Ke Aloha Aina, Volume VI, Number 31, 4 August 1900 — Page 1

KE ALOHA AINA

 

Ke Aloha Aina

HILO BAY, HAWAII

UA MAU KE EA O KA AINA I KA PONO

HOOKUMUIA I MEI 20, 1895

 

BUKE VI.         HONOLULU,  POAONO,   AUGATE   4,  1900.         HELU 31

 

KE  KULANA  KAUA  MA  KINA

 

AIA  O  LI  HUNG  CHANG  KE

ALUALU  IA  LA

 

    Nui na Hoike Like Ole me na Keena Ka@ikela ma Pekina.--Aole i Nee Aku na Koa La@ui.

 

  Maluna mai la o ka mokuahi Auseteralia i loaa hou mai ai ia makou na hunahuna pili kaua o Kina, a no ka pomaikai o ko makou poe heluhelu ke unuhi aku nei makou, penei.

  Sanahia, Poalima, Iulai 29. Ua haalele iho ia ka mokukaua Beritania Bonaventure ia Woeung i keia kakahiaka nui, ua hoike ia mai no ka hopu pio ana aku no ia i ka mokuahi Anping, ka moku e lawe ane ia Li Hung Chang maluna ona. O kekahi pi o hoohanohan no Li Hung Chang, na kauoha ia aku ia e ka Aha Kuka no ka hookaawale ana.

  Ladana, Iulei 21. O ko Beritania Nui manao, oia ka hopu pio ana ia Li Hung Chang, a e paa iaia ma ke ano i mea uku panai. Ua hoouna ia aku he mokukaua mahope ona no ka hopu pio ana iaia mamua o ka hoea ana aku i Pekina. O keia mau hana ua apono ia e na Mana Nui.

  Ua hoopaa aku oia i kona @uca no ka holo ana i Sanahai, aka, ua manao ia no nae, he wahi ohoa kana wahi e hele nei, a pela i hoouna ia aku ai keia mokukana no ka hakilo ana i kana mau nee ana, mai Wusung aku.

KANALUA  IA  NA  HOIKE  HOPE.

  Ladana, Iulai 25. Ua telegarapa mai nei ka mea kakau kuikawa o ka Daily Telegraph i keiamau hoike.

  Sanahai, Iulai 23. Ua hoouna aku la ka Taoti Sheng i na kanikela i keia mau hoike telegarapa malalo iho, mai Yaan Shai Kai mai, e olelo ana:

  Ua loaa ia Kenerala Yung Lu ma Pekina he elele mai ke Kee, na Kanikela Beritania mai, ma ka la 18 iho nei. Ua hoouna aku o Yung Lu iaia i hope ne ke keena kanikela, e hooiaio aku ana i kona pili aloha ana me lakou me kona ilanao pu e hoolako aku ia lakou me na lako ai. Ua hoouna hou ia aku no hoi he hoike i na kanikela mai ia Tuang li Yam. e hoike aku ana ua makaukau oia no ka lawe ana aku ia lakou a hiki i Tientsin.

  He nui na manao hoohuoi no keia mau tellgarapa i hoomaopopo ia, a na koho wale ia he mau hana hakuepa wale no keia a Kina, i loaa ai he manawa nona e hoomakaukau hou ai i kekahi hoouka kaua. Aole he mau hilinai i ikeia no keia

 mau hoike pii aupuni a Kina.

PO@NO  NA  PAKE  MA  AIGUN.

  Landana,  Iulai 21. Ua hoopuka ae ka Daily Mail i keia mau hoike malalo iho mai kona mea kakau mai.

  Sana Peterroboro, Iulai 20  O na Pake i lele kaua aku ai maluna o ke taona o Blagovestchenak ua hoakoakoa ae lakou ma ka aoao akau o ka muliwai Amur. Ua hoauhee ia aku lakou ma kahi kauhale o Sikhalin, i a ia e ke ahi mai ka pukuniahi mai a na koa Rusia. O ke taona o na Pake ma Aigun, ua hoopoino hapa ia. Ua lawe ae la na Rusia i na kulana pale a pau ma ka akau o ka muliwai me ke kipa ku aku i na Pake mai ko lakou kulana aku. Ua lawe ia na Pake ma ke ano hikilele, oiai, ua ma@ao kuhihewa lakou o lakou ka haku oia taona me ka mahui ole e lele kanu ia mai ana lakou e na rusia mamua a mahope. He 2000 Pake i make ma keia hakaka ana me 17 pukuniahi i hopu pio ia.

PEPEHI  NA  PAKE  I  NA  WAHINE.

  Nu Ioka, Iulai 19. Ua loaa mai i ka nupepa Honua kela mau hoike mai Chefu mai. Ua hoike ia mai mahope iho o ka hopu hou ia ana o ke taona o na Pake ma Tientsin ma ka Poaono nei e na koa lahui, na a aku ka lakou mau @ka pahu ia loko o ke taona. O na Pake mamua o ko lakou mahuka ana na pepehi aku lakou i na wahine mai ka haulepio ana aku iloko o ka lima o na lahui e.

  Ua hoike ae na Pake aia ma kahi o 300,000 koa kipi e hoopuni la ia Pekina, a na hoolako ia hoi lako me na lako kaua o keia au hou. Mai na wahi a pua ua loaa mai keia hoike hookahi ua lako na koa kipi ma na ano a pau.

AOLE  E  HIKI  KE  NEE  KOKE  AKU.

  Ladana, Iulai 21. O ke noi a ke Kuhina Amerika Hay i na mana nui no ka hoonee koke ana aku i na pualikoa lahui no Pekina, na hoomaopopo ia, me he mea ia, aole ia e halawai ana me ka holopono ma Enelani. O Haku Salisbury kekahi i iini nui e like me ke Kuhina Amerika no ka lawe ana ae ia keehina hana, aka, ua ike moakaka no nae oia, aole he mea e hiki ke hanaia a hiki i Sepatemaba, mamuli o ka lako pono ole o na koa lahui. Ua makaukau o Beritania e hoonee aku i kona mau koa, i ka wa a ke alihikaua malaila e ike ai ua kupono, ua hoomaopopo ia aole he mea e hana kokeia no ka nee ana aku i Pekina, no ka mea, o ko lakou hooko koke ana aku i keia hana, ua like no ia me ko lakou pepehi ana iho ia lakou iho. A no ia kuku ua hiki ole i na koa lahui ke uee koke aku no Pekina.

NUI  NA  HANA  HOOMAINOINO.

  Ladana, Iulai 16. Ua hoouna mai ia ka mea kakau o ka Daily Express i keia mau hoike.

  O kekahi pake kalepa i hoea mai la mai Pekina mai, ua hoike mai la oia i na hana hoomainoino a na Pake maloko o Pekina. Wahi ana, ua ike oia i wahine Europa e kaualako ia ana maluna o na alanui e na koa kipi, ma ka haehaeia aku o ko lakou mau aahu a okioki liilii aku la i ko lakou mau kino. A o na apana o ko lakou mau kino na kiola la aku ia iloko o ke aluka o na kanaka me ka lawe hele ia aku me ka hauoli nui. O kekahi poe wahine na make mua no i na kanaka o na lahui o.

  Ua olelo pu ae oia ua ike oia i na Pake e lawe ana i na keiki a na poe ilikeokeo maluna o ka maka o ka lakou mau ihe me ke ki aku o ko lakou mau hoaloha i keia mau kino, He nui na hana hoomainoino e ae ana i hoike mai ai i kiki ole ke hoakaka ia aku maanei.

  Ua hoolala ae na alakai o na kipi, me ka haawi ana i na uku makana kiekie, no ka hooneoneo ana aku i na Europa mailuna aku o ka lepo o Kina, a pela i hopu ia ai keia mau wahine ilikeokeo.

POINO  HOU  NA  BERITANIA

  Ladana, Iulai 23. Ua holopono ke oki hou ana a Kenerala Dewett, ua wahi kukai o Haku Robata ma ke alahao a me ke telegarapa, me ka hopu pio ana he 100 koa Sekotia. Ua loaa mai keia hoike mai a Kenerala Forrestier-Walker mai, no ka la 22 iho nei o Iulai.

HOOUNA  AWIWI  IA  NO  KINA.

  Kapalakiko, Iulai 25  Eia na pualikoa e holo aku ana no ke kaua ma Kina ke hoea mai nei mai kekahi pea mai o ka aipa e like me ka hikiwawe a na kaaahi e lawe mai ai no Kipalakiko.

  O na pualikoa kaulio, pnalikoa helewawae a me na pualikoa pukaa ke hoakoakoa nei lakou ma ke kapakai Pakipika i hele mai mai na mokuaina like ole mai.

NA  POINO  O  NA  KOA  LAHUI

  Chefu, Iulai 17. O ka nui o na poino iwaena o ua pu likea lahui ma ke kaua ma T@tsiu i ka Poalima a me ka Poaono he 775, a ua loaa like i kela a me keia lahea ua poino penei.

  Amerika--Make, 22, hoeha ia. 37.

  Beritania--Make, 20 hoehaia, 83

  Iapana--Make 70 hoeha ia, 300

  Rusia--Make a hoeha ia. 125.

  Na Lahui e ae -- Make a hoeha ia 125.

  O ka nui o na poe kanaka i komo ma keia kaua ana Iapana. 1600, Amerika, 800 Rusia, 1@00. Beritania 900. Geramaula. 300. a me na labul e ae--.