Ke Aloha Aina, Volume VI, Number 39, 29 September 1900 — Page 3

KE ALOHA AINA, POAONO, SEPATEMABA 29, 1900.                       3

 

HALAWAI A NA IAPANA

 

  E malama ia ana e na Iapana o keia kulanakauhale he halawai ma ka halekula Iapana ma keia ahiahi Poaono iho, no ka noonoo ana i ke kumuhana o ka hooponopono ana i ka lakou mau koi poho pauahi. Ua hoopuka ae la o Kanikela Miki Saito he hoolaha iwaena o na Iapana a pau he mau waiwai ko lakou i hoopoino ia ma ka pauahi nui o Kinataona e akoakoa ae ma keia halawai. Ua hoapaapa ia keia mau koi no kekahi manawa loihi, a o ko lakou makemake oia ka hooponopono koke ia.

  Akahi no o Iapana a ala e noonoo i ko lakou mau pono i hoopoino wale ia e na hana a ka Papa Ola, a oia ka kekahi poe e kali nei no ka manao nui o keia halawai a na Iapana. E wela hou ana paha ka hao i na keiki o Kalahiki. 

 

PAU KA HUI KINO ANA O NA OHANA.

 

  Ma ka noho ana o ka halawai a ka Papa Ola, ma ka Poaha nei, ua lawe mai la o Agena Reynolds he hoike no ke kukulu ia ana o kekahi pa ma kahi e lele aku ai ka ohua ma ke awa o Kalaupapa, e hookaawale ana hoi i na malihini mai ka hui pu ana aku me ko lakou mau ohana e noho ana iloko o ke ehaeha o ka ma’i lepera.

  Wahi, a ka hoike a ua agena la, ua kukulu ia he hale ma ke awa o Kalaupapa no ka hookipa aua i na malihini, a e pale ia ana hoi lakou mai ka hoohuikau pu ana aku me na ma’i me kekahi mau paku uwea elua i hiki aku ke kiekie i kaupoku o ka hale nona ke kaawale o kekahi mai kekahi aku he elua kapuai.

  Ma keia wahi lakou e noho ai a hiki i ka huli hoi hou ana mai o ka moku no ke ke awa o Honolulu nei, me ka loaa ole he wa no lakou e huipu ai, a me he mea la, o na kauka aupuni a me ko lakou mau hoaloha wale no ke ae ia ana e komo aku iloko o ke kahua ma’i.

  Ma o ka paa ana o keia mau paku, wahi a Reynolds, ua hiki i na mea a pau e makemake ana e holo aku i ke kahua ma’i ke kau maluna o na mokuahi holo pili aina a pau e kipa nei ma ia mau awa, aka, aole nae ia manao i apono ia e ka Papa Ola.

  He mau hana no keia na ke aupuni i noonoo mau ai, oia hoi, ka hoopau loa ana i ka hui kino hou ana o na Hawaii me ka lakou mau mea aloha i kaili lima nui ia aku o ko lakou mana, aka, akahi wale no nae a kooko ia.

  E lawe nui i KE ALOHA AINA i ike mau i ua mea hou.

 

EIA HOU NO KEIA HOU PAHI.

 

  Ma ke ahiahi Poakolu nei ua lawe ia mai la kekahi kanaka nona ka inoa o Kaeha i ka halewai, no ka hewa hou pahi maluna o kana wahine. Ua malama ia keia hana weliweli e Kaeha, ma kona home ma Kamoiliili ma ko ahiahi Poalua nei. Ua hoi aku keia kanaka me ka @na a hooha kaka aku la i kana wahine me ka wawahi ana i na pono o loko o ka hale a kipaku pu aku la hoi iaia a me ka laua keiki e waiho ana iloko o ka ma’i e haalele iho i ka hale. 

  Ua hoao aku kana wahine e nonoi iaia e ae ia laua e noho a ma kekahi la ae e hele ai, aka, me ka piha inaina nui, ua lalau aku la keia kanaka he pahi me ke alualu ana aku i kaua wahine, ua ike aku la ke keiki e moe ana i @una o kahi moe i keia kulana poino o kona makuahine, a ala mai la a hopu aku la i ka lima o kona makuakane lokoino a haule aku la ka pahi mai kona lima aku, aka, mahope iho nae o ke kapoo ana aku o ka pahi maloko o ka limahema o kona makuahine, ua haalele koke aku ka wahine a holo aku la e telepona i ka halewai, ua hoea aku na makai ma kahi o keia hana weliweli i hana ia ai, aka, ua hoomaopopo mua ka limakoko i kona poino a mahuka aku ia, aole nae i hoopau ka oihana makai i ka huli ana iaia a hiki i kona paa ana. E na kane mai hoohalike aku i ka oukou mau wahine me ka h@@@ a keia kanaka, no ka mea, o ka wahine noho pono he papale alii ia no kana kane. 

 

KE ALAHAO HILO−KOHALA.

 

  Ma ka mokuahi Auseteralia i huli hoi mai ai o Mr. Herbert B. Gehr, ka peresidena o ka Alahao Hilo-Kohala mai kana huakai aku nei no Nu Ioka, no ka holomua o keia hui kaaahi e manao ia nei e kukuluia mai Hilo aku a Kohala. 

  Ma kana hoike ua holopono kana huakai i hele aku nei no Nu Ioka, a ua ae mai hoi ka hui North American Trust o Nu Ioka, e hoaie mai i $3,500,000 ma ka uka p@nee o 6 pa keneta no 40 makahiki.  Ma ka la i o Ianuari i manaoia ai ka hoomaka ana e hana i keia alaheo me 3000 limahana, a maloko hoi o 18 mahin@ e paa ai keia alahao nona ka loihi he 116 mile. O keia heluna limahana nui hewahewa, aole ia e ohi ia mai ana mailoko mai ona mahiko, aka, mai Amerika mai no ia, i wahi hoi e hoopoino ole ia ai ua mahiko na o ka haa’ele ana o ua limalima i ka hana. 

  E haalele iho ana oia no Hilo ma ke Kinau o keia pule aku. He manaolana mau ko makou iloko wale no o na makahiki pokole e lilo ana o Hilo i kikowaena na no na oihana kalepa i oi ai i ke kapitala nei. 

 

HE HIONA MANONAO.

  Ma ka hora 6 o ke kakahiaka La Pule nei, na loaa aku la he Iapana nona ka inoa o Kanakaohi e waiho ana ma ke alanui Liliha e kokoke ana i ke alanui Wyllie, me kekahi moku pahi ma kona a i. Ua ike ia keia Iapana e Mrs. Makue, he wahine e noho kokoke ana malaila, a nana i hoike mai i ka halewai. Ua hoea koke aku ke kaa me na makai malaila, a lawe aku i ka mea poino no ka haukipila. Ma ka aoao o ke lap@o, ua loaa aku la he pahi umi umi i haukae i ke koko, a na ia i hoike maopopo ae na hoao keia Iapana e lawe i kona ola iho a i ole he mau hana maalea ia na ka limakoko.

  I ka wa i loaa aku ai e waiho maule ana o Kanakaohi ua moku a kaawale kona pua-i, ua manao ia aole e loaa ana iaia ka palekana.

 

HE WAHINE HANAU NUI.

 

  Jefferson City, Sept. 15. He hanau kupanaha kai hoike ia mai anei mai Marys Home mai, ma ka apana o Miller, ma kahi he kanakolu mile mai keia kulanakauhale aku. O Mrs. Henry Smith; ka wahine a kekahi kanaka maanei, ua hanau mai la oia he elima keikikane i ka wa hookahi. Eia kela poe keiki a pau ke ola nei me ka maikai, a ma kahi he kanakolu paona ko lakou kaumaha.  O Smith wahi a ka hoike ia mai he ohana nui kona. He ehiku makahiki o kona noho mare ana me keia wahine, a ua loaa ia laua he umikumamaono keiki. He hookahi wale no manawa a kana wahine i hanau pakahi ai, he elua manawa hanau mahoe, elua manawa hanau pakolu, a o keia hanau hope ana iho la i hoike ia mai la he elima keiki. Kupanaha no na hana a ke Akua. 

 

HE HIONA WELIWELI.

  Galveston, Sept. 8. He @@@ wale no hale i koa ma kekahi wahi i noho nui ia ma ka hema o High Island, wahi a ka hoike a H. Spangler, ka luna nui o ke alahao Gulf a me Interstates, i huli hoi mai la ma kaua huakai makaikai ao ka pono o kona hui. Aia he mau @@@@@@@ o na kino make o na hololo@a a ma kahi @@ 350 kino kakaka i loaa p@ aku malaila.  O keia mau kino ma ke, aole lakou i kanu pono ia, a e ahuwale ana hoi ko lakou mau lima a me na wawae maluna ae o ka lepo, a aole pu i lawa na kanaka i koe malaila no ke kanu ana i na poe make.

  E hoao ana o Spangler o ohi i mau kanaka no ka hele ana aku e kanu pono i na kino make. Ma kana hoike he 31 mile o ke alahao i hoopoino ia.

 

HE MAU LALA HUI MALU. 

 

  E haalele aku ana ia Kapalakiko ma ka la 7 o Okatoba he mau lala o kekahi hui malu o Kaleponi i kapa ia “Mystic Shriners” maluna o ka mokuahi Zealandia, e kipa mua ae ana lakou ma ke kulanakauhale o Hilo, ma ka la 13 o ia mahina no, no ka makaikai ana i kona mau hiona nani, a mailaila mai e ho’o mai ai ka mokuahi no Honolulu nei.

  E haawi ana ko Hilo poe hui malu he mau hookipa pumehana ana aku ia lakou a eia no hoi ko Honolulu nei poe hui malu ke hoolala nei no ka hoouna ana aku i komite hookipa ilaila no ka lawe ana mai i na malihini i anei.

  Ma ka la 20 o Okatoba e haalele iho ai lakou i keia kulanakauhale a huli hoi hou aku maluna no o ka mokuahi Zealandia no ka Ipuka Gula. Eia na hui malu o Honolulu nei ke ke lin@@@ mai nei no ka haawi ana i mau aha lealea no keia poe, oiai, lakou e noho ana maanei.

 

HE LEO KAHEA O KA LANAKILA MAU LOA.

 

  E na makua a me na opio Hawaii ponoi o’u, e olulu mai kakou a pau loa e hoonui pu mai ma  kekahi halawai e malama ia ana maloko o ka halekeaka Opiuma (Orpheum) ma alanui Papu i ka i ka auwina la Sabati o ka la 7 o Okatoba 1900.  E hamama ana ka puka i ka hora 2:30, hoomaka na hana i ka hora 3, no ka hoolohe ana i ka manao o ka oukou kauwa, no ka lanakila mau loa o ka mea hookahi, ka ohana ka lahui a @@ ke ao holookua. Mai poina i keia leo kahea.

  Owau iho o ka oukou kauwa haahaa loa. LAPANA KEAWE@@@@@@

 

KE HOOMAU LA I KA HOOKOMO ANA I NA @O@.

 

  @@@@@@, Sept 14. O ke @@la@a ma Kina akau aole loa i holopono. O ka maheie @koku o na @@@ @@@@ ua kauaha ia aku iaia o ka h@lo ana i Wei-H@ W@, a o @ ma@@@ @ha ua @@@@@@ ia aku @@ @@ ka @@@@@@ ana @ @ @@@ @ @ @@@ @@@ @ @ @@@@ @@ @@ @@@@@ @@@ @@@@ @ @@ @@@ @@@ @@ @@@@@.