Ke Aloha Aina, Volume VI, Number 22, 2 June 1900 — Page 6

KE ALOHA AINA

POAONO, IUNE 2, 1900

 

HE KAAO KAILI PUUWAI NO KA UI MINEWA A ME NA

Kaikunane Eiwa

I Hooliloia i mau Manu Nene Ahiu a i ole na Keiki i Hoehaehaia

______________________________

Kakauia no KE ALOHA AINA.

        I keia manawa i oili aku ai ka elemakule me kona hoaloha opio no waho o ke kakela, oia koke no ka wa i lalau iho ai o Lolita i kona mau kamaa hila ole ma kona mau wawae ae a pane iho la me ka leo nui.

        E na kamaa kupua o Sibone, a i ole na kiai naue ole o Toledo nei e hoolilo ae ia olua i mau kino lio i hiki koke aku ai kakou i ka pahu hopu o ka kakou huakai. E hoolohe mai he huakai keia i piha me ka ehaeha, aka, no ka pomaikai o keia kanaka opio e ae ana anei olua e mauna i ko olua ola.

        I keia wa no i ike ia aku ai ua mau kamaa nei i ka lelele ana ae, me he mea la, e hoike okoa mai ana no ua piha laua i ka hauoli i ka hooko ana aku i ka makemake o ko laua haku no ka pono o ke kanaka opio, a lohe ia aku la he mau leo i ka hooho ana mailoko mai o ua mau kamaa nei.

        E ola, e ola oe e Lolital ko makou haku aloha, o kou makemake oia wale no ka makou e hooko aku ai ina no ke ola a make paha, aole loa ia he mea no maua e hoi hope, no ka pomaikai o ke kanaka ui a maua e ike nei.

        I ka hookuu ana iho o keia mau leo hooho oia koke no ka wa i nalo aku ai mau kamaa la, a ma ko laua wahi i ikeia ai i na sekona mamua aia hoi, ua ike ia aku he elua mau lio eleele e ku ana me na lako holo lio e kau ana maluna o ko laua hokua.

        A i ka ike ana mai o ua mau lio nei i ko laua haku a me ke kanaka kanaka oia koke no ka wa i kani kapalulu ae ai ka puka ihu o ua mau lio nei me ka lapuu ana o ko laua huelo, a haawi ae la i na peku mahanahana nana i hoonaueue ae ia Toledo me he wahi apana pepa la me ka hoopi'i pu aku hoi i ka hanu o na mea ola a pau.

        A no kekahi manawa loihi keia kupaka ino ana o na lio, ua akakuu mai la ko laua piena ikaika ana, ua huli mai la o Lolita a pane mai la.

        Ano, ua makaukau keia mau lio e ka lawe ana aku ia kaua ma keia huakai imi wahine e kau ae e kuu hoaloha opio maluna o kekahi o keia mau lio a hele aku kaua.

        A @@ @@@ @@@@ e like me ka makemake o ke kanaka aoo, pela @@ Boliona i hooko aku ai a i ke kau pono ana aku o ua mau eueu nei oili pulelo aku ai ua mau lio nei me he @@@@@@@@@ i oili aku mai @@ @@@@@@kanaka pana pua.

        He @ina he po@a ana no na kapuai o ua mau lio nei iluna o ka home o Lolita, aia hoi, kaalo ae la ua mau lio nei i na lae kahakai o ka mokupuni o ko laua haku ano, a i keia wa pu no i ike iho ai o Boliona i ka maalo ana ae a nalo aku la me ka hikiwawe nui kona wahi waapa, no ia mea i hookulu iho i kona mau waimaka no ka piha aloha i kona hoa aukai, a oia kana i puana ae ai.

        E ka@i malie iho e kuu hoa @@kai a hoi mai au me ka lanakila, aka, i hoi hou ole mai  nae au e hoomanao iho ua make au, a o ke ala no kena imi hou ku i kahu n@u.

        Ua like na ohuku ale i na lio ka mahao me he mau aina pua, a no kekahi mau minute @ @@@ keia kuupau ana o ua mau lio nei i ko laua mama holo, ua hiki hoi ke lohe ia ke pohapoha o ko laua mau kapuai no kekahi mau haneri mile ka mamo, aia hoi, ua hoohikilele ia ae la laua i ka ike ana aku i kekahi malamalama ula i like me ke koko i ka owaka ana mailuna mai o ke ao@li ma kahi kaawale loa mai a laua aku, a oia ka ke kanaka opio i ninau aku ai i kona hoaloha i ka i ana aku.

        E Lolita, kuu hoaloha hoomanawanui, he malamalama kupanaha ka'u e ike nei aia la iluna o ka paia lani.

        Aohe mea e ae nona kela malamalama au e ike aku la, aka, no kaua no ia, a ke ole au e kuhihewa ua ike ia mai la kauka a i ole ua lohe ia mai la paha ke pohapoha paha o ke kapuai o ko kaua mau lio e kela wahi pinao lapuwale.

        Aka, i mea nae e pau ai ko kaua pohihihi e nana ae au maloko o ka ohenana no keia mea kupaianaha. I keia wa no i hapai ae ai ke kanaka aoo i kana ohenana a hoolei pono aku la i kahi o ka malamalama a laua ike nei, a no kekahi manawa pokole kona kila ana aku me ke akahele, aia hoi, ua lohe ia aku la oia i ka pane ana mai.

        Ke ike nei au e kuu hoaloha ua  ke ia kau, oiai, ke @k@ maopopo aku la au i ka lele kaapuni o kahi pinao a ka luahine kilokilo Ronio me ka ikaika me kona mau maka e haka pono mai ana ma ko kaua alahele, a ke luli mau la kona poo me he mea la, e hoike okoa mai ana no @a ahuwale kaua i kona mau onohi ike.

        Aia ka mokupuni iloko o ka enaena o ka luai pele, a aia na alelo ana ole o ke ahi ke holapu la hoi maluna o ka mokupuni, a no ka ikaika loa o ka a ana o ke ahi ua hiki aku ko lakou wena iluna o na aouli, oia hoi, keia malamalama a kaua e ike aku nei.

        Na keia mau olelo a kona hoaloha aoo i hoopau ae i ko Boliona mau manao pahaohao a laua e ike nei, a oia hoi kana i huli ae ai a ninau aku la ia Lolita me ka pihoihoi nui.

        He manaoio anei kou e komo ana @@@@@@@@@@@@@ p@ni @@ ka laelae me ka halawai ole me kekahi ulia poino?

        E halawai ana no kaua me na poino e kuu hoaloha opio, no ka mea, ke ike maopopo aku la au he haiki loa ke ala no kaua e komo aku ai a ua paa hoi i ke kiai ia.

        Nolaila, ma keia wahi mamua o ko kaua hookokoke loa ana aku i kela mau mokupuni e hoike mai i kou manao io maoli, pehea e huli hou anei kaua ihope, a i ole e hele aku anei kaua e komo poo iloko o na poino he nui e alai mai nei mamua o ko kaua alahele.

        E kuu hoaloha Lolita ke hoike aku nei no au ia oe me ka oiaio, ua paa ko'u manao no ka hele aku imua no ke ola a make paha e hooko i ko'u inaina maluna o ka aeahaukae nana i wawahi i na p@@a laahia o ka'u aloha.

__________________________________________________

       

HE KUAI HOOPAU NUI LOA.

MAHI O

K ISOSHIMA

Helu 10     Alanui Moi

NO ELUA PULE WALE NO.

MAI MEI 26 A HIKI IUNE 11.

E Hoolilo ia ana na WAIWAI a pau o ko makou Halekuai na LOLE AAHU o na Kane me na PAPALE o na ano like ole.

E Hele Koke Mai o Nele Auanei.

K. ISOSHIMA.

Honolulu, Alanui Moi.

________________________________________________________

Nuhou Kuloko.

________

        Eia ke kukuluia mai nei he lanai hulahula nui ma Waikiki iho o ka Hale Mana Hooko no ka po o ka la 14 o Iune ae nei.

 

        I keia Poalima i hookuuia mai ai kekahi mau keiki kula o Kamehameha a ma keia pule aku e hemo pau loa mai ai na keiki.

 

        Ma keia kakahiaka Poalima i hoomaka ia ai ka helu kanaka o keia kulanakauhale he 107 poe i hoomaka akuk la i ka hana helu kanaka maloko o keia kulanakauhale.

 

        Ua powa malu ia kekahi haole nona ka inoa o John O'D@ll ma ke alanui Kaahumana ma ka po Poalima nei, ua hoike ae oia aole oia i maopopo i kona mea nana i hoeha oiai, mahope ona i lele ia mai ai, aka, @@@nao no nae oia na kona mau enemi ko kela mau hana lapuwale.

 

        E lawe nui i KE ALOHA AINA i ike mau i na nuhou like ole.

       

        Ua hoole aela na kauka aupuni aole ka he ma'i bubonika ko Alex. Chisholm i make ai, aka, mahope nae o ke puhi ia ana aku la o ke kino oia haole i ke ahi.

 

        Ua hookau aku la o Lunakanawai Stanley i kana hoopai maluna o William Ester, he 20 makahiki hoopaahao. O keia ka paele i hou ai Toyo Jackson i ka pahi.

 

        Ua kohoia aku la ke kapena makai mua o Olaa, Puna, i hope makai nui no Kau, a o ko Kau hope makai nui, ua lawe ae loa oia i ke kuk ana hope makai ma Kona Hema ma kahi o L zaro.

       

        Aole he aha puhiohe e haawiia e ka bana aupuni mawaho o Maki Ailana ma ka auina la La Pule ae nei, oiai, he la nui ia no na Pukiki e paani ana ka bana ma ka luakini Katolika.

 

        Ua hoopilihua ia ae ka noonoo a ka lehulehu i ka lohe ana mai, ua puhi i aku la ke kino make o kekahi haole i ke ahi, aka, ua hoopau ia akku nae keia mau haawina kaumaha i ka lohe ia ana mai a ole kona he bubonika.

 

        Ma ka la 5 o Iune ae nei e haalele iho ai ka hui keaka paele ia Honolulu nei no Kapalakiko i na @@@ aole he mau keakea e ikeia ana @@ a ko lakou hihia koi poho e @@@ ke ia nei.

 

        O ka P@@ina o ka Poalua ae nei ka moku i manao ia ai, @ @@@ mai ai ua hoike oiaio no ka hoi mai o ka Moiwahine Liliuokalani maluna o ka mokuahi Auseteralia, a he hookahi la mahope iho o ka haalele ana aku o ka Peki@@ ia Kapalakiko e kau mai ai ka huakai alii ma ka Auseteralia. O ka makou e noi nei i na Mana Lani e haawi mai oia i na Mai makaala ana i ke Alii a hiki i ka pae m@@@@ ana mai i ka aina nei.