Ke Aloha Aina, Volume VI, Number 27, 7 Iulai 1900 — Page 6

KE ALOHA AINA

 

6   POAONO, IULAI 7, 1900.

 

HE MOOLELO WALOHIA

-: NO KA :-

LEDE ELENORA

Ka Ui Nohea i Hookaawale ia mai ke Alo aku o na Makua.

-: A I OLE :-

Ka Wahine Opio i Anamo i na Koikoi a Kona Makuakane i Hana ai.

 

MOKUNA IX.

KA ENEMI O KA NOHEA MAUD.

 

 I keia manawa ua liuliu ae la na mea a pau no ka huli hoi ana ako i ka home.

 He ahiahi malie ia, a i ka wa a na kukuna malamalama o ka la i nalo aku ai ma kela aoao o ke kukulu komohana, ua oili mai la ke aliiwahine o ka po me kona nani a kuu pau mai la a kona malamalama oi kelakela, e hoahuwale ana i kahi mokupuni@, ka moana nui akea, a hoea wale aku i na home o na kamahele e walea nei i ka nani oia po no ka mea, o ka po ia o Mahealani@.

 A mamua ae o ke kani ana o ka hora 8 o ua po la ua pau aku la na mea a pau i ka huli h@i no luna o ka moku me ka piha hauoli, a e lo heia aku ana na hele aka mai kahi aoao a kahi aoao o ka moku.

 Aka, aoie nae i komo pu o Augusta iloko oia mau hauoli ana, no ka mea, aia oia ke hoonana la i kana lei no ka hookuu ana aku iaia e hoomaha i kona mau maluhiluhi o ka i hala aku la, aole oia i uiha i ka noho pu ana me ia, no ka mea, nona hookahi wale no kona mau noonoo ana i ke ao a me ka po, i keia mau sekona a ka wahine opio e haka pono nei maluna o kana opuu rose nani, me he mea la, ma kana hoomaopopo iho, aohe he wa i hooi loa ia ae ka nani a me ka ulu mahiehie o ua kamaiki nei e like me keia po, a na ia mea i kukuni paa loa aku i ke aloha o Augusta no kana keiki.

 A he mea oiaio iloko o na minute pokole wale no ua haule aku la ua opio nei iloko o na hooipo ana me ka ui kaulana Niolopua.

 Ma keia wahi i huli ae ai ua Augusta nei, a hoihoi aku ia i ka ui Elenora no loko o kekahi keena o ka moku a maluna o kekahi punee i hookuu aku ai oia i kana aloha e hooluolu, aka, aia nae ma ka aoao o na punee o ka moku he mau puka aniani i hana ia no ka haawi ana mai i mau ea oluolu iloko o na ko ena moe.

 I ka wa e haule ai o kekahi mea mawaho o keia mau puka aniani e iho pololei ana oia no loko o ke kai.  Aka, aia no nae ke mau pa@, olepelepe no ka paku ana mai mawaho ke paa pu ia malaila, a oia olepelepe ka Augusta i lalau aku ai a hana iao la me ka paa loa e hiki ole i ka opio ke wehe aku i kona wa e puoho ae ai mailoko ae o kona hiamoe.

 A i ka pau ana o kana mau hooponopono ana, ua haawi aku la oia i ke kauoha ia Stela, ka wahine lawelawe i ka i aia@ aku.

 E Stela e kuu kauwa hoolohe e noho maloko o keia keena no ke kiai aina i kou haku opio, no ka mea,ka komo mai nei na halialia makau iloko o'u eia he puuwai lokoino ke hoohalua@ nei iaia.

 E Augusta ki u haku, mai hopo hopo nona, oiai au ma kona aoao, no ka mea, e haawi no au i kuu ola ina ia he mea e palekana ai oia.

 Na keia mau manao maikai o Stela i hoopau iki ae i ko Augusta mau manao kaumaha, a mahope o kona muki ana iho i kana lei aloha a me ke kilohi n@u ana iho i na hiohiona nani o kana Elenora, a me ka haawi ana ae he mau leo kahoahoa i na mana lani e kiai mai i ka maluhia o kana mea i aloha nui ai, ua puka aku la oia ma o kekahi leo kahea a kana kane iaia.

 I kahea aku la au ia oe e kuu Augusta, wahi a Daniela Hunter, no ka pii ana mai e makaikai i na hiohiona nani o ke kulanakauhale maloko o keia po mahina konane.  E nana aku i na kukui o na moku e niuiki mai la me ka nani nui, me ko lakou mau aka e olinolino mai la iluna o ka iliwai.

 Ae, e Daniela, he keu io no ka n@ni o keia p@, a ha hiki ia'u ke ike moakaka aku i na moku e pili mai la ma ka aoao o na uwapo, na ulu laau hoi e emi hope nei ma ko kakou mau aoao.

 Oiai no laua e hoonanea ana i ka makaikai ana i na ha@ hiona nani o ka laua huakai huli hoi numoe, nia hoi, ko lakou moku ke hookokoke aku la i ka uwapo, a ke ikei@ku la na kaa e kali ana ia lakou e maaloalo ae ana maluna o ka uwapo.

 A ma keia manawa i hoi aku ai na mea a pau no loko o ko lakou mau keena pakahi ao ka hoomakaukau ana ia lakou iho mamua o ka lele ana aku iuka o ka aina.

 A maanei i haalele, ho ai o Augusta i kana kane aloha a huli ae la oia a hoi aku la no kahi a kana Elenora e hiolani ana.  Aka, iaia nae e anene aku ana e komo iloko o k@ rumi ua halawai mai la oia me  Stela e kahi ana i kona lauono mamua o kekahi pahu aniani.

 Aole au i huala aku la i ka kakou Elenora aloha, wahi a Stela, aka, ua waiho aku la au iaia me ka hoou@oni o e a hiki i ka mau, wa hopo loa.

 Aohe manawa e kali hou aku ai no ka mea, eia ka moku ua pili i ka uwapo.

 Me keia mau huaolelo hope i komo aku ai o Augusta no loko o ke keena a ke kamaiki ana i haalele iho ai me na kapuni mama, no ka mea, aole oia i makemake e hoopuiwaia ka hiamoe o kana aloha.

 A i ke @ekona a kona mau onohi i h@uie pono aku ai maluna o ka punee @ kana Elenora aua i waiho ai i na minute mamua iho, aia hoi, ua hoomaluleia iho la kona puuwai i ka ke ana aku aole o Elenora ma kahi ana i hoomoe ai maluna o ka punee.

 Iini koke aku la oia ma o a maanei me na manao pihoihoi no kana lei aloha nalowale aole nae oia maloko o ua keena la.  I keia manawa koke no i alawa aku ai oia no ka puka makani, a he mea e ke kupouli o kona puuwai i ka ike ana aku ua hemo ke olepelepe ana i hoopaa ai no ka palekana o ke kamaiki opio.

 Ua naka haalulu ae la kona kino no keia hiohiona manaonao ana i ike nei, a helelei iho la kona mau waimaka me ka ehaeha, a me na haawe koikoi o ke aloha keiki ana e auamo@ ana i puka aku ai oia iwaho a ninau aku la ia Stela.

 E Stela, e hoike mai auhea kuu keiki.  Ua lawe aku anei oe no ke poli o kona kupuna wahine?

 Aole kou haku Auguta, aole au i lawe mai i ka kakau@ lei aloha, oiai, aole au i makemake e hooaioni i kana hiamoe a hiki i ka wa hope loa, wahi a Stela me ke ano hikilele

 Alaila, aia i kekahi mea okoa aku.  O, ua hookupoulina mai kuu puuwai no kau@ Elenora.  E Lucy, ua makemake au i kuu kamaiki.

 A iloko o na huaolelo ano opulepule a ua lede opio nei e kahea ana i hoea mai ai kana kane a ninau mai la.

 Heaha, keia mau helehelena kaumaha ou e kuu Augusta.

 O, e Daniela, kuu luhi aole, a o ka'u e makemake nei e hoihoi kokeia mai oia, no ka mea, e hoonawa lawaliia no kuu puuwai, ina aole oia pu kekahi me a'u.

 A iloko o na manao kupilikii i haalele iho ai ua Augusta nei i ka na kane a pii aku la no luna o ka moau, a malaila i hal@wai aku ai oia me Lucy a me kona makuahine, a me ka poohakaha ole iho ninau aku la oia.

 Auhea kuu keiki?  Ua owili maikai ia anei oia?  E haawi mai ia'u.

 Aole au i maopopo i kau mea e kamailio mai nei e Augusta, a aole no hoi me a u@ o Elenora.

 Wahi a Lucy me ka leo pioo i ka ike ana mai i na helehelena kuna haha@ e hekau ana maluna o ka 1.e@e Augusta.

 O, e kuu Akua, i hooho ae ai o Augusta, a kuuawa aka@ ia oia ihope me ka paa ana ae i kona umauma.

 Heaha, keia mau hiohiona eha eha e Augusta?

 Ua @holo, ua piholo@ kuu lei aloha, ma ka haule ana iloko o ke kai, a me ka auwe hope ana ae ha hou malie aku la oia a waiho maule ana iluna o ka oneki o ka muku.

 Iloko o ka manawa pokole ua pahola koke ae la ka lohe maluna o ka moku no@ ka nalowale ana o ke kaikamahine opio, a ua hoopihaia na mea a pau me ke kaumaha, a iloko no oia minute i haawiia ae ka ke kau oha i na mea a pau maluna o ka moku e huli kokoke ia na wahi a pau o ka moku no ka pono o ka opio na owale, a he mea oiaio iloko o ia minute no i huliamahi@ aku ai na mea a pau no ka huli ana i ke kino holookoa o ka moku, aka, aole nae he wahi pomaikai i loaa mai.

 

KA LA EHA O IULAI.

 

 Ua hoea mai ia a hala aku la ka la eha o Iulai me kona pamalo nui, aole hoi elike me na makahiki i hala hope aku la ka nui o na hana hoohiwahiwa a me na lealea e malama ia ana ia la.  He kakaikahi loa na wahi hale i hoohiwahiwaia ae ia la.  Ma ka malamaia ana o na huakai hookahakaha ma ke kakahiaka, aole na pualikoa Amerika i komo mai iloko oia kai huakai ana, aole pu hoi he nui me na kii hoomakeaka a no lakou ka huina o eha wale no.  Ma ka auina la, ua malama ia he mau lealea heihei wawae, a pela aku ma ka pa kinipopo, a i ke ahiahi ana iho, he anaina puhi ohe ma ka Hotele Hawaii, a oia ka panina o na hana oia la.  A nalo aku la oia me ke ohohia nui ole ia.

 

 Ua halawai ae kekahi Iapana me kakahi ulia poino, ma o kona pii ia ana e kekahikaa kikane ma ke ahiahi Poakahi nei.

 Ua malamaia@ ae he mau lealea heihei mawaho o ka pa kinipopo ma ka auina la Poakolu nei, a na nui no na poe makaikai i hoea aku mawaho o laila.

 Ma ka heihei lio i malamaia  mawaho o Kapiolani Paka mawaena o na lio heihei Ahuimanu a me Aggravation, ua lawe ae la ka inoa hope i ka lanakila o ia heihei ana, he nui na pili i hana ia malaila no keia mau lio.

 He pine ko Geo. C. Beckley i hana maiau ia e kekahi hale hana gula o Honolulu nei, me ka puloulou maluna pono o ke pine me na lau e hoopuni ana@ ma na aoao, a e ku ana na kii o na Mahoe me ka iho laumeki a me ka pololu, a ma ke kua o ke pine@ ka inoa "Mooheau" he nani maoli no i ka ike iho.

 

MA KE KAUOHA

 

OLELO HOOLAHA.

 

 O keia mau inoa malalo ihonei@, ma keia ia ua hookohu iaaku@ ia i Komisina no ka Papa Alanui o ke kulanakauhale o Honolulu nei.

  Messrs:  W. E. Rowell.

    Mar@ton Campbell, a me W. K. Weil@

    John A McCandless

 Keena o na Hana Hoa, Honolulu, H. I., Iulai 7, 1900.