Ke Aloha Aina, Volume VI, Number 37, 15 September 1900 — Page 8

KE ALOHA AINA

 

8 KE ALOHA AINA, POAONO, SEPATEMABA 15, 1900.

 

HE KAAO HAWAII

NO

HAINAKOLO

 

Ka Ui Nohea o Waipio. Ke kaikamahine Nana i Wawahi i na Pani Paa o Kuaihelani a Haule Kona Kapu Ihiihi.

            Ua paa keia manao ina aole e hookoia ana keia manao o'u, ua hiki ia'u ke wawahi ia Keaoolino nei a kukulu i aupuni akua maemae, nolaila, ma keia manao o'u aole au i huli mao a  maanei, nolaila, e waiho ka inaina a hoonalo loa.

            A ma keia mau olelo ikaika a Hainakolo imua o na hoakuka o Keaniniulaokalani, ua pane mai o Kuahailo imua o Hainakolo, e waiho oe i keia mau manao ou a hoi mai o Keaniniulaokalani mai kana huakai hele mai, alaila, e pane oe imua ona a me makou na hoakuka. A ma ia mana kakou e ike ai i kana olelo hooholo no keia mau kumuau i waiho mai nei, no ka mea, o keia mau kumu ua maopopo iaia.

            Maanei ua olelo o Lonokaiolohia imua o lakou a me Hainakolo, o keia mau olelo au i aa ai ina no ke kipaku a no ka make paha, he mau mea oluolu wale no ia i kou manao, aka, e haule ana la mau manao ou, aole e ko ana, no ka mea, o ka olelo hooholo ua paakiki loa ia mea, nolaila, ma kuu ike ua mana ka olelo hooholo, a e noho ana oe no Keaolino, a o ke akua nui o kakou ke kaawale ana mai keia wahi aku no ka wa mau loa, oia na hiona i maopopo ia'u, no ka mea, oia ke kumu i make ole ai o keia alii a me kona lahuikanaka ma kuu lima no ka wa mau loa.

            A ma ia mau olelo a Leimakani ia Hainakolo, ua pane koke mai o Kuahaiio  ia Leimakani, e akahele oe ma kau mau olelo no Keaoolino nei, no ka mea, he mana ia i ike ole ia e oe mamua o kou kaawale ana mai keia wahi aku, no ka mea, ua ike oe i na pilikia i na hana ana o Keaoolino, aole nae i keia wa @ o kamailio nei.

            Leimakani kuu lei, kuu luhi, ke ike nei au i kau mau olelo he olelo mana, a o ka mana ia o ko akua makuakane i haawi mai ai ia oe e hana. He oiaio, a noho hookahi ana au no Keaoolino nei me na lawehala no ka wa mau loa, wahi a Hainakolo.

            E Hainakolo! E Hainakolo, he leo, wahi a Kuahailo, ma he leo no ke ola pomaikai aku hoi, he leo no ka poino na poino no, no ka mea, ua hiki mai ke ola ma ka puka, oia na olelo a keia leo ia Kuahailo, aole nae oia i pane koke no keia leo.

            Aohe mea na@ ae ma Keaoolino nei o o@ha kahi i @ i ike ia elike me kaua kauoha ia'u.

            E malama au i na kihi eha o Keaoolino nei a hoi mai oia ike kakou i kona mau manao nou, no ka mea, aohe kona mana he mana kui, aka, nona iho kona mana elike me Kuahailo nona iho kona mana.

            A no'u a me ko'u makukane a me oe pu nona mai keia mana a kakou e hiipoi nei, nolaila, mai pii mahuahua kou inaina nona, no ka mea, aohe mea hookahi e ku imua o kona inaina nui, aka, o keia kanaka akua i pili ole ia kaua, oia o Kuahailo, ka mea i kokua nui ia oe no kou mau poino i na wa a pau.

            Pane mai o Leimakani ia Hainakolo kona makuahine, ua kuhi au ua pau kou manao uilani a nana ole mai ia'u a me ka'u keiki i haku a i akua no kakou, aole nae pela kou manao, nolaila, a hiki mai ia la aole au e noho ana me oe no Keaoolino nei, no ka mea, ua hana oe i ka mea hilahila imua o makou.

            Maanei ua hoi mai o Keaniniulaokalani mai kana huakai makaikai honua a me ka lewa a hiki aku i ka papaku o lalo no hookahi makahiki ke kaawale ana.

            Oiai oia e hui ana e hai ana i na mea ana i ike ai imua o kona mau hoakuka a me ka hana ana i manao ai e hoouna no ke kaua i na aupuni elua ia Lonokaiolohia, no ka hookaa ana i ko laua aie ia Leimakani kana keiki haku a akua hoi. Ua pane mai o Hainakolo imua o Keaniniulaokalani, ua hoohalahala au no ka olelo hooholo a ka lunakanawai, no ka mea, ua ae mai oe la olelo hooholo, aohe maopopo ia'u, nolaila, e hoike mai oe i kau olelo hooholo.

            Pane mai o Keaniniulaokalani, no kou hoowahawaha ana i ka olelo hooholo a ka lunakanawai akua oiaio a makou ole mai ia'u, ua paa kona manao nou me ka makau ole i ka make ma o'u nei, nolaila, ke haawi nei au i ka'u olelo hooholo nou.

            Akahi. E noho oe no Keaoolino nei noka wa mau loa, o oe hookahi aole kekahi mea e ae.

            Alua. O keia alii a pau maanei a me kona lahui e noho lakou no Keaoolino a hiki i ko lakou make ana.

            Akolu. O Lonokaiolohia ke noho mana ma na kihi eha o Keaoolino nei a na ia mana e pani no ka wa mau loa, wahi a Keaniniulaokalani.

            Pane mai o Leimakani imua o ka olelo hooholo a kona makuakane a akua hoi ona, penei:

            O ka olelo hooholo, me he la, ua pani ia mai ka puka no'u i ole au e ike i kuu makuahine, ka mea nana mai au, nolaila, ke ninau nei au i kuu akua, ma kahi hea la au e hiki ai ke hai me kuu makuahine.

            Wahi a Keaniniulaokalani, ua hamama ka puka nou ma o Lonokaiolohia la.

            E Hainakolo, aole a'u pani ana maluna o keia olelo hooholo a @ akua nui, aohe @ nui maluna o keia olelo, nolaila, ua noho hookahi oe no Keaoolino nei, aohe mea nana e wehe, aka, o ka mana ana i haawi ai ia oe, ma ia mana oe e ike ai ia makou ma kahi manao, nolaila, ua nui no ko'u kaumaha nou, no ka mea, na waiho pu ia ka enemi oe a hiki i kona make ana me kona lahui ma Keaoolino nei.

            Pane o Hainakolo ia Kuahailo, ua pololei oe ma na ano a pau, a ke aie nui nei au i kou lokomaikai ma na ano a pau au i kokua no'u, nolaila, ke noi nei au i kou ahonui aole anei e pono ia'u ke hui ae ke akua nui o kakou mamua o ko oukou kaawale ana aku mai anei aku, hoole aku o Kuahailo aole hiki i keia wa, aia a pau ka hana a ka moopuna akua haku hoi ona, a mahope aku olaila, alaila paha hui ke maliu mai nae.

            A mamuli o na ike like a Kuahailo, Hainakolo a me Lonokaiolohia no na mea e pili ana i ka olelo holoholo a Keaniniulaokalani no Hainakolo.

            A i ka pau ana o keia mau olelo ua pane aku o Keaniniulaokalani ia Lonokaiolohia e hele oe no keia wahi wahi a'u i olelo iho nei ia oe no ke kaua, ma kela mau aupuni elua kou makaukau a me ka lawe pu ia Manuahiahi a me Aleiki, no ka hoonoho ana ia laua i mau Moi malalo o ka mana o Leimakani, a pau ia hana hoi mai oe no ka hoomakaukau ana i ka hele no kahi ike oleia e ku ai na kapuai, wahi a Keaniniulaokalani.

            Pane mai o Keahailo imua o Keaniniulaokalani me ka inaina nui ina no ka make aole o'u makau a hopohopo no kahi e ku ole ai na kapuai o ke akua nui ano maopopo ole ma keia kilo ana, a ua huna ia mai ia'u aohe hoailono ma ka lewa a hiki i ka papaku o lalo, o Leimakani a me kona mau hoa ua loaa ia lakou na pomaikai, a nou e kuu moopuna a akua hoi o maua. Ua olelo ia aohe wahi o na kapuai e ku ai.

 

KA MOKU LAWEKOA LOGAN.

            Ma ke kakahiaka La Pule nei i hoea mai ai ka moku lawekoa Logan mai Kapalakiko mai, ma kona alahele no Manila. E lawe ana oia no Pilipine he elua bataliona o ka regemana Ekahi a me ka bataliona ekolu o ka regimana Elua me ka bana, no lakou ka heluna he 1609 koa, mawaho o keia heluna he mau kauka a he mau wahine kekahi e holo nei no ka huipu ana me ka lakou mau kane e noho mai la ma Pilipine a me na ohua e ae no lakou ka huina he 82.

            Ua hoolakoia ka Logan me ka ai e lawa ai keia mano kanaka nui no kanaono la, no ka manawa e loaa ai o ke kauoha i kona wa e hoea aku ai no Manila, no ka holo ana aku i kekahi wahi okoa, ua makaukau oia me ka hoohakalia ole ia. Eia oia ke hoopiha nuunuu nei mamua o ka holo loa ana aku no Manila.

 

Papa Kuhikuhi

O KA

HOOMANAO ELIMA IA ANA

O KA

LA HEIHEI WAAPA

MA KA

Poaono, Sept. 15.

MA KE AWA O KOU NEI.

E hoomaka ana ma ka hora 9:30 a.m.

 

1.-Heihei Waapa Huelo Bot. Makana mua $30; elua, $10.

2.-Heihei Waapa Eono Hoe. Makana, $30

3.-Hukihuki Waapa, aole e emi malalo o elua waapa o ka aoao hookahi. Makana, $20.

4.-Heihei Waapa Eono Hoe. Na poe kahiko. Makana, Inoa Hanohano

5.-Heihei Moku Kiakahi. Papa Ekahi. Makana mua, kiaha $50; elua, kiaha $25.

6.-Heihei Moku Kiakahi. Papa Elua. Makana mua, kiaha $40; elua, kiaha $25.

7.-Heihei Moku Kiakahi. Papa Ekolu. Makana mua, kiaha $30; elua, kiaha $20.

8.-Heihei Moku Kiakahi. Papa Eha. Makana mua, kiaha $30; elua, kiaha $20.

9.-Heihei Waapa Kiki Eono Hoe. Makana, $15.

10.-Heihei Au, 100 i-a au pololei. Makana, $15.

HOOMAHA PAINA AWAKEA.

11.-Heihei Waa Eono Hoe. Makana mua, $20; elua, $10.

12.-Heihei Waapa Eono Hoe. Makana, $25 kiaha.

13.-Hukihuki Waapa. Mawaena o na Waapa Mokuahi. Makana $25.

14.-Heihei Waapa Elua Hoe. Makana mua, $15; elua $10.

15.-Heihei Luu, no kahi mamao. Makana, $15.

16.-Heihei Waapa Mokuahi. Makana mua, $30; elua $15.

17.-Heihei Waa Pea. Makana mua, $20; elua, $10.

18.-Heihei Au Hapalua mile a i ole emi mai. Makana, $15.

19.-Heihei Waapa Eha Hoe, no na moku Kale@a. Makana mua, $20; elua, $10.

 

            O keia Papa Kuhikuhi ua hiki no ke hoololi ia. O na heihei a pau ua hookuu akea ia. Aole uku komo. O na heihei au a me luu, na hamama ke komo ana a hiki i ka wa o ka heihei.

            O na heihei hoe a pau e hana ia no ia malalo o na rula heihei o ka Hui Hoehoe Hawaii.

            E hoike ia ka inoa o kela a me keia waapa, a ina aole, ka inoa o ka mea nana oia i hookomo mai ma ka heihei.

            No na mea i koe e ninau i ke Komite Heihei, a i ole i ke Kakauolelo J.W. Smith@es.

 

NA LOAA MAI, HE HELUNA

….O NA….

Pena a me na Aila Pena,

Na Hulu Pena,

Na Kapuahi Aila,

Na Kapuahi Fisher,

(ua hoemiia ke kumukuai)

Na Palau na ano apau,

Na Lako Mahiai,

Ho, Oo, Kopala, Kipikua,

Na Hakeke o na like ole

Na Ipuhao, Ipu Ti,

Na Lako Aniani.

            E loaa mai ana he mau waiwai hou maluna o ka mokuahi Auseteralia. Nolaila, e kipa mai, a e wae no oukou iho, he emi loa ka makou mau kumukuai.

Hawaiian Hardware Co., Ld.

(HUI LAKO HAO HAWAII, I KAUPALENAIA)

Alanui Papu, ma o ka Banako o Spreckels. @