Ke Aloha Aina, Volume VI, Number 36, 8 September 1900 — Page 8

This text was transcribed by:	Kate Motoyama
This work is dedicated to:	with respect to r. k. nawaa, ka nupepa kukokoa

KE ALOHA AINA

8 KE ALOHA AINA POAONO, SEPATEMABA 5, 1900

HE MOOLELO WALOHIA

--:NO:--

ALANADELA

Ka Wahine Hoopahaohao o ka Aa

hu Keokeo

--A I OLE--

Ka Loea Hookani Pila Hapa o ke Kulu Aumoe

I ka hoea ana aku o ka moneka a me kana ilio punahele oia kahi o na kulu koko o ke koa Walata e waiho ana, oia no kona wa i lalau aku ai i ke poo o ka lio a kupenu iho la i ka ihu o kana Rova me ke koko e hilihili ana iluna o ka lepo me ka puana iho i keia mau huaolelo pokole maluna o kana i io.

E Rova kuu hoalohi pili paa o ke ao a me ka po. Ano, eia ka ua ke hooko nei i keia bana pohihihi, aka, he hilinai piha no nae ko'a e loaa no ia kaua ka lanakila. O keia koko kanaka e hapala la ma kou ihu oia ka meheu a kaua e ukali aku ai.

Nolaila, ua maopopo aku la ia oe na mea a pau a o ka'u wale no e makemake nei nau no e bana aku oia kou alakai ana aku i kou haku nei no kahi o ka pepehi kanaka i malama ia ai.

I ka pau ana no o keia l@o kalokalo a ua moneka nei i kana Rova, oia no ka wa i aoa ae ai ua ilio nei me ka ikaika, me he la, a hoike okoa mai ana no, aole keia he hana nui i papahi ia aku la maluna on a.

A i ka hooki ana iho o kona leo ao@, oia no ka wa i kulou iho ai ke poo o ua ilio nei no lalo o kona honua a hanu aku la ma kahi a na kulu koko e waiho ana iluna o ka lepo, a iloko o na sekona pokole wale no, ua nalo aku la oia iloko o ka poiuli e hookolo ana no kahi i lawelawe ia ai o ka pepehi kanaka.

A no kekahi mau minute pokole keia nalowale ana o na ilio nei, ua loheia aku la kona leo alapoine e poha mai ana ma kahi manao loa. Ia wa koke no me ka leo hauoli i huli ae ai ka moneka a pane aku la i ke koa opio.

E ke koa Kaisa, ke hauoli nei au i ka hoike aku ia oe ua loaa aku ia ke kahua i lawelawe ia ai ka bana pepehi kanaka i kuu ilio punahele, no ka mea, e hoolohe aku aia kona leo kahea ke poha mai la me ka ikaika.

No keia mau olelo a ke kahuna moneka i hoopiha aku i ka puuwai o ke kanaka aoo me ka hauoli nui, a oia kana i huli ae ai i kona hoaloha a paoai aku la me ka leo pihoihoi.

Ae, ke lehe pu aku nei au i ka leo noa weliweli o ka ilio Rova e hoike maopopo mai ana ua Looko aku @ i kali @a me ka paew@ ole, @, aole a laua @lua ana iho, aka, o ka hookolo wale aku no i kahi o ka leo e pau mai nei. E wiki ano a ai hoohakalia.

I ka hooki ana iho o ka leo o Kaisa oia no ko l ua wa i pee aku ai iloko o ka pouli ma ke alahele a ua mau eueu nei i lohe aku ai i ka leo o ka ilio i ka poha ana mai i na sekona mamua iho. Aka, ua hoopokole ia nae ko laua luhi o ka hoaa hele ana ia po ma o ka hoea ana mai o Rova me kekahi mea nui eleele ana e huki ana ma kona waha, a i kona ike ana mai i kona haku e hookokoke aku ana ua haawi koke ae la oia he hookahi leo aoa me ke ku kiai ana ma ka aoao o ka mea nui eleele ana i alako mai ai.

Na keia leo aoa o ka iho ma kahi kokoke loa ia laua i hoohikiwawe aku i ko laua mau kapuai.

A he mea oiaio ia ko o na sekona pkole wale no na halawai aku ia wa mau kamahole nei me ka ilio, a i ka wa a ka moneka i paipai iho ai i ke kua o kana ilio me na manao kaweli no kana mau hana noeau lua ole, aia noi, ua hoohikilele ia iho la oia i ka ike ana iho i keia mea pouliuli e waiho ana ma ka aoao o ka iho me ka leleo hou ana aku ihope a kooho ae la.

He mea puuliuli e like me he kino kana ka ka'u e ke nei?

A iloko no oia sekona me ke kali hou ole aku lalau iho la kona lima akau i kana pahikana e paa ana ma kona puhaka me ka makaukau nui e paio aku i kana enemi i kona wa e kue mai ai.

O kona lima hema hoi lalalu iho la ia i ka ipu kukui hele po e moe loli ana i kona poli a unuhi koke ae la, o ka pahikaua oi lua ua hapai@e la eia maluna o kona poo, a o ka ipu kukui hele po, ua hookokoke aku la oia no kahi o ka mea eleele ana i ike ai.

I ka haule pono ana aku o ka malamalama o ke kukui maluna o na mea pouliuli nei, aia hoi, ua hoopuiwa loa ia laua i ka ike ana, aole keia he kino ola, aka, he kino oia, aka, he kino no kekahi kanaka iloko o ka aahu koa o ke aupuni Italia.

Ma keia wahi i lalau koke mai ai o Kais@ i ka ipu kukui a hoomalamalama pono iho la i ka helehelena o ke kauaka make, a mahope o ka ike ana, i ua palapu e kau ana maluna o ka mea poino ua hooho koke ae la oia.

E kuu hoaloha moneka, e hoonani ia i a lani i kona hoike uioakaka ana mai la, aole na hai aku i powa aku i ke ola o kuu haku opio, aka, na ka poe no ia e kapa nei la lakou he mau hoaloha no kakou.

Ae, e ke koa wiwo ole ke ike nei au i ka olaio o kau mau olelo, a ua make 10 no ke kanaka opio ma ka poho lima o kona ,au hoaloha hookamani, ma ka hoomaopopo ana iho i na palapu e kau nei maluna o ke kino make e hoike m@akaka ana aole he hauaka h@ wale aku iaia iho, aka, ua p@ au oia a hiki i ka wa i kaawale aku ai ka ikaika mai kona kino mau, wa@i a ka @ o neka.

Ma keia mau huaolelo i hoolale hou i ku ai ke koa so@ no ka hoou@ ana aku i ko laua alahele, a e like me ka makemake o ua Kaisa nei, pela ua moneka la i hooki aku ai i kana ilio no mua me ka haalele ana aku i ke koa Italia e moe malie malaila, no ka mea, aole he manawa e hookaulua ai ma ia wahi.

He mea oiaio, e like me ka makemake o kona haku pela ua Rova nei i hooko aku ai me ka leo aoa a holo aku la mamua o na Eamahele ma ke ala e hoea aku ai i ke kahua o ka hookahe koko.

E like me ka mama o ka ilio e hele la mamua pela no ua mau eueu pela laua i ukali aku ai, a i ka wa i hoea aku ai ka iho ma kahi a ke kahi wahi ponahaha mauu maloko o na laau e hihipea ana oia no ka wa i ku iho ai ka ilio a aoa hou ae la me ka ikaika.

Malalo o ka hoomalamalama ana a ka uwila ua hoahuwale ia aku la ke kahua hookahe koko e ahu mokaki ana na kino make o na koa Italia iloko o na lokowai koko e hoike mai ana he kaua nui kai ulele ia malaila, nana i hoopuanuanu mai i ka puuwai o na kamahele.

Owai, no laua e kilohi nei i ke kahua hakaka me ka naau aloha no ke koa opio, ua hoonihoihoiia ae la laua i ka lohe ana aku i kekahi mau halulu kapuai wawae, a pee koke iho la laua, a ia wa n@ i ike aku ai laua, a ia wa no i ike aku ai laua ia Lihano me kekahi mau kanaka e auamo ana i na kipikua a me na kopala i ka oili ana mailoko mai o ka olulaau.

HAULE KA LA PALOMA.

Ma ka heihei moana i malama ia ai mawaena o na moku heihei La Paloma a me Dewey, ma ka Poaono nei mai Honolulu aku nei a hiki i Lahaina a hoi mai. Ua lilo ka eo i ka Dewery ma ka hiki mua ana i Lahaina he eono hora a me ka huli hoi ana mai nei no keia awa he 27 minute mamua o ka hoea ana mai o ka La Paloma. Aole he mau hoopaapaa i hana ia ma keia heihei, nolaila, ua haawi ia aku la ka lanakila o ka heihei i ke Dewey.

UA LOAA MAI, HE HELUNA

. . . O NA . . .

Pena a me na Aila Pena,

Na Hulu Pena,

Na Kapuahi Fisher,

(ua hoou@lia ke kumukuai)

Na Palau na ano apau,

Na Lako Mahiai,

Elo, Oo, Kopala, Kipikua,

Na Hakeke o na like ole

Na Ipuhao, Ipu Ti,

Na Lako Aniani,

E loaa mai ana he mau waiwai hou maluna o ka mokuahi Auseteralia. Nolaila, e kipa mai, a e wae no oukou iho, he emi loa ka makou mau kumukuai.

Hawaiian Hardware Co., ld

(HUI LAKO HAO HAWAII. I

KAUPALENAIA)

Alanui Papu, ma o ka Huako o

Spreckels. tf

MA KE KAUOHA.

HOOLAHA MANA HOOKO

Ma ke hoike la ana mai o ka makemake o na poe koho o ka Mokupuni o Lanai e hookaawale ia i wahi kolo ma ia Mokupunia, Oahu o Sanford B. Dole, ke Kiaaina o ke Teritori o Hawaii, ma ka mana i loa ia'u ma ke kanawai, ma keia ke hookaawale nei i ka Mokupuni i olelo ia o Lanai, i mahele kaawale o ke Apana Koho Ekolu, me ka hoohlo ana i ka halekuai Kahalepalaoa i wahi koho o ka mahele i olelo ia.

Hanaia me ke Sila o ke Teritori o Hawaii, i keia la 31 o Augate, 1900.

SANFORD B. DOLE,

Ma o ke Kiaaina.

(Sila) HENRY E. COOPER,

Kakauolelo o ke Teritori.

UA NALOWALE.

Ua nalowale ma ka auina la Poakahi nei, Sept 3, 1900, he Uwati Dala mawaena o ke Alanui Moi. O ka Helu o keia Uwati he 6533, he kii moa mamua o ka helu. O ka mea i l@ ai o keia uwati e hoihoi pololei mai i ke Keena o KE ALOHA AINA, a e loaa no he uku mak@ kapono.

MRS. S@AN.

Honolulu, Sept 5, 1900.

OLELO HOOLAHA.

Ke hoikeia aku nei ka lohe i na poe e noho ana mai Hawaii a Kuai, he mau laau Kou, Milo, Kamani, a pela aku, ka lakou ka lakou e makemake ana e hana i umeke, a i na poe hoi he mau umeke kahiko a nahaha ka lakoo, e lawe mai ma ko'u keena hana ma Leleo, Honolulu, a ua hiki ia'u ke hoomaemae aku ia lakou me ka eleu. No ka auhau he Emi Loa a mai hopohopo.

Owau no me ka oiaio,

JOHN MALAEY.

Honolulu, Aug. 31, 1900.

UA LOAA.

Ua loaa he waapa have nui me kekahi mau pono, a o ka mea a mau mea paha nona keia waapa oo kii koke ae ma ko'a wahi noho ma Iwilei, a i ole i ke Keena o KE ALOHA AINA, a i na e hala na nei o keia hoolaha, e lilo no ia'u keia waapa, me ka hoakaka pu mai i ke ano o keia waapa a me ka uku o ka malamala ana.

GEO MALINA.

Honolulu, Aug. 27, 1900.

OLELO HOOLAHA.

Owau o ka mea nona ka inoa malalo iho nei ke kauoha aku nei ia Sun, Koe, e kii mai i kana Umeke @ au e waiho nei ma kuu hale hana me ka uku nai i ko'u luhi o ka hoomaemae ana ma na lilo e ae. A in a e kii eleia mai ana keia umeke a hala na la he 15 mai kona @ puka aku nei ka hoolaha, he mana ko'u e hoo@o aku ai i uku ia ai ko'u luhi o ka hoomaemae a me ka malama ana a me na lilo e @. Oiai o ka eha mahina keia o ko kii @ ana mai o kela umeke.

Owau no me ka oiaio,

JOHN MALARY.

@leo, Honolulu, Aug 29, 1900

KA HALEKUAI ME AI

--:O:--

LEWIS & Co.

E loaa no ka Kamaoo Paakai Momona mai ke kuai liilii a makekuai pahu. Na P@ a me na Lako mea ai o kela ana keia Ano. E hele mai e hoao ko kakou @ Telepone 240.

A anai Papu, Helu 111.