Ke Aloha Aina, Volume VI, Number 32, 11 August 1900 — Page 6

KE ALOHA AINA, POANO, AUGATE 11, 19@0

 

NEE NA KOA NO PEKINA

HE MAU TAUSANI NO KA NA KANILEA

 

            Kupilikii ke Kulana o na Rusia i na Pake – He Eha Mau Mokuahi Rusia i Piholo ma o ke Kipokaia Ana e na Pake.

            Ua loaa pu mai keia mau Iono makamaka hou a makou e kuupau aku maluna mai la o ka mokuahi Amerika Maru a makou e unuhi aku nei no ka pomaikai o ko makou mau makmaka heluhelu, penei:

            Ladana, Aug. 3. O ka nee mua au@ no ka hoopakele ana i na keena kanikela ma Pekina, ua hoomaka ia ma ka La Pule nei, Iulai 29. He lono mai Tientsin no ia la, e olelo ana: O na koa nee mua o Rusia, ua lawe ae la lakou i ka aoao akau, a o na Iapana, ua nee aku lakou ma ka muliwai me ke kue ole ia mai. Ua mauaoia ma ka Poalua, Iulai 31, o ka puali holookoa o na koa lahui no lakou ka heluna he 20,000,e hoomaka ai i ka nee mua ana. He 1600 Amerika me 2300 Beritania i huipu ae ia. Ua lawe ia mai la ka noonoo ana no ka lawe ana i na alahele muliwai, me ka hoohana ana i na waapa no ka lawe ana i na mea ai, na poka a me na pukuniahi.

            Ua hoike mai la ka mea kakau ma Sanahai, ua hoauheeia na koa Rusia ma ka akau o New Chang, aia he puali o 5000 koa e hoao la e hoopakele i na koa e hoopuni ia la e 40,000 pake me na pukuniahi he nui wale, ma Toshi Chow. He eha mau mokuahi Rusia ma ka muliwai i olelo ia ae, ua piholo ma o ke kipoka ia ana e na pake.

            Parisa, Iulai 30. O ke Kanikela ma Sanahai, ua telegarapa mai nei oia, he 15,000 koa Pake malalo o ke alakai ana a Li Ping Heng, e nee la mai Nauking aku ha a ka Emepera wahine, me ka pepehi wale ana i na Karistiano, a me ka hao wale ana i na waiwai. Ua hoea aku la ka moku kana holomama Pascal ma Sanahai.

            Peta, Iulai 25. O na papu a me na halekoa o Tientsiu i hoopoino ia, na pau i ka hooponoponoia. Ua lawe ae la na pake he ekolu mau wahi hoolu'u maikai ho ke kue ana mai i ka nee mua ana aku o na koa lahui no Pekina.

KOKOKE KE KAUA E @  MA KA HEMA.

            Ladana, Iulai 27. Ua telegarapa mai la ka mea ka@au o ka

 

Daily Mail mai Sanahai mai ma ka la inehinei e olelo ana:

            Ua olelo ae o Li Hung Chang, aia na lala o na keena kanikelaua haalele aku la ia Pekina, a he manawa hoea wale mai no no lakou maanei.

            Aia ka apana o Yangtse ke liuliu la no ke kaua, aole no ke kue ana aku i na poe kipi , aka, no ke kue ana aku i na mana o ke ao nei. O na waapa i piha me na koa Pake a me na koa Boxers, eia lakou ke hoea mau mai nei iloko o ka hoea ana ia lakou ma ke ano he mau limahana. Aia ka pakaua ua loko i na mea kaua, a ke hoomau la no hoi na lako kaua i ke komo ana. O na pakaua o Nanking a me Wuchang ua hoopuipui hou ia aku la me na koa.

            He elua mau wahine miaionari Enelani i pepehi ia ma Hsiaoi, ma ka apana o Shansi, oia o Miss Whitchurh a me Miss Searell. Ua loaa pu mai na hoike no ka luku weliweli ma Taiynan a me Paotinfn.

            Eia ke noonoo nei kekahi poe limahana haole, no ka hoolilo ana i ka la 3 o keia mahina ae, i la nui no na limahana a pau o ke kulanakauhale nei.

 

MA KE KAUOHA

HOOLAHA UKANA MA KA HALE UKANA MA AALA.

            Ke kauoha ia aku nei na poe no lakou na inoa malalo nei e kii mai i ko lakou mau ukana e waiho la ma ka Hale Ukana o ka Papa Ola ma Aala, Honolulu, a ina e kii ole ia mai keia mau ukana a hala ka la 1 o Sepatemaba, 1900, alaila, e kuai kudala ia ia mau waiwai no ka Pomaikai o ka Waihona o ka Lehulehu.

Inoa                             Ukana

Alona Kaula                1 pahulole,

Ahia Hana Kanalulu   1 pahu,

Hoopii Lulu                 1 hinai

Hale Kala Makia         1 pahulole,

Huka Keoki                 1 pahulole,

Jokepine Kaaialii         1 eke,

John J H.                     1 pahulole,

Kailipua S.                  1 pahu,

Kahalekau                   1 pahulole,

Kapaa                          1 pahulole,

Kanihomauole             1 pahulole,

Kawai Kaula               1 pahulole,

Kealii Kuanea             1 pahulole,

Kahalehili D K.           1 hinai,

Kaiu                            1 moe,

Kamah@lani               3 moe,

Kaoni B                       1 pahu,

Kaholona B.                1 pakaukau

Kanakaole                   1 noho,

Kaula@ E.                  1 moe,

Ka'awaia                     1 noho,

Kama J.                       1 pahulole,

Kaula                           1 hina,

Lahela K@                  1 pahulole,

Mak@eha J.                1 noho,

Manu K                       1 pahulole,

Meli (@)                      1 pahulole,

Maka                           1 pahulole,

Manual                        1 noho,

Moehao                       1 pahu,

Mose Nahale               1 p@ki

Manu C.                      2 pahu,

P@                              2 puolo,

Paikala Mrs.                1 pahulole,

Paiko                           1 pahu,

Paulo                           1 puolo,

Palenapa H.                 1 puolo,

Mary Kinoiki               1 pahu,

            Ma ke Kanoha @ Papa Ola

            CHAS. WILCOX

            @

Honolulu, Aug. @, 1900 @

 

HE KAAO KAILI PUUWAI

NO KA

UI MINEWA

A ME NA

Kaikunane Eiwa

(Hoolilioia i mau Manu Nene Ahiu a i ole na Keiki i Hoehaehaia

Kakauana no KE ALOHA AINA.

            I ka hala hope ana ae o kekahi mau la o ka hoonanea ana o ua mau kaeaea nei maluna o ke aupuni o ka moi Doro a me ka luahine kilokilo Ronio, aia na manao pahaohao ka lauwili la iloko o Minewa no kahi i nalowale ai o ka moi Doro a me ka luahine, a no kona nui loa e lohe ua ninau ok@a aku la oia i kana aloha i ka i ana aku.

            E Boliona kuu aloha, e oluolu ana anei oe e hoike mai, heaha ka hopena i loaa i ko kakou mau ene@, oia ka luahine a me ka haku moi?

            E kuu Minewa, ua hoo@ ia aku la i mau kuewa, a i keia manawa, aia laua ke auwana hele la  ma ka poepoe honua, e imi ana i wahi no ko laua mau kapuai e ku ai, a i wahi @ no ko laua kino e waiho ai, ua nele i ka lanakila a me ka ikaika.

            Na keia mea i hookomo iho na manao aloha iloko ona no ka moi opio, a i ka inaina hoi no ka luahine Ronio, no ka mea, mamuli o kana mau hana i loohia ai keia haa wina poino maluna o kona haku opio.

            A hala hou ae la he mau la o ko lakou luana ana maluna o ua mo kupuni nei me ka hoopoino ole ia, ua hoea mai ka la a Lolita i manao @ no ka huli ana aku i Toledo, kona one hanau, a oia kana i hoike mai ai i na opio i ka i ana mai:

            Ano, e kuu mau haku opio, ua loihi na la o ko kakau hauoli pu ana, nolaila, maanei ke noi aku nei au ia olua, e hookuu mai ia'u e huli hoi aku no kuu home, no ka mea, aole he mau hopohopo ana no ka huli hoi hou mai o ko olua mau enemi, no ka mea, ua kaa ko laua weli nou.

            E u@ho me ka hauoli, a e hoomanao hoi o olua no na alii nui o keia mokupuni a me kona lahuikanaka, a e nana mai ana no au ia olua i ko olua wa oa ka poino, e niki mai ana no au e hoopukele ia olua.

            A iloko o na puili ana o ke aloha oiaio i hookuu ae a@ lakou i k@ kou pili aloha ana me ka haawi pu aku o ke koa Roliena i kona mau hoomaikai palena ole no kona hoa laha noo i alo h@ a wanu@ ka imi ana mahope o @ mea i aloha ai.

            A mahope o ka hookulu ia ana iho o na waimake aloha hope i haa lele iho ai ua Lolita nei me kona mau kanaka no ko lakou hoae.

            Maanei o waiho aku kaua e ke mea heluhelu i ka @ aku maluna o Lolita e huli hoi la no kona home, a e nana aku hoi kaua maluna o na opio e lualai ia maluna o ka mokupuni lewa i ke kai.

            He mau mahina ko laua noho ana iloko o ka hauoli, e rula ana maluna o ko laua lahuikanaka, me he mau emepera la, me ka hoopoina ae hoi i na mea a pau i hala iho la. A ma ke kakahiaka nui o kekahi la a ka ino e pahola ana, oiai, ua mau opio lei e hiolani ana no, mai na maluhiluhi o ka iawaia ana ia po, aia hoi, ua hoohikilele ia ae la o Minewa mai kona hiamoe nui, a puoho ae la me na helehelena kunahihi, no ka mea, ua loaa iho la iaia he moeuhane kupaianaha mai ka po mai, a o ua moeuhane nei oia keia.

            E hele ana kona uhane iloko o kekahi ululaau nani, ma na wahi hoi a pau ana e hele aku nei, e ike ana oia i na manu hulu gula e lele pohai ana, aka, aole nae kona uhane i hoohihi aku i ko lakou n@ni a hoomau aku la no i ka hele ana imua, a ia wa no i nalowale aku ai na ululaau ana i ike aku ai me na manu hulu gula e hoolaukanaka ana ia mau ululaau mehameha, a ike ae la ua Minewa nei, eia oia ke ku nei maluna o kekahi puu kiekie, me kekahi ponaha wai e lana mahe ana, a maloko o  keia wahi ponaha wai i ike iho ai oia he elua mau wahi i'a liilii e holoholo ana, mamuli o kona makahehi i ko laua nani a me ka moni o kona hane no ka ono ia laua, ua hopu iho la oia, a ai iho la i ka i'a mua, aka, no ka lawaole o kona ono, ua lalau hou iho la oia i ka elua o ka i'a a alapoho aku la, a i keia manawa i oili ae ai he luahiine poohina, a me na maka a paha me ka inaina pane mai la ole, mamuli o kou ai ana iho nei i kuu mau i'a punahele e loaa ana ia oe he hoopai we@, aka, e hoomaikai ia ana @ oe me kekahi hua ohana maloko o kou puhaka e kuu i'a punahele au i alapoho aku nei.

            Na keia moeuhane i hookupi@ mai i ko Minewa manao, aka, ua honi loa ia no nae kona pioo i ka hoomaepopo ana ae i kekahi @, e oni ana iloko o kona opu. @ na keia mau i hoapili mai i kona puuwai me ke kau @ i ka haupu ana ae, ua hapai keiki @ me ka hoike a ka moehuhane @ po.

 

OLELO HOOLAHA

Ma @, ke papa ia nei na mua a pau, @ [ remainder of column unreadable]