Ke Aloha Aina, Volume VI, Number 39, 29 Kepakemapa 1900 — Page 6

KE ALOHA AINA

 

HE MOOLELO WALOHIA -:NO:- ALANADELA

Ka Wahine Hoopahaonao o ka Aa hu Keokeo.--- A I OLE- Ka Loea Hookani Pila Hapa o ke Kulu Aumoe

 

            E Kaisa, kuu hoaloha maikai, ke kanaka wiwo ole hoi aʻu e ike nei, he hookahi no aʻu uku hoopai i hooholo ai nona, oia hoi, he make.  Aka, mamua ae nae o ka hooko ia ana aku oia hoopai maluna ona, ua makemake au e hoike mai oia i na mea a pau e pili ana i ka lakou mau hana hoomaewaena, maluna o kaʻu mea i aloha ai.

            Iloko no o keia manawa i unuhi ae ai o Kaisa he mau kupee hao a me ia mau mea i hoopaa aku ai oia i na lima o Lihano.

            A elike me kekahi hipa keiki pela ua Lihano nei i keia wa, aole oia i kue mai, aka, aia nae na helehelena o ke kaumaha ke pahola la maluna ona.

            I ka paa ana ae o na lima o ua alakai Italia nei, oia no ka wa o ka @ui Alanadela i nee aku ai imua a me ka leo kanokona ninau aku la oia.

            E Lihano, ua hoomaopopo aku @a au ma kau mau olelo ana, aole @he mea e ae nana i hoopoino i ke @ola  o kaʻu mea i aloha ai, aka mau @no ia a me kou poe kanaka.

            Nolaila, i keia wa a@o e hoike mai i na kumu o keia mau hana lokoino i komohia mai ai iloko o ko oukou mau puuwai.

            I ka hooki ana iho o ka leo o na wahine opio nei, aole oia ia aea ae, aka, ua kulou malie iho la ua Lihano nei ilalo, no ka mea, ua like keia mau olelo oolea a kona haku wahine opio me he pohaku koikoi la i hookau ia iho maluna o kona kua.

            A i ka maha ana ae o kona mau noonoo kaumaha oia no kona wa i haliu aku ai imua o Alanadela a pane aku la.

            He oiaio loa, aole he mea e ae nana i hookau aku i ka hoopai o ka make maluna o kau ipo aloha, aka, @a makou no ia kou poe kanaka, o ke kumu elike no me ka makou i hoike mua aku ai no ko makou piha lili no nona, oiai, aole o makou makemake o kau kane ia.

            Na keia mau huaolelo i hooi paumi ae i ko Alanadela inaina, a lohe ia aku la kona leo i ka pane ana aku.

            E ke kanaka lapuwale, ua hookiekie loa ka oukou mau hana no ka mea, aole loa he kuleana ia oukou ke kue ana mai i ka mea a kuu puuwai i aloha ai oiai, aole he haka hou iho maluna oʻu.  Nolaila, o ka oukou o ka poe hookiekie he make.

            A ma eia wahi i huli ae ai ua Alanadela nei a kauoha aku la i ke kahuna moneka no ka hele ana mai imua o kona alo me ka hakaha ole.

            Elike me ka makemake o ua Alanadela nei, pela @a moneka la i hooko mai ai, a mamua o ke alo o na wahine opio mei i kukuli iho ai oia a puana mai la.

            E kuu moiwahine e pane mai heaha ka manao o kou leo i kahea ae nei, e hoike mai ano, a ua makaukau au e hooko aku.

            E ke kahuna maikai, wahi a Alanadela, he hookahi wale no aʻu mea nui i kauoha aku nei ia oe e hele mai, oia keia ua makemake au ia o e e haawi ae i mau leo kahoahoa pule no keia kanaka puuwai lokoino aʻu e hoi hoi aku ana no lalo o ka honua, no ka hewa koikoi ana i lawelawe ai i loaa ai he maha no kona uhane ma kela ao.

            O kou makemake e kuu haku opio oia kaʻu e hooko aku ai, a ia wa no i hapai ae ai ua moneka nei i kona lima akau iluna e nonoi aku ana imua o ka mea kiekie e aloha mai oia i keia uhane ola e hoi aku ana imua o kona alo.

            A i ka pau ana ae o ka leo pule o ka moneka, oia no ka wai i huli ae ai o Alanadela a haawi hou aku la i kana kauoha oolea i na koa Italia i ka i ana aku.

            Ano, e na ilio hohewale o Italia, e hapai  i ka oukou mau mau pahikaua a hookau aku i ka hoopai o ka make maluna o ko oukou alakai kipi, he uku hoopai kuono hoi no ke karaima eleele ana i lawelawe ai.  E hooko i keia kauoha ano me ka hakalia ole, a mai emihope hoi, no ka mea, e kauoha no auanei au i keia koa wiwo ole e ku nei ma kuu aoao e pulumi aku ia oukou mailuna aku o keia ilihonua.

            I ke kuu ana iho o ka leo kauoha o ua Alanadela nei, oia no ka wa i nee mai ai o ua mau kanaka Italia la no kahi a ko lakou haku e ku ana me ka helehelena haikea i ka hoomaopopo ana iho ua hoea mai kona sekona hope iloko o ka wa ana i mahui mua ole ai.

            Aole lakou i kue mai i ka makemake o ko lakou haku wahine opio, aka, me ka naau i piha me ka ehaeha a me ke aloha no ko lakou alakai, hapai like ae lakou i ka lakou mau pahikaua oi lua a hoomoe aku la maluna o ke koa Lihana.

            A he mea oiaio, ua hina aku la o Lihano no lalo o ka lepo me ke kino i mainoino i ua hauna pahi a kona mau kanaka, a mahope o kona hailiili ana no ka manawa hope, ua lele loa ae la kona aho.

            I ka make ana o Lihano ua huli koke ae la o Alanadela i kona mau kanaka kakaikahi o ku ana malaila i ka i ana aku me ka leo walohia.

            Ano, e oʻu mau kanaka, he mea oiaio ua komo pu oukou iloko o keia mau hewa koikoi @a, aka, ua hiki no nae iaʻu ke huikala aku ia oukou, no ka mea, aole ehiki ia oukou ke hooko aku i keia mea, ina aole he mau kauoha i haawi ia oukou e ko oukou alakai.

            Nolaila, e ku ae me ka naau hopohopo ole a hoi aku no ko kakou aupuni aloha, a hoike aku i na mea a pau a oukou i ike iho nei i koʻu mau makaainana aloha me ka hoike pu aku hoi ia lakou, aole lakou e ike hou ana i koʻu helehelena ma keia ilihonua, no ka mea, e ukali aku ana no au mahope o kaʻu mea i aloha i hala e aku la i ka make mamuli o ka oukou mau hana puuwai lokoino.

            O keia wale no kaʻu i makemake ai @u oukou e hooko aku, oia hoi, ko oukou lawe ana aku i keia lono a hoike aku i kuu lahuikanaka e kali mai la no kuu hoi aku.  Nolaila e hoi aku i keia manawa ano ina he makemake ko oukou e hana aku pele.

            E ko makou haku moiwahine, wahi a kekahi o na koa i pane mai ai, he mea ehaeha no ko makou puuwai ka huli hoi ana aku me ka nele o ka makou huakai i hele mai ai, a ina paha makou e hoike aku ana i keia mau olelo imua o kou mau makaainana he mea maopopo e ili mai ana ko lakou ahewa a me na manao inaino maluna o makou, a he mea maopopo loa e make ana makou.

            Aole, aole loa oukou e hoopoino ia, a ia wa i unuhi ae ai o Alanadela i ke koa alii o Italia ana e lei ana, a haawi au la i na kanaka me ka i pu aku, o keia kea hookahi ko oukou hoopakele, no ka mea, o ka poe a pau e paa ana i keia kea he poe punahele lakou ua na alii.

            Na keia mau huaolelo a me ke kea alii a Alanadela i haawai aku ai ia lakou. i hoopau ae ai i ko lakou moiwahine ua pane hou mai la lakou.

            Alia, e ko makou haku moiwahine, mai kipaku koke mai i kau mau kauwa nei no ka hoi koke ana aku ko kakou aupuni aloha, aka, e haawi mai i manawa no makou e hoomaha ai.

            A e like me keia manao maikai o na kanaka, pela ua Alanadela nei i ae mai ai, a haawi hou mai la he kauoha e huna ia na kina make a pau.

            Iloko o ua sekona pokole, ua nalo aku la na kino make a pau, a ia wa i haalele aku ai ua Alanadela nei i ua ululaau weliweli la, a hoi hou aku la no kahi o ke kino puanuanu o kana aloha e waiho ana me ka ukali pu aku o kona mau hoaloha aoo a me na koa.

            He mea oiaio, iloko o ua minute pokole wale no, ua hiki aku la ka huakai ma kahi o ke kino make o Walata o waiho an@, me ka puuwai i hoopiha ia me ke aloha i lele iho ai o Alanadela a haawi iho la i ua muki aloha ana mauna o Walata me ka hiolo pu mai hoi o kona mau waimaka, a lohe pu ia aku la oia i ka hooho ana ae.

            E Walata, ua kokoke loa mai ka manawa noʻu e hahai aku ai mahope o kou meheu, a no ka mea, o oe hookahi wale no ka mea nui ilolo o koʻu waihona noonoo, nolaila, aole loa au e hopohopo i ka hele ana aku ma ke awawa weliweli oka make.

            Me keia mau huaolelo i unuhi ae ai oia i ka pahi e moe lohi ana iloko o kona poli a hoomakaukau iho la e lawe i kona ola, me ka nana aku o kona mau hoa me ka naau menemene.

            I keia wa i kukuli aku ai o Kaisa imua o kona alo elike me kekahi keiki imua o kona makua, no ka hoopau ana ae o Alanadela i kona mau noonoo pupule e lawe i kona ola.

 

NA KINO MAKE O NA KOA AMERIKA.

            Ma na lono i loaa mai nei maluna o ka mokuahi Auseteralia, e haalele aku ana ka moku lawekoa Hancock ia Kapalakiki, ma ka la 1 o Okatoba, me kekahi puali kanaka no ka hooponopono ana i ua kino make, o na koa Amerika Huipuia.  I ka wa o ka Hancock e kipa mai ai i anei no ka hooili nanahu ana oia ka wa e hue ia ai na kino make o na koa Amerika ma Honolulu nei, no lakou ka heluna he 36 me hookahi koa marina

            Ma Guam, 8 alii oka oihana kaua moana.

            k@@@m elua alii, 58 koa aina a me 38 kanaka o ka oihana kaua moana.

            Pilipine, 17 alii me 1150 koa aina me 26 kanaka o ka oihana kaua moana  Nui no ka make o  11 Amerika.

 

            Ma ka noho ana a ka Aha Hooko o Kiaaina Dole ma ka Poakolu nei.  Ua ae la aku la ke noi a ka Hui o @@@@@@@@@@@@ ma, e kukulu i uwapo ma Waiakea, Hilo, aku, he mana no nae ko ke aupuni e kuai ai i kona wa e makemake ai no ka hoohana ana aku.

 

DALA NO KA HOAIE ANA

            O na poe a pau e makemake ana e ai@ dala e loaa no ke hoopaamai i ko lakou mau waiwai paa.  Eninau ae la.  F. J. BERRY.  Love Building. Rumi 3.  Alanui Papu. Honolulu.

 

E HOOLIMALIMA IA ANA.

            He aina i mahele ole ia e waiho nei ma Keauhou Kona, Hawaii, i hoakaka ia ma ka Palapala Sila Nui Helu 68@@ kuleana Helu 5903 a me 10,734 nona ka huina ekolu apana o ehiku me ka hapa eka.  No ka @@@ hoolimalima @ hui ae @@.  JOSEPH O. CARTER.  Kahu Malama Waiwai.  Honolulu, Sept. 26, 1900 @@@