Ke Aloha Aina, Volume VI, Number 33, 18 ʻAukake 1900 — Page 1

KE ALOHA AINA

HONOLULU , POAONO, AUGATE 18, 1900.

OKALAKALA NA PILIPINE

HOOPOINO MAU IA NA KOA AMERIKA.

Aia no na Beritania ke Hoomau La i ka Nee Aena. – Haawipio o Harrismith.

     Ua loaa pu mai la keia mau hoike malalo iho nei maluna mai la o ka moku@ Alameda, a no ka pomaikai o ko makou mau makamaka heluhelu, ke unuki aku nei mak@ me ka awiwi nui, penei:

     Manila, Aug. 5.  Ua pii mau ae ke kulana hopo ole o na Pilipine keia mau pule ekolu i hala iho nei,  ma ka lele kaua ana maluna o na puali liilia.  O Lutanela Ekahi Alsetter o na koa Eneginia me umikumamalima kanaka e ukali ana iaia, ua lele kaua ia mai lakou e na Pilipine.  Mahope o ka hakaka ana o na Amerika a hiki i ka pau ana o ka lakou mau poka, ua haawipio aku la lakou.  He hookahi i make a me ekolu i hoeha ia.  Ua hoihoi mai o Kenerala Lacuna i na poe i  hoeha ia me ka leta e hoike ana e malama maikai no lakou i na poe pio.

     O Lutanela Hules ua make oia ma kahi kokoke i Santa Cruz, ma o ka lele kaua malu ia ana mai.

     He elima mau kanaka o ka regimana Iwakalua kumamaha i hopu pio ia ma kahi kokoke i Neuva Eocija.

     Manila, Iulai 13.  O na Pilipine ma kahi kokoke i Cagayan, ma ka mokupuni o Mindanao, ua ala hou mai lakou, a ua hiki ole hoi i na koa Amerika e kiai ana malai’a ke hoomalu, a ua hoouna ia aku he mau kokua ia lakou mai kekahi mau wahe e ae.  O ka nui o na kipi i akeia ma kahi no ia a 1000, aia lakou ke kukulu la i na kulana pale ma na alahele mauna, a me ka pop@ hoi no ka @ ana mai maloko o na @ Amerika.

     Ma ka hoao ana a Kapena Mila e lawe i kona mau kanaka ma kekahi ala ololi, ua lele kaua ia mai la lakou e na enemi, me keoki pu ia ana he 14 o kona mau kanaka mai ka puali holo koa aku, a naalele ia aku ia iwaena o na enemi.  He elima o keia poe i pakele mai a hoike mai la he ewalu i make a he hookahi i lawepio la.

     Ua hookuia o Kapena Mila ma keia hakaka, a na ia mea i hoopau aku i ka nee mua ana.  O Kapena Elliot e alakai ana i ka puali kokua na hoeha ia oia e kekahi iho mai ka lima mai o kekahi kanaka Pilipine.

     A i ka hele ana o keia mau puali i na alakai, ua holi hoi aku la lakou no Cagayan.  O na lono hope loa aole i lilo pio ke kulana kaua ikaika o na Pilipine i na Amerika.

HOOPUNI IA O DE WET

     Ladana, Aug. 5.  He hoike kai loaa mai la mai Pretoria mai, e olelo ana:  O Kenerala Cur@ De Wet, ua hoopuni ia oia ma kahi kokoke i Reitzburg, me ka hiki ole a kona mau koa ke pakele aku mai ka pauku ia ana e na Beritania.

     Ua olelo ae na Boa e ku ana lakou ma Machadodarp.  Aole he nui o ka lakou mau poka a me na lako ai i koe.  O Kenerala Hamilton ma o ka awiwi o kana nee ana, ua pale aku ia i ka hoea ana mai he mau kokua ia Kenerala Botha.

     He nui na poe e noho ana ma Pretoria i pau aku i ke kipaku ia no ka lakou mau hana ino i na kupa Beritania mamua a me ka we e malamaia ana o ke kaua.  Ua hoea aku na makahiki o kekahi poe i kipaku ia ai i ka iwakalua kumamakahi, mamua o ka hiki hou ana ia lakou ke keehi i ka lepo o Pretoria.

     He lono kuikawa kai loaa mai la no ka la 5 iho nei mai Pretoria mai e olelo ana, aia o Kenerala Kitchener ke hoohaiki aku la i ka ho puni ana ia De Wet a me Steya ma o ke kipaku ana aku i na enemi mai loko aku o ka auwaha mai kekahi kulana ku ana e paa ana.

     Pretoria, Aug. 6.  Ua hoomao ka popo loa ia ua makemake o Peresidena Krueger a haawi pio, i ka wa nae e @ hoohala @.

     Ladana, Aug. 7.  Ua loaa mai la keia hoike i ke Keena Kaua no ka la 6 iho nei o Augate, e olelo ana: 

     Ua haawi pio mai la o Harrismith ma ka la 4 o Augate.  He maluhia na wahi a pau e kokoke ana malaila.  Aia o Kitchener me kona puali ma ka hema o ka muliwai Vaai.  Ua huipu aku me ia ka puali kana lio o Brabant a me ka regimana Canada.

EIA KE HOOPAAPAA NEI.

     Ua ulu ae la he hoopaapaa mawaena o na mokuahi kolo Fearless a me ka Eleu, mamuli o ka hoole loa ana o ka Fearless, aole he kuleana o ka Eleu e koi ai i kekahi lihi o ka $20,000 a ke kapena Dunraggen i ae ai e haawi i ka mokuahi Fearless, no ka hoopakele ana i kona moku, no ka mea, he moku aupuni oia.  A ina e hooko io ia ana keia koi alaila, e hele ana ua poe maluna oe ka mokuahi Eleu i manao kuhihewa ai ma ko lakou komo pu ana aku e kokua e loaa ana la lakou he uku makana mai ka moku poino mai.

     He eha hora o ka moku kolo Eleu i haawi ai i na kokua apa ma ka huki pu ana me na moku kolo Fearless a me Iroquois mamua o ka hemo ana o ka mokupea Duuraggen mai kona kulana poino mai, a ma ia wahi i manao ai ke kapena o ka Eleu, he kuleana kona e koi ai e uku ia pa poho o kona moku, aka, ua kue ia mai nae.

     Eia na aumeume ana no ke kolo ana i na mokupea e hoea mai ana i ka uuku ke malama ia nei mawaena o na moku elua.  I ka wa o ka mokupea Aloha i ike ia ai ma ka Poaono nei, ua alualu like aku keia mau moku kolo iaia, aka, mamuli nae o ka holo loa o ka Fearless ua haule iho la ka Eleu a hoi nele mai la oia, me ka lilo ae o ke kolo ana i ka Fearless.  O ka hoea ana mai la e keia moku kolo hou, ua hoemi la @ lilo o na mokupea e @ mai ana iloko o ke auanei, a ua hiki ia lakou ke hookomo mai me ke kahea ole mai i na pailata, a ua hiki i ka Fearless ke hoopili ia lakou i ka uwapo.  Pilikia auanei paha ka Eleu i keia moku kolo hou.

KA AHAMELE MA WAIALUA

     O ka ahamele nui i haawi ia ae maloko o ka luakini o Waialua ma ka po Poaono nei, ua malamaia ia me ke ohohia nui ia e ke anaina makaikai nui i hiki aku malaila.  He nui na puukahi a me na loea hookahi mea kahi i hoea aku ma keia ahamele, na ia mea i hooi loa aku i ka nani o keia ahamele.

     Ua hoopihau  ia ka hale o keia ahamele i malamaia ai me na poe maka hanohano mai ke kulanakauhale nei aku, mailalo mai o Laie a me ko Waialua iho, no lakou ka heluna ma kahi o 500.

     O na poe i komo pu ma ke kokua ana i ka holomua o keia ahamele oia o Curtis P. Iaukea me kana kaikamahine, Mrs. Annie Montague Turner, Misses Desha, Aholo a me Robinson, Miss Cecilia Poepoe, na hui himeni o Haleiwa.  Makua a me ko Honolulu aku nei, a me kekahi mau puukahi mailalo mai o Laie.

     O na loaa o keia po he $191.35 aka, na haawi makana aku o Mrs. Kuaihelani Campbell, @ kokua o $35, a na ia mea i hoopuipui ae i ka heluna a hiki a ka $226.81.

NA ELELE A KA LAHUI

     Ua loaa mai la ia makou na hoike na hoea aku la oe elele a ka lahui me ka maalahi ma Mahukona, a na malamaia he halawai makaainana nui ma Niulii iwaena o kekahi @ kanaka nui i ukoakoa aku, a e haalele ana lakou ia Niulii, ma ka la 10 o Augate no Puehuehu, malaila aku no Waimea, a nee aku no Hamakua, a hoea i Hilo i ka Poaha a @ ole i ka Poalima.  He maikai maikai ke ola o na Elele.

     E loaa no na kakini @