Ke Aloha Aina, Volume VI, Number 31, 4 August 1900 — Page 6

KE ALOHA AINA

 

6          KE ALOHA AINA  POAONO, AUGATE 4, 1900.

--

HE KAAO KAILI PUUWAI

--:NO KA:--

UI MINEWA

--:A ME NA:--

Kaikunane Eiwa

--

I Hooliloia i mau Manu Nene Ahiu

a i ole na Keiki i Hoohaehaia

--

Kakauia no KE ALOHA AINA.

 

            I ka lohe ana ae o ke koa Boliona i keia mau leo kono a kona hoaloha aoo, ua hoopiha koke ia ae la kona puuwai me ka hauoli, a me kona mau kapuai e naka haalulu i hahai aku ai oia mahope o Lolita, kona hoaloha.

            A he mea oiaio, iloko o na minute pokole, ua hoea aku la ua mau eueu nei i kahi o ke kahela o ka moi Duro e ku ana.

            Aole laua i hopau manawa wale mawaho olaila, aka, ua komo koke aku la laua no loko o ka rumi kahi a ka ui Minewa e moe ana, malalo o ke alakai ana a kekahi on a kau wa lawelae o ke kakela.

            A iloko o na sekona pokole wale no, ua hiki aku la lakou no kahi o ka rumi a ke aloha kakia iwi a ua Boliona nei a hiolani ana, a i ka hamama ana ae o ka puka a hoahu waleia ae la ua ui nei, e moe ana iluna o kekahi moe nani, a i ka wa i ike aku ai o ke koa opio i kana aloha, ua hoopoina koke ae la oia i kona mau manao inaina nona no kona hoolalahu ana aku me ka haku opio o ua mokupuni la.

            Me na waimaka e haloiloi ana ma kona mau lihilihi a me kona puuwai i hoopiha ia me ka hauoli i haalele koke iho ai oia i kona hoaloha ha aoo, no kahi a ka wahine opio e lolii ana.

            A me ka hoohakalia ole aku lele iho la oia maluna o kana aloha a haawi aku la i na muki o ke aloha ipo oiaio e paila ana iloko o kona umauma me ka hoohelelei pu ana iho i na kipona a ka waimaka me ka pane ana iho.

            E ala ae e kuu Minewa, eia he malihini hele hewa i kipa mai la e ike i kamaaina.  Nolaila, e kuu aloha hoi e, e ala ae, e hookipa aku i na malihini i alo mai la o ke anu a me ke koekoe.

            Na keia leo aloha o ua koa opio nei i hoohikilele ae i ka ui Minewa mai kona hooipo ana aku me Niolo pua me ke kakaa ana ae o kona mau maka.

            A i kona ike ana ae i keia helehelena o kana mea i aloha ai e kulou iho ana maluna on a, aia hoi, ua hoopuiwa ae la o Minewa a apo ae la i ka 1-i o kana ipo aloha me ka puana ana ae me na nanaina pohoihoi.

            O oe no anei keia e kuu Boliona aloha, ka mea a kuu puuwai e halia mau nei i ke ao a me ka po, a i o e o oe no anei ia e ka ui homahie o ke kakela nei ?

            Na key mau huaolelo hope a ka wahine opio i hoowela ae i ka puuwai o ua Boliona la me na manao lili no kana Minewa me ka pane ana aku me ka leo okalakala nana i hookau aku i ka weli i ka wahine opio.

            E Minewa, e hoike mai heaha ka manao o kela mau huaolelo hope au i kamailio mai nei?  E hoike mai i ka mea huna iloko o kou puuwai i keia wa ano i huli ae ai au a hoi aku me ka nele ma ke alahele a'u i hele mai ai.  A e kuu Minewa e hoolohe mai. o ka uku panai anei keia e loaa ana ia'u mahope o ko'u aio hoomanawanui ana mai i na inea no ka hoopakele ana ae ia oe mai ka poholima mai o kou mau enemi, a'u i manao kuhihewa ai eia no ke aloha iloko o kou puuwai i ke kukuni paa nei no'u?

            I ka hooki ana iho o na Boliona nei i kona leo okalakala, ua ike ia aku la na kulu waimaka e oili mai ana mai na lihilihi mai o Minewa a no kekahi mau minute aole oia i pane koke aku, no ka mea. ua hoeha ia mai la oia e na olelo a kana aloha.  A i ke kaawale ana aku o na haawina kaumaha e hoopoluluhi ana maluna on a pane aku la oia

            E kuu Boliona e hoolohe mai nou hookahi ke aloha e naila nei iloko o kuu puuwai, a aole hoi no kekahi mea okoa aku.  A in a ua manao oe ua hewa au ma ka'u mau huaolelo hope ke noi aku nei au i kau mau huikala e hookau mai maluna o'u.

            Ua ae no au i kou makemake, aka, mamua nae o kuu hooko aia aku e hoike mai me ka oiaio, aole anei he aeahaukae i komohewa aku i kuu aupuni kapu.  O kou ae ana mai o kou make ia, a o kou hoole ana mai o kou palekana ia, wahi a ke koa opio.

            Ua naka haalulu ae ke kino o ka wahine me ka hoomaopopo ana iho ua haule oia i ka hewa me ka haku opio o ua kakela nei, aka, o kona hoike ana aku nae i ka oiaio he mea maopopo e make ana oia.

            A no kekahi manawa aole he maopopo ia Minewa o kana mea e pane aku ai, aka, ua komo mai la nae na manao like ole iloko on a, he hookahi wale no hana pono iaia e hoopau ia aku ai ka inaina o kana Boliona nona oia no hoi koua hoole hoopunipuni ana aku  Nolaila, me na nanaina haikea, oiai, ke ike la kona lunaikehala e hoike wahahee ana oia i wahi nona e pakele ai pane aku la oia.

            E kuu aloha, aole au i haule i ka hewa me ka haku opio o keia mokupuni, no ka mea, eia no ke wela nei ko aloha iloko o kuu puuwai.  Nolaila, e hoopau i kou inaina ana no'u.

            Elike me na ao hakumakuma i nalo aku i ka wa e kaawale aku ai ka ino, pela no i nalohia aku ai na helehelena @o e hekau ana maluna o ke koa opio.

            Ae, e kuu Minewa aloha e like me kau i hoike mai la me ka oiaio ke hilinai aku nei, aka, in a nae he mau olelo hoopunipuni wale no keia au ia'u, alaila, e hoomanao iho e hookaawale aku no au ia oe mailoko aku o kuu puuwai no ka wa pau ole me ka hookau pau aku maluna ou i kekahi hoopai koikoi loa au noi i ike ole ai mamua.

            I ka hoo@na iho o Boliona i kona l@o kona wa i lalau iho ai i ka@ Minewa a hoopili mai la ma kona umauma me ka haawi ana iho i na muki aloha, a iloko o keia mau sekona aia mau opio nei ke kuwili la me na waimaka e hoohiolo makawalu ana.

            A i ka mao ana ae o na haawina kaumaha e lulumi ana maluna o na opio, ua huli ae la o Boliona a hoolauna aku la i ka wahine opio i kona hoaloha aoo Lolita i ka i ana aku.

            E Lolita e ike mai i keia wahine opio, no ka mea, oia nei ka kaua i imi mai nei ma keia alahele i piha me na popilikia, ka mea hookahi a kou puuwai i aloha maka welawela loa ai.

            Me na helehelena i piha me ka hauoli i lalau mai ai o Lolita i ka lima o ka wahine opio a puana ma la.

            Ke hauoli nei au i ka launa ana me oe e ka wahine, nona ka ui i loaa ole kona lua ole ma keia ao.

            Ma ia po no na lanakila ae la na kanaka o Lolita maluna o ko lakou mau enemi a noho iho la me ka hauoli.

--

KE PAU NEI I KA HOI.

--

            Maluna o ka mokuahi Coptic i huli hoi aku ai no Kina he 268 Pake, he nui a lehlehu na pake i makemake e kau aku maluna on a, aka mamuli nae o ka loaa ole he mau keena no lakou, ua hiki ole i ka moku ke lawe aku.  Aohe manawa i holomoku nui ai ka haalele ana iho o na pake ia Hawaii nei mamua aku nei elike me keia wa e ikeia nei, aka, ua olelo ia o ke kumu hoi nui o na pake no ka aina hanau, mamuli no ia o ko lakou hopohopo o ulu mai auanei he haunaele kuoloko me keia mau paemoku, a hoopoino ia ko lakou mau ola.

            He haneri a oi o lakou aole i kii aku i mau palapala no ka huli hoi ana mai, aka, ma o ko lakou mau manao pupu@hulu no la no ke kau koke aku @una o ka moku.  He nui pu me na wahine i huli hoi aku maluna on a.

            Eia kekahi põe ke manao nei, iwaena o na pake i huli hoi aku la no Kina, he mau pake no kekahi i hoi aku la no ke komo ana iloko o ka oihana kana o Kina.  He nui na pake e kali nei no ka hoi ana aku ma kekahi moku e holo ana no Kina.

 

Mai ka aoao 8 mai.

--

wahi keiki i kahi a na poe e huki ana i kekahi hale a noho iho la malaila.  Ua hoopai ia oia i keia la no ka lawe ola.

 

NA HANA WIWO OLE A KEKAHI IAPANA

            Ladana, Iulai 24.  Ua hoopuka ae ka mea kakau o ka Daily Mail ma Sanahai i ka nui o na hana wiwo ole i lawelawe ia e na koa Iapana ma ka lele kaua ia ana o na pukapa o Tientsin.  He kaa i piha me ka dainamita, i kona wa i pahu ole ai, ua holo aku kekahi koa Iapana me ka lama ahi, a na ia mea i hoopahu koke ae i ke dainamita, a na lele liilii nae kona kino ma ka hooko ana i keia hana weliweli.

 

AIA KE KAUA LA O PANAMA.

            Nu Ioka, Iulai 25.  He lono kai loaa mai la i ka Ahailono mai Panama mai, ma ka la 24 o Iulai e olelo ana:

            Eia ke hoomaka nei ke kana mawaho o ke kulanakauhale.

            Ua hoea mai na kipi iloko o na heluna nui ma keia kakahiaka, a ua malamaia na hoouka kana hahana, a eia no ke hoomau ia nei.  Ua hoomaopopo ia ma kahi he 200 i make a hoeha ia, a mawaena o lakou he mau kanaka kuonoono kekahi o ke kulanakauhale nei.

            Ua hoopiha ia na haukipila o ke Kea Ulaula me na koa i hoeha ia. O na kauka a mena wahine o ke aloha aia ke malama la ia laou me ke kokua pu aku o na poe e ae malaila.

--

NA AINA AUPUNI MA OLAA.

--

            E malamaia ana ke kuai kudala ia an ao na aina aupuni ma Olaa, ke hiki aku i ka la 20 o Sepatemaba, ma ke keena o E. D Baldwin, ma Hilo Hawaii.  He 200 mau apana i mahele ia iloko o 50 eka aina e kuaiia ana mai ka $1 a hiki i ka $12 o ka eka e like me ke ano o ko lakou kulana.  A e uku pau ia keia mau aina maloko o umi makahiki.  Aole hoi e ae ia kekahi mea e kuai a oi aku mamua o hookahi apana.

--

            E hoohiwahiwa ana na Repubalika me keia Poaono i ko lakou mau hale oihana me ke ano hook@ la no ka laou halawai oia po piho.

            Ma key hope aku, ua makemake ka Luna Leta i na poe a pau e noho ana ma na wahi a puni na mokupuni, e kakau moakaka ia ka haleleta e hoouna ia aku ai o ka lakou mau leta, aole hoi o na inoa liilii o ka apana kahi a lakou e noho ana.

            Ua komo iho nei o David K. Kalauokalani ma ke Keena Loio o T. McCants Stewart ma ke ano Mahele Olelo Haole.  He nui loa kona mau hoaloha a puni na mokupuni, a @e mau kumu kanalua no na makamaka o huio mai ai o huippu ma ke ano oihana.  Eia o T. McCants Stewart he ku pale nei ao Lowell Kupau @ he hihia anaana i lawe kie la mai o Abigail K. Kaileha @.