Ke Aloha Aina, Volume VI, Number 34, 25 ʻAukake 1900 — Page 7

KE ALOHA AINA, POAONO, AUGATE 25, 1900.

7

 

AOLE I AHEWAIA KE KAPENA O KA MOKUPEA DUNREGGAN.

           

            O Kapena Geo. M. Dixon, o ka mokupea Dunreggan, i ili ai ma na kuaau mawaho aku o Leahi ma ka Ia 8 o keia mahina, a i hemo hoi i kekahi mau la mahope mai, ua hookuu laelae ia ae oia mai na ahewa ia ana e ka aha kuka i malama ia ae ma ka Poaha nei, ma ka home o ke Kanikela Beritania, a o na poe i akoakoa ae ma ia aha, oia no ke Kanikela Beritania Robert Hoare, Kapena Corrance o ka mokupea Kilmory a me Kapena Jackson o ka mokupea Halewood.

 

KO HUMPHREYS MANAO.

            Ma na mea e pili ana i ka hookohu ia ana o Frederick D smith o Nu loka i kakauolelo eha no ka Aha Kaapun Ekahi.  Ua hoike maoli ae oia i kona mana.  He oiaio na’u i hookohu o Mr. Smith.  E ili no maluna o’u na koikoi o ka hookohu ana iaia, a e ku ana au a pale nona.

            He mea kupono ole no kekahi lunakanawai ka hele ana aku e kuka me kekahi poe alakai e pili ana no keia hookonu ana, oiai no nae aia no iaia ka mana.  E hana no ka lunakanawai e like me kana i ike ai he pono me ka nana ole aku i na manao kalaiaina.  Aole wale owau kai komo iloko o ka hookohu ana i ke kanaka malihini ma ka oihana aupuni, o na Peresidena Kaliwalana, Harrison a me Makinile kekahi i hooko aku ia hana.  O Peresidena Harrison ua hookohu aku oia ia John N. Irwin he makaainana no Iowa i Kiaaina no Arizona.  O Peresidena Makinile hoi ua hookohu mai nei oia ia Geo. C. Davis he makaainana no Ohio i Lunakanawai no ka Aha Hookolokolo Kiekie o Arizona.

            Ua pani aku o Mr. Smith ma kahi a Mr. Biddell, i lawe aw ae i ke kulana a A.P. Taylor e paa ana, he kanaka malihini oia, a he mau mahina wale no hoi kona aoho ana maanei a lawe ae la i keia kulana.  O ko’u hookohu ana aku ia Smith aole no ko’u hoowahawaha i na poe e ae ekolu i noi mai i keia kulana, aka, no kona makaukau i ke kakau pokole.  He mea i loaa ole i na poe ekolu i waiho mai i ko lakou mau inoa, pela au i manao ai ua kepono o Smith e lawe i keia kulana, no ka mea, ua hiki iaia ke kakau pokole a me ke kakauolelo hoi no ka aha no ka uku hookahi, aole hoi no ka manao kue i na Hawaii.

            He papa kuhikuhi hou ko ka Orpheum i keia po.

 

HE MOOLELO WALOHIA

NO KA

LEDE ELENORA

Ka Ui Nohea i Hookaawale ia mai ke Alo aku o na Makua.

A I OLE

Ka Wahine Opio i Auamo i na Koikoi a Kona Makuakane i Hana ai.

 

MOKUNA X.

KA AIHUE IA ANA ELENORA.

            A i mea e hooi loa ia aku ai ko laua aloha ia mai ua hoomau aku la no ua Nora nei i ka hoike ana aku me ka wahahee penei.

            O na makua o keia kaikamahine opio, aole laua ma keia ilihonua, aka, ua hoomaha aku la laua no ka wa mau loa ina la mua no o kona oili ana mai i keia ao malamalama, a no ka makemake ana o kona mau kupuna maloko o ke kulanakauhae e ike iaia, pela maua i hiki mai ai.

            A na keia mau huaolelo hoopunipuni a ka wahine aoo i hoopiha aku i ka puuwai o ka wahine opio me ke aloha no ke kamaiki opio ana e hupoi nei.

            Ike ia aku la kona mau waimaka i ka hiolo ana iho, no ka mea, iloko o na mahina mamua aku e hiipoi ana oia he kaikamahine no i like me keia na helehelena ui iloko o na aahu nani, aka, o keia nae iloko o ka aahu weluwelu.  Aole ka mea nana oia i hana i hooloihi mai i kona mau la iloko o ka poli o kona mau makua, no ka mea, ua kii koke mai oia a lawe aku i kona ola.

            No kona piha aloha loa no ka opio e waiho ae nei imua o kona alo me ka aahu nahaehae, ua ku ae la oia iluna a hele aku la e kii i kekahi aahu o kana lei i pauaho mai me ke kahiko ana aku i ka ui Elenora, a ua loli hou ae la kona kulana mai ka pupuka a ka ui.

            Na keia mau hiohiona nani o ke kamaiki opio i hoopiha aku i ka puuwai o na kama ina o ka hale me ka makahehi nui no Elenora me ka noi pu mai e waiho ia aku iloko o ka lakou pulama ke kamaiki malihini, aka, me ka maalea nui pane aku la o Nora.

            E na kamaaina a’u i aio nui ai i ko oukou lokomaikai ua ae kuu puuwai holookoa no ka haawi ana aku ia oukou i keia opio, aka, aole nae i keia wa.  E hookuu mua ia oia e ike i kona mau kupuna, a ma ia hope aku e hoihoi mai no au a haawi aku iaia iloko o ka oukou malama ana.

            Ua lilo keia mau huaolelo maikai a Nora i mea e hoohauoli ia ai na poe o ka hale a haawi hou mai la lakou i mau aahu no ka opio a me ua Nora nei.

            Iloko oia manawa i poha mai ai ka leo nakolokolo o naipukuniahi a oia ka ka wahine opio i huli ae ai a ninau aku la i kana kane me ka pihoihoi.

            E Laionela, kuu aloha e hoike mai heaha kela mau pu kuniahi e kani nakolokolo mai ia o ke awakea he la nui anei keia no ke kulanakauhale.

            Aole aole e Lusia, aole kela he mau leo pukuniahi no ka hauoli aka he mau leo kumakena ia no ka make ana o ke kaikamahine a ke kiaaina.

            Ua loaa anei he mana pili aupuni i ke kiaaina e kauoha ai i na kipu hoohanohano mai na mokukaua a me na batari?  Wahi a ka wahine opio i ninau aku ai i kana kane.

            Aole e Lusia, aole kela he mau pukuniahi e haawi ia a’u no kona hanohano, aka, he mau leo pu kuniahi kela no na kipoka e lawelawe ia la i ka papaku o ka moana me ka manao ana ma ia maa kipoka ana e lana ai ke kino make o ka opio poino.

            Me keia mau hoakaka ana a ka na kane, ua pau ae la na manao pihoihoi o ka wahine opio, a hoi pono iho la kona mau manao.

            A iloko o keia manawa i ku ae ai o Nora a liuliu ae la no ka hoomau ana aku ma ko laua alahele me ka opio Elenora, a maanei hoi i haawi ia ae ai na puili aloha ana mawaena o na kamaaina o ka hale a me na malihini me ka manao kuhihewa ana o Lusia, aole no e loihi loa na la a hui hou lakou me ka opio a lakou i makahehi nui ai.

            Ma keia wahi i oili aku ai o Nora mailoko aku o ka hale me Elenora mamua o kona alo, a o ka puolo i piha me na aahu i haawi iamai ai no laua e haawe ana mahope o kona kua, a i ko laua kaawale loa ana mai ka ike ia ana e na poe o ka hale nana laua i hookipa me ka maikai ua lawe ae la ua Nora nei he ai hele okoa e hiki aku ai i kona home kuahiwi.

            A mamua ae o ka uhi ana mai o ka pouli aia ua wahine aoo nei ke hookokoke aku la i kona home a ka hauoli i iuakaha ai i na la i kau hope aku, aka, o na leo kumakena nae o ke kaumaha ke lohe ia ia ma kona mau paia anoano kehia.

 

HALE KEAKA ORPHEUM.

I KEIA PO     I KEIA PO

 

He Hoololi Nui o ka Papa Kuhikuhi.

Mau Himeni Hou

me na

Hoomakeaka Hou.

E I AWE MUA I NA NOHO O NELE AUANEI.

 

E hamama aua ke Keena Kuai Kikiki i ka hora 9 am

TELEPONA @

           

HE MOOLELO WALOHIA

NO

ALANADELA

Ka Wahine Hoopahaohao o ka Aahu Keokeo.

A I OLE

Ka Loea Hookani Pila Hapa o ke Kulu Aumoe.

            He mea oiaio i ka hoea ana aku o ke kino o Walata imua o kana aloha, ua hookupouli koke ia ae la o Aianadela i ke aloha no kana ipo lele iho la oia maluna ona me ka haawi ana aku i na muki pumehana ana no kana mea i aloha ai a lohe pu ia aku la kona leo uwe kapalili e wawalo hele ana iloko o keia mau hora o ke aumoe.

            Ua aia mai la na mea a pau o loko o ka pupupuhale a holo mai la waho o ka hale no kahi a ka wahine e uwe ana, a iwaena o lakou o Kaisa kekahi, na hoaloha pili paa o ke koa opio Walata, a i kona ike ana aku o kona haku opio no keia e waiho nei iloko o ke kulana kupiliki ua holo aku la oia a hapai ae la i ke poo o Walata me ka pane ana iho me ka leo kaumaha.

            E Walata, kuu haku opio e hoike mai, pehea i loaa ai ia oe keia poino weliweli?

            Aole he leo i pae mai mai na lehelehe ae o ke koa opio aka ua leha ae la kona mau maka i kona hoaloha a me Alanadela ka pohaku makamae hookahi iloko o kona puu wai.

            I ka ike maopopo ana ae o Walata i ka helehelena i kana mau mea elua i aloha ai e nana iho ana iaia me na maka aloha ua kulu iho la kona waimaka, ua hamama ae kona waha u e ka makemake ana e hoopuka aku i kekahi mau huaolelo aka ua hiki ole nae ke puka pono mai kana olelo.

            A ma keia wahi i huli ae ai o Alanadela a poha aku la kona leo piha inaina i ka ninau ana ia Lihano kealihikaua o na koa Italia.

            Ua loaa aku apei ia oe e Iahanona kanaka puuwai eleele nana i iaweiawe i keia haua hoomaipoino maluna o ka’u mea i aloha ai.  E hoike mai, a ina eia lakou maanei e lawe mai imua o’u nei no ka haawi ana aku i kekahi uku hoopai koikoi.

            E kuu moiwahine aole lakou maanei aole no hoi lakou i loaa aku ia makou no ka mea ua pau mua aku lakou i ka mahuka a haalele iho la i ka lakou pio na kuekaa ia aku na wahi a pau aka he nele nou ka mea i loaa ia makou wahi a Lihano.

            Ma keia wahi i lalau ae ai na lima nawaliwali o ke koa Walata i ka a i o kana Alanadela no ka muki ana aku i na lehelehe o kana aloha a o like me kona makemake peia o Alanadela i hooko aku ai a i ka manawai ana ae o ko laua maiu ihu oia pokawai pau loa ae ai o ka hana o Wahu.