Ke Aloha Aina, Volume VI, Number 39, 29 Kepakemapa 1900 — Page 5
| This text was transcribed by: | Ruth Mizumoto |
| This work is dedicated to: | Mandy Barak |
KE ALOHA AINA
KE ALOHA AINA, PAOANO, SEPATEMABA 29, 1900.
KA HALAWAI A KA
AOAO DEMOKARATA
----------
KOHOIA NA MOHO O KEIA
KAU KOHO BALOTA.
-----------
O ke Keikialii Kawananakoa ka Elele no Wasinetona. Piha a Hookeke ka Halekeaka Ofiuma i na Lahui Like Ole.
-----------
Ma ka hora 8 o ka po Poakahi nei i malamaia ai ka halawai makaaiuana a ka aoaoa Demokarata maloko o ka halekeaka Ofiuma imua o kekahi anaina kanaka nui i akoakoa aku o na Hawaii a me na Haole.
O ka manao o keia kahea halawai ana a ia aoao, no ka wae ana no ia i mau moho kupono e holo ai ma ka aoao Demokarata no keia kau koho balota ano nui e hookokoke mai nei. Mahope o ke koho ia ana o Edmund Hart i kakauolele no ia halawai, a o C. J. McCarthy i lunahoomalu, a o John H. Wise i mahele olelo, ua hoonee ia aku la na hana imua. Na ka lunahoomalu i hoakaka mai i ka manao o ke kabea ia ona o keia halawai, oia hoi, no ke koho ana i eono mau sebate no ka mokupuni o Oahu nei, a i eono lunamakaainana pakahi o na Apana Kohe Eha a me Elima, a me ke koho ana i mau elele no ka Aha Elele a ka aoao Demokarata e malama ia ana ma keia mua aku. Mahope iho o ia mau hoakaka ana, au helulelu mai la ola he leta mai ke Keikialii Kawananakoa mai e hoike mai ana i kona manao ae no ka lilo ana i Elele na ia aoao i Wasinetons.
Ua waiho ia mai keia inoa imua o ke anaina no ko lakou apono ana aku a me ka ole paha a ua apo aku lakou iaia me na leo huro o na kanaka Hawaii i ka wa a John H. Wise i unuhi mai ai, a nolaila, ua hoho ia iho la oia i Elele i ka Abalolelo ma Wakinekons.
I ka pau ana o keia hana, na kapaiia mai la ke kumuhana no ke koho ana i mau moho Senatos a me ua Lunamakaainana.
He ewalu mau inoa Senatga i waiho ia mai e ke anaina no ka mokupuni o Oahu, he ehiku mau inoa Lunamakaainana i waiho ia mai no ka Apana Koho Eba, a be eiwa no ka Apana Koho Elima. Maanei i ku mai ai ka lunahoomalu a hoakaka mai ia, olai, he eono wale no senatoa i ae ia e ke kanawai, a ie eono lunamakaninana no na apana koho pakahi, nolaila, he mea pono e koho ia he elima mau komite pakahi mai na mahele koho elua mai, no ka w@e ana i na inoa kupono i waiho ia mai e ka lehulehu i mau noho na ia aoao.
Ma keia wahi, i hoomaha ai ka hale no ke kali ana i ka olelo hooholo a ke komite, a ua hoonanea ia mai ke anaina e na paele o la halekeaka me na himeni.
No hapalua hora ke kuka ana o na komite maloko o kekabi keena mehameha o ka Ofiuma, ua oili mai la lakou me ka lakou olelo hooholo, a eia ka lakou mau inoa i wae ae ai mai na inoa a ke auaina i waiho aku ai.
Na Senate no ka mokupuni o Oahu nei: Paulo Isenberg, J. D. Holt Jr., (Keoni Holo) E. K. Lilikalani, A. Fernandez, (Alberahama Fernandez) F. J. Testa, (Hoke) a me J. O. Carter, (Keo Kauka)
Na Lunamakaainaua no ka Apana Koho Ehe: J.M. Camara Jr., S. W. Spencer, E. C. Macfarlane, J. E. Bush, John H. Wise a me C. W. Booth.
Na Lunamakaainana no ka Apana Koho Elima: S. M. Damon, H. J. Mossman, Frank Harvey, Frank Brown, S. K. Pua a me J. P. Makainai.
Ua kue mai o Keoui Kolopana i ka inoa o C. W. Booth, me ka hookomo mai i ka inoa o T. R. Lucas, ua ku aku o Sam. Kaloa a kue aku i keia mau hana a Keoni Kolopana me ka olele aku o ke kanaka i kohola e ke auaina a me ke Komite ua manaia, a ma keia wahi i apono mai ai ka lehulehu i ko Sam. Kaloa manao a haule iho la ke kue a Kolopana.
Ua koho pu ia he 36 mau inoa no ka aha elele a ka aoao Demokarata, a me 18 mau inoa hou no ke pani ana aku ma kahi o na elele hiki ole ae ana.
Mahope o ka pau ana o na hana koho elele ua kahea ia aku la o John H. Wise e haawi mai i halolelo pokole no ka pono o na Hawaii i hiki aku. Ua hoike mai oia, o ka aoao Demokarata he aloha aina, a he kue loa hoi ia aoao i na hana aihue aina a ka aoao Repubalika.
NA MOHO A KA AOAO REPUBALIKA
--------
Ma ka noho ana a ka halawai a ka aoao Repubalika, ma ka halepaikau koa ma ka po Poalua nei, o keia mai inoa malalo iho nei oia kai waeia i mau moho Senatoa a me Lunamakaaina na ia aoao no ka mokupuni o Oahu nei. No keia kau koho balota e hiki mai ana.
No moho Senatoa: B F Dillingham, C L Crabbe, W C Achi, Cecil Brown, Frank Pahia a me George R Carter.
No moho Launamakaainana no ka Apauna Koho Eha: A G M Roberston, W H Hoogs, Jonah Kumalae, Samuel Keiki a me A Gilfillan.
Na moho Lunamekaainana no ka pana Koho Elima: L L Mc Candless, J L Kaulukou, Enoch Johnson, H R Hitchcock, L J McCabe a me W J Coelho.
Ma ka nana ana ae i na moho a ka aoao Repubalika i wae mai ia, ua ikeia aole loa he hookahi inoa aloha aina i okomo ia aku lioko o ka lakou mau moho holo balota no keia kau koho ano nui e hiki mai ana. Aka, o na poe no keia i kahoo aku i na hana pakaha aina a Amerika Hiupuia malona o keia lahui nawaliwali.
Ua maopopo i ka lahui Hawaii ka lakou mau haua i na wa i hala aku la. Nolaita, o ka lakou mau hana i ko lakou wa e puka ai, aole no ia e nana mai ana i ka pono o ka lahui ilihune, aka aia no ko lakou mau hooikaika ana ma ka aoao o ka poe waiwai. Nolaris, e na Hawaii e noonoo akahele mamua o ke koho ana i keia mau inoa.
KA HOPENA O KA HOOPAAPAA KALAIAINA.
------
Ma keia awakea Poalima aku nei mawaho iho o ka halekuai o Pearson a me Potter, ma alanui Papu, ua malama ia iho la he hakaka mawaena o F. J. Testa (Hoke) a me H. M. Ayres, he mea kakau no ka nupepe Avalataisa.
Ua ulu mai uo keia bakaka maluna o na mea pili kalaiaina e nee nei o keia mau ia, wahi a ka hoike ia mai, ua huaipau aku o Hoke i kekahi mau mea huna i ua mea kakau ia me ka papa aku nae iaia mai hoike wale ae i ke akea. Aka, mahope nae o ko Ayers ae ana aku aole oia e kumakaia i kona hoaloha, na hoopuka ae la oia i ua mau oelo nei ma na kolamu o ka Avalataisa.
Na keia mea i hoopiha ma i ia Hoke me ka inaina, ma ia kakahiaka Poalima ua halawai iho la laua a na malama ia he hoopaapaa ikaika ana mawaena o laua, a hookuu ae la me ka pau ole o ko laua inaina, a i ko laua wa i halawai hou ai ma ka awakea i olelo ia ae ia, ua lele koke mai ia o Ayers e kui me @ haawi ole i manawa no Hoke e pale ai nona iho. Ua malama koke ia he mau aumeume aua mawaena o laua a hookaawale ia ae la e ka makai.
Ua hookau ia aku ka hewa hakaka lua maluna o laua. O Hoke ka mea i hoeha iki ia ma ka maka mai na puupuu mai a Ayers i hoolei aku ai. Ua olelo ae o Hoke aohe ona hopohopo i ka hakaka kuikui puupuu ana me keia haole. Eia no na hana kainiaina i ke ehu kakahiaka ke hoomaka e mai nei no nae ka mahanahana, aiwa loa paha a kau poao ae i ke awakea e oi loa aku ana ka wolaweia o ke kai o ka moa.
HUAKAI KAAHELE.
------
E kaahele ana na moho o ka Aoao Demokalaka me ke Keikialii David Kawananakoa, ka Elele no ka Hale Ahaolelo ma Wikinekona.
Ma ke Kinan o ka Poalua nei i haalele iho ai ke Keikialii a me kona mau hoa a holo aku no Hawaii. E malamala ana he mau halawai makaainana ma keia mau wahi malalo iho nei e like ma na la i haiia penei:
KOHALA.
Poakolu, Sept. 26, ma Hawi.
Poaha, " 27, " Niulii.
Poalima, " 28, " Kapaau.
HAMAKUA
Poaono, " 29, " Waipio.
Poakahi, Oct 1, " Honokaa.
HILO
Poalua, " 2, " Laupahoehoe
Poakolu " 3, " Hilo Town
Poaha " 4, " Hilo Town
KAU.
Poalima, " 5, " Kapapala
Poaono, " 6, " Wailohinu
KONA.
Poakahi, " 8, " Hookena,
Poalua, " 9, " Napoopoo,
Poakolu, " 10, " Kailua,
MAUI.
Poalima, " 12, " Wailuku,
Poaono, " 13, " Waihee,
Poakahi, " 15, " Paia,
Poalua, " 16, " Makawao,
Poakolu, " 17, " Kula
Poaha, " 18, " Olowaiu
Poalima, " 19, " Lahaina.
Ke noi ia aku nei ka oluolu o na makaainana aloha aina a aloha alii, e hele mai e heoloha i ka leo o kekahi pau alii i koe a Hawaii a me kona mau hoa e noi aku i ka lahui e kakoo mai i ka Aoao Demokarata, ka aoao i ke ia he mau hoaloha kona iloko o ka Hale Ahaolelo o Amerika a e pono ai kakou na nanaka Hawaii.
E hele mai i lohe pono, he ole ka lohe pepeiao wale ia hai. Ina he mau kumu kanalua ko ka lehulehu no ka huli ana mai ma keia aoao, o ka we pono ia e hoopau ia ai ia mau pohihihi, oiai, aia i ke alo. E ala e ka Lahuil e hoaokanaka ia kakou no ka pono o na Hawaii.
MAI PUNI AKU.
Ma keia kakaliaka Poalua, ma kahi hoopaa inoa ma Honolulu Hale, ua hoao ae kekahi haole o ka aoao Repubalika e hoohuli i kekahi mau kanaka Hawaii e ku ana malaila e komo aku ma kona aoao e kakoo nei aka, ua kueaku nae na kanaka me ka puniwai lokahi aole o lakou makemake ia aoao aihue aina.
No kekahi manaws leihi kona hoao ikaika ana e maliu ia mai kana mau peio ana e na kanaka Hawaii, aka ua like nae ka puuwai o na Hawaii me ka pohaku ka paakiki, a haalele iho la o @atana i kana @ hoowalewale ana me ka mele i na pomaikai.
He maikai no ke ola kino o Kalaui Aimoku i keia mau ia ma Wasinetons Hale.