Ke Aloha Aina, Volume VI, Number 31, 4 ʻAukake 1900 — Page 8

KE ALOHA AINA

 

8                      KE ALOHA AINA POAONO AUGATE 4, 1900

 

HE MOOLELO WALOHIA

----:NO KA:--

 

LEDE ELENORA

 

Ka Ui Nohea i Hookawale ia mai ke Alo aku o na Makua.

 

---:A I OLE: --

 

Ka Wahine Opio i Auamo i na Koikoi a Kona Makuakane i Hana ai.

-------------------------

 

MOKUNA X.

 

KA AIHUE IA ANA ELENORA

 

            A iloko o keia mamawa a Stela e waiho nei iloko o ka hiamoe kulipolipo, oili mai la ua Nora pouwai lo koino nei mai kana wahi e pee ana, a hele mai la no kahi a ka ui Elenora e waiho kahela ana me ka ma hui ole ua hoea mai ka hora hope e kaawale aku ai oia mai ka poli aku o kona mau makua.

 

            Ma keia wahi pu hoi me na hele helena havoli lohe is aku la oia i ka hooho ana.

 

            Ano, akahi no oe a loaa ia’u e ka mea a’u i moe make ai, i alo hoomanawanui ai i ke ao a me ka po, i kuku mau ai aole e pili ko’u maka a hiki i kou loaa ana’ia’u, no ka hookau ana aku i uku panai kupono no ka hewa a kou mau makua i hana ai. A e like me iko laua hoo nele ana mai ia’u me ke keiki ole pela auanei au a hoonele aku ai ia laua i ke keiki.

 

            I keia manawa i kiei aku ai o Nora maloko aku o ka puka olepe lepe a ike aku la ua kokoke lakou i ke kulanakauhale, a aohe hoi he wa e kali hou aku ai, no ka mea, ke hoomaka mai nei na ohna e hoi e hoomakaukau ia lakou iho no ka lele ana aku iuka o ka aina.

 

            Nolaila, me ka haawi ole iho i mau sekona nona e makaikai iho ai i na hiohiona nani o ka ui nohea ua lalau iho la oia iaia me na lima palanehe a hapai aae la me ka make make ole e hoohiklele ia kona hiamoe.

 

            Aka no Elenora ua puiwa ae la oia a mamuli o kona manao kuhi hewa o kona mama alona no keia, a me ka pouli o loko o ua rumi nei, ua puili ae la oia i ka a-i o kona enemi a pili iha la kona mau lihilihi me ka hoomaopopo ole ae i kona poino.

 

            Ua hoopili koke mai la ka wahine aoo i ka ui Elenora a oweli ae la i ke kihei ana e aahu ana mawaho ae o ka opio, a nalowale aku la ke kamaiki iloko o ka puli o na kupulino nei.

 

            I keia minute no, i haupu koke ae ai o Nora he hookahi wale no wahi e loaa ole ai he mau manao hoohuoi ana ua aihue ia ke kamaiki oia kona wehe ana i ka puka olepe lepe a hoohamame ae, a i k@ hamama ana ae o ua puka olepelepe la, oia koke no ka wa i hemo aku ai o Nora me ka opio e bi@ ana ma mua o kona alo.

 

            A me na kapuai mama i maalo iho ai ua Nora nei, mamua o ke alo o Stela, ke kauwa wahine o ka ui Elenora, me ka ike ole ae aia ke lawe ia la kana aloha e ke au o ka hewanewa, me ka haawi pu iho o ka wahine aoo i na minoaka hoohenehene no ka wahine opio e kaia ia nei e ka hiamoe kulipoipo

 

            I ka puka ana aku o ua Nora nei iwaho, ua kokolo aku la oia no kahi pouliuli o ka mok@, kahi hoi a na kanaka i maa ole ai i ka hooluana ana. A maanei i lohe ae ai oia i na halulu e holo hele ana maluna o ka moku @a hoomaopopo ae la oia no ka opio makamae no ia ana i lawe aihue mai ai.

 

            Na keia mea i kono koke mai iaia e haalele iho i kona wahi e pee ana, a holo aku la no luna o ka oneki, me ka nuipu ana aku iwaena o na poe e holoke nei mao a maanei, a ma ia wa no hoi i pili aku ai ka moku i ka uwapo.

 

            Maloko o ke aluka o na kanaka i lele aku ai no uka o ka aina i hui kau pu aku ai oia a kau aku la iuka o ka aina paa. Ma ka hele pee ana ma na wahi pouliuliu i komo aku ai oia no loko o ke kulanakauhale me ka opuu nani e moe ana no maloko o kona poli.

 

            Aole nae oia i ae e noho maloko o ua kulanakauhale la ia po, aka, me ka mama i loaa i kona mau ka puai, ua hoi awiwi aku la oia nolo ko o na ululaau kahi ana i hoohala ai i kona mau la o ka ehaeha no kana keiki.

 

            A i kona komo ana aku iloko o ka ululaan, a ike ae lahoi, aole he mea nana oia e hoopoino aku, ua noho iho la oia malalo o ka malumalu o kekahi kumulaau me ka haawi ana i kona mau kapuai wawae i manawa no l aua e hoomaha ai.

 

            Ma keia wahi i huli hou mai ai kona mau noonoo ana maluna o na makua i hoehaeha ia, ua hoea mai la ko laua wa e ehaena ai, a o k a hooko ia ana o na uku panai kupo no, no na hana lokoino i hookau ia mai e laua maluna o kana keiki he wa ole.

 

            A maanei hoi i wehe ae ai oia i ke kihei e huna @ i ka o@ maloko o kona poli, no ka haawi ana aku i manawa no ka opio e honi ai i na ea huihui o ua ulu’aau nei.

 

            A na na o@niani makani huhui e pa kolonahe ana me ka iniki malie ana i ka ili o ke kama opio i hooiloa aku i kona hiamoe kulipolipo.

 

            A maanei pu hoi i kilohi iho ai oia i na helehelena nani o kana pio malalo o ka hoomalamalama ana a na hoku e imoimo mai ana mailuna mai o na paia lani. No kekahi wa loihi kona kilohi malie ana i na hiohiona ui o Klenora, akahi no a komo mai na manao aloha iloko ona no ka opio me ka hoolo@ ana i kona manao mai ka pepehi a ka hoopakele ana i ke ola o ke kaniaiki, aka, aole nae no ka hoihoi hou aku imua o ke alo o kena mau ma kua. Ma keia wahi i noonoo iho ai na Nora nei i kana e hana ai no ke kamaiki opio me ka puana ana ae i keia mau huaolelo.

 

            Ae, he manaoio no ko kou mau makua ua piholo oe iloko o ka muliwai. Ma keia wahi ua hookoia mai ka’u mea i upu ai i uku pana kupo no no ka hewa a kou mau makua i la welawe ai, aka, ma keia wahi nae peh@ a e hiki ai ia’u ke huna iho ia ia oe, a o ka mea oi loa aku nae o ka lapuwale aole wahia’u e hoopiha ai i kou houpo lewalewa.

 

            I ka hope loa o kona noonoo ana, ua hooholo iho la oia he hookahi wale no ana hana pono e hana aku ai, oia ka makilo hele ana aku ma na ipuka hale o na poe mahiai mawaho iki aku o ua uiuluau nei. A nolaila, i wahi e nalo ai ka opio mai na hoohuoi ana a na poe mahiai ua wehewehe malie iho la oia i na kahiko nani a Elenora e aahu ana, me ke koe aku o ka muumuu a me ka palekoki maluna o ke kino laa hia o ka opio, aole wale ia o kana mau hana lokoino i ka opio, aka, ua wehe ae la oia i ka papale silika e paa ana ma ke poo o Elenora a me na kamaa nani e paa aha ma kona wawae, me ka owili ana ae i ke kamaiki iloko o kekahi mau ka hakahana o kona iole weluwelu, ma keia manawa, aole o Elenora he ke iki na na makua waiwai, aka, he ke iki oia na ka makua ilihune haahaa loa.

 

======================

 

HE PUALIKOA NO KINA

-----------

 

            Maluna o ka mokuahi Pekina i hala aku ai he palapala noi mai a Kapena Klemme aku i kakoo ia e Kiaaina Dole, no ke Keena Kaua ma Wasinetona, e nui aku ana e ae ia mai ka pualikoa kuikawa ana i ohi ae la iwaena o na kanaka o keia kulanakauhale e holo aku i ke kahua kaua o Kina, a e homo pu aku hoi iloko o ka hahana o na hoouka kaua no ka hanohano o ka hae o Amerika Huipuia.

 

            He 109 ka nui o na kanaka i ohi ia ae la no loko o keia puali, a he poe wale no lakou i makukau i ka hoohana ana i na pu. He nui na poe i waiho mai i ka lakou noi no ke komo pu ana aku iloko o keia pual@ aka, ua waiho ia aku nae ia a no kahi wa hou aku.

 

            Aole wale o na Amerika keia e kukulu nei i pualikoa, aka, o na kanaka Geremania kekahi, a ne nui na poe e hoi mai nei mai na kua@i na uo ke komo ana iloko o k@ hana kaua o Geremania.

 

            He hana weliweli keia i hap@ ia ae la e ko Hanol lu nei, aka, mamulu nae ia o ka makee o keia poe i ka hanohano o ko lakou hae @ ko lakou aina e hoohaahaa ia mai la e na Pake ma ke kahua kaua o Ki na, a no ia kumu hookahi wale no, ua na aku la lakou e molia i k@ lakou mau oia imua o ka waha o na pukumahi me ka nana ole ae i na mea a me na ehaeha a ke kaua e lawe mai @

 

UA HOOLOLI IA AE LA

 

-----------

 

            Ua hoololiia ae la ka inoa o ka Hale Mana Hooko, a e ike ia mai keia wa aku, ke Kapitala. I ke au o ke aupuni Moi, ua ike ia keia hale o Iolani Hale a i ole ka Hale Alii, a i ka wa i loli ae ai o ke aupuni i Repubalika, na kapa ia aku keia hale ka Hale Mana Hooko: aka, i keia wa nae i lilo ae la i Teritori no Amerika Huipui ua loli pu ae la me kona inoa, a e ike ia ke Kapitala.

 

-------------------

 

UA KUU KA LUHI

-----------

 

            Ma ka hora 11:15 o ke kakahiaka Poakahi nei, Iulai 30, 1900l mauka o Kapalama ae nei, i kikoo mai ai ka lima menemene ole o ka make, a kaili aku ia i ke ola makamae o Iosia Meemano. He kanaka oia i kamaaina nui i ko na Koolau, he lala no ka Hui Kalaiaina o Kaneohe. He oluolu a he ohaoha i na malihini e kipa aku ana, a o ka puu hoomaha no hoi ia o na kahunapule he hoahanau no ka ekalesia o Kaneohe a hiki i kona hala wale ana aku la. Ua haalele iho oia he mau keiki ka ohana a me na hoaloha he nui e paiauma aku ana nona. Aloha no.

 

----------------------------------

 

HAALELE HOU NA IAPANA I KA HANA

----------

 

            Ua loaa hou mai la lna hoike aia he ehiku a i ole he ewalu haneri lemahana Iapana o ka mahiko o Lihue, Kauai, i ha@ le aku i ka hana mamuli o ko lakou makemake ana e hoopiihou ae i ko lakou uku hana mai ka $17 a ka $20 o ka mahina. O keia uku hope ka ka hui mahiko i hoole ai aole e ae e uku, a no ia kumu keia olohni hou o na Iapana. Ua hoao aku ka hui mahiko e loaa ia lakou na kokua ia ana mai e ka Hope Makai Nui Rice, aka, ua houle mai nae oia, no ka mea, aole he mau hana kue kanawai a na Iapana i lawelawe ai.

 

-------------------------

HE MAKE POHIHIHI

----------

 

            Ua loaa aku ma ke anina la Poakahi nei ke kino make o kekahi haole nona ka inoa o W. E. Miller, he limahana no ka mahiko o @lua maloko o kona hale lole maluna o na puu mahope aku o ka mahiko. Ua inoino kona kino i ka wa i loaa aku ai e hoike maopopo ana ua ioihi na ia o kona make ana.

 

            Ua mako oia ma o ka naha ana o kona puniu poo mai kekahi mea hoopahu i maopopo ole kona @, aku, o ka mea kupanaha nae kula he wal@ hunahuna o ka mea pahu nana i kaili i ke oia o keia haole i loaa aku ma kona wahi e waiho aha, a pela i hoohuoi ia ai na powa maoli ia kona oia.

 

            Ua hoouna ia aku o Hope Ilamuku Chillingworth no ka no@ pono ana i ke kumu i make ai o Miller, a u lana hoike pila oia ka ke aupuni e @ilical ai.