Ke Aloha Aina, Volume VI, Number 29, 21 Iulai 1900 — Page 5

KE ALOHA AINA

 

KE ALOHA AINA, POAONO, IULAI 21, 1900.   5

 

LAWE PIO IA O BETHLEHEM

 

HOAUHEE IA NA BOA MAILOKO AKU O KE TAONA.

 

Hopu ia he Pukuniahi i Lilo i na Boa ma ka Hoouka Kaua o Stormberg.

 

            Ladana, Iulai 10. Ua hoouna mai la o Haku Robata he mau hoike i ke keena kaua penei:

            Pretoria, Iulai 10. O na pualikoa o Clements a me Pagets, ua hoi aku la 1 Bethlehem ma ka la 4 o Iulai. O ka inoa mua i kona wa i hookokoke aku ai i ke taona, ua hoouna aku la oia he koi ia Dewet no ka haawi pio ana mai, aka, ua hoole ia mai, o Paget ua lawe ae la oia i kekahi kulana maikai no ka lele ana aku maluna o ke taona. Ua hoo maka koke ia ka lele kana a ma ia awakea ua lilo ae la ke taona i ko makou lima a ua auhee aku la hoi na enemi.

            O na hoike e pili ana i ka hopu pio ia ana o Bethlehem ua loaa mai ia mai a Clements mai. Ua hai mai la oia he aina ino a paakiki loa ia no ke alualu ana i na enemi. Nolaila, ua hiki ole ia laua ke uhai aku ia lakou. Ua kue aku o Clement i kekahi kulana, a o Paget hoi i kekahi, a mamuli o ka wiwo ole o na koa Irelani ua hopu pio ia iho la e lakou kekahi pukuni@hi a ka batari pukaa Beritania 77 i lilo pio aku i na enemi ma ka hoouka kaua o Stormberg.

KA NUI O NA POINO O KE KAUA.

            Ladana, Iulai 10. Ua hoopuka hou ae la ke keena kaua i ka papainoa o ka poe i opino ma ke kaua o Aferika Hema penei: O ka nui o na poino i ike ia no ka pule a pau ana i Iulai 7, i make, hoeha ia a i ole hopu pio ia he 16 alii a me 180 kanaka; make ulia 2; make ma'i he 4 alii a me 149 kanaka; hoihoi ia no ka home 72 alii a me 1306 kanaka. O ka nui o na poino a pau ma o keia kaua i loaa ia Beritania he 48,188 alii me na kanaka.

 

NUI NA IAPANA E HULI HOI ANA.

            He nui na Iapana i haalele ia iho la e ka mokuahi Nippon Maru mamuli o ka loaa ole he mau keena no lakou. A ua hoomaopopo ia aia na limahana Iapana ke holomoku nei ma ka huli hoi ana aku no ka home mai na mahiko mai, mahope hoi o ko lakou noho ana malalo o ke kanawai kepa a Amerika i hoopau mai la. A ke hoomaopopo ia nei ina me keia ka nui o na Iapana e hoi mau ai, iloko o na mahina pokole wale no a ku olohelohe ana na mahiko.

 

PAKELE O TIEN TSIN MAI LILO

 

NUI KA POINO O NA KOA LA HUI MA NA HOOUKA KAUA O TIEN TSIN.

 

Aa o Iapana Hookahi Nana e

            Hoopio i ke Kaua me Kina.—

            He 63,000 Koa Ana e Hoouna

            Aku Ana me ka Hakalia Ole.

 

            Ma ka mokuahi Moana i hoea mai la i keia kakahiaka Poakolu, i loaa hou mai ai keia mau lono makamaka hou, a no ka pomaikai no hoi o ko makou poe heluhelu, ke unuhi aku nei makou me ka awiwi nui, penei:

            Ladana, Iulai 11 Aole he lohe hou i loaa mai Pekina mai, oiai, kekahi mau lohe e @auwawa la nei no ka palekana o na keena kanikela, aole he mea i hiki ke manaoio aku a hiki i ka wa e loaa mai ai o na hoike oiaio mai na keena kanikela e paa ia la malaila e na pake. Ina aia na pake ke nawaliwali la ko lakou kulana he mea maopopo e hoouna aku ana na pake i mau kokua mai Tien Tsin aku, ake, aole nae pela na mea e ike ia nei, eia no na pake ke hoakoakoa mai nei me ko lakou heluna nui mawaho o Tien Tsin, e kokea ia ana hoi e na koa Imeperiala Pake, i makaukau i ka hoohana ana i na pukuniahi.

            Elike me kekahi lono i loaa mai la mai C@efu mai, o na hoouka ka ua i malama ia ae ma na wahi kokoke i Tien Tsin ma ka la 3 a me 4 o Iulai, he mau hakaka weliweli loa ia i ikeia. O ka poino o na Beretania, he kanakolu i make a i ole i hoeha ia. He 35,000 ka nui o na pake e lele kaua hoomaha ole mai ana ma ka akau, hikina a me ke komohana, a ua hoohana mai lakou i ka lakou mau pukuniahi he 100 me ka paulehia nui. O ka nui hoi o na poe e kue ana ia 14,000 koa lahui i lako pono ole i na mea kaua, a he hookahi wale no o lakou kumu i pakele ai mamuli no ia o ka hoea ana mai he pualikoa Rusia a me ke kahi pualikoa Iapana me na pukuniahi a hoopakele ae la i ke kulana kupiliku o na koa lahui. He hookahi puali Rusia nona ka huina he 120 kanaka, i make a i ole i hoeha ia he 115 o lakou. O na pualikoa Geremania kekahi i koikoi loa na poino. Ma ke ahiahi o ka la 4 ua kupilikii loa ke kulana, a ua pakele mahunehune lakou mai ka lilo pio ana aku. Iloko o keia wa e ike ia nei ke kulana nawaliwali o na koa lahui, ua haule mai la kekahi kuaua koikoi loa nana i hookuemi aku i na pake.

            Ma ka la 6 o Iulai ua hoomaha ke kana a ua malama hou ia ka hakaka e na pake me ke kipoka ana mai ia Tien Tsin me elua @tari pu kuniahi 4 miha, aka, malalo nae o ke kokua ana a na pukuniahi o ka mokukaua Terrible ua hoohamau aku ia i ka pu a na enemi mahope o ka hakaka ana no ewalu hora.

AA O IAPANA E HOOPIO I KE KAUA.

            Ladana, Iulai 7. Ua hoea mai la o Barona Hay shi, ke Kuhina Iapana hou i Ladana nei ma ka Poalima nei, a ua olelo ae, he umi wale no la e halihali ia aku ai na koa no Kina. Ina e ae ia mai ana na noi a pau a Iapana no ke aha e hiki ole ai i ke aupuni hookahi o Iapana ke hoopau aku i ke kaua. Ua ae na mana nui a pau e kokua e hoopiu i ke kaua, aka, aole nae lakou i lokahi i na manao o Iapana, HE 63,000 KA NUI O NA KOA A IAPANA

E HOOUNA AKU ANA NO KINA.

            Ladana, Iulai 11. Ua telegarapa mai la ka mea kakau o ka nupepa Express maka la inehinei e olelo ana, ua hoolakoia na poalikoa Iapana me na pu ki poka pahu nunui he kanakolu kumamaono a me 120 pukuniahi, me na uwapo lana a me na baluna kaua. Ua manaao ia o Ilamuku Nodzu a i ole o Ilamuku Oyama ke lawa aku ana i ke alakai ana o keia mahele koa. O keia mau hoolala kaua i hoomakaukau ia no ka hiki ana no ia ke kue no elua a i ole ekolu makahiki. He puali hou o 13,000 koa Iapana ke hoolele ia aku ana ma Taku maloko o hookahi pule, a he pakui hou hoi o 10,000 ke ukali aku ana mahope koke mai. Mamua o ke kau ua ua manao o Iapana e hoea aku ana he 63,000 koa maloko o Kina. O keia mau hoolalal kiua ua nana ia aku ia e Rusia, Geremania a me Farani me na manao hilinai ole.

LAWE HOU KA MOIWAHINE O KINA I KA MANA.

            Ladana, Iulai 10. O na hoike pili aupuni a na pake, ua hoohikilele ae la ia ma ka hoike ana mai o ka Emepera Wahine Kanemake i lohe ia mai ua make, mahuka, ai i ka laau make, a ua pupule, maloko o elua pule ua lohe hou ia mai la ua lawe hou ae ia i ke kulana noho moi o ka la 30 o Iune ka la ona i hoike ia mai ai ua hoi ae la maluna o ka nohoalii, oia no hoi ka la i hoike pu ia mai o ka luku ia ana o na lahui e ma Pekina.

 

PALEKANA KA MOKUKAUA OREGONA.

 

                        Wasinetona, Iulai 9. Ua loaa mai la i ke keena kaua na hoike ana ua hoea aku la me ka maalahi i Ohefu ka mokukaua Oregona. A e hoio aku ana oia i Kuro, Iapana, no ka hoomaemae ana i kona wahi i poino ma ka la 10 a i ole ma ka la 13.

 

            Aole e kipa mai ana ka moku lawekoa Summer maanei e like me na mea i upu ia nona, aka, e holo pololei aku ana oia no Na@asaki me kekahi mahele o ka regimana 15.

 

O PAUWELA KE KUMU O KE OLA PUNI O MAUI.

 

            Ke kaikamahine hiapo a ke Alaula o ka Malamalama e puka mai ana kekahi mea maikai mai laila mai, a mamuli o na hooponopono ana a ka uhane oiaio, ua koho pono ia o Eli Kekipi i kahunapule no ka Olino o ka Malamalama o Iesu ola mau, no ka apana o Pauwela Hamakua Maui.

            Aole wale o keia na hooponopono a ka Uhane, aka, ua koho hou ia o Elona Paulo Palea i kokoolua no ia wahi hookahi no, a mamuli no o ka makemake o na hoahanau o laila ia laua i mau kahunapule no lakou, a i hookahi e noho me lakou, a i hookahi e kaapuni ia Maui holookoa.

            E hoola ana i na ma'i, e huikala ana i na lepero a e mahiki ana i na daimonio ma ka inoa o Iesu no Mazareka. E ku lakou iluna a e kaikai i ko lakou wahi moe.

            A oiai he aupuni hou keia, he oiaio, e pahaohao ana o Maui i na hana kupaianaha a ka Hoomana Karistiano Naauao, aole o Maui wale, aka, o na paemoku a puni ko Hawaii paeaina. I hakalia i ka paa koke ole ae o ka halepule o Makapala he oiaio, he elua ana no kahunapule oia ekalesia hookahi no ke kaapuni ana ia Hawaii. E mahiki ana, e huikala ana, a e hoola ana i na makapo a me na oopa ma ka inoa hookahi wale iho no o Iesu no Nakaleka. Me keia mau ao ana a ka Uhane, ka Hoomana Karistiano Naauao e hele aku ai imua o kona io kona koko mai ke kupuna hookahi mai. A h@ Hoomaha hoi i kukulu ia e ke kanaka Hawaii ponoi, ka mea i olelo ia, aole e hiki i ke kanaka Hawaii ke kukulu i hoomana no lakou, aka nae, i keia la eia ka uhane o ke Akua ke hooponopono nei a ke hoonee mua nei i ka pono o ka hoomana a ke kanaka Hawaii i kukulu ae nei. A e pahola aku ana kona nani mai Hawaii a Kauai, a no ka pono o kona lahui oiwi ponoi a pela ka Haku e kokua mai ai ia kakou a pau.

 

KA PAPA NANA KOHO BALOTA.

 

            Eia ke liuliu mai nei kekahi poe o keia kulanakauhale o ka Aoao Repubalika, he manao kue i ua inoa o ka papa nana a Kiaaina Dole i koho iho nei, a ua makemake hoi lakou e lawe hou ia mai keia mau inoa e noonoo me he akahele. A ua lohe ia mai o A. V. Gear ka mea i manao e waiho i keia kumuhana mai ka hoala koke ana mai a hiki i ka wa o kokoke ai i ka wa koho.