Ke Aloha Aina, Volume VI, Number 29, 21 July 1900 — Page 3
| This text was transcribed by: | Noelani Arista |
| This work is dedicated to: | no ku'u Kumu Mo'olelo 'o Jane Kamensky, me ke aloha |
KE ALOHA AINA
KE ALOHA AINA, POAONO, IULAI 21, 1900 3
ALO O KINA I KE EHUEHU
----
PAKELE HOU O TIEN TSIN
MAI LILO PIO HOU I NA PAKE.
----
Aole e Hiki i na Koa Lahui ke Nee Aku no Pekina me ka Huina o 30 000 Koa. Hala na Mokukaua Geremania no Kina.
----
Maluna mai la o ka mokuahi Nippon Mara i loaa mai ai keia mau nuhou makamaka loa a makou e kuupau aku nei no ka pomaikai o ko makou mau makamaka heluhelu penei.
Ladana, Iulai 10. O ka hakaka hope i loaa mai na hoike ana no ka la 6 iho nei o Iulai, penei no ia: Ma ka wanaao o keia la ua wehe mai na Pake i na kipu ana me na pukuniahi. He noeau ka lakou mau kipu ana mai, a o ka lakou mau poka hoi he maikai, ua pahu ae lakou ma kahi i makemake ia a he lehulehu wale na hale i hoopoino ia. Ua hoohamau aku na pukuniahi o ka mokukaua Terrible i ka lakou mau pukuniahi, ua hoololi ae na pake i ke kulana o ka lakou mau pu, a hoomaka hou mai la i ke kipoka ana ma ka auina la, aka, ia wa no ua hakui iho la na leo papaaina o ka hekili, a hoopau ae la na Pake i ka hakaka ana. Ua lele kaua koke aku la na koa lahui a hoauhee aku la i na Pake mai ko lakou mau auwaha aku, aka, mahope iho nae ia o ka lilo ana aku o @@ ola ke kanakolu.
He nui na Pake e haalele la i@ Tientein, O na lono e hoike ana aia na Pake ke hoakoakoa la, ua hookaumaha aku ia i na koa, na alakai a me ko lakou mau alihikaua, oiai, ua hiki ole ia lakou ke hoomaopopo i ka lakou mau hana e lawelawe ai, no ka mea, aole he mau ao ana mai ko lakou mau aupuni i loaa mai.
Oiai, ua hoomaopopo ia aia he mau tausani lehulehu o na @@ke mahope o na pukuniahi aole he mea e hiki ke hana ia i keia wa a hiki i ka hoea hou ana mai o @@ kokua. Ua hoomaka mai la ke kauna, a na keia mea i hooi mai la i ka paakiki o ke komo ana aku iloko o ka aina. O ka aina mawaena o Pekina a me Tientsin i na makahiki i hala aku la, ua hoolana mau ia e ka wai. O ka holo ana maloko o ka muliwai, ua kokoke loa ia e hiki ole, a o ke alahao hoi, aole ia e hiki ke hoohana ia aku koe wale no ma ke kukulu hou ana.
Wahi a ka mea kakau o ka Daily Mail ma Tientsin. Aole he mau nee mua ana i hiki ke hana ia me na kanaka malalo iho o 30,000.
O ka nui o na koa lahui i keia wa ma Taku a me Tientsin he 18,000. O na puali no ka hoomahuahua ana malalo o ke kauoha penei no ia: Iapana 19,000, Geremania 15,000, Rusia 13,000, Amerika 11,000, Beritanita 10,000, Farani 8000, a me Italia 3000.
AIA O TIENTSIN ILOKO O KE KULANA PIOO.
Ladana, Iulai 9. Aia no o Tientsin iloko o ke kulana pihoihoi. Mawaena o 80,000 a me 100,000 Pake wahi a ka hoike a na poe hakilo, e uhipu la i ka aina ma kahi kokoke i Tientsin, a o ka laua kukai ana mawaena o Tientsin a me Taku ma ka muliwai wale no e hiki ai.
He hoike mai Chefu mai i ka Express, e olelo ana: He 8000 koa lahui i hoolele ia mai la ma Taku, a he nui hoi na moku lawe koa Iapana e hoolele la i ko lakou mau koa iuka. Ua nee koke aku na Iapana o Tientsin a lawe ae la i ke alakai ana i ka lele kaua ana aku maluna o ke kaona o na pake a maloko o laila i make ai ko lakou alakai.
O ke kaua hoolulu o na lahui e ma Chefu, aia ia malalo o ka hooweliweli ana a na papu elua i hoolako me na pukuniahi Krupp ma a aoao o ke kulanakauhale. He eono mokukaua Amerika Nashville, e ku la me ka makaukau o ka hakaka ana.
ELUA MAU KEENA KANIKELA I KOE E PAA LA.
Brussels, Iulai 8. He hoike kuikawa kai loaa maila i anei mai Sanahai, e olelo ana, elike me kekahi lono i loaa mai i ke kahi luna aupuni Pake, o na keena kanikela i koe elua e paa ana ia laua iho ma ka la 2 o Iulai, oia na wahi i malama mau ia ai o na hakaka hahana ana. He mau poino kekahi i ikeia iwaena o ka pualikoa e kiai ana i keia mau keena kanikela, aka, aia no nae na Kanikela ke @oho la me ka palekana.
NA MOKUKAUA GEREMANIA NO KINA.
Kiei, Iulai 9. O na mokukaua Geremania, ua hala aku la ia o Kina i keia kakahiaka. Ua makaikai ae ka Emepera a me ke Keikialii Heneri o Parnata i ko lakou haalele ana iho.
Ma ka haawi ana aku i na haiolelo i ka mahele koa moana mua i keia la mamua o ko lakou haalele ana iho no Kina, ua olelo aku la ka Emepera Uilama.
O ko oukou ka mahele koa mua o na mokukaua palekila a'u e hoouna nei no kahi mamao. E hoomanao a hakaka ana oukou me kekahi enemi maalea, i hoolako ia me na lako kana o keia au hou, no ka hookau ana aku i ka hoopai no ke koko Geremania i hookaheia.
Aka, e hoopakele i na keiki me na wahine. Aole e hiki ia'u ke hoomaha a hiki i ka maluhia ana o Kina, me ka hookau ia aku hoi o na hoopai no, na hana hookahe koko. E hakaka pu ana oukou me na koa like ole o na lahui e. E malama i ka noho lokahi ana me lakou.
POINO KA HALE O KE KANIKELA GEREMANIA
Berlin, Iulai 11. O ke kanikela Geremania ma Tientsin ua telegarapa mai nei oia o ke kahua o na lahui e aia no ia ke hoomau ia la i kipoka ia ana e na Pake mai ka la 5 mai o Iulai a hiki i ka la 8. Ma ka la 7 o Iulai ua lele kaua aku na Pake i kahi hoolulu o na Farani a ua hoauhee ia aku lakou e na koa Rusia. Ma ka la 7 o Iulai ua kipoka aku la na koa Beretania a me na koa Iapana i na b@t@ri o na Pake, A ma ia ahiahi ua komo mai la he poka pahu a na Pake maluna o ke kaupoku o ke keena kanikele Geremania, a hoomaka koke ae la ke ahi e a, aka ua hoopio koke ia aku nae ia mamua o ka nui loa ana aku o na poino.
I ka la 6 iho nei ua holo aku ka moku Pe@peng no Taku me na poe Geremania i hoeea ia maluna on a. O na kukai ana ma ka muliwai he maalahi, mahope hoi o ka hopu pio ana o na papu mawaena o na kulanakauhale o Taku a me Tientsin. O ke alahao mai Taku aku, aia ke hooponopono ia la a he ekolu wale no mile a hoea aku i Tientsin. Ua kokoke e pau loa na ohana o na lahui e i ka haalele iho ia Tientsin ma ka la 4 iho ei no Taku.
OHUMU E PEPEHI I KA PERESIDENA.
Nu Iuoka, Iulai 11. Ua olelo ae ka nupepa Honua he ohumu e powa i ka Peresidena kai ike ia. Ua hoolala ia ae keia hana lapuwale e kekahi puulu Sepania a me Cuba, no lakou ke kahua poo ma Nu Ioka. He hookahi o na poe ohumu kipi i hoonawaliwali ia a nana i hoouna mai he leta i kekahi hoa o ke komite lahui Repubalika e hoike mai ana i keia hana weliweli e hooko ia aku ana.
HE ULIA POINO WELIWELI
Tacoma, Iulai 4. Ua aneane e hookahi haneri poe maluna o ke kaahi ohua e holo mai ana no keia kulanakauhale, i haule aku no no lalo o kekahi awawa ma ke alanui Iwakalua-kumamaono ma ka hora 8 o keia kakahiaka. O na poe e ku ana mawaho o ko kaa ua haule mua aku lakou a maluna iho ua kaa a ua make kekahi poe o lakou a ua hoeha ia hoi kekahi poe, a o na ohua hoi maloko o ke kaa ua palahe liilii mamua o ko lakou ike ana i ko lakou mau hopena weliweli. Ua hu aku ke kaa mailuna aku o ke alahao a haule aku la iloko o ke awawa kuhoho @@ua ke hohonu he heneri kapuai a oi, a okaoka liilii iho la.
O ka nui o na make ua aneane e piha ke kanaono, a he lehulehu wale e waiho nei maloko o ka haukipila i manaoia aole lakou e ola ana.
----
UA HANAU MAI LA.
----
Ma waena o ka hora 10 a me 11 p.m. o Iune 6 1900 ma Kalihiwaena ma ka po o ka Poaha, i hanau ai ke kaikamahine a Moses Palau. Na Mr. a me Mrs. Luis Jones he kakamahine nui maikai. E mahalo ia ka Haku no ka haawi ana mai he opuu pua rose no ke au o ka Aoao Home Rula o ke Teritori o Hawaii, a ke kalokalo ae nei makou e haawi ia ka opio me na pomaikai ma keia hope aku.
----
MALALO O KE KAUOHA PUPUAHULU.
----
Maluna o ka mokuahi Nippon Maru i kau aku ai o Leung Chitson ka pake nana i kukulu iho la i ka Aoao Hoomaemae no na Pake ma keia mau paemoku. Malalo o kekahi kauoha awiwi i loaa mai la iaia mai Kapalakiko mai ma o ke telegarapa ia ana ae ma ia kulanakauhale mai Kina mai. Aole o Leung Chitson i hoi aku malalo o keia inoa ae la, aka, malalo no ia o kona ino i hoohiki kupa aku ai malalo o ke aupuni o Iapana oia hoi o Kashimabala. Aole i maopopo kon kumu i kahea ia mai la e kona lahui e hoi koke aku, aka, me he mea la mamuli no ia o ka ulu ana ae la o ka haunaele ma Kina. O ka Pake keia i haawi makana i ka Moiwahine o Kina he $65,000 no kona poo. He enemi oia no ka Emepera Wahine o Kina, he hoaloha maikai nae no ka Emepera i kipaku ia aku mailuna aku o ka noho alii. Eia kona mau hoaloha maanei ke kali aku nei no kana mau koike mai ke kahua o ka hana.
----
HAALELE I KO LAUA MAU KULANA.
----
He elua mau limahana o ka haleleta i waiho aku i ko laua mau kulana mamuli o ka manao hoohuakeo no ka hoopili ole ia ana o ko laua mau kulana ma ka Poalua nei, oia hoi o Schraf a me Raven. Ma ka laua hoike he mau limahana kahiko laua no loko o keia keena, aka, ua hoopii koke ia ae la nae ke ku@@@@ o kekahi mau mea okoa no laua na inoa o West a me Quinn, ma o ka hoihoi ia ana ia no ke keena maluna ae, no kam mea, ua hoomaopopo ia o na mea a pau e pii ana maluna o keia mau keena, e loaa ana ia lakou he mau uku kiekie. A mamuli o keia kumu ae la i waiho aku ai keia mau haole ma o ko laua hoihoi ole ia ana i ke keena maluna ae, a o na mea i hookomo ia aku la he mau limahana hoa loa. Ua hookau koke aku o Luna L@@@ O@@ ia laua @@@ no hoi ma ka laua i noi aku ai.