Ke Aloha Aina, Volume VI, Number 28, 14 July 1900 — Page 12

KE ALOHA AINA, POAONO IULAI 14, 1900

 

HE MOOLELO WALOHIA

NO KA

LEDE ELENORA

Ka Ui Nohea i Hookaawale ia mai ke Alo aku o na Makua.

A I OLE

Ka wahine Opio i Auamo i na Koikoi a Kona Makuakane i Hana ai.

 

MOKUNA IX

           

            Aole he wahi i koe i ka noii ia e na maka o ka lehulehu e ike ana hoi kela a me keia e lilo iaia ka lanakila o ka loaa mua ana o ke kaikamahine a ke kiaaina.

            Aka, a hala ae la nae he mau hora loihi o ke kuekaa ia ana o ka moku, aole no he wahi pomaikai i loaa mai, a ia wa i haawiia ae ai ka olelo hooholo, ua halawai o Elenora me ka ulia poino mamuli o ka haule ana iloko o ke kai ma o ka hamama ana o ka puka aniani o ke keena ana e moe ana, aka, o ka mea nana i wehe i keia puka aniani owai oia? He uhane lapu anei a i ole he kino kanaka no paha, ak, na mua aku nei nae e hoike mai i ka mea oiaio.

            A mamuli o na manao hoohuoi e lauwili ana i loko o ke kapena, aole e hiki i kekahi bebe o umi mahina ka wehe i keia mau olepelepe, ua haule aku la na hii ai ana a pau maluna o Stela, ke kauwa lawelawe nana i hooko aka i keia mau hana lokoino maluna o ka opio.

            Nolaila, me ka hookaulua ole iho ua hopu ia iho la o Stela e ke kapeoa malalo o ke ano hoohuoi, a hooweliweli ia aku la e hoopaahao ia oia a pau ke ola a i ole e pepehi ia no oia a make ina aole oia e hoike i na mea oiaio e pili ana i ka opio. Aka, e like no me ka Stela i ike ai aole oia i hana hewa. Ua haule iho la oia maluna o kona kuli a me na waimaka e hiolo ana a me na lima e kau ana iluna i hoohiki pau pele pau mano aku ai, ua Stela nei, aole oia i lawelawe i keia hana puuwai, aka, he elima minute wale no kona kaawale ana aku a ike ia iho la ua nalowale ke kamaiki opio, a o ke kumu o kona kaawale ana aku mamuli no ia o ka hoomakaukau ana i na aahu o Elenora.

            A i ka loaa ole ana he wahi meheu e hoike mai ana i kahi i nalowale ai o ka opio mai a Stela aku, pau loa ae la manaolana ua hana ia kekahi hana puuwai eleele maluna ona, aka, ua halawai oia me ka poino ma ka haule ana iloko o ke kai.

            No ka maopopo ole o kahoohaule a o na hora hoi ia o ke aumoe, nolaila, aole ku moku i hoi aku ihope a hoalii iho la ka m@aolo o na poe a pau ua make ia no Elenora.

            No Augua@a, aole oia i pohala ae aka, aia no oia ke waiho la me ka oni ole, a ua nui hoi na hono ia apaa loaa iaia ka @, aka, aole nae i @ keia.

            A iloko oia kulana kup@ku i hoihoiia aku ai ua Augusta nei no ko lakou home aloha me ka ukali pu aku o ka ohana me ka naau i piha me ka luuluu a o ka oi aku nae iwaena o lakou oia o Daniela Hunter.

            No kekahi mau la ka waiho ana o ua wahine opio nei mawaena o ke ola a me ka make, ua nalohia ka pololi mai iaia aku, a o na waimaka o ke aloha keiki wale no ka mea nana e hoomaona ana @. Ua kaawale pu aku hoi me ka @ mai kona mau lihilihi aka, a o ke ao a me ka po ua like wale no iaia, a he hookahi wale no mea nui iloko o kona puuwai o kana Elenora aloha.

            A no ia kumu ua pau aku na aahu o ke kamaiki i ka hana ia mai na maka aku o kona makuahine, no ka mea e hooi loa ia mai no ka ehaeha o ua Augusta nei i ka wa e ike aku ai lakou.

 

MOKUNA X.

 

KA AIHUE IA ANA ELENORA

            Maanei e ka mea heluhelu e waiho iho kakou i ke kamailio ana ia Augusta e waiho la iloko o ke kulana poil@kia, a e nana aku hoi kakou ia Nora ka makuahine o Wile O'La@ry, ke kanaka opio i make maluna o ka a@li kanaka malalo o ka ae ole ana o kiaaina Hunter e huikala aku iaia mai ka hewa ona i hoopai ia ai.

            Iloko o ka wa a kana keiki i anuu iho ai a lewa ae la he mau kapuni maluna o ka ilihonua me ke kaula a ke aloha ole e kaili awiwi aku ana i ka hanu ola makamae o kona keiki kamakahi aloha, na keia mau hiohiona weliweli a manaonao hoi i komo koke mai i ua Nora nei e hookaawale koke aku me ka piha menemene mai kahi a kana keiki e lewalewa, a ua ku mai la hoi ia mau hiohiona, me he aka kino wailua la.

            Aole oia i makemake e haliu hou mai ihope no kahi a ka hale paahao e ku ana, aka, ua holo aku la oia no wahome ka haawi ole i wa no mau kapuai e hoomaha ai a hiki i kona hoea ana aku mawaho o ke kulanakauhale, aka, ua holo pololei aku la oia no loko o na ul@l@au lolo@ ku mai ana ma kahi he @ wale no ka mamao mai iaia aku.

            Ua kaawale aku na manao ao kanaka mai a Nora aku, a ua like oia me na holoholona hihiu ka @ena i na mea e @alo ae ana ma kona alahele, e uwe, a e uwa ana ma kekahi u@.

            A me ia mau manao hehena i komo aku ai oia no loko o ka hihipea o na laau, a ma ka aoao o kekahi kahawai uuku i poho iho a@, a kopipi iho la i na kulu wai o kahi kahawai maluna o kona poo.

            A mahope o kona noho ana ma laila no kekahi manawa akahi no a hoi hou mai na noonoo ao kanaka, a ike n@ hoi aia ka oia iloko o ka hi@p@ o@, aka, o ua hoomanao no nae ao na @weliweli i hookau ia aka maluna o kana keiki aia no ia ke lalawe mau la i kona houpo.

            Me na waimaka e hielo makawapu ana a me ka naau i hoeha la i ke aloha keiki i kukuli ai iho ua Nora nei a hapai ae la i kona mau lima mamua o kona umauma. Ma keia wa i waiho aku oia i ka@a hoohiki paa loa imua o na lani e hiki ole ai ke kalai ia e ka mana o ko keia ao, a o ua hoohiki la he uku panai no ke inu i hana ia mai maluna kana keiki punahele, a o ka manao o ua hoohiki la oia iho keia.

            Aole oia e kamailio i kekahi mea kino kanaka, aole hoi e moe mala@ o na kaupoku hale a i ole paina maluna o na papahana a hiki i ka wa e hookoia aku ai he uku pai ai koikoi maluna o ke kiaaina no la na mau hana lokoino uialuna o kana keiki.

            Aka, nae, o ke anonae o kana uku panai e hooko aku ai aole oia i hoolala.

            Maloko o ua mau ululaau ia i hele aku ai ua Nora nei no ka piha aloha no i kana keiki. E uwe ana i ke ao me ka po, a e lohe ia aku oia e hooho ana i kahi wa.

            O ka maka no ka maka, o ka niho no ka niho, o ke ola no ke ola, a o ke keiki no ke keiki. A i kona wa e haupu ae ai no keia mea e hooha ae ana kona mau manao @e. A ma keia wahi i hoohiki paa oia ai, aole he mea nana e koomaalili i na manao lili o kona puuwai, aka, he hookahi wale iho oia ka loaa ana o ka opio Elenora iaia.

 

AOLE LAHUI IKAIKA ELIKE ME KA PAKE

 

            Eia ke hoomaopopo nei na kilo kaulana o na aupuni mana nui o ke ao nei, aohe aupuni mana nui o keiakela ma keia honua elike aku ana me Kina ma oia he hoonaauao maikai ia maluna o na mea pili kaua a me na ike lehulehu e ae no ka hooholo ana aku i kona kulana hookele aupuni. Ua hoomaopopo ia o ka nui o kona mau lahui kanaka, aia no ia ma@u@ aku o ka 400 000 000 kanaka, a ua hiki loa hoi ia ke uhi pu i ke ao holookoa nei. Ua ike ia o na koa pake aole o lakou hopohopo ia mea he make, a he poe wiwo ole hoi lakou maluna o na kahua kaua, he hookahi wale no o lakou poino ui, ola no ka makaukau ole i ka hoohana ana i na pu o kei au hou. Ua ikeia nae mahope iho o ko lakou @ ana i ke @ ana ai me Iapana. Ua hoouna aku la ke aupuni o Kina i kona mau kanaka opio no ka hoonaauao ana maloko o na kula ao kaua o Amerika Huipuia a me Europa, a ke ike ia nei ka makaukau o kekahi wao hoo@ kaua naauao ana mai na poe i hoouna ia aku ma ua @ ia ai.

 

MA KE KAUOHA

 

OLELO HOOLAHA.

 

            O keia mau inoa malalo ihonei, ma keia la ua hookou ia aku la i Komisina no ka Papa Alanui o ke kulanakauhale o Honolulu nei.

            Messrs W. E. Rowell,

                        Marston Campbell,

                                    A me W. E. Wall.

            JOHN A. Mc CANDLESS

            Keena o na Hana Hou, Honolulu, H. I., Iulai 3 1900.

 

OLELO HOOLAHA.

 

Ma keia ke hoike ia aku nei o na inoa malolo iho nei, ua kohoia aku ia no loko o ke Keena o na Hana Hou, penei:

            James H. Boyd, Kaukauolelo Kiekie.

            W. E Rowell, Kokua Luna Nui o na Hana Hou.

            Andrew Brown, Luna Nui o ka Oihana Wai a me Kakauolelo o ka Makeke o Honolulu.

            Marston Campbell, Luna Alanui, A pana o Kona, Mokupuni o Oahu.

            Kapena A. Fuller, Luna Kiai Awa.

            Na Kapena J. C. Lorenzon, John R. Maca@lay, M. N. Sanders, E. F. Cameron, na pailuta, no ke Awa o Honolulu.

                        JOHN A. McCANDLESS,

                        @ Nui o na Hana Hou.

            Keena o na Hana Hou. Iune 14, 1900

 

OLELO HOOLAHA.

 

Owau o Ah Kowai ke hoike ia aku nei imua o ka lehulehu, ua lilo ae nei i ka hui o

            WONG WO

            a ke k@ ia ka hale kuai mea ai Palama Grocery, e ku nei ma Lele@, me na waiwai a pau maloko, a malaila au e loaa ai i kou mau hoaloha a pau. E kipa mai e kuai i na mea ai o kela a me keia ano like ole e waiho nei maloko o laila.

            Owau no me ka oiaio

                        AH KOWAI

                        Laua Hoohaua

KA HALEKUAI ME AI

O

LEWIS & CO.

            E loaa no na Kamano Paakai Momona ma ke kuai liilii a na ke kuai pahu. Na Palena o na an@ a pau a me na lako mes@ai o kela ame keia Ano. @hele mai e h@ me kakou iho. Telepona 240

            Alanui Papa, Helu 111.

 

Allen me Robinson

He mau mea kuai papa, Na lako Kukulu Hale, Pana au@ Aila a p@ p@ hoi me ka Nanahu.

            Keena Hana @ Alanui Moiwahine.

 

K. HAIDA.

(ME KAUKA IAPANA)

Ua hiki ke lawelawe i na mea pili ili a me ke kaha ana. Keena hana makai o ka ka Halepule Palama, Alanui Liliha

Na Hora Hana. 9 a. m. a ka 12 m.

                        1 p.m. a ka 3 p. m.

                        7 p. m. a ka 8 p. m.

No Na La Pule. 9 a. m. a ka 12 m.

@