Ke Aloha Aina, Volume VI, Number 31, 4 ʻAukake 1900 — Page 3

KE ALOHA AINA.     POAONO,  AUGATE 4, 1900.

=========================================

[page a bit funky the last lines in each column]

 

 

OIA MAU NA PAKE

-----

NA KA KAUA E LAWE MAI I KA MALUHIA.

---

Haawi o Kina i ke Kauoha Oolea i Kona Mau Makaainana e Kue Aku i ke ao holookoa.

---

     Maluna mai la o ka mokuahi Coptic i loaa mai la keia lono makamaka hou penei:

     Ladana, Iulai 26.  Ua hoopuka ae la ke Daily Telegraph i keia mau hoike m ai kona mea kakau mai.

     Canton, Iulai 25.  Ua hoopuka ae la ke Kiaaina Taksu i keia la he kauhaua:

     O ke kauoha ano nui i hoopuka ia ae la e ke aupuni ma ka la 23 o ka mahina eono e olelo ana:

     Ua lilo o Tientsin mai ia kakou aku.  Eia na lawelawe akahele ke malama ia ne no Pekina.  Aole he maluhia e loaa me ke komo ole ana iloko o ke kaua.

     I ka wa o Chuugoow, ua hana ia he aelike aole e pepehi ia na Kuhina o na aina e, he mahina i hala ae nei ua pepehi ia aku ke Kuhina Geremania e na Pake kipi.  Ua haawi ia na kauoha ikaika loa e e hopu i ka powa.

     Eia makou ke hoao nei e malama i ke ola o na Kuhina.  Eia lakou ke noho nei me ka maluhia. Mamuli o ka hopohopo ana o o kuhihewa na Kiaaina ma na Kuhoina i ka manao o keia kauoha o ka hoopakele ana i ke ola o na Kuhina, ma ke ano he kuahaua ia no ka maluhia e hana ia ana, mai noonoo lakou no ia mea, e hoomakaukau no ka lele kaua, a i ole no ke pale ana aku.  O na poe e hoohemahema ana ika hoomakaukau ana i ko lakou apana aina, e ili no maluna o lakou na poino.  Na na Kaiaina a me na Khuhina e hooikaika aku i ke kukulu ana i na kulana palena ma kapakai.  A e auamo no lakou i na koikoi o ka poino ana o na teritori a lakou e alakai ana.

AOLE MANAOLANA @ KOE NO NA KEENA KANIKELA.

     Ladana, Iulai 26.  Ua hoopuka ae la ka Daily Mail i keia hoike mai kona mea kakau mai.  Sanahai, Poakolu - Ua loaa m ai la ia'u keia mau hike mai ke kahi limahana Pake i mahuka mai Pekina uo Miuchwang.  Wahi ana, i kona wa i haalele aku ai ia Pekina, he heluna nui hewahewa o na poe aloko o ke Keena Kanikela Beritania i make, a o ke kulana o na poe e oia la he nawaliwali loa.  O keia Pake i mahuka mai la he unuhi a he kakauolelo oia no ke Keena Kanikela Beritania, ua hoike mai oia na make o Sir Robert Hart ma ka la 2 o Iulai.

KA LETA HOPE A KANIKELA CONGER

     Wasinetona, Iulai 25.   O keia telegarapa malalo iho, na loaa mai ia i ke keena kana moana aik ia kapena Carles M. Thomas mai, ke kapena o ka Burukelina.

     Chefu, Iulai 24.   Keena Kaua Moana, Wasinetona.  Ua loaa mai la he leta i kakauoinoa ia e Conger, no ka la 4 o Iulai, a i hoea mai i Tientsin ma ka la 21 o Iulai e olelo ana:  He elua pule o ka hoopuni kaua ia ana o ke Keena Kanikela Beritania.  He nui ka hopohopo ia no ka luku mai o na koa Pake e kipoka mau mai nei i na la a pau.  E hoouna koke mai i na hoopakele ina e hiki ana.  Aole he aupuni maloko o ke kulanakauhale koe wale no ma o na pualikoa Pake.

He manao ko lakou e luku i na lahui e a pau loa.  O ke komo ana mai o na pualikoa hoopakele iloko o ke kulanakauhale e kue ia aku ana lakou me ka ikaika e na poe kipi.

HAAWI IA KE KAUOHA NO KE KIPOKA ANA.

     Ladana, Iulai 25.   Ua loaa mai la i ka Daily Express keia hoike malalo iho nei mai Sana Peteroboro mai.  Ua loaa aku la ia Adimarala Skredloff, e alihikaua nui o na aumokukaua Rusia ma na wai o Kina, he mau ao ana no ke kipoka aku i na kapakai o Kina, i ka wa e loaa mai ai na hoike oiaio e pili ana i ka lu ku ma Pekina.

     Aia he mau nee ana o na pualikoa o na Pake o ka hema no ka akau e huipu me ka puali holookoa e hoakoakoa la ma Pekina.  O ko lakou ikaika i keia wa, aia no ia ma kahi o ka 300,000 kanaka.

     Ua manaoia ma kahi o eha pule e pau ana mamua o ka hiki ana mai i ka panina o na hoomakaukau no ke kana ana aku ia Kina.

300,000 KOA NO KINA.

     St. Peteroboro, Iulai 23.   Ma kahi he 300,00 koa Rusia mai na apana like ole mai o Rusia e holo nei no Kina.  Oiai aole he mau hoike no ko lakou wahi e hele nei, ua manaoia no ka lele kaua ana aku no ia maluna o Pekina.

     He 180 kauka no na pualikoa i kipa mai maanei ma ko lakou alahele ne Khabarovsk, no ka huipu ana aku me na puali e holo ana no Kina.

     He 3000 koa Rusia i hoea aku la i New Chang mai Pota Ata aku.  O ko lakou nee aku imua na paniku ia e na puali koa Pake no lakou huina he 10,000, i ao pono ia ma ka oihana k@a, ai lak@ pono hoi me na mea kaua, ua hoomaopopo ia e kaua nui ke hoea mai ana.

UA HOOMAKAUKAU MUA.

     Berlin, Iulai 16.   O ka mea kakau o ka Associated Press, na loaa ma la iaia he mau hoike mai Ladana mai, ua hoea aku ilaila he leta mai a Lede Claude Macdonald aku, (ka wahine a ke Kuhina Beritania ma Pekina) i kakauia i ka wa e ulu mai ana ke kulana pioo, e olelo ana, o na lede a pau maloko o ke keena kanikela, ua hoolako ia lakou me na laau make no ka lawe mua ana i ko lakou ola mamua o ka ae ana aku e lilo i pio na na Pake.

KUKALA KAUA O KINA IA RUSIA.

     St. Peteroboro, Iulai 17.   Aole he mau kanalua ana i koe, ua kukala ae la o Kina i ke kaua me Rusia. O na koa kipi, a i hoomaopopo ia o na koa aupuni no o  Kina, ua lawe pio ae la lakou he moku halihali ukana o Rusia ma kahi kokoke i Aigun, ma ka muliwai Amur, e law@ @a i na lako poka ne ke kokoke @ pau na kiai i ka luku ia.  Ua lele kana aku lakou me ke kipoka ana i ka Blagoverschensk, he taona no Rusia.  Ua kue akku na kanaka o ka pakana me ka wiwo ole, aka, ua hiki ole nae ia lakou ke hoopakele ae ia lakou iho mai kekahi puali nui weliweli, a ua kokoke lakou e pau i ka ,ake.  Ua pihi ia ke taona i ke ahi.

     Nu Ioka,  Iulai 19.  Ua loaa mai la i ka Journal keia mau hoike.  Ma ke kauoha a ke aupuni Imperiala ma Pekina, ua hoopaa aku la na alakai Pake i ka holo ana o na moku ma ka muliwai Amur, me ke kipu aku i na moku lawe lako kana o Rusia me ka hoauhee aku ia lakou.  Ua loaa pu hoi im keia mau alakai hookahi na hoike, ua komo aku na koa aupuni o Kina iloko o Siberia, ma kahi he 20 mile o ka paena aina o Rusia a kipoka akul la ia Blagoventchensk, ke kapitala o ka apana o Amor.

     Ma keia mau hana ua like o Rusia, he kukala kana keia a Kina iaia, nolaila, na haawi ia aku la he palapala hookuu i ko kuhina i Kina ma Sana Peteroboro oi keia la me ke koi ia aku e haalele iho oia i ka aina a me na hoa o kona keena.

KE KULANA MA AFERIKA HEMA.

     Ladana,  Iulai 18.  Ua loaa mai keia mau hoike mai a Haku Robeta ,ai.

     Pretoria,  Iulai 17.  Ma ka la inehinei na hoao mai na enemi a lalo kana maluna o ke kulana o Pole Carew a hoea aku ma ko makou aoao hema e alakai ia ana o Hutton. Ua paa ia keia mau kulana o na koa Fusilia Irisi a me na koa Canada malalo o Lutanela Konela Anderson.  Ua nee mai na enemi a kokoke me ke kahea ana e haawi pio aku. He koikoi loa ka poino i loaa aku i na Boa.  He 15 i make, 55 i i hoehala a me 4 i lawe pio ia.  O ka poino o na Beritania he 7 i make, 30 i hoeha ia a me 21 i nalowale.

     Ua hoea aku na koa nee mua o Ian Namilton i Watervaal ma ka la i nehinei me ke kue ole ia, a i keia ia ua nee mua aku lakou no Hammond Kraal.

AIA NA BERITANIA KE NEE LA IMUA.

     Ladana, Iulai 25.  Ua loaa mai ia i ke keena kaua keia mau hoike mai a Haku Robata mai.

     Vanekona,  Iulai 24    Ua nee mua aku makou ma na kulana a makou i paa ai ma ka hikina aka o Pretoria, mai ka la 12 o Iune.  O Ian Hamilton, ma ka akau, na hoea aku la oia ma Rustfontien, ma kahi he ehiku mile ma ka akau o Bronkhurst Spruit ma ka la 22 o Iulai.  O keia ka puni ana o ka laina o na enemi, a ua haalele koke iho la lakou i ke kulana ikaika a lakou i paa ai mamua o Pole Carew.  Ua nee aku ka puali o Stephenson ma ka la inehinei a Elands River Station me ke ke kui ole ia mai.  O ko makou aoao aku, ua kiai ia e na puali kau lio Ekahi a me Elua o French a me Hutton.

     O na kukai ana ma na telegarapa a me na alahao ua hoihoi hou ia mai ia ma ka po nei.

     Maloko o ke kaaahi i hopu pio ia ai e na Boa ma Roodeval he 200 koa o ka Welsh Fusilers, he hapanui o lakou i hopu pio ia mamua.  Aia o Dewet me kona mau koa ke hoomau la i ka nee ana no ka hikina akau.  Ua hoea, aku lakou i Roodeport, i Iulai 22 me na koe Beritania malalo o Broadwood aole i mamao loa mai ia lakou aku, a o ka pualikana lio o Little e ukali koke aku ana no ke kokua ana ia Broadwood.

HE OPIO PEPEHIKANAKA O 8 MAKAHIKI.

     Vanekona, B. C.,  Iulai 24.  O Mah Liu, ka pake kuke o Mr. Chenoweth o Rossland, ua loaa aku oia na make maloko o ka rumi me kekahi poka ma kona poe.  A na Ernest ke keiki hiapo a Chenoweth nona ua makahiki he ewalu, i lawelawe i keia hana.  Ma ka hoike a ke opio, aole he mau manao maikai i keia mawaena o laua, a na nui na pahenehena ana a keia pake iaia, nolaila, ua kii aku ia oia i kekahi pa a ki aku la i ka pake.  I ka poka mua, aole i ku o Mah Liu, aka, i ka poka elua ua loaa pono aku la oia a hina aku la il@na o ka papahele.  A mahope o ka make ana o ka pake, ua iho aku la loia

----------------------------------------------------------

E @ @ i ka @ @.