Ke Aloha Aina, Volume VI, Number 24, 16 June 1900 — Page 7

KE ALOHA AINA

            POAONO IUNE 16, 1900            7

 

HE MOOLELO WALOHIA

-:NO KA:-

LEDE ELENORA

Ka Ui Nohea i Hookaawale ia mai ke Alo aku o na Makua.

-:A I OLE:-

Ka Wahine Opio i Auamo i na Koikoi a Kona Makuakane i Hana ai.

 

MOKUNA VII

KA  PO  O  KA  EHAEHA  AOHE  MEA  NANA  O  HOOMAALILI.

  A me kona lima no e puliki paa ana i kana pahi poniaka, kulou iho la oia me ka hookomo aku i kona lima hema, iloko o ka poli o ke kanaka opio me ka malie, a hiki i ka wa i pa aku ai i kona manamana lima ka puuwai o kona keiki.

  Paa malie iho la na manamana o ua Nora nei ma kahi o ka hanu o kana keiki e nape malie ana, me ka hookokoke pu iho i ka maka o kana pahi ma ka puuwai o kana mea aloha, a i keia manawa i naka haalulu ae ai kona mau lima a puana malie ae la me na waimaka e hiolo makawalu ana.

Aole,aole e hiki ia’u ke pahu aku i ka maka o ka’u pahi iloko o kona puuwai, no ka mea, ke kaohi mai nei na lima o na lani ia’u mai ke hooko ana aku i keia hana weliweli.

  A ikeia aku la ua wahine aoo nei i ka hoihoi hou ana iho i ka pahi iloko o kona poli, a moe aku la ma na wawae o kana keiki.  I ka hala hope ana ae o kekahi mau minute loihi, aia hoi, ua lohe ia aku la kekahi leo koele, hamare ma kahi mamao loa.

  Aole he mea e ae i hoomaopopo i keia mau koele ana e lohe ia nei, aka, o ke kanaka kiai wale no e holoholo nei mawaho o ka rumi o ke kanaka poino.  O keia mau leo koele hamare e loheia nei o ke kulu aumoe mai na kamana no ia o ke halepaahao i kauoha ia aku e kukulu i kekahi amana li kanaka a o ua amana li kanaka nei no Wile O’Leary no ia.

  A i ka wa a na kukuna malamalama o ka la e o ae ana maluna o na pae mauka, oia no ka wa i komo mai ai ke kahunapule a haawi iho la i na hualolelo e hooluolu ai i na manao kaumaha o ka makua a me ke keiki, he mau hora keia i piha me ka ehaeha a me ke kaumaha, a ke ike ia aku la hoi ke kanaka po ino e haawi mau ana i ua leo pulo i ka wa e hekau iho ai na haawina o ka luuluu maluna ona.

  A i ka hala hope ana ae o kekahi mau hora ua hoea mai ia ka hora no O’Leary e kinai ia ai kona ola maluna o ka amana li kanaka a ke aloha ole, hoea mai la na poe kakau nupepa, na luna aupuni a me ka lehulehu, i loaa ole he manao aloha iloko o lakou no ke kanaka opio, a hoakoakoa iho la ma kahi o ka amana e ku ana.

  A i keia manawa pu hoi i koma mai ai ka luna paahao me na kiai iloko o ka rumi a ke pio e paa ana me ka alakai aku ia Wile O’Leary no waho o ka rumi paahao, ua hoonikilele ia ae la oia me ka ninau ana aku i na kanaka e lawe nei iaia me ka malie.

  E na keonimana, ua hoea mai la anei ko’u hora e make no ka hewa a’u i hana ole ai?

  Aole he leo i poha mai, aka, ua ikeia aku la nae ke kunou ana mai o ke poo o ka luna paahao.

  Iloko no oia manawa i lalau iho ai oia i ka a-i kona makuahine e uhai ana no ma kona aoao a apo ae la me ka puana ana aku.

  E kuu mama aloha, ano, ua hoea mai ka minute hope no kaua e hui ai, @a hele kohana aku no kela aoao o ka muliwai make.

  Iloko o keia wa i lele aku ai kona makuahine a puili aku la i kana keiki a uwe iho la me ka ehaeha i ka hoomaopopo ana ae, he oiaio keia mau olelo a kona keiki a hoike wai la, a no kekahi mau sekona ko laua puili ana, ua hookaawaleia ae la laua e na kiai.

  A hoomau hou aku la ka huakai no kahi a ka amana e ku ana me ke ana aina kanaka nui e kali pu ana, aole no hoi i haalele iho ua Nora nei i ka ukali ana mahope o ka huakai hope a kana keiki iloko o ka malie a me ka meha.

  He mau nanaina hopo ole ke hekau ana maluna o ke kanaka opio kona wa i ike aku ai @ @ ana  li kanaka a me ke anaina makaikai nui i akoakoa mai. A o kona hilinai ana a pau, aia no ia i na mana lani.

  I keia manawa i hoea aku ai o O’Leary i ka pahu hopu o kana huakai a huli hou ae la a nai a  aku la i kona makuahine aloha, a i kona ike ana ae aole oia i mamao loa mai iaia aku oia koke no ko na wa i lele aku ai a honi hope iho la iaia me ka puana malie ana aku.

  E honi aku i kuu Nele no’u a pela pu hoi me a’u mau lei aloha, no mea, aole au e ike hou aku ana ia lakou, aka, o ko lakou aloha oia ka’u e hiipoi nei iloko o kuu puuwai.

  Ae, e kuu keiki aloha o kou makemake wale no ka’u e hooko ai, a ia wa no i puili hope ai ka makana a me ke keiki a hookuu ae la no ka wa hopo loa, iloko o ua kipona waimaka o ka ehaeha.

  A maanei i huli ae ai ua kanaka opio nei, a pii aku la no luna o ke kahua o ka amana i kukulu ia ai me na kapuai hopo ole a ku mai la imua o ka lehulehu.

  Ua hoao pu aku o Nora a pii no luna o ka amana kahi a kana keiki e  ku ana me ka hiehie e molia ana aku i kona ola e like me ke kauoha a ke kanawai, aka, ua kue ia aku la @e ia e na luna kiai o ke aupuni.

  Mamuli o keia kue ia ana mai ua hiolo iho la kona mau waimaka me ka walaoia o kona puuwai  a me he kui kele la la e houhou ana ia loko ona me ka lehu pu aku hoi o kona mau moka ho kahi a kana keiki e ku ana.

  Ike aku la oia i ke kahunapule a me ua luna aupuni e hoopuni ana i kana Wile, a ia mau sekona no i komo mai, ai na kuko iloko ona, oia hoi, e hoea mai ana he huikala ia no kana mea i aloha ai, aka, ike aku la nae oia i ka ohiia ana iho o ka uhi eleele maluna o ka helehelena o kana keiki, aole no nae i hoopau ae oia i kona mau manaolana no ka palekana.

  A ike hou aku la ua Nora nei i ka lalau ana aku o na lima o ke kahunapule i ka lima o kana Wile a lulu pumehana iho la, a pela pu no hoi me na luna aupuni i ko lakou wa i haalele uku iaia e ku hookahi ana me ke kipa ku kaula e paa ana ma kona a-i, aka, aia no na manaolana ke lalawe la i kona houno no ka hoea mai o ka hoopakele ilo ko o keia wa o ke kupilikii.

  Oiai, no nae oia e nana hoemau ana i kana keiki, ua hoohikilele ia ae la i ka anuu ana iho o kahi a kana Wile e ku ana, a lewa ae la kona pauku kino he wau kapuni maluna ae o ka lepo, a i ko Nora ike ana ae, noho he manaolana i koe a ua lawe aku hoi kona @ nana i hana i ka hapu ola mailoko aku o kona kino, oia no kou a wa i au@ ae @ ai, a haalele mai la ne noonoo ao kanaka i@ nolaila. Holo o keia kulana uluahewa o ke aloha keiki i komo ai oia iloko o ke aluka kanaka e haiamu ana malaila, a nalowale aku la, e naauauwa ana i ke aloha o kana Wile i ke ao a me kapo, e imi ana i kahi e hoomaalili ia ai kona mau ehaeha.

 

KOMO  HUMUHUMU  KUMUKUAI  NUI.

  Eia me ka Moiwahine o Siama kekahi komo humuhumu nani loa a ma ka honua nei, i makana ia aku iaia e ka Moi, ma ka piha makahiki ana mai nei o ko laua mare ana, a nona hoi ka waiwaiio he $65,000.  Aole he kupono o keia komo no ka hoohana, aka, no ka hoonani wale ana no ia, he ano like me ka pua ka nanaina o keia komo, a ma na lihilihi e kau ana na hua kumu o ka Moi, a me ka Moiwahine.  He komo humuhumu gula i okomoia me @ pohaku makamae loa.  A ma kona kae e hoike ana ia i ko laua la i mare ai me na hua palapela i hana ia mailoko mau o ke daimana a me ka momi.

  O ka lilo o na ahahui Beritania i kela a me keia makahiki no ka haawi ana i na aha lealea no na ohana alii ma kahi no ia $2,000,000.

  He nui ua kamaaina i huli hou mai maluna o ka mokuahi G@ a mawaena o lakou o Mrs. Kuaihelani Campbell me na kaikamahine.

  Ua hoao ae kekahi mea e hookomo i kana @ iloko o ka Hale Lela me ke poo lala Hawaii, ma ka Poaha nei, a ua hoole ia mai, no ka mea, ua pau iho la kona waiwai i ka hora 12 o ka po mamua iho.

 

HALEKUAI HOU!

O

KWONG FAT CHAN.

KIHI O NA ALANUI MOI ME NUUANU, MA KA IXL.

MA KA POAHA, MEI 24

He halekuai hou loa keia a ua piha hoi me na waiwai o kela a me keia ano.  Na Kalakoa, Kukaenalo, Lole Aahu, na Kamaa, Kakini a pela aku.

  E wehe pu ia ana he keena humuhumu maloko ona no ka hana ana i na lole wahine, a pela aku.

  E loaa no hoi ma keka keena hou aku na hua ai  Kaleponi a me Hawaii.  E kipa mai a e wae nou iho, he emi loa ke kumukuai o na waiwai.

 

E Wehe Ana ka Halekuai

-:O KA:-

HUI AMERIKA KUAI LOLE

-:MA KA:-

            HEIAU O NA PAIKINI

Poaono, Iune 16, 1900.

  He heluna nui o na waiwai hou, ke waiho ia aku ana no ke kuai, oia hoi, lipine o na ano apau, na lilina, na keokeo, kalakoa, a pela aku.  O keia mau waiwai a pau, e hoolilo ia aku ana no na kumu kuai emi iho malalo o na kumulilo.

    Na Keokeo uhi pakaukau lilina.

    He heluna nui o na Aikala no ka 5 keneta pakahi.

    Na Koloka o na Keiki, Lole ame Paleili.

    Na Paiki o na poe kaahele ma ke kumulilo.

    E kuai aku aku ana makou i na Waiwai Kahiko malalo iho o ke kumulilo.

HUI AMERIKA KUAI LOLE.

HONOLULU , ALANUI  PAPU.