae hoi i kou ola.

            Me na waimaka e niolo ana ma ko Alanadela mai papalina, haliu aku la oia maluna hoaloha ao@, a pane aku ia me ka puuwai ehaeha.

            E ka hoaloha maikai, o kau mau uwalo ana a pau aole loa i komo mai he lihi oia mau mea i kuu puuwai nei. A he mea oiaio e kuu Kais@ maikai, na makaukau loa au e hele aku ma ke awawa nalu o ka make me ka hopohopo ole i k@@a alahele i piha me ke kaumaha a me ka luuluu, ina o ke alahele wale no ia e hui ai au me ka uhane o keia kino puanuanu e waiho ae nei imua o ko kaua alo, kuuhoapili hoi o ke ao a me ka po.

            Nolaila, he hana paakiki loa na'u ka ae ana aku i kou mau manao, a ua hoohiki pu aku no hoi ai iaia me kona wahi e hele ai, a e noho ai paha, owau pu no kekahi me ia a ma kona wahi e make ai, malaila pu no au e make ai.

            Ua paa keia hoohiki imua o ke Akua Kiekie, a aohe hoe he mama ma keia honua nana e hiki ke huikala ae, A ma keia wahi ke haawi aku nei au i ko'u aloha hope no oukou a na nalani o haawai mai i @@ hoopomaikai ana.

            A me keia mau huaolelo i lalau hope aku ai oia i ka lima o kona hoaloha o @a la i hal@ aku la a lulu lina iho la me ka puuwai i walauia i ke aloha, a o ka mawehe ana ae o ko laua pili aloha ana, oia no ko Alanadela wa i kulou aku ai a mu@@ iho la i na papalina puanuanu o kana@ aloha me ka puana @@@ @e.

            Ano, e kuu Wainta, na koke iaia ke wa no'u e ukali aku ai mahope o kuu m@@@. E hooko @@@ hoi i ka'u hoohiki paa, ma kou wahi e waiho make ai, owau pu no malaila.

            Maanei i hina aku ai na Alanadela nei a maluna pono o ka puuwai o kane aloha me kona lima akau e hoopololei ana i kona puuwai, hapai hou ae la oia i kana pahi.

            A i kona ike ana ae ua kaawale aku na maka o ke koa ano mai iaia aku, oia no kona wa i @@@ai koke@ho ai i kana pahi iloko o kona puuwai. He auwe ana, aia hoi, ua kamumu aku la ka maka o ka pahi ma kona wahi i makemake ia, hehee aku la hoi oia a waiho malie iho la ma ka aoao o kana aloha.

            Ma keia ike ana o Kaisa i keia kulana poino, na lalau koke iho la eia i ka pahi e paa ana ma kona puuwai a huki mai ia iwaho, a ia wa no i @uai mai ai na mupunawai ula o ke koko.

            Ua hoomaka koke iho la o Kaisa e hoopaa i ka hu ana mai o na kulu koko mailoko mai o ka wahine opio ak@ ua hala nae ka wa nono.

            A mahope ana ae i kopa hoaloha aoo a haka iho ana me ua helehelena kaumaha, ua haawi ae ia oiia he mau minoaka, a pili malie iho la kona mau lihilihi maka me ka hoomaka pu ana mai hoi o kona hanu e paupauaho.

            Na keia mau hiohiona weliweli i hoopiha mai i ko Kaisa puuwai me ka menemene, a me ka naau mokumokuahaua no ke aloha i kona hoaloh, puana malie iho la oia.

            E Alenadela, kuu hoaloha hemoole i ke ao a me ka po, e haalele mai pua anei oe i ko kaua pili aloha ana me keia honua? E hookuu mai ana anei oe ia'u hookahi e naauauwa no olua?

            Aole he leo i pae ae mai ka lehelehe mai o ka wahine opio, aka, o kona mau lihilihi maka nae kai ike ia aku i ka owaka ana ae a nana mai la i kona hoaloha me ka minoaka ana @o a pili hou iho la, me he mea la, e hoike okoa aku ana no ua hauoli au i ka hele pu me ka mea, a'u i poni ai i moi no kuu puuwai.

            Iloko o na minute pokole wale no ka hu@ai ikaika ana mai o ke koko @@ ailii@i ae la ka hanu o ua Alanadela nei a pau loa ae la. Aloha no.

           

            O Hauare Waiakahauki hoohuiaina ae la kekahi moho o ka Aoao Repubalika ma kahi o Dalinahama. Aka, ke olelo poolua nei no nae ua alakai o ka Aoao Kuokoa he maikai no ia aoao.

            Ua pane ia na olelo olalau a Keoki M@@@mu e ka uupepa Beletina, no ke kaena ina e komo na moho o ka Aoao Kuokoa na lakou ka e kaana aku na mea a pau o keia noho ana. He piowale ka hopena o ke kaena.

            I na e puka ana o R. W. Wilikoki i alala i Wasinetona he ma@ maopopo lia aia no kona mau lanaolana e loaa mai na kokua ia ana o kana mau kumuhana o na Aoao Demokarata a me Rebubalika, o Amerika Huipuia aka, i ko laua wa e nana ole mai ai, oiai, ua keehina ino iho oia i ko laua mau aoao i kukulu ia ae nei, ihea aku o Wilikoki e ni ae ai i wau kokua noha no ka hooholomua ana i kana mau kumuhana? He ninau a paakiki loa ia @@ p@oe ia. Nolaila, e ka lahui Hawaii e huli a lakou i ka olelo a ka Aoao Demokarata i loaa ai @@ kakou lanakila maluna o ka kakou mau enemi.