Ke Aloha Aina, Volume VI, Number 23, 9 Iune 1900 — Page 5

KE ALOHA AINA

 

KA PIOO MA KINA

AIA NA KIPI KE HOAKOAKOA LALMA PEKINA.

            Hooleleia na Paulikoa o na Mokukaua no ke Kiai ana i ka Pono o ko Lakou Lahui.

            Ladana, Mai 30:  Ua loaa mai la ike Daily Express keia mau hoike malalo iho no ka Poalua nei

            O na hana kipi eia ke pii mahuahua mau ae nei, a eia ke hopohopo ia nei e palahalaha loa aku ana.  Aia na luna aupuni o na aina e ma Pekina ke hopohopo la no kekahi luku weliweli maloko o ke kapitala, a ua hooholo iho la no ka lawe ana mai i na koa kiai i ko lakou mau keena kanikela.

            Eia na kipi ke hoakoakoa nei mawaho o Pekina, a o ko lakou heluna i hoike ia mai he nui hewahewa loa, a he nui na kokua e hoea mau mai la no lakoiu mai ka akau mai,

            On a koa aupuni i hoounaia aku ai no ka kipoka ana aku i na kipi, ua hiki ole ia lakou ke pale aku i ka heluna nui hewahewa o na enemi.  He mau haneri i make a he elua pukuniahi a he lehelehu wale o na pu ra2fela i @opu pio ia e ka enemi, a o ke koena iho o na koa ua huipu aku lakou me na kipi.

            Ua manaoia aia me keia poe kipi (Boxers) ka pualikoa holookoa o Manichuria i hilinai ai no ke keu ana aku i na poe malihini me ke kanalua ole ia na ka Emeperawahine a me ke Keikialii Ching keia mau hana.

            Aia ke ola o na misionari iloko o ke kulana popilikia, koe wale no ka hoea koke ana mai o na kokua.

            Tien Tsin, Mei 30.  He 100 koa pakahi o @a Amerika, Beritania, Iapana, Italia, Rusia, a me Farani i kauoha ia aku la no ke kiai ana i ko lakou mau Keena Kanikela ma Pekina, aka, o ke kiaaina maanei, aole oia i ae aku ia lakou no ka holo ana aku maluna o na kaaahi mai anei aku no Pekina me ka loaa ole o ka ae ia ana mai ke aupuni mai.  He 108 koa Amerika i lele aku la i uka o ka aina ma ka pon nei, a ua apo ia mai lakou me ka pumehana e na poe e noho ana malaila  He elima mau mokukaua Rusia i hoea ae la ma Taku a me hookahi mokykaua Beritania, aia na koa Beritania ke hooleleia la i uka, o ka aina, a he wa hoea wale aku no hoi no na moku e ae.

            He ekolu tausani koa Pake i manaoia e hoea mai ana i keia la e hele ana no Fang Tan.

            Eia ke manao wale ia nei e pau mua aku ana na kipi Boxers i ke auhee mamua o ka hiki ana i na koa o na mokukaua ke hoohanaia aku.

 

HE HALE PAUAHI.

            Ua hoopuiwaia ae ke kulanakauhale nei, i ka wa i kani ai o ke oeoe hoailona pauahi, ma ka hora 9 o ka po Poalua nei, e hoike mai ana aia he ahe mawaho o Kewalo, ua puka koke ae na mea a pau iwaho a ike aku la i ka wena mai o ke ahi iluna o na paia lewa e hoike mai ana he pauahi nui ia.

            Ua holo koke aku na kaa kinaiahi no laila me ka manao ana e hoopakele ae i ka hale poino, aka mamuli nae o ka nele i ka wai ua hiki ole ia lakou ke haawi aku i na kokua a hiki ika wa i lilo ai i puu lehu.

            He ohana pukiki ka mea e noho anama keia hale a ua hele aku na makua no kekahi wahi okoa me ka haalele iho i na keiki i ka hale.  O ke kumu i hoea

mai ai o keia ulia poino, mamuli no ia o ka a ia ana o ka paku e kekahi ihoiho kukui e kau ana maluna o ke kuahu, a oiai, he mau keiki opio loa keia i haalele ia iho ua hiki ole ia lana ke hoopio i ke ahi, aka, ua pakele mai ko laua ola.

 

            NA MAKE O HONOLULU NEI.

            Ua hoopuka ae nei ka agena o ka Papa Ola, o ka nui o @a make o ke kulanakauhale nei no ka mahina aku la o Mei, 1900, he 91, a penei hoi ka mahelehele ia ana o @a make mawaena o na lahui like ole; Hawaii 46, Pake 9, Pukiki 8, Iapana 15, Beritania 4, Amerika 2, na lahui e ae 7.  He 52 oloko o keia heluna he kane, a he 39 wahine.  Aloha no kakou e an@i ikaika ia nei e ka make.

           

            Eia ke pii mau ae nei ka oluolu o ke kanaka i muumuu ai ka lima i ke kiana pauda mawaho o Waikiki e waiho nei malolo o ka haukipila.

            Eia ke manaoia nei e kahea ana o Peresidena Dole i Kau Ahaolelo Kuikawa, mahope o kona lawe ana ae i kona keena kiaaina no keia mau paemoku.

            E haalele iho ana ke Kinau ma ke awakea Poakahi o ka la 2 o Iulai no Hilo, no ka lawe ana aku i na poe o Honolulu nei e makemake ana e ike i na lealea heihei e malama ia  @ malaila, a i ua he mau ohua kekahi e koe iho ana e lawe aku ana ke Kala@dina ia lakou no ia awa, e haalele iho ana i anei ma ka hora 5 o ia auina la, e hoea loa aku, i Hilo i ke kakahiaka nui o ka la 4.

 

            UA KOKOKE LOA AKU LA.  O HAKU ROBATA IʻJOHANNESBURG.

Ke Hopohopo ia o Kreuger o Laweia e Hoopaa ma ka Mokupuni St. Helena.

            I ka hoea ana mai la o ka mokuahi Aukekulia i keia kakahiaka Poakolu, ua lawe hou mai la oia he mau lono makamaka hou loa, a no ka pomaikai o ke KE ALOHA AINA poe heluhelu, ke hoopuka awiwi aku nei makou, penei:

            Ladana, Mei 30, hora 3:30 a.m.  Aia o Haku Robata me kona mau puali ke hoomoana la mawaho iho o Johannesburg, me ka manao ana e komo lanakila aku iloko on a i keia awakea.  Ma ka hakilo ana iho i kana mau hoike e pili ana i ke ku ana mai o na pakaua, ua hoomaopopo ia he manaoio kona aole he mau kue e hana ia mai ana.

            On a puali kaua lio o Haku Robata ua hala aku ia mao aku o Johannesburg.  He mahele o lakou i hoomaopopo ia ua hiki aku la i Kuarfontein, he ehiki mile ma ka akau aku o Johannesburg, a he iwakalua mile mai Pretoria.  O Haku Robata me kekahi uwapo i hoopoino ia ma Vereenging a me ke alahao i hoopoino ia mahope ona, ma kekahi ano no nae ua hiki iaia ke hoolako i kona puali nui hewahewa.

            A oiai, he nui kana au hana e lawelawe nei, ua manao ia no nae e hoea au aa oia mawaho o Pretoria ma ka Poalima ae nei  O kona nee ana me ka puahi nui, ua manao ia oia ke kumu i loaa ai iaia keia mau hoonee holopono ana.

            O na Boa i manaoia e lele kaua mai ana mailuna mai o na puu, i ikeia o Klip Riversberg, ua haalele aku lakou i ko lakou kulana ma ka hikina ma kahi a Haku Robata e nee mai ana, a nee aku la no Vanw@ Roost, a malaila i halawai aku ai lakou me Kenerala French, ua hoomau ia ke kaua ia la holookoa.  A ua manao ia aia na Boa ke hookaawale la ia French mai ka hookokoke ana, a i keia wa aia ma na puu ma ka hikuia aku o Johannesburg.

            Ma na lono i loaa mai la mai Lourenzo Marquez ma ka la inehinei, e hoike mai ana, aia o Peresidena Krueger he naka haalulu @a, a ua noi aku aole oia e kipaku ia no ka wa mau loa ma ka mokupuni St. Helena.

            Aia na Boa ke hoomau la i ka mahuka ana mai ko lakou mau puali aku, a ua manaoia, ua kokoke mai ka wa e nahana ai ka oihana kaua o na Boa.

 

KA HAKU ROBATA HOIKE.

            Ladana, Mei 29.  O keia malalo iho nei @a hoike mai a Haku Robata mai.

            G@ranst@n, Mei 29, hora 6:30 p.m.  Ua hoea mai la makou i anei me ka nui ole o na kue ia ana mai.  Aole he nui o na poino i ikeia iwaena o ke kolamu koa holookoa, a pela pu me na koa kaua lio.  Aole i manao na enemi e hoea koke mai ana makou a hiki i ka la apopo, a nolaila, @lakou i lawe aku i ko lakou mau lako  Ua lawe ae lal makou i kahi e hoohui ia nei o Johannesburg me Nat@, Pretoria a me Klerksdoro ma ke alahao.

            Ua hoike ia mai he maluhia o Johannesburg, a aole hoi he lua maina  i hoopoino ia.

            E kauoha aku ana i ke alakai nui malaila ma ke kakahiaka, a i a aole he mau kue ana mai, e komo aku ana a@ me ka pualikoa holookoa iloko o ke kulanakauhale ma ke awakea la apopo.

 

KE KULANA MA MANILA

            Manila Mei 29. Oiai o Mekia Henry T. Allen o ka regimana 43 e hakilo ana i na enemi ma Cat@gan, mokupuni o Samar, ma ka la 9, ua kipaku mai la oia he puali o na enemi.  He ehamau Amerika i make, a mawaena o lakou o Lutanela John H. Evans@ i kona wa e alakai ana i kona puali no ka auwaha o na Pilipine.  He umikumamakahi mau Pelipine i make a me eha i hoeha ia.

 

UA LOAA MAI, HE HELUNA….O NA….

            Pena a me na Aila Pena, Nu Hulu Pena, Na kapuahi Aila, Na Kapuahi Fisher, (ua hoemiia ke kumukuai) Na Paluu na ano apau, Na Lako Mahiai, Ho, Oo Kopaia, Kipikua, Na Bakeke o na like ole, Na Ipuhao, Ipu Ti, Na Lako Aniani

            E loaa mai ana he mau waiwai  @ maluna o ka mokuahi Auseteralia.  Nolaila, e kipa mai, a e wae no oukou iho, he emi loa ka makou mau kumukuai.  Hawaiian Hardware Co. Ld. ( HUI LAKO HAO HAWAII I KAUPALENAIA).  Alanui Papa, ma ka Banako o Spreekela.

 

NA LAKO GULA HOU LOA

            I hoea mai nei maluna o na mokuahi mai Kapalakiko mai.

            Ma koʻu Halekuai, malaila e hana ia ai na Pine, Komo, Kupee Lima Uwati, a pela aku.  H. C. Biart. Alanui Papu, Helu 404@.

 

OLELO HOOLAHA

            Owau o ka mea nona ka inoa malalo iho nei, ke papa loa aku nei au i na mea a pau mai hoale mai oukou i kuu wahine mare ia Mrs. Kaulia Koa, no ka mea, ua haalele mai oia i ko maua wahi moe.  Ua kii aku au iaia, a ua hoole loa mai oia.  Nolaila, ina hoolohe ole oukou maluna iho no o oukou ko oukou poho.  Owau no me ka oiaio, Koa KAWIKA, Honokohau, Maui, Mei 4, 1900.