Ke Aloha Aina, Volume VI, Number 39, 29 Kepakemapa 1900 — Page 8

KE ALOHA AINA

 

HE KAAO HAWAII

NO

HAINAKOLO

 

Ka U@ Nohea o Waipio. Ke Kai kam@hine Nana i Wawahi i na Pani Paa o Kuaihelani a Haule Kona Kapu Ihiihi.

 

            Eia na pane hope a Hainakolo imua o Keaniniulaokalani.

            O na olelo hoomaewaewa a pau a Keaniniulaokalani maluna o'u, aohe maemae, aohe hoaloha maikai, he oiaio, ma kau olelo ana ke hooko nei au ia mau olelo au no ka wa mau loa, no ka mea, ua puka mai ia mau olelo mai kou waha mai, nolaila, na ka oiaio i kaupalena ia oe a me a'u ma keia kumuhana.

            Aole no ko'u makau i ka make a kapae ae mai ia oe mai, no ka mea, aohe o'u makau ia mea he make no ka oiaio o kahi a'u e paa nei no ka wa mau loa.

             Me kuu manao hookamani ole a hopohopo ole no keia hana au, aole ia he mea no'u e kanalua ai, no ka mea @a hoihoi ia mai ia mana kumu me kuu manaopaa aole au i hana hewa aku ia oe, aole @oi i ka lawehala e paa mai la no kona hanu hope loa no Keaoolino nei e@ike me ka olelo hooholo, noilaila, ke ninau nei au ia oe ma ka mana hea i hoihoi ia mai ai keia mana kumu o'u.

            O ke aupuni akua o Keaoikaohuokekai o ka papaku o lalo, ua like ia me Keaoolino nei he akua, nolaila, ua ike au elike me ka mana i loaa ia'u, hookahi uku no laua o ka make, nolaila, aole i kaawale ka make mai a laua ae.

            A ma keia mau kumu nui e pane oe e Keaniniulaokalani mai hookaulua a kuihe no keia mau kumu.

            Ua pane o Keaniniulaokalani ia Hainakolo, ua ike au ia oe ma kahi moe i kau mau hana maea a inoino hoi.

            He oiaio ma kahi o ka mana au e paa nei aole i hooko ia ka make maluna ou no ka wa mau loa.

            Aole i hanaia ka hana kino e olua imua o kuu maka a o ia hewa, oia ka moeuhane, oia ka mea e paa nei keia alii a me kona lahuikanaka nou.

            I ka hui ana o na aupuni akua elua, hana i ka hewa ma ka m@euhane o olua paa ia kanawai no ka wa mau loa no olua, a pela oe a me ia e noho ai no ka wa mau loa.

            A ma ia kumu pakele oe i ka make mai a'u aku, hoi pu me kou mana ia oe, a pela keia alii e noho ai no ka wa mau loa no Keaoolino.

            I ka lohe ana o Hainakolo i keia mau pane a Keaniniulaokalani aole e hiki iaia ke p@re, no ka mea ua hai pololei ia aku iaia.

            E H@inakeolo, e H@inakolo, ua puka i ke ao malamalama, nei ia i ola nui, i lauakala nui ia Leimakani ko hiapo, koakua, ko haku, ko mea nana e hapai ae mai ka noho pio ana, a i ka noho maemae ana, no ka mea, ua loaa ia Lemakani ia hua no kou lanakila laula, ka hele ana aohe mea  ike o Leimanani wale no.

            Pane mai o Leimakani ia Kuahailo, ua oiaio na mea au e olelo la no kuu akua a haku hoi no'u, oia o Hainakolo, ua loaa ia kaua ke alanui maikai no ka noho ana no Keaoolino nei, na'u ponoi no e noomaemae ia Keaoolino, na'u no i kukulu a hoohana i kona mau kualono, mai ka mana ikaika mai o Kane ma, ua nalo lakou mai k@u lima aku.

            Pane mai o Keaniniulaokalani, ua pono, ua pololei na olelo a kuu akua no kona makuahine haku nui ka ike nui, ka maua, ola na iwi kau i ka puaneane.

            O keia olelo huna a Keaniniulaokalani i pane ai ia Lemakani ma kona ano kilokilo a mana akua hoi, oia hoi, Poiu, elua wale no laua kai ike i keia olelo o Hainakolo a me Keaniniulaokalani, oiai laua e hooipoipo ana me na kino nani o laua, a hiki i ka loaa ana o Leimakani he hua na laua mai ka puhaka mai o Hainakolo.

            A ua kaupalena ia maanei aole e lilo kekahi ma ka moeuhane ana me hai, o ka make ka uku hoopai a ma ka ike o Keaniniulaokalani ua hana o Hainakolo i ka hewa me Keaoikaohuokekai no ka wa mau loa.

            A ma keia hewa a Keaniniulaokalani i ike ai no Hainakolo, aole i huna kino ia keia hewa e Hainakolo. ma ka moeuhane i ike ia e Keaniniulaokalani aole ia o ka laua olelo paa he kino he kino oia ka moeua, wahi a Hainakolo. A ma keia kumu i pale ai o Hainakolo nono iho, no ka mea, aole oia i ike i kona hewa ma keia hana ana.

            A o keia pane a Hainakolo imua o kana moopuna o Lonokaiolohia. He oiaio, oia oikelakela au e ike mai la, ia'u wale no ia a me Keaniniulaokalani.

            O ke k nawai paa mawaena o'u a me ia la e noho lokoino mai nei ia'u, ka mea nana au i lawe mai nei i keia aupuni malihini a maewaewa hoi keia kino.

            Aole au e lilo i ka mea okoa ia Keaniniulaokalani wale no, a pela o Keaniniulaokalani na'u wale no.

            O ka mea kue i keia hoohiki oia ke make, oia ke kanawai paa, a no ko'u ike aole au i haule i ke kanawai a maua i hoohiki ai, nolaila, ua maemae au ma ia hoohiki ana.

            A m@ ia kulana aole i pi@ mai kela olelo hooholo no u a mau loa aku, wahi a Hainakolo i kana moopuna.

            Pane o Leimakani imua o Hainakolo kona m@k@@hine akua he@ hemo ke pani paa o Keaoolino nou akea na kapuai mana loa ole o kuu akua.

            I ka wa i haule ai o ka olelo hooholo no Hainakolo a me Keaoikaohuokekai no ka moeua. Ua hookuu ia o Keaoikaohuokekai no kona aupuni i hele mai ai, aole nae me kona mana kumu. Ua paa oia mamuli o kona manao kipi ia Keaniniulaokalani, a ua kaokoa ia ka mea ana i iini ai a ua no ho oia he pio na Leimakani no ka wa mau loa.

            A ma keia hooko ana o ka olelo hooholo no ke apono ana ia Hainakolo mamuli o ka mana oikelakela o Leimakani i huipu ia me kona nani a hahai aku la elike me Aahoaka.

            Pane mai o Kuahailo imua o Leimakani, akahi a ola ko makuakane haule na mana kupua i kou ike kilo nolaila, paa ia i paa mana ko akua ma keia hana lua ole au no kou akua makuahine.

            A i ka loaa ana o keia pono ia Hainakolo, aole oia i wikiwiki aku no ka ike ana aku ia Keaniniulaokalani, no ka mea, ua ike oia i na mea a pau e pili ana no Hainakolo. Ua hala oia no ke aupuni mamao mai Keaoolino aku no ka hoomaha ana nona iho.

            Maanei ua pane aku o Lonokaiolohia imua o kona makuakane a me Kuahailo. Ua hala ke akua nui no ke aupuni mamao mai o kakou aku.

            Heaha na hana a kakou e hana ai no keia wa no kona kaawale ana.

            Pane mai o Leimakani o lakou, aole hana nui e ae a kakou e hana ai i keia wa, hookahi wle no hana nui o ka hoihoi ana i na pono o Keaoolino nei a pau no Hainokolo kuu makuahine, kuu akua, kuu haku,

            Aohe o'u mana maluna o Keaoolino nei, aole no hoi no kuu akua makuakane, a pela hoi oe ka'u keiki, ua nele kakou ma na ano a pau.

            O oe e Lonokaiolohia, e hoihoi oe i keia alii a me kona lahuikanaka he kauwa no ka wa mau loa na'u wahi a Leimakani.

            I ka pau ana o na olelo a Leimakani no ka olelo hooholo no ke apono ana ia Hainakolo a me ka lilo ana o Keaoolino no ka wa mau loa ia Hainakolo a me ka hoihoi ia ana o ke alii o ka papaku o lalo me kona lahuikanaka he mau kauwa ua Leimakani no ka wa mau loa.

            Olelo mai o Lonokaiolohia imua o kona makuakane a me Kuahailo. He leo ka'u lohe nei i keia wa, no ka mea, ke ike nei au a ke hoomaopopo nei i keia leo no ka enemi pah@.

            Pane mai o leimakani i kana keiki e hoihoi koke i keia alu a me kona lahuikanaka, e wiki mai kali oe ano

 

            Ua hookohu aku ia o Ki@@lua Dale ia S. W. Kaai i Lunakanawai @pana no Kona Hema, Hawaii.

 

Nuhou Kuloko.          

 

            Ua hala aku la maluna o ko Kinau o D. Kalauokalani a me R. W. Wilikoki no ka mokupuni o Molokai no ka haiolelo ana ma ia wahi.

            Ma ke Kinau o ka Poalua nei i hala aku ai ke Keikialii Kawananakoa a me John H. Wise na alakai o ka Aoao Demokarata no ka mokupuni o Hawaii.

            E loaa no he uku makana kupuno i ka mea e hoihoi pololei mai ana i ka paiki Iapana i haale ai mawaena o na alanai Moi a me Waikiki ma keia keena.

            Ua lohe mai makou o kekahi hana a ke Demokarata e hooaku ana oia no ka hoemi ana mai i na hora hana o ka la, a i ewalu hora, aole hoi i eiwa hora e like me keia wa e ike ia nei.

            Ma ke Kinau o ka Poalua nei i huli hoi aku ai ka Rev. S. L. Desha no Kauakanilehua, mahope o kona hookaulua ia ana iho nei ma Honolulu nei no kekahi mau pule ma o ka ulia poino i halawai me ia.

            He Iapana kai lawe ae i kona ola iho ma ke kaawe ana laia iluna o kekahi kumulaau, ma Hoaeae, Ewa. Ua loaa aku oia i kekahi wahine Iapana, a nana i hoike aku i ka oihana makai o Ewa, ma ka Poalua nei, pela na lono i loaa mailaila mai.

 

MA KE KAOUHA.

 

            O ka papa Ho@u@a Inoa o ka Mokupuni o Oahu, eia ke noho nei i kela a me keia la ma kona keena ma Honolulu Hale, e kokoke ana i ka Hale Leta mai ka hora 10 a.m. a ka 1 p.m. a mai ka hora 5 p.m. a ka 8 p.m.

 

HOOLAHA HOOKOHU HOPE.

 

            Oiai au ua oo i keia manawa, aole hoi i mare kane, nolaila, ke hoonoho nei au ia kai@I (k) kuu kaikunane i hope no'u. He mana piha kona e hana ai no ko'u mau waiwai paa e waiho nei ma Waipio, Hamakua, Hawaii

            KAIEWE KEKAOLUA.

            Sepatemaba 14, 1900

 

UA NALOWALE.

 

            Ma ke alanui Moi a i ole ma ke alanui Waiki he paiki Iapana paa lima kai haule ma ka Pualima nei. O na mea maloko o ka paiki he lole hooluolu o na kane. he pahu laau lapaau, maka aniani a me na ialo hoomaemae o na kane. Ina o ka mea i loaa ai o keia paiki haule e hoihoi mai a ke Keena o Ka ALOHA AINA. a o loaa no ka ilu makana kupono iaia.

 

OLELO HOOLAHA.

 

            Ke hoikeia aku nei ka lohe i na poe e noho ana mai Hawaii a Kauai, he mau laau Kou, Milo, Kamani, a pela aku, ka lakou ka lakou e makemake ana e hana i umeke, a i na p@e hoi he mau un@eke kahiko a nahaha ka lakou. e laue mai na ko'u keena hana ma Laie, Honolulu, a na hiki ia'u ke hoomaemae aku ia lakou me ka eleu. No ka auho@ he @@ L@@ a mai hopohopo.

            Owau no me ka oiaio,

            JOHN MALA@Y

            Honolulu, Aug. 31, 1900.