Ke Aloha Aina, Volume VI, Number 38, 22 Kepakemapa 1900 — Page 8

KE ALOHA AINA

POAONO, SEPATEMABA 22, 1900

8

HE KA AO HAWAII

NO

HAINAKOLO

Ka Ui Nolea o Waipio, Ke Kai kamahine Nana i Wawahi i na Pani Paa o Koaihelani a Haule Kona Kapu Ihiihi.

  E Lonokaiolohia eia kou aina i ka maiuu o na kapuai.

  Pane aku o Lonokaiolohia ia KuaLailo, he aina nui keia mamua o na aina ia Leimakani, ua kaupalena ia kahi e ku ai na kapuai aole i kaupalena ia.

 E kuu akua, ola na iwi, pau kuu inaina i o Keaniniulaokalani.

  He oiaio, ua kaupalena ia na aupuni o kou makuakane, o kou wahi aina a aupuni hoi, uuku loa, nolaila, ua apo ia e oe ka lewa a maluna aku, a pela ka honua a malalo aku.  E kuu akua nui, ka ike nui, ka mana mai a’u aku a mai waho mai.  Ua nui ka makou o na aupuni e noho nei hou , nolaila, aia ko kaua aina a aupuni  hoi i na kapuai, wahi a Keaniniulaokalani.

  Maanei e maopopo ai kakou i na manao o Keanniniulaokalani no kana keiki.

  Akahi.  E Leimakani kuu keiki a haku hoi o na la heu ole mai ka opu mai o kou makuahine lokoino ia kaua e noho mai nei.

  Alua, Ua loaa ia oe ka hanohano ma ka hoolohe ia ka leo walohia o kou makuakane.

  A olu, Ua loaa ia oe ka lanakila i na hooli kaua ana, me ka nee ana malalo o  na paemoku o kukulu o Kahiki, me kou ikaika i awili pu ia me ka mana.

  Aha, Aole e hoi hope a kanalua, i na no ka make a me ke ola, nolaila, ua lako, ua mana ma na ano a pau no ka wa mau loa, aohe kipi e lanakila maluna o kou kulana, a ma kou inoa e hoomana ai kekahi poe mai ko kupuna mai, a o kekahi he makemake maoli ma keia moolelo.

  Oia na olelo a Keaniniulaokalani imua o kana keiki.

  Akahi.  E Hainakolo ka nani, ke ui o Hawaii Kuauli, ka mea nana i kulai na paemoku kukulu o Kahiki nalo i kou nani oikelakela, nolaila, oia nani, oia oi kelakela, ua nalo oia no Keaoolino nei e mau loa.

  Alua, Oia nani, oi kelakela ua pilau, ua maea a maluna aku, a pela ma ka honua a malalo aku, pela  e hooho mai ai kini o ke akua.

  Akolu, A ma keia kulana ou e Hainakolo, ua loaa ia oe keia kulana aohe maemae, aohe kulana hauoli, he kaumaha, he pilihua, aohe hoaloha maikai nou elike me ia au e hiipoi mai la ua mae, oia kou kulana ma keia hope aku, wahi a Keaniniulaokalani.

  Pane mai o Kuahailo imua o Leimakani, a anei ka ike akua hoohana ke kilokilo, ina loaa ia oe kahi a’u paa nei, alaila, ola ko makuahine mai keia make nui mai, aka, i huna oe ia mana, make ko makuahine ka mea nana mai kou waiwai a me ka hanohano.

  Pane mai o Leimakani ia Kuahailo, he oiaio na olelo au i pane mai nei ia’u, olelo au ma ko’u ano akua a kilo hoi elike me ka olelo akua o kuu makuakane i olelo iho nei no Hainakolo kuu makuahine, no ka mea, ua noi au no kuu hele mai e ike, a ua ae ia mai e hele mai no Keaoolino nei e ike iai.

  Pane hou o Kuahailo, aole ia oka ike kilo a akua hoi ou, aka, o ka hua i loaa ia Hainakolo oia kou hanohano a me kou mana.

  Pane aku o Leimakani imua o kona makuakane, o ka ike kilo mai keia papa konane ae, aole no’u ia waiwai a me ia hanohano, no Hainakolo ia, nolaila, o ka luhi a’u i hana ai no Hainakolo ia, aole no’u oia kuu ike kilo a mana hoi.

  Pane mai o Kuahailo, ua pololei oe aohe mana maluna iho ou o oe hookahi make a ola.

  Pane mai o Keaniniulaokalani ia Leimakani no ka poiu a ka olelo a kuu akua ola ko makuahine ma ia kilo ana.

  A ma keia mau olelo a Keaniniulaokalani e pili ana ia Hainakolo no Keaoolino nei no ka wa mau loa.

  Ua pane mai o Hainakolo imua o Keaniniulaokalani me ka oiaio, ke hooko nei au i ka olelo hooholo i hooholo ia iho nei no’u no Keaoolina nei no ka wa mau loa.

  A no keia olelo hooholo aole au i pani ia mai ma kahi alanui e hiki ole ai ia’u e hele elike me ka mana i loaa ia’u a oi aku.

  Ua hiki ia’u ma ia mana a oi aku ke huli a hele e makaikai i kahi a’u i hele mai ai me kuu keakea ole ia e ka olelo hooholo a hoi mai no Keaoolino nei.

  A ma keia mana ua ae ia mai au e hele, no ka mea, ua loaa ke pani no kuu wa e hele ai, nolaila, ma ia kumu ua hiki ia’u ke hele.

  Imua ou e Keaniniulaokalani, ua paa kuu hoohiki, aohe mea nana e wehe, oia hoi, aole au e ike hou i nei mea he kane ho ka wa mau loa, aole no hoi ma ka moeuhane, paa loa ia hoohiki ana.

  A ma keia mau olelo a Hainakolo imua o Keaniniulaokalani, aohe leo i pane ia wa, no ka mea, ua ike ia keia mau olelo a Hainakolo he oiaiao loa.

  Ua pane mai o Lonokaia@hia imua o Hainakolo kona kupuna, e Hainakolo, o ke alanui o ka olelo hooholo ua paakiki, aohe akua ma ka lewa a maluna a@u, a pela hoi ma ka honua a malalo aku i na ai oe no ka hele a hoi mai no Keaoolino nei, no ka mea, ua aohe  oe maanei no ka wa mau loa.

  Pane mai  @ o @kolo  imua o Lonokaia@, @k@u moo@, a ka wa o maua i hui ai me ia n@ ho

ole oia nei lalau au i kahi kapu o Keaniniulaokalani loaa o Leimakani, oia oe e ike mai la ia’u e kuu moopuna, a oia mana oi aole i loaa ia olua, ia’u wale no a me Keaniniulaokalani.

  E Hainakolo, nui ka mana, nui ka ikaika i ka imi ana i kahi o ka olelo hooholo e paa ai oe no Keaoolino nei, he oiaio keia mau olelo, aia ia Leimakani ka hoike maopopo he like na kulana mailuna a lalo me ke akua nui o kakou, wahi a Kuahailo.

 

Nuhou Kuwaho_

KA HALE KIEKIE LOA.

Nu Ioka, Sept. 6,      O ka hale o ka hui Aetna Real Estate i manao ia ai no ke kukulu ana ma ke kihi hikina hema o ke alanui Broadway a me ke Kanakolukumamakolu; e like me na hoolala i hana ia e ke kanaka kahakii hale Hugh Lamb, oia aku ana ka hale kiekie loa oia ano ma ka honua nei, a o ka nui o na hoolilo mai ka aina a ka hale e hoea aku ana ia ma kahi he $2,500,000.  O ke kiekie o keia hale he kanakolu hale ke kiekie, a e uhi ia ana he 100 kapuai loihi a me laula e keia hale.  Iloko o Mei ae nei e hoomaka ia ai ke kukulu ia ana o keia hale, ka wa hoi e pau ai ka hoolimalima loihi ia ana oia kahua.

 

WIKANI  KE  KULANA  O  GEREMANIA.

  Wasinetona, Sept. 6.   Ua waiho aku la o Geremania he hoike i ka aha hooponopono, aole oia e unuhi mai ana i kona mau koa mai Pekina mai.  Ma kona kulana ua loaa iaia he mau kokua ia ana e Italia a me Auseturia, a he kanalua ole o Enelani pu kekahi me lakou.  Eia ke hooponopono nei ka aha i keia hana akamai a ke Moi o Geremania, a o na aupuni e hoao nei e hooko aku i keia manao oia no o Rusia a me Farani.

  I keia la o Kenerala Horace Porter, ke Kuhina Amerika ma Farani, ua hoouna mai nei oia he mau hoike, aia ia aupuni ke ku la ma ka Aoao o Rusia.  A ia wa pu no ua loaa mai la he mau a o ana no ke kulana o Geremania.

  Ladana, Sept. 7, hora 3:30.    O ka waiho ana aku la o Geremania i kana hoole no ka unuhi ana mai i kona mau koa mailoko mai o Pekina na apono ia ia ma Ladana, a he manaolana kai hoopuka ia ae e lawe aku ana o Haku Salisburg ia kulana paa like.  O ka pane a Beritania aole ia i makaukau.  He manao ko Haku Salisburg no ke kuke mua ana me kona mau hoa a ua hoike mai nei oia i ke keena o ko na alua e i kona manao huii hoi mai no Ladana ma ka la mua o keia pule aku.

 

NA  KINO  MAKE  O  NA  KOA  AMERIKA.

  Wasinetona, Sept. 7.   Eia na luna aupuni o ka oihana kaua moana ke hoolala nei no ka hoihoi ana mai i na kino make o na alii a me na kanaka no Amerika Huipuia i make ma’i a i ole kaua o na pualikoa moana a i kanu ia ma na palena mawaho loa aku o o Amerika Huipuia mai ka mahina mai o Aperila 1898.  Ma ka huli pono ia ana ua ike ia he 105, i make, maloko oia heluna he 5 alii, 57 kanaka o ka oihana kaua moana, a me 43 kanaka o ka pualikoa marina.  O ka manao o ke keena kaua moana oia no ke kanu ana i na kino make maloko o Amerika Hupuia ma kahi a ka ohana i makemake ai.  Aka, ina nae aole o lakou mau ohana o na kino make a pau e hoihoi ia mai ana no ka home mai Pilipine. Kina a me na wahi e ae o ka Pakipika, e kanu ia lakou ma kekahi wahi kokoke i Kapalakiko, a o na kino make hoi mai Inia Komohana a me na wahi e ae o ka Atelanika mai e kanu ia lakou ma ka ilina Arlington e kokoke ana i keia kulanakauhale.

 

E KOKUA ANA IA BRYAN:

  Nu Ioka, Sept. 6.   O na olelo a hoopuka ae ana, o Richard Olney no Bryan, ua hoea mai ia ianei ma o kekahi kukai olelo i  malama ia mawaena o John G. Carlisle a me kekahi mau hoaloha kalaiaina.  Mai ia poe hookahi mai no ua hoomaopopo ia i keia la aia o Mr. Kalivalana ke hoomakaukau la no ke kokua ana ia Bryan, e ukali ia aku ana o Kalivalana e Carlisle a me kekahi mau Demokarata nui e ae, iloko o ia huina o Wm. C. Whitney.

 

HOAUHEEIA NO BOA.

    Ladana, Sept. 17.    Ua loaa mai la he mau hoike mai a Haku Robata no ka la 5 o Septemaba mai Belfast, Transvaal, e olelo ana.

  Ua kaalo ae la o Ian Hamilton ma Dohi strom me ka nui ole o na keu ia ana mai.  Ua halawai aku la o Buia me ka hema o na enemi i ke ia kakahiaka.  Aia o Ian Hamilton ke hoao mai ia e halawai ma ka aoao akau o ka enemi.

  O na Boa me ekolu pukuhiahia ua lele kana aku lakou maluna o 125 koa Canada e kiai ana i ke alahao mawaena o Pan a me Wondersfontein.  Ua hoea koke aku o Maher no ke koke ia ana, aka, ua hoauhee mua aku nae na koa o kanipa kaua uuku i na enemi.  Ua hoeha ia o Mekia H@ a me Lula@ Moodie a me elua kanaka a me eono i nalowale.

  Aole i loaa ka mea nana i pepehi o Ah Joe o Hilo a hiki i keia mau la, aka, aole no nae i hoopau ae ka oihana makai i ka hoomau ana aku i ka hana ana i la meheu o ka limokoke, pela na lono i loaa mai nei mai Hilo mai