Ke Aloha Aina, Volume VI, Number 27, 7 July 1900 — Page 5

KE ALOHA AINA POAONO IULAI 7, 1900.

 

UA HALA O HAO KAWAIMAKA O HAIKU MAUI,

 

E ka Nupepa “ KE ALOHA AINA”

Aloha kaua;−

  Ke nonoi aku nei me ka haahaa ma kou ano makua no ka lahui, e hookomo aku i keia puolo o ka ehaeha, ma kahi kaawale o kou mau kolamu, mamuli o keia poo manao i hoikeia maluna ae.

  O makou o no hoahanau o ka ekalesia o Haiku, Maui, ma o ko makou komite la. A no ka mea, ma ka la 20 o Iune 1900. Ua hala, ua niau aku @@, ua hoomaha ma keia ola ana o Ad.  Hao Kawaimaka, he makua haipule kahiko hookahi i noho loihi ma ka ekalesia o Haiku no na makahiki he 26. A eia na kulana nona. He Luna kahiko ola no ka ekalesia, he Peresidena no ka papa kahu waiwai o ka ekalesia, he hoa no ka Aha Luna kahiko o na mokupuni o Maui, me Molokai, a me ka Aha Euanelio Nui o ka paeaina o Honolulu no kekahi mau kau, a ua kamaaina loa oia i na hoa haipule he nui no na wa i hala. Ua uhai a holo nui ia na hana haipule e Hao Kawaimaka i ka wa nui o ka ikaika a hiki i ka wa i emi mai ai ka ikaika @ino, a komo iloko o ka ma’i koikoi he “nae” a o ka ma’i pehu ka hope loa, pau kona kiai ana ma na i @uka o kona mau keena oi hana iloko o ka ekalesia o Haiku. A ma ka la i olelo ia maluna ae, moe aku la oia i ka moe ana o ka poe pono.

  Ua hanau ia o Hao Kawaimaka ma Pualaa, Puna Hawaii a ua piha paha iaia na makahiki he 70 ma keia ola ana.  Aia ma Puna kona mau ohana pili loa. Nona kekahi kahunapule e noho nei i keia la oia o Rev. W. M. Kalaiwaa ma Kailua Kona Hawaii. 

  Nolaila, o makou o na hoahanau o ka ekalesia i olelo ia ma o ko makou komite la.

1.       Ke uwe nei makou nona me ka hauoli ma ke ano he p@aua, a he lima aku no ke ekalesia ana i waiho iho la. 

2.       Ke uwe nei makou, a no ka mea, he koo, a he po@ hana no ka ekalesia i lawelawe loihi ia eia a hele aku la mamuli o kela leo kahea a Karisto no kona poe haipule.

3.       O ka makou pule i ke Akua Mana Loa o ka lani, e haawi ae i na manaolana o ka hauoli i kana wahine, na keiki, a me na moopuna i hekau ia e na manao kaumaha a kupili@ii o ke aloha i ka mea i hala.  A na ka Haku Aloha Iesu @ ki@i mai la kakou i na @@ a pau o keia ol@ ana, a i ka wa pau ole.

O makou iho no me ka oiaio, C. K. PA, Komita Ekalesia o @@ Haiku, Maui. Iune 29, 1900

 

I MAU LIMAHANA NEGERO.

 

  Eia kekahi mau laua nui o ma mahiko o Kohala ke noonoo nei no ka holo ana aku i na mokuaina Hema o Amerika Huip@ia e ohi limahana paele no ko lakou mai mahiko, malia paha no ka aikena i na hana hoohaunaele mau a ua Iapana, Ua hala aku la o J. B. Collins o ka Hui Mahiko o Ko hala no na Mokuaina Hema no ka ohi limahana ana, a pela no hoi o John Hind i hoea mai ia i Honolulu nei, ma ke alahele no Kapalakiko, e holo pu ana oia no ia kumuhana hookahi, a he manao ko laua e lawe pu mai i kekahi mau ohana paele ma ko lana huli hoi ana mai.

 

HE KII AKUA POHAKU.

 

  Ua laweia mai la e ka mokuahi Mauna Loa ma ka Poalima nei no keia kulanakauhale he kii pohaku i loaa aku iloko o ka lepo ma Honuaula, ma kahi e kokoke ana i Kailua, Kona, Hawaii.

  He Pukiki ka mea i loaa ai o keia kii i huna ia iloko o kekahi lua, a ua koho wale ia, ua waiho ia oia malaila i ka wa i pau ai na akua kii ka hoopoino ia, he kanawalu makahiki i hala hope ae nei. He kanakolu iniha ke kiekie o keia kii a he helehelena kona i like me kekahi kane.

  He maikai kona kalai ia ana, aka, mamuli o kona waiho loihi ana maloko oia wahi, ua inoino kekahi wahi o kona helehelena. Ua kuai ia aku keia kii e W. Muller a lawe ia mai la no Honolulu nei, a me he mea la, e kuai ia aku ana oia e ka Luna Nui o ka @@le hoikeike o Kamehameha. 

 

KA AHA FEA.

 

  Ua haawi ia ae ka fea a na hoahanau wahine o ka Hoomana Pelekane o Sana Anaru, maloko o ka pa luakini ma ka Poaono nei, he nui a lehulehu na poe i hiki ae malaila no ke kuai ana i na mea nani like ole e waiho ana maluna o na pakaukau kuai. Ua hoea pu aku malaila ka Moiwahine Liliuokalani me Kona @@@@ina maikai.  Ua nui no na dala i loaa mai na mea i kuai ia.

  Ina e halawai ana ka mokuahi Kinau me ka mano kanaka nui ana i lawe aku ia no ka Ua Ka@@@hua o Hilo me ka @lia poino ma ka moana, aole e lawa na @aapa a me na mea hoolana no ka hoopakele ana i ko ola o na poe a pau maluna ona, pela ae ka Nupepa Ava@ataisa o ka Poalua @@@@ @eu @o ka piha o @@

 

Nuhou Kuwaho

 

WEHE IA NA KIPU ANA MA PEKINA.

 

  Ladana, Iune 20, hora 3 a. m. O na @alikoa hoopakele o Rusia ua hoea mai la ia i keia kakahiaka mawaho o Pekina, wahi a ka mea kakau o ka Daily Mail ma Sa@ahar, a hoomaka aku loa e lele kaua ma na aoao elua o ke kulanakauhale me ka hoohana ana uku he lehulehu wale o na pukuuiahi.

  Ua hoea mai na paalikoa iloko o ka wa kupono loa, i ka manawa a na pake e lele kaua @@@ m@lana o na keena kanikela. Ma ka po o ka la 16 o Iune, ua lele kana mai na pake malalo o na Kenerala Tong Fah Su@ng a me Tong Shing maluna o na keena kanikela a puhi iho la i ke ahi he elima mau hale o na Europa. Aole he mau lohe oiaio i lohe ia mai no lakou. O na hoike i hauwawa ia @e maanei ua hoopiha ia na pake me ka inaina, ma o ka hoopoino ia @ ana o Taku, a no ia kumu @@@@ aku lakou i na poe o na aina e, e noho ana ma Pekina.

  He mau lohe no hoi kekahi e hoike ana, he kanikela Farani a me Kuhina Geremania kai i make. He manao io ko na Pelekane he kanaka makaukau kekahi o na aina e i komo pu aku iloko o @a alakai ana maloko o ka papu o Taku, no ka mea, he naauao na hoohana ia ana o ka lele kana ia ana mai.

  O @a uwea uwila i hooppaa ia ai na lua maina hoopalu e waiho ana maloko o ke awa, ua pau i ke oki ia e ua waapa o na mokukaua mamua o ka hoomaka ana o na kipoka. Ua hoike ia mai aole o ka mokukaua Mandschur ka@ halawai me ka ulia poino mai na poka pahu mai o ka papu Tako, aka, o ka mokukaua Kori@ts, a ua make a hoeha ia maluna aku o kanalima o kona mau kanaka. Ua hoike ia mai aole i emi malalo iho o 700 pake i make maloko o na papu.

 

HOOPUIPUI O IAPANA I KONA MAU KANAKA.

  Ua hoike mai ia ka mea kakau o ka Daily Express ma Sanahai, ua hoike pili aupuni ia mai iaia, aia o Iapana ke hoakoakoa ia he 25,000 mau koa no ka hoouna koke ana aku i Kina, a ua hoolimalima ia na mokuahi Iapana no ka lawa ana aku ia lakou no Kina.

  Ua hoea mai la ka mokukaua Beritania @@@a@@ted ma ka la inehinei ma Sa@a@@@ me ka makaukau no ka hakaka ana e lawe ae la hoi i kopa @@@@@ e huli pono ana i @@@ papu o @@ pa@@ He ekolu mau mokukaua o na pake e @@ nei maloko o ke @@@.

  O ka mokukaua pake Hai-Yang i kukuluia e Armstrong, na laweia ae la ia ia e na Beritania me na Rusia ma Taku. Ma Yum Nan Fu he 680 Karistiano i lele kaua ia aku a he lehulehu wale no ola i make. O ke kanikela Farani a me ekolu misionari aia lakou maloko o ka hale paahao e paa la.

  Ua hoea loa aku la na hana hoohaunaele ma Wa-Hu a me Czechuan, kahi o na Karistiano i l@k@ nui ia ai me ka weliweli nui.

 

NA KOA AMERIKA NO KINA.

 

  Wasinetona, Iune 17. Aia na pualikoa Amerika ma ko lakou aia he’e mai Manila aku no Taku. O ko lakou hoolele ia a me ka ole e hilinai ia aku no ia maluna o ke kuiana e ku ana i ko lakou wa e hoea aku ai. Ina aole he mau hana nui ka wa e hoea aku ai o na moku lawekoa i Taku, e hoihoi hou ia aku no na puai koa no Manila.

 

AIA NA B@A KE EMI HOPE LA.

 

  Ladana, Iune 21, hora 4:20 a. m. Ua komo loa aku la na Beritania no loko o ka pana laau o Transvaai a hiki i Machadodoro. O na kanaka i hoea mai la ma ka la iheinei ma Lourenzo Marquez mai Transvaai mai, ua hoike mai lakou, ua malamaia he mau kipoka hahana ana, a ua haalele iho na Boa ia Machadodoro no ka akau.

  Aia o Peresidena Krueger ma Alkamaar. Ua hoike ae ka papa kuhikuhi @ na Boa e pili ana i na ulele kaua i hana ia e Kenerala Dewet ma na laina kukai o Haku Robata, he ei@@ mau puali kiai a me 200 limehana i hopu pio ia.

  He lala oloko o ka Hale Makaainana o Beritania i loaa he mau kukai @na mai Aferika Hema mai, ua olelo ae oia, ua loaa maila iaia he mau hoike mai Cape Town mai, e olelo ana, ua mahuka 10 aku o Peresidena Kreuger a ke holo la maluna o ka moana no Europa, a o ka mea e noho ia maluna o ka noho mana hooko aole ia o Kreuger, aka @@@@kua nona.

 

  Ua hoea ae maluna o Kona kaa lio ole ka Moiwahine Liliuokalani, ma ka Poakahi nei, he mohala a makalapua Kona mau hiohiona iaia e hoonanea ana i ka holo a ke kaa lio ole. Ua lawe pu mai oia i keia kaa ma Kona @@@ hoi ana mai nei mai Wasinetona mai.

  O A@@@@@lo a me Su Wai kai ho@@ ia ma ka Poalua nei no kekahi hakaka lua i @@@ ae @@@@ na o @@@@, a ua @@ewa ia ka @@@@ m@@ no ka @@@@@ ia Su Wai.

  Aia ke hoolala ia la ma Kapalakiko @@ @@i @@@@ papa no ke kukulu ana i @@ papa ma Honolulu nei, ua olelo ia ae he @@@ @@ @@a moku i komo @@@ iloko o keia hui.