Ke Aloha Aina, Volume VI, Number 24, 16 June 1900 — Page 1

KE ALOHA AINA

 

KOMO O ROBATA I PRETORIA.  PAU NO PUALIKOA BOA I KE AUHEE I NA MAUNA.

Ua Kokoke Mai ka Hopena o ke Kaua--Hopu Piio ia e na Boa he Bataliona Beretania.

            I ka hoea ana mai la oka mokuahi Gaelic mai Kapalakiko mai ma ka po Poalua nei, ua lawe mai la oia ikeia mau hoike hope loa, e pili ana no ke kaua ma Aferika Hema, a oia ka makou e panee aku ei no ka pomaikai o ko makou mau makamaka heluhelu, penei:

            Ladana, Iune 6, 10:25 a. m.  Ua telegara mai nei o Haku Robata i ke Keena Kaua i keia mau hoike.

            Pretoria, Iune 5, hora 5:35 a.m.  O ka lawe ia ana ae o ke taona ua hoea mai ia me ka holopono, ua huki ia na have Beretania maluna o na puoa o na keena aupuni.  Ua halawai na koa me na hookipa pumehana i oi aku mamua o kaʻu i manao ai.  Ua laina @e ka Bataliona Ekolu o na koa Grenadiers ma ke kuea i ka wa i mak@ ae ai na koa.  Mamuli o kekahi mau hana mawaho o ke taona, aole he nui o na koa kaua lio a me na koa helewawae i komo pu aku iloko o keia mau hana hauoli.

            He lehulehu o ko kakou mau alii i hou pio ia mawaena o na poe makaikai.

            Ladana, Iune 5, hora 11:07 p.m.  Ua loaa mai la i ke Keena Kaua keia mau hoike.

            Pretoria, Iune 5, hora 12:55 p.m.  Mamua iho o ka poeleele ana ma ka la inehinei, ua pao aku la na enemi ma na wahi a pau a lakou i paa ai i ka hoemi ia ihope, a ua uhai aku na puali koa o Iau Hamilton a hiki ma kahi he 2,000 i-a mai Pretoria mai.  Ua hoouna ia mai he aliikoa malalo oka hae hoomaha i ke kaua.  e haawi pio mai ana i ke taona malalo o koʻu inoa.

 

HOPU PIO IA HE BATALIONA O NA BERITANIA.

            Ladana, Iune 5.  Ua hoike  mai la ka Haku Robata no ka hopu pio ia ana o kekahi mau puali imperial Yaomanry ma kahi kokoke i Lindley, a penei ua hoike ia.

            Pretoria, Iune 5, 11:55 p.m.  Ua kaumaha au i ka hoike au ua haawi pio aku ka Imperial Yeomanry Umikumamakolu i kekahi puali nui hewahewa o na Boa ma ka la 31 o Mei, ma kahi kokoke i Lindley.  I ka loaa ana mai o ka lohe iaʻu, no ko lakou lele kaua i a ana, ua kauoha aku la au ia Methuen e hele aku me ka mama nui no ka haawi ana i @a kokua.

            E maki ana o Methuen ma ka aoao o Kr@stadt he hapalua hora mahope o ka ioaa ana aku o kaʻu mau telegarapa ma ka la 1 o Iune, ua hala aku la oia me kona mau kanaka.   Ma ka hora 10 o kekahi la ae, ua maki ia e lakou he 44 mile iloko o 25 hora aka, ua lohi loa nae ia no ka hoopakele ana i na koa Yeomanry o Konela Spragge.

            Ua lele kaua aku o Methuen maluna o na Boa, mawaena @e 2,000 a me 3,000, a mahope e elima hora @ ka hakaka uha@holo ana, ua auhee @ aku la na enemi.

            He mau hiohiona kaumaha keia, aka, he manao io koʻu aole @ e loihi loa a hoea mai no ka manawa e hoopakele ia ai ua I@ Yeomaury mai ka noho pio aka.

           

            E MAHUKA ANA MALUNA O KA MOKUKAUA.

            Lourenzo Marques, Iune 4.  Ua hoomaopopo ia aia he mau nee nui ana o na pualikoa Beritania mawaho aku o Pretoria.  O ka nee malu ana o ke kakauolelo a me ke kauka o Peresidana Krueger, a me ko laua kipa ana aku maluna o ka mokukaua Dutch F@es@, e ku nei maloko o ke awa, ua hoalamai la i @a maha@ hoohuai, a ua malino ia no ko Krueger @ aku no ia maluna on a.

 

            UA PAU MUA NAMUA I KA NAHUKA.

            Ladana, Iune 6.  Ua halamua aku o Kenerale Botha a me kona mau kanaka.  O keia ua hoike i loaa mai a Haku Robata mai, aka, ua manaoia no nae, aole e hiki ia ke pakela me ka hakaka ole me ua Beritiania ua hoike mai nei o Bennett Burleigh, mai Johannesburg, e olelo ana, ua lawa pu aka o Peresidena Krueger me la he @2,000,000 me ke kuiki i Middleburg.

 

KE KULANA MA KINA

E ALA MAI ANA NA PAKE E KUE I NA LAHUI E.

Poha ke Kaua ma Kahi Kokoke i Pekina--Hoolele hou ia na koa Amerika.

            Wasinetona, Iune 5.  Ua hoea mai la ke kulana o Kina iloko o @a hookahe koko weliweli ana, e like ke ka hoike a Kuhina Couger ma Pekina a me Rear Adimarala Kemptt ma Taku.  Ua telegarapa mai nei o Kempff i ke keena kaua moana i keia auina la.  "Ua hoomake ke kaua.  He 50 mau luina i hoolele hou ia me kekahi bataliona hou o na koa marina,"  Ua kauoha hou aku la oia i mokukaua a me hookahi bataliona koa marina.  I keia kakahiaka ua loaa mai la ia Kuhina @ay he hoike mai a Conger mai, e olelo mai, e olelo mai ana, aia ke kullana malaila iloko e ke kupilikii, aia ke hoao ia na poe Pake kipi (Boxers), e lele maluna o ke kulanakauhale.  Aole he maopopo loa o na hoike a Adimarala Kempff i na puali i komo aku iloko o ka hoouka kaua..

 

HOOUNA O @ I NA KOA.

            Ladana, Iune 6.  Ua loaa mai la i ka Daily Express he hoike mai Sanahai mai, no ka Poalua iho nei, e olelo ana.

            Ua haawi ia aku la ke kauoha i na puali Rusia ma P@ta Ata no kekahi wahi kokoke ma Pekina no ka hookau ana aku i ka hoopai maluna o na Pake (Boxers) no ka make ana he elua o kona mau koa a me elua i hoehaia.

           

            KUPILIKII @ KULANA MA @ @

            Ladana, Iune 6.  He @ kai loaa mai la i ka Daily Mail mai Tien T@ mai, no ka la 1 o Iune, e olelo ana.  He kupilikii loa ke kulana.  Eia na boxers ke nee mai nei ma na wali a pau no Tien T@.

            O ka mea kakau o ka Daily Mail ma Sanahai, ua telegarapa mai oia ma ka la inehinei e olelo ana aia na Pake ma kahi he ekolu mile mai Tien Ts@ aku.  Maka pakui pu ana aku i na koa marina he pualikoa kokua kekahi malalo o ke alakai ana a Mekia Higgs, o ka regimana Sixteenth Lances mamua.  Eia ke taona na lako i @a mea kana.

            Tien Tsin Iune 6.  Ua hala ka po nei me ka maluhi, aka, eia no nae o Tien Tsin iloko o ke kulana pioo i keia kakahiaka.  Ma kahi he 200 pualikoa i manaoia e hoea mai ana i anei i keia la.

            Sanahai, Iune 4.  Ua olelo ae ka mea kakau o ka Sanahai Gazette, ua loaa iaia he mau hoike oiaio ia ana mai, ua haawi aku la ka Emepera Wahine Kanemake he kauoha ia Tsu@ no ka halawai ana aku me Europa mamua o ke kue ana aku i na hoonee ana a na boxers ma kekahi wahi ua hoike ae oia, ua kauoha aku la ke kiaaina i na pualikoa e kue aku i ka hoolele hou ia ana aku o na koa mailuna mai o na mokukaua o na aina e.  I wahi e loaa ole ai he mau kokua ana i na pualikoa o na aina e @ hakaka la ma kahi kokoke i Pekina.

            Sanahai, Iune 6.  O a poe i pepehi ai i na misionari Enelani Robinson a me Norman, ua hana aku lakou i ua hana hoomai@ maluna o ko laua mau kino.  O @ hoolulu ma Yen Jin, he ekolu mile mai Pekina aku, ua pau ia i ke ahi.

 

@ @ AWIWI.

            Piladelapia, Iune 6.  Malalo o ke kauoha mai ke Keena Kaua Moana mai, oia na moku@ M@ a me Indiana ke hoomakaukau nei no ka holo ana ma kekahi huakai moana.  Aole he maopopo no kahi o keia mau moku e holo aku ai, aka, o ke kauoha wale no i loaa mai ia Kapena  C@ e hoomakaukau a hoouna aku ia laua me ka awiwi mai no H@ Road, a nolaila e kali ai no na kauoha hope.

 

E @ #### @ @