Ke Aloha Aina, Volume VI, Number 25, 23 June 1900 — Page 5

KE ALOHA AINA

 

KE ALOHA AINA, POAONO IUNE 23, 1900.

 

HE MOOLELO WALOHIA

——:NO KA:——

LEDE ELENORA

Ka Ui Nohea i Hookaawale ia mai ke Alo aku o na Makua.

——:A I OLE:——

Ka Wahine Opio i Auamo i na Koikoi a Kona Makuakane i Hana ai.

MOKUNA VIII.

KA MOKUPUNI MEHAMEHA

 

            I ke kaawale loa ana aku o ka hanu ola mai loko aku o ke kino o ke kanaka opio, a i ka wa hoi a na kauka i puana ae ai ua make loa oia, oia no kona manawa i hookuu ia iho ai, a hookomo ia iho la iloko o ka holowaa.

            A mai ia wahi ua lawe ia aku la oia e kanu me ke kahunapule e hele ana mamua ona, a o kana wahine aloha hoi, ua ae ia aku la oia e ukali aku no ka home puanuanu o kana kane e hoomaha ai no ka wa pau ole, aka, no Nora nae aole oia ma ka aoao o kana keiki i keia wa o ka huakai hoolewa e naue malie nei aka, aia oia ke lilo ia i ka ulaia i ke au hoi a ka hewahewa.

            Maloko o kekahi ilina ma kahi he mau anana wale no ke kaawale mai ka hale peahao aku, kahi hoi o na lawehala make a pau e kanuia ai , i hoomoe ia aku ai oia me ke kona mau hoaloha i hala mua aku, a i ka nalo ana aku o ua kanaka opio nei, ua hoihoi aku la ke kahunapule i ka wahine opio no kona home iloko o ka piha manaonao no kana Wile.

            A ma kekahi la ae i hoihoi loa aku ai ke kahunapule ia Nele no kona home kuahiwi ma kahi mamao loa, aka, mahope nae ia o ka loaa ole ana o Nora, iloko o na hooikaika pauaho ole ana a ka makua Gude @ka i ka noii ana i na wahi a pau o ua kulanakauhale la, aka, aole nae ua wahine aoo nei i loaa.

            Hala ae la he mau pule, aia hoi, ua nalohia aku la na hoomanao no ka la i poni ia ai ke kiaaina a me ka hiohiona weliweli i ukali mai mahope ona, iwaena o ka lehulehu. I keia wa pu hoi eia o Daniela Hunter ke noho nei iloko o kona home nani me kona ohana e hauoli aha i na la a pau.

            Mamuli o ka piha loa o kona alo me na hana aupuni, ua hiki ole iaia ke hele aku e hoomaha, aka, ma na la mua nae o Iulai, ua hoolalaia iho la kekahi huakai hoomaha no ka mokupuni mehameha Witch Island.

            Ua kona aku la ua kiaaina nei i na lala o kona aha kuka me ko lakou mau ohana no ka hele pu ana ma keia huakai hauoli ana a me kana Augusta i hoolala ai, a ua hoomaopopo ia o keia kekahi o na huakai i piha me na poe maka hanohano o ua kulanakauhale la.

            O ka la 16 o Iulai oia ka la i hooko ia ai ua huakai lealea nei maluna o kekahi mokuahi uuku. Ua hoakoakoa ae na mea a pau ma kahi a ka moku e ku ana ma ia kakahiaka nui i ka wa a na kukuna o ka la e oili mai ana maluna o na pae kuahiwi, a he mea oiaio ua piha u ua wahi moku la me na poe i kono ia me ko lakou mau ohana, mai na kamaiki iluna ke alo a hoea loa aku la i na poe kanikoo.

            He la malie kela a ua hoahuwale ia hoi na pae mauna o na aupuni nei, e ikeia aku ana ka helehelena o na mea a pau ua piha me ke ohohia me ka haupu mua ole ae he haawina kaumaha kekahi e halawai ana ma keia huakai.

            Maloko o keia huakai ua lawe pu ia aku la o Elenora ka opuu momi makamae a ke kiaaina, a ua lilo oia i mea milikaa nui e na hoaloha o kona mau makua.

            Ua hooi ia ae ka ui lua ole o ua Elenora nei, a ua like oia me he anela la i haule mai mai ka lewa mai, a ua hoomaikai ia aku hoi e na mea a pau.

            E kiai makaala ia ana oia e Stela kona wahine lawelawe, a i ka akoakoa ana mai o na mea a pau maluna o ka mokuahi, oia no kona i hoohuli ae ai a holo aku la me ka pahee malie maluna o ka muliwai no kahi mokupuni i hoike @a @ la maluna.

            Iloko o na hora pokole wale no ua ike ia aku la ua wahi mokupuni nei e au mai ana mamua o ke alahele a ka mokuahi e holo aku nei, a iloko o na minute pokole wale no ua haule aku la ka heleuma o ua wahi moku nei ma ka aekai o ua mokupuni la, a liuliu ae la na mea a pau no ka lele ana aku i uka o ka aina.

            O keia wahi mokupuni e ku ana ia ma ka nuku muliwai ma kahi he mau m@le mai ka aina mai, a ua hooulu wehiwehi ia me na laau paina loloa, he mokupuni papapa oia no ke kiekie aole i piha ka haneri kapuai mai ka ilikai.

            Iloko o na leo hauwalaau piha hauoli i kau aku ai na mea a pau maluna o na waapa me ka motio pololei aku o ko lakou alahele no kahi a kahi mokupuni e waiho mai ana mamua o lakou ma kahi he hookahi mile mai ka moku aku.

            Iloko o na minute pokole walo no, aia hoi, ua kamumu aku la ka ihu o na waapa iuka o ka ae one oiai, aole he uwapo malaila, a iloko hoi o na @ekona mahope iho, aia na mea a pau ke holo la mao@a maanei me ka hauoli nui maluna o ua wahi mokupuni la.

            E hele ana hoi kekahi poe me na upena, a o kekahi poe me na mako@ ma na lih@ kahakai no ka lawaia ana, a o kahi e alualu ana i na manu, e hoike maopoopo mai ana hoi aole lakou i ike ia mea he kanaka mamua, no ka mea, aole lakou i lele aku i ka wa o na kauaka e hookokoke aku ai.

            O ka hora umi ia o kakahiaka ka wa i lele akuai na mea a pau iuka o ka aina, a ia wa pu hoi i hoike aku ai ke kiaaina i ka lohe i na mea a pau, o ka hora ewalu oia po ka manawa o na mea a pau e hoi aku ai no ka moku, no ka mea, he po mahina piha, a nolaila, aole he mau hopohopo no keia huakai o ka po,, a he hoohiki loa ana i ke kulanakauhale ma ia aumoe.

            I ka maopopo ana ae o ka hora i na mea a pau e huli hoi aku ai oia no ka wa @ kau liilii aku ai na mea a pau, aka, no Augusta nae, ua noho iho la oia e hooponopono i na mea ai e kuke ia ana, a o ke Daniel Hunter hoi e hooluana ana ia me na keonimana, a mawaena o keia poe i maau hele aku no ka makaikai ana i ke@a wahi mokupuni o Lucy Hunter a me Elenora e hiipoi ana mamua o kona alo.

            Aole nae laua i kaawale loa aku, aia hoi, ua loaa aku la laua ia Stela a mamuli o kana kue ikaika ana, ua hiki ole ia Lucy ke hoomau aku i ka lawe ana aku i ka ui opio Elenora ma ka hoomakaikai ana iaia i na hiohiona nani o ua wahi mokupuni la, aka, ua noho iho la lakou malalo o ka malumalu o na laau a hoolohe aku la i ka leo kani o na manu aukai ia lakou e hoopunana ana maluna o na lala laau.

            A ma keia wahi i haliu mai ai o Lucy Hunter a pane mai la me ka leo ano piha inaina.

            E Stela, e hoike mai ia’u ano, no ke aha oe i kue mai ai i ko’u lawe ana aku i ka kakou lei aloha e hoomakaikai i ka kakou milimili i na hiohiona nani o keia aina, oiai, ua maopopo no ia oe, ua piha kuu puuwai i ke aloha nona i na wa a pau, a e hoomanao iho hoi oe, oiai au he kaikuahine ponoi no Daniel Hunter, pehea oe i manao ai, e ae aku ana au e hoopoino ia mai kona ola?

            E huikala mai ia’u e Lucy, kuu haku wahine, wahi a Stela me ka leo pihoihoi i pane aku ai, aole, aole nou ko’u mau hopohopo ana, aka, he mau halialia wale no nae kai komo mai ia iloko o’u, me he mea la e hoike okoa mai ana no aole kupono keia mokupuni no ka hele mehameha ana.

            E hoopau i kou mau kuko @alau alelo, no ka mea, he wahi keia i noho ole ia e ke kanaka mai kinohi mai.

            A maanei i nalohia aku ai na manao uluku mawaena o laua, a noho iho la laua e kiai i ke kamaiki Elenora, oiai hoi oia e paani ana mamua o laua iloko o kona nani nui a hiki i ka wa i kani mai ai o kekahi hele a kahea mai ana i na mea a pau e hoi aku e hoopiha i ka lua o ka inaina.

            I ka wa i haalele iho ai na mea a pau i ka papaaina o ka hora 4 ia he eha hora no lakou i ko@ e hoonanea ai, a mamuli o ka pau pono ole o @a manao uilani o kekahi @ o makaikai hou i na wahi mokupuni la ua hele hou aku la lakou, a o Lucy kekahi iwaena o lakou, aka, ua poina nae kona papale ma kahi ana i noho ai i na hora mamua iho nolaila, ku ae la oia a hele aku la e kii i kona papale, aka, aole no nae i liuliu kona kaawale ana aku, ua oili mai la oia me ka puahi nui me Elenora e paa ana ma kona alo a i ka wa i kau aku ai ke kamaiki iluna o kona makuahine, ua waiho maule aku la oia.

            Ua lilo keia mau hiohiona i loaa iho la ia Lucy i mea e hoopihoihoi ia ai na poe malaila, a ua lele mai la kekahi poe a lomilomi iho la iaia, a no kekahi manawa loihi ka hoopulu ia ana o kona poo me ka wai akahi no a loaa iaia ka maha, a nana ae la hoi kona mau maka i na poe e nana iho nei me ke pahaohao no keia haawina kupaianaha a lakou i ike iho la.

            I ike manawa i oili mai ai o Stela, ka wahine lawelawe i hoomaopopo ia ai me ia ke kamaiki Elenora i hele aku ai, aka, i ka wa nae i ninau ia aku ai no keia haawina i loohia ai na Lucy, ua hoole mai la oia, aole he mea ana i ike.

            Ma keia wahi i pohala ae ai na Lucy nei, a noho ae la iluna me ka inu ana aku he wahi olopu wai, a wa no i haule aku ai na ninau i ka wahine opio mai na poe e noho ana malaila i ka i ana aku.

            E Lucy e oluolu ana anei oe e hoike mai heaha ka mea nana i hooweliweli mai ia oe?

            He mea ka’u i ike mai nei i like kona ano me kekahi kino wahine, a @ka haalulu ae la kona kino holookoa i ka piha makau.

            Heaha, he ano like anei me ke kino wahine, wahi a ka lehulehu i ninau hou aku ai.

            Ae, aka, he helehelena nae kona i oi loa aku ka weliweli i na mea a pau a’u ike ai.

            Malia paha he hihio wale no kau i ike ai, aka, iloko nae o kou ano hikilele ua lilo ia i mea nou e makau loa ai a holo pupule mai la, wahi a Daniela Hunter.

            Oia io paha ka pololei, aka, ke hilinai nei no nae au aole keia he hihio i halawai iho la me a’u, aka he mea kino no oia e like me a’u nei.

            No ka mea, ia’u i haalele iho nei ia oukou ua hele pu aku la au me Stela e hii ana ia bebe Elenora no kahi a’u i haalele ai i kuu papale, no ke ano kaawale ua noho iho la au malalo o kekahi kumu laau me Elenora, a hookuu hookahi aku la ia Stela e kii aku i kuu papale ma kahi a’u i poina ai.

 

OLELO HOOLAHA.

            Owau o ka mea nona ka inoa malalo iho, ke hoike aku nei au i ke akea i na Luna Haawi Palapala Mare me na Luna Mare, ke hoikeia aku nei ka lohe la lakou, aole e haawi kekahi Luna Haawi Palapala Mare a me Luna Mare paha e noho ana ma Honolulu, a me na wahi @ o keia Paeaina i kuu kaikamahine oia o Kanoe Kaiu me kuu ae ola aku oiai, ua hana ia keia hana me ka holo like ole o na aoao elua.

MRS. NOA KAIU.

Laie, Koolauloa, Iune 7, 1900.