Ke Aloha Aina, Volume VI, Number 27, 7 July 1900 — Page 2

KE ALOHA AINA

 

2          KE ALOHA AINA, POAONO, IUNE 7, 1900.

 

 

Ke • Aloha • Aina

Hookumuia no ka

Pomaikai o ka Lehulehu, a he Nu pepa na ka Lahui Hawaii.

 

EDWARD L. LIKE.

Lunahooponopono.

HOGAN E. KALUNA,

Luna Hoopuka

ALEX NAWAHI,

Luna Haahana.

EMMA A NAWAHI

 

Puuku o KE ALOHA AINA.

 

HONOLULU....IULAI 7, 1900.

 

            HE maikai a mohaha no ke ala o Kalani Aimoku e noho mai nei ma Kona home alii ma Wakinekona.  Ma ka la 4 iho nei, ua kipa aku he mau makaainana makee alii e ike Iaia, a ua hoohala ia e lokou he mau hora ma ka hoonanea ana me ka maikai.

            Ua lilo ke kumuhana hoopae limahana paele i mea kamailio ana ia e na nupepa o ke kulanakauhale nei, a ua hoike ae no hoi kekahi mau nepepa O Honolulu nei i ko lakou mau manao kue no ka laweia mai o kela ano lahui i Hawaii nei, oiai, o kekahi poe o keia e hapukuia mai ana he ino loa, a he nana nui hoi ka huli ana aku i na poe i hiki ke malama maluhia me ka hooulu ole i na hana hauuaele, a pela aku, a wahi a kekahi nupepa o na paele e nopho ana maloko o na kulanakauhale na paele oi aku o ke ino. 

            Ma ka heluhelu iho maloko o na nupepa o Amerika Huipuia, aole no he loaa o na noho maluhia ana iwaena o na paela a me na ilikeokeo ma na Mokuaina like ole o Amerika Huipuia, a na hoolilo aku no hoi lakou i na ilikeokeo i enemi no lakou me ka loaa ole he mau noho kuikahi ana a hiki i keia manawa.

            He mea maopop loa i ka manawa i kulike ole ai ka hana a na Iuna mahiko me ka na paele i ike ai he pono, e ulu mai ana na hookahe koko i oi aku ka weliweli i ua hana a na Iapana e lawelawe nei i keia mau la.  No ka mea, ua maa no lakou ia ano hana mai ko lakou wahi e lawe ia mai ai, a oia auanei ka wa o ua mau luna mahiko nei e kahea mai ai i ke aupuni e kokua ia lakou.

            Oia ka makou e hoomaopopo nei i ka wa e noea io mai ai o keia lahui a hookahua iho maluna o keia mau paemoku, e nui ana ka hauuaele a me ka pilihua o ke ano o ka noho ana ma keia mua aku,  A e hoopiha ia ana hoi na alanui e na poe ino o ka po, e loaa ole ai he maluhia i na poe e hele ana maluna o na alanui ia mau hora, nolaia, he oi loaa aku ka pono o ka wahi loa ana aku o na mahiko i keia mau noonoo o lakou i ka lawe aia nani i ua paele.

 

KE KOI A KA MOIWAHINE LILIUOKALANI.

 

            Kapalakiko, 27.  O Kenerala M. McCook, he lala no loko o ka ohana hakaka o McCook, e noho nei ma ka home o C@ H. Bl@ ma ke alanui Post helu 1585, he manao kona mahope o ke koho balota a i ka wa hoi o Paresidena Makinile e lawe hou ne ai i kona kalana Peresidena, i keia mau makahiki hou aku eha, e lawe mai ana ka aha i ke koa a ka Moiwahine Liliuokalani e noonoo no na aina leialii, a e hooponopono me ia me kekahi puu dala nui, Oiai o Kenerala McCook he hoaloha pili paa no Senatoa Mark Hanna, o na hoaloha o ka Moiwahine ua ho oluolu ia mai lakou no keia mau hooiaio ana i hoike mai la.

            O ka manao nui o Kenerala McCook i lawe ai i keia kumuhana e pili ana i ka Moiwahine o Hawaii nei, mamuli ho la o kona hoea ana aku i Hawaii’ma ke ano oia ke Kuhina Amerika mua, ma ka 1866, a i ko@a au e noho ana i laweia mai alike kuikahi mua loa e noonoo.  I kona wa e noho ana ma Honolulu, mamuli o kona manao kupaa ua hoopakele ae la oia i keia aupuni mai ke komo ana aku iloko o kekahi haunaele me Enelani mamuli o na hana hooweliweli a ke Kuhina Beritania e noho ana ia wa.

            Ua komo aku o Kenerala MacCook iloko o ka pualikoa aupuni i ka 1860 ma ke ano he koa no ka Legiona Kansas, a mahope o kekahi mau makahiki he eluna o kona noho ana iloko oia oihana, ua pii ae la oia i ke kulana Birigadia Kenerala.   He elua ona manawa i koho ia ai e Peresidena Kalani i Kiaaina no ke Teritori o Colorado ia wa.  Mamuli o kana hooikaika ana, ua kukulu ia iho la ke alahao mua loa ma Denver.  He kokua oia i ka loaa ana he pono koho i na wahine.  Mahope o kona noho elua ana i kiaaina no Colorado, ua hoole aku la o McCook i ke kulana Luna Leta Nui i haawi ia mai iaia e ka Peresidena.

            O. A. Hoffnug he kanaka banako a hoopukapuka o Ladana e noho nei ma ka Hotele Palace no kihi mau la he Kuhina Hawaii hoi no ke aloalii o St James i ke au e noho Moi ana o ka Moi Kalakaua, ua hoea mai la oia i anei mai ka hikina mai a ua olelo ia ae, ua hoouna ia mai ola e kekahi hui o Pelekane no ke kuai ana i na aina leialii a ka Moiwahine Liliuokalani e koi nei.

            O ka manao kuai o keia hui, he hopena no ia o kekahi mau noii pono ana no ke koi a ka Moiwahine, a ua manaoio ia ua pololei kana, a e apono ia ana hoi e ke aupuni.

            Aole i hiki o Hoffnug i Honolulu aka, ua hookohuia nae oia i Kuhina i ka wa a ka Moi Kalakaua i kipa mua ai i Ladana he iwakalua a oi ae nei makahiki i hala aku la.  Ua kokua aku oia i ka aie Hawaii mua loa maloko o Ladana a he hapa o ia e hoomau ia nei e ke aupuni mai ka wa mai o ka hoohuiaina.  Ma ka la inehinei i haaele iho ai o Mr. Hoffnug no Nu Ioka, a malaila oia e huli hoi aku ai no Ladana.

 

            UA HALA AKU LA NO KAUAI

 

            Maluna o ka mokuahi Mikahala i haalele iho ai ma ke ahiahi Poakahi nei i kau aku ai na alaki o ka lahui no Kauai o Manokalanipo no ka hoike ana aku i na kupa oia mokupuni i ka lakou hana pono e hana aku ai no keia kau koho balota e hiki mai ana, elike no hoi me ka ua mau alakai nei i kaapuni iho ai i ka mokupuni o Oahu nei.  E kaapuni ana lokou ia mokupuni me ka haawi pu ana i na haiolelo hoolaua manao, a ma ka pau ana o ka lakou hana ma ia wahi, e hali hoi mai aua lakou no ke kulanakauhala nei, no ka hoolala ana i ka lakou huakai no na mokupuni huli makani aku nei.  Maloko o keia huakai ka Elele R. W. Wilikoki me kana lede, na Peresidena D. Kalauoak@ani a me Jas. K. Kaulia.  E hahai ia ka oukou huakai me na pomaikai nui.

 

EIA KE HULIIA NEI.

 

            Eia ke huli ia nei he wahine nona ka inoa o Keali i manao wale ia ua pepehi malu ia oia e kana kane.  He mau la i hala ae nei ua hoea aku keia wahine me na helehelena mainoino i ka halewai a hoopii aku la ia kana kane no ka hoeha.  He elua manawai laweia mai ai oia no ka hoolohe ia e Wilikkoki, aka, ua hoopanee ia aku nae.  A ma ka wa a ka aha i makamake ai e hoolohe i kona hihia, aole oia hoea aku a hiki i keia wa a na like me ekolu la.  Ua ninau ia aku kane ina paha ua ike iaia, ua hoole loa mai oia.  Ua hoea loa aku ka huli i ko laua home, aka, aole nae oia malaila, i ka mele ia ana o Kaleihope, kana kane, na ikeia kekahi mau hoike e lilo ai ka nalowale aua o keia wahine i mea hoohuoi loa ia, a pela i manao ai ke aupuni, ua powa a i ole ua hoomahuka ia aku oia no kekahi wahi okoa i wahi e pakele ai ka mea i lawehala, aole nae e hoopau ana ke aupuni i ka huli ana a hiki i kona wa o loaa ai.

 

            He keaka no ko ka Orpheum i keia po.

            He wahine kakau nupepa no ke Oa@ kai hiki mai ia maluna o ka meku law@ koa Thomas, nona ka inoa o Annabel Lee.

 

KO KA BULETINA MANAO.

 

            Ua ike iho makou i kekahi manao ano iuaina o ka Buletina no ka hiu a wela lawe a lilo ana aku la o Hilo i kekahi kaoo kanaka nui o ke kulanakauhale nei no ka makaikai ana i kona mau lealea, penei:

            I ka wa i hiki ai ia Hilo ke unuhi aku i kekahi kaoo kanaka nui no ka makaimaki ana i kona mau lealea heihei o ka la 4 o Iulai, i oi loa aku mamua o na poe i kipa mai mai na ao kupuni mai no ka makaikai ana i ka la i lilo ai i Teritori a me ka poni ia ana o Dole, a me ka Ia 11 o Iune, e noonoo iho ana na mea a pau malia paha, he kapitola wale no o Honolulu nei no ka manawa. Nolaila, he oi loa aku ka pono i na poe kalepa o ke kulanakauhale nei e lokahi ma ka hoohuli ana mai i na huakai lealea no loko nei, aole hoi ma kahi e aku o Honolulu.  Eo io no ia Hilo.

 

HOOHIKI IA NA MAKAI.

 

            Ma ka hora 1:30 o ka auina la poaha nei, na hoohiki ia iho la ka oihana maki lolookoa o ke kulanakauhala nei malalo o ke kumukanawai o ke Teritori Hawaii, e ka Lunakanawai Wilikoki, maloko o ka pa halewai, imua o Makai Nui Bananuu a me ka Hope Makai Nui Chas. Chillingworth.

            Ua laina ia na makai ku huina ma Ewa o ka pala o ka halewai, no lakou ka huina he kanakolu, a o na makai kau lio hoi ma ka akau o lakou me na makai kia.  Ua hoomaka ka hoohiki ana mai ka puaii makai mai.   ka manao o keia hoohiki oia ko lakou hooko pono ana i ka oihana a lakou e paa nei, a e malama i na kanawai o Amerika Huipuia.

 

            KA HOOKOHU O NA LUNAKANAWAI.

 

            Ma ke kakahiaka Poaha nei i loaa aku ai ka hookohu o na Lunakanawai Frear a me A. S. Humphreys, na Lunakanawai i koho ia mai nei no loko o ka Aha Kiekie, ua hoouna ia mai ko lana hookohu ma o Kiaaina Dole la, a pela laua i hoomaopopo mua ole ai, i ka loaa ana mai la o ko laua hookohu, mahope koke iho o ko laua hoohiki ia ana ma ko laua noho, ua wehe ia ae oa hana o ka Aha Kiekie.

 

J. M. MONSARRATT

Maunakea

HELOIO A LUNA HOOIAIO.

Maloko o na Aha Hookolokolo a pau o Hawaii a me Amerika Huipuia.

He mau mea hoale aku i na poe wa waipaa.

Keena Hana.  Alanui Kalepa ma kai iho ko o ka Hale@ leia.