Ke Aloha Aina, Volume VI, Number 29, 21 July 1900 — Page 4

KE ALOHA AINA

 

4                      KE ALOHA AINA, POAONO, IULAI 21, 1900

 

Ke-Aloha-Aina

Hookumuia no ka

Pomaikai o ka Lehulehu, a he

Nupepa na ka Lahui Hawaii

EDWARD L. LIKE

Lunahooponopono.

HOGAN E. KALUNA

Luna Hoopuka

ALEX NAWAHI,

 Luna Hoohana.

EMMA A. NAWAHI

Puuku o KE ALOHA AINA.

 

HONOLULU             IULAI 21, 1900

UA HOOHOKA IA MAI.

            Ma ka noho ana mai ia o ke kau kiule o ka mokuuni o Hawaii ma Hamakua, ua hiki aku la ka mahele olelo kepaui C. A. Doyle imua oia aha me ka manao e lawelawe ana no oia i kana hana maa mau malalo nae hoi o kona hookohu hou i apono ia e kekahi o na Lunakanawai Kiekie W. F. Frear o ke Teritori Hawaii, eia nae ka mea apiki ua hoohoka ia mai la oia e ka lunakanawai kaapuni hou o Hawaii G. F. Little o Hilo ka mea nana e malama mai la ia aha. Ua kipaku ia o C. A. Doyle me ka i ia ana mai aohe ona kuleana e lawe lawe hou ai i ka oihana mahele olelo kepani nmaloko o ua aha la. Owau ka mana ma ka’u aha a na’u no e hoonoho i mahele olelo no keia aha, nolaila, ua like me ka i mai, owai o Frear, a heaha kona mana i ko’u? Ile hana hoohaahaa maopopo loa keia a kela Lunakanawai Kaapuni o Hawaii i ka mana o ka Aha Kiekie o ke aupuni holookoa. Auwe! panoonoo wale no kahi, pau ka hio, ke kapu, ke anoano a me ka ihiihi o na Luna Aupuni Kiekie o keia au hou o na paemoku o Hawaii, o ka poe aku la no ia ia @akou ka make a me ke ola. Ua like no lakou weliia me ka moi e noho ana i ke kalaunu, eia nae ke hehiku wale ia nei no nae ia kapu o lakou e lakou iho.

 

UA KUE PU NO ME NA POE

O KA AOAO REPUBALIKA.

            Ua lilo i mea kamailio nui ia e na poai o keia kulanakauhale na inoa a Kiaaina Dole i koho mai no ka malama ana i na papa nana koho balota, ma na wahi like ole o keia ma mokupuni, e like me ka makou i hoike aku ai i kela helu aku nei i hala, oiai, ua nana mai la o Dole i ka pono o kona aoao kalaiaina, a kapae ae la hoi mawaho i na poe i kupono pu i ka lawelawe ana ia oihana o na Aoao Demokarata a me Aoao Kuokoa. Ma keia mau hana kapakahi ana a Kiaaina Dole ua nui na poe i hoopuka ae la i ko lakou mau manao inaina, a iwaena oia poe he mau alakai no kekahi no ka Aoao Repubalika, a ua hoopuka ae lakou, he mea pono loa ia Dole ke unuhi hou aku i na inoa o keia poe ana i hookohu aku la no na papa nana a e kaana pono ia keia hana ano nui iwaena o ka Aoao Kuokoa, Demokaarata a me Repubalika, aole hoi o ke kaihi ae i na pono ma ka aoao hookahi wale no.

            Ua hoea loa aku keia kue ana imua o Dole, a o ka pane i loaa mai, e hoao no oia e hoopau i keia mau mokuahana i ulu ae la ma kaua koho ana ae la i keia mau inoa, aka, aole nae oia i ho ike mai i kona manao unuhi io mai i na Komisina ana i hoopuka aku la.

            Ma keia wahi ke ike e aku nei no kakou i na hana kaili mana a ka Aoao Repubalika me ka nana ole mai i ka Aoao Demokarata a he oki loa hoi i ka Aoao Kuokoa ka aoao a ka hapanui o ka lahui Hawaii e kupaa nei me ka lokahi.

            He mau kahoaka mua no keia o ko kakou nana kee maoli ia ana mai la e ka aoao e paa nei i ka mana i keia la.

 

NA ELELE A KA AOAO DEMOKARATA.

            Maluna o ka mokuahi Pekina i loaa mai la na lono eia na elele a ka Aoao Demokarata i holo aku nei no ka halawai nui aia Aoao i malama ia mai nei ma ke kulanakauhale Poo Aupuni o ka mokuaina Kansas ke huli hoi mai nei a maluna o ka mokuahi Rio Janeiro e hiki loa mai ai i ka home nei. Wahi a na lohe la mai he nui no ko lakou ohohia ia maloko oia halawai ana. A ina wa a pau a keia mau elele e komo aku ai iloke o ke keena halawai e haawi ia ana na leo huro no lakou. A o keia iho na hoike mai ke kulanakauhale Kansas City.

            Kansas City, Iulai 5. O ka elele John H. Wise ma ka aoao o Hawaii, ua koho iho la oia ia William Jenning Bryan i Peresidena no keia kau koho Peresidena e hiki mai ana.

Ua hoopalakuli ia ae o loko o ka hale i ka wa i kahea ia mai ai o Hawaii, ua ku ae o John H. Wise, a ua noi koke mai ke analua no ka hoike ana i kona manao, a ua hooko aku la ia iloko o na leo hauoli e pae mai ana.

            E na keoniman o keia halawai, wahi ana, o na elele mai Hawaii mai ua hele mai lakou he eha tausani mile no ke komo pu ana iloko o keia halawai.

            Ua hoopalakuli ia ae la oloko no keia mau huaolelo hoolauna mua a na hooi loa ia aku nae i kona wa i pano mai ai.

            A ma ka ponei ua lilo ia Hawaii ka eo o ke koho ana he 16 i ka 1 ma ka halawai ana a ke Komite. I hele mai la makou i anei no ke koho ana i ke kanaka kiekie loa iwaena o na Amerika, nona ke poo a me ka poohiwi e kiei iho ana maluna o kona mau hoakanaka; ke kanaka hoi i hopo ole i ke ku ana maluna o kona manao iho. Oia kahaka e ua keonimaua ka kakou e koho ai, a e na keonimaua i na makou he mokualua e hooi no makou i na hana no keia kanaka pookela

W. J. Bryan.

 

HOOPAU IA KE KULA ANA.

            Ua hoopau loa ia ae la ka malama ia ana o ke kula maloko o ka halekula alii Kahehuna, mamuli o ka ike ia ana ua popopo loa oia a ua hooholo la ih la aohe oia e hiki ke hoomaemae ia a o ka hana pono wale no oia ka wawahi ana iaia a kukulu hou i hale ma kona kahua e ku nei. Iloko o keia wa e hoomaha ai ke kula ana malaila, e hoolilo ia aku ana ka hale hoahu ukana e ku nei ma Aala i halekula, a ma ia wahi e hoomau ia aku ai ka hoonaauao ana i na haumana o keia kula, a hiki i ka paa ana o ko lakou halekula hou. O ka poe nana i hoike aku i ke aupuni i keia kulana poino o keia halekula oia no o W. E. Rowell, C. B. Ripley a me John Ouderkirk:

 

KA HALAWAI MAKAAINANA

NUI A NA PAKE.

            Ma ke ahiahi Poaono nei i malama ia ae ai he halawai makaainana nui e na Pake maloko o Kinataona, ma ke kihi hoi o na alanui Hotele a Kamika. He mau haneri o na Pake i akoakoa ae malaila no ka hoolohe ana hoi i ka manao ano nui o keia halawai i kahea ia ai e ka Aoao Hoomaemae o na Pake. Maloko oia halawai i hoike mai ai na haiolelo, o ka manao nui i kahea ia ai keia halawai no ke noi ana aku no ia i na mana nui o ke ao nei e kukulu i aupuni maikai no Kina. A e hoopau ae i ka Moiwahine kauemake e noho hoomalu nei maluna o ka nohoalii. A e pani ia kona hakahaka e ka Emepera Kwang Sa. Ka moi mua o Kina i kiaku ia mailuna aku o ka noho moi e kona makuahine hoahanau. Mahope o ka pau ana o na hana haiolelo na heluhelu ia mai he olelo hooholo elike me na manao i hoakaka ia ae la maluna. A o kela olelo hooholo e waiho ia aku ana la imua o na Kanikela o na mana nui e noho nei maloko o keia mau Paemoku, a na lakou hoi e waiho aku imua o ko lakou mau aupuni pakahi. He nui no na poe i hauoli no keia mau hana, aka, o kekahi poe no nae na kue loa ia manao.

 

PIHOLO A NALOWALE LOA.

            Ma ke kakahiaka La Pule nei, ua halawai iho la kekahi kanaka opio nona ka inoa o Emil Uhibrecht; ma kekahi ulia poino ma o ke piholo ana mawaho Makapuu a nalowale loa iloko o ke kai. O ka moolelo o kona poino ana ua hoike ia mai ia e kona mau hoahele, penei: Ma ke kakahiaka nui La Pule nei, ua hele aku keia poe no waho o ka lae o Koko no ka holoholo ana maluna o na kaa baikikala. He eha ka nui o keia poe haole no lakou na inoa o Harry Moore, D. E. Hayes, Rylander, a me ke kanaka opio i poino iho la. Mahope o ko lakou hoea ana mawaho o kahi e hiki hou ole a@ i ke kaa baikikala ke hele aku, ua hele aku la lakou ma kahakai e ohi pupu ai, a oiai lakou e nanea ana malaila, ua ike aku la lakou i kekahi mau pupu naoi mawaho aku o kahi o na nalu e poi ana. Me ka mahu’i mua ole ae e hoea mai ana heulia poino, wehe ae la o Moore a me Ulhbrecht i ko laua lole a hele aku la no kahi o na pupu a lakou i ike ai.

            He la kaikoo keia malaila a ua ala mai la na nalu a uhi mai la maluna o laua, aka, aole no nae laua i hoi aku ihope a iloko no o keia wa a laua e nee nei imua i ala mai ai kekahi nalu nui a popoi iho la maluna o laua. Ua puliki koke aku la laua i na puu pohaku, aka, mamuli nae o ka ikaika loa na hiki ole ia lana ke hoomau aku i ka paa ana a lilo mai la laua mai kahi a laua o ku ana, a ma kekahi ulia laki, ua loaa iho la ia Moore he wahi e paa ai maluna o na puo pohaku,

aka, no Ulhbrecht, ua lilo aku la oia a nalowale aku la iloko o ka lumilumi ia ana e ka nalu a i kona wa i aea ae ai ua kaawale oia ai kona hoaloha aku, ua hoao koko aku oia e au no uka o ka aina, akia, na hiki ole nae ia. Aole no hoi e hiki ia Moore ke hele mai e hoopakele iaia, oia kekahi iloko oia haawina hookahi. No eono minute o ka paio ana o keia kanaka opio me ka nalu ua lawe ia aku oia e ke kai i kahi hohonu a piholo iho la me ka hiki ole i kona mau hoaloha ke hoopakele aku iaia. He elua hora o ko lakou kali ana mawaho o laila no ka pae mai o ke kino mak@ o ko lakou hoaloha opio, aka, aole nao i hooko ia ia mau upu ana a hiki i ko lakou huli hoi wale ana mai no ke kulanakauhale nei.

            He limahana ke kanaka i poino iho la no ka hale Hana Hao Uni@ a ua haalele iho hoi he wahine a me na keiki ekolu o palauma aku ana nona.