Ke Aloha Aina, Volume VI, Number 26, 30 June 1900 — Page 6

KE ALOHA AINA

 

Mai ka aoao 1 mai

noi aku ana i ko oukou oluolu e kipa eia ka home na mea a pau oloko a me waho a me na mea i hoomakaukau ia.  Ke haawi aku nei makou i ka mana o na pane a pau i olelo ia maluna ae, me ke keakea oleia o na mea a pau a hiki i ka pahu hopu loa o ka kakou launa kuikahi maikai ana ma Laie nei.

Me ka mahalo, MRS IWA KEANU, Komite Pane

Hakuia, Iune 21, 1900

            Na J K Kaulia i pane ma ka aoao o na Elele, mahope o ka hoomaha iki ana o kamahele, ua makaukau mai la ka papaaina, a ua hookipa ia aku na malihini, mahope o ka hookuu ana o ka papaaina u ahoike mai la na kamaaina e hukiia ana ka Hae Hawaii maluna o ka hale halawai, e kahea aku ano i na mea a pau ua hiki mai na Elele, a e malama ia ana ka halawai ma ka hora 7 p.m.   Aole i liuliu ua ike ia aku la ka moe kaoo o na kane, wahine a me na keiki no ka hale halawai, emoole ua le-i Kohala i ka nuku na kanaka, ke hele la a pau ole iloko o ka hale, a o ke koena mawaho kahi i akoakoa ai ua hoike ia mai ua huliamahi o Laiewai a koe ole kekahi i kauhale.

            I ka hikipono ana ae i ka hora 7 p.m., ua hoomalu ia mai ka halawai a J Keanu.  Wehe ia na hana ma ka pule.  Hoolauna ia mai o Elele D Kalauokalani, a he like wale no kana i ke alopali me na apana mua i hala, i ka hookuu ana iho i kana mapuna olelo hope loa, ua haawi ia mai la he ekolu huro nona.

            Hoolauna ia mai o R W Wilikoki o kana no ka hoike ana i kona kulana Elele i Wakinekona, a he ekolu no hoi huro ma ka panina o kana hoike.

            Hoolauna ia mai o J K Kaulia nana i heluhelu mai i na kahua hana o ka Aoao Kuokoa, a mahope o ka pau ana o kana heluehelu ame kekahi mau hoakaka, ua hooki iho la o J K Kaulia i kana mau ao ana iloko o na leo huro e kupinai ana, pau kana, hoolauna ia mai o Mr. Mossman, he mau kahoahoa ana no ka kahi kanaka e kakoo ana no i ke kahuahana o ka Aoao Kuokoa.  A pau kaua, ua ku mai ka Lunahoomalu a hookuu i ka halawai me ka pule.

            O keia kahi hope loa i malama ia ai o na haiolelo ano nui, aka, ua malama ia no nae he mau haiolelo pokole ma kekahi mau wahi o na Koolau, a hoea loa mai la ka huakai o na elele i ke kulanakauhale nei ma ka auina la Poaono, Iune 23 me ka maalahi.

 

HE MOOLELO WALOHIA NO ALANADELA

Ka Wahine Hoopahaohao o ka Aahu Keokeo A I OLE Ka Loea Hookani Pila Hapa o ke Kulu Aumoe

            E hoomanawanui malia aia no he wa e hoea mai ana e hooko ia ai ka kaua mau upu ana e Robata, wahi a Walata.

            A maanei i hoopoina aku ai ko laua mau noonoo ana no na mea o na la i hala a he hookahi mea nui iloko o ko laua puuwai e lauwili nei oia no ke ola o ka wahine opio Alanadela.

            A he mea oiaio, mahope o na lapaau akahele ana a ua Kauka Robata nei, ua loaa ka maha i ka ui nohea, a ua pau loa hoi na manao hopohopo no kona poino.

            I ko Alanadela ike maopopo ana ae i na helehelena o kana ipo aloha Walata e nana iho ana maluna ona, ua paili ae la oia i na lima o Walata a pane mai la me ka leo malie.

            E Walata, kuu Walata iloko o na poino a pau i halawai me aʻu, ua hoea mai no oe e hoopakele iaʻu, aka, aole no nae i komo mai na manao ikaika e mohai aku i kuu kino nei nau, aka, i keia wa nae ua ike a ua hoomaopopo au aohe aʻu makana nui e ae e uku panai no kau mau hana aloha i hana mai ai noʻu, i na wa a pau oʻu i haulehia ai iloko o na poino he nui wale, a no ia mau hana ua hiki ole iaʻu ke hookaa aku i kuu aie koikoi loa nou, oiai hoi, ua nele au i ke gula a me ka dala no ka uku ana aku ia oe.  E lawe aku i kuu kuni nau a mau loa.

            Me keia mau huaolelo i hooki ai ua wahine ui nei i kona io, a ikeia aku la na kulu waimaka e oiliili mai ana mai kona mau lihilihi ma ka mai, a na keia mau mamalu olelo i hookapalili aku i ka puuwai o ke kanaka opio me ka hauoli, a me ka leo haalulu.

            Aole e kau Alanadela, aole oe i aie iki iaʻu, a o na hana hoopakele a pau aʻu i hana aku ai nou na ke aloha wale no ia e lalawe aua ia io, ko o kuu puuwai nou.  A e like me kau i haawi manawalea mai la naʻu kena nui kino mailuna a lalo, me ka puuwai i piha a hu me ka hauoli, ke apo aku nei au iloko o ke ulumahiehie nui, no ka mea, o keia mau hoopuna olelo wale no kaʻu i kali hoomanawanui ai i ke ao a me ka po o ke poha mai a olu iho au, a nolaila, me ka hookaulua ole hou aku no kekahi manawa e kuu Alanadela ma ke ahiahi o ka la apopo e hoolilo ia ai kaua iloko o hookahi pana ana e ke kahuna moneka, a nolaila, e pane mai ma hewa anei ia.

 

POAKAHI, IUNE 25, 1900.

NA PALULE WAHINE.

Ua wehe ae nei makou, a e kuai ia aku ana i keia pule, na PALULE SILIKA WAHINE eleele me na waihooluu e ae i koho a e wae ponoia, i hoikeike mua ole ia ma na Paemoku Hawaii.

 

Lihilihi Allover Kakini Kamalii

            He manaoio ko makou ina oukou e ike ana ia lakou e hoikeikeia nei, aole no e nele kou makahehi i ko lakou mau nanaina nani

            E makou ke hoikeike nei he waiwai o keia ano no na opio na silika, a pela aku.  E ninau ae i ka papakuai mawaena.

 

Lole Holoi

            Ua piha pono ko makou keena me na waiwai o keia ano, a ua kupono no kou kipa ana mai e makaikai.

 

Silika Foulard

            Ina he makemake ko oukou e ike i ka mea kupono no keia wa wela mai poina i ke kipa ae i ko makou Keena Silika, Poakahi.

 

Keena o na Kane

            Ma keia lainauan kaena makou o makou ke alakai ma ka waiwai a me ke kumukuai.  E nana i ka makou mau waiwai a e ike nou iho.

 

Mikilima Dents

            Mai poina he agena makou no na Mikilima, Dentʻs Kid Gloves ka nani a ma ka hiehie ma ka honua nei.

 

O keia mau waiwai a pau he mau waiwai a pau no keia au hou i loaa mai na makeke mai o Amerika a me Europa, a ua wae pono ia no ke kuai ana ma Honolulu nei e Mr. du Roi, ma keia huakai aku nei no na aina e.

B. F. EHLERS Co

Alanui Papu.

 

            Aole he leo i pae aku mai na lehelehe mai o ka wahina opio, aka, ua ikeia aku la nae na hiohiona minoaka i ka pahola ana ae ma kona mau papalina a nana hou ae la i kana aloha a pane mai la me ka leo malie.

            A ole aʻu mau kue ana aku i kou makemake e kuu Walata, aka, o kau mea i ike ai he pono oia ke hookoia.

            A maanei i lele iho nei ai o Walata a muki iho la ma ka hopohopo ole no ka mea, ua noa ia kai kapu o ke konohiki iaia hookahi wale no, me ka haawi pu ana aku i na hoomaikai palena ole no ka pane i waihona mai o kana aloha.

            Ae, e kuu aloha e hoohui ia kaua ma ka berita laahia mamua o kou kaawale ana no ka wa maopopo ole mai oʻu aku nei no luna o kou hanohano nui, a haalele iho hoi iaʻu e noho hookahi iloko o keia mau ululaau mehameha, wahi a Walata a kulu iho la kona mau waimaka.

            Na keia niau mapuna olelo i hoohikilele ae ia Alanadela a ninau koke mai la oia me ka leo pihoihoi nui.

            E kuu Walata, heaha kela mau olelo olohewa au e kamalilo mai nei, ua noho ia anei oe e kakahi uhane daimonic.  A i ole e pahenehene mai ana anei oe iaʻu e kuu aloha?

            Aole, aole e kuu Alanadela, aole au i uluhana e na uhana ino, aka, he mau hoike oiaio keia aʻu e hoike aku nei ia oe, no ka mea, aia mawaho o keia pupuhale kou mau kona ka kahi i hoolulu ai, i imi mai iaia oe, no ka hoihoi ana aku iluna o ka noho moi, no ka mea, ua hala aku la kou makuakane i ka make a haalele iho la i kona nohoalii, a no ia kumu ua hoounaia na koa aupuni e huli ia oe ma keia ao holo koa ina no ka pomaikai e nele paha, aka, o keia puali hookahi wale no nae kai halawai me na ulia pomaikai o kou loaa ana a oe hookahi wale no ka lakou e lawe aku ana, a pela au i hoopuka ae nei i kela mau olelo.

 

            Eia makou ke hoopuka aku nei i na ino  o na Luna Nui o ke Keena o na Hana hou.

 

MA KE KAUOHA

OLELO HOOLAHA

            Ma keia ke hoike ia aku nei o na inoa malalo iho nei, ua kokua aku ia no loko o ke Keena o na Hana Hou penei:

            James H. Boyd Kakakuolelo Kiekie

            W. E. Rowell, Kokua Luna Nui o na Hana hou

            Andrew Brown, Luna Nui o ka Oihana Wai a me Kakauolelo o ka Makeke o Honolulu

            Martsion Campbell, Luna Alanui, Apana o Kona, Mokupuni o Oahu

            Kapena A Fuller, Luna Kiai Awa

            Na Kapena J. C. Lorenson, John R. Macaula@,  M. N. Sandera, E. F. Cameron, na pailaka no ke Awa o Honolulu

            JOHN A McCANDLESS Luna Nui o ia Hana Hou, Keʻena o na Hana hou, Iune 1@ 1900