Ke Aloha Aina, Volume VI, Number 20, 19 May 1900 — Page 6

KE ALOHA AINA

 

8 KE ALOHA AINA, POAONO, MEI 19, 1900.

 

HE MOOLELO WALOHIA

-:NO KA :-

LEDE ELENORA

Ka Ui Nohea i Hookaawale ia mai ke Alo aku o na Makua.

-:A I OLE:-

Ka Wahine Opio i Auamo i na Koikoi a Kona Makuakane i Hana ai.

 

MOKUNA VII.

KA PO O KA EHAEHA AOHE MEA NANA E HOOMAALILI.

            Owai kau e kapa mai nei o lakou, e kuu keiki, ka poe hoi e upu nei e laweia kou ola?

            O ka poe i kue aku la i ka haawi ana mai o ke kiaaina i na huikala ana no'u.

            Aole he manao kue kekahi ilolo o na kanaka nou, aka, ua hoopiha ia ko lakou puuwai me ke aloha a me ka minamina nou.

            Nolaila, wahi a ke kahunapule i hoomau hou mai ai, e hoopoina i kou mau noonoo kaumaha no keia ao pau wale, a e haliu aku kou mau maka no kela ao nani ma o, kahi hoi aole he mau ehaeha au e auamo hou ana, a he wahi maha mau no kakou a pau e hele aku ai.

            O aka, aole nae au i hana hewa. A e make ana anei au me ka hewa ole?

            E kuu keiki aole ia o ka'u hana i hele mai nei, aka, o ka uwalo wale aku no ia oe e waiho aku i kou mau luuluu i ka mea nana oe i hana.

            E kuu makua pehea e hiki ai ia'u ke hoomaopopo ae, oiai, ua like keia me kekahi poka koikoi i haule iho maluna o kuu puuwai me ka hiki ole ke hookaawale aku. He weliweli a he manene maoli no keia hoopai.

            Mai hoopiha i kou puuwai i ke ahi a ka inaina no kou mau hoaloha i hana hewa mai ia oe. Aka, e hoohalike ia oe iho e like me ka Hoola, iloko o kona mau hooehaeha ia ana maluna o ke kea, ua huikala mai nei no oia i kona poe nana oia i hoomainoino aku me ka olelo ae: "E kuu makua e aloha iho ia lakou nei, no ka mea, aole lakou i ike i ka lakou mea e hana nei." O ke Keiki hala ole a ke Akua, iloko o kona mau hora o ka ehaeha ua huikala aku no oia i na poe i hana ino mai iaia, nolaila, aole mai oe e huikala aku i na manao kuhihewa o kou mau lunakanawai, no ka mea, aole lakou i ike i ka lakou mea e hauanei.

            E heluhelu aku au ia oe i mau pauku baibala o na la hope o ke ola ana o Karisto, wahi a ke kahunapule me ka lala i ana aku i kekahi buke baibala e waiho ana iluna o ka papakaukau.

            Hele mai la oia a @ iho ia ma ka aoao o O'Leary me ka heluhelu ana mai ka mokuna 21 o Mataio pauku 36 me ke akahe e i ka noi nui o na ehaeha i halawai me Karisto ma ke kihapai o Getesamane, kona hopu ia ana, hookolokolo ia ana, a me kona kau ia ana maluna o ke kea.

            I ka hooku ana iho o ke kahunapule i ka heluhelu ana i ka pauku baibala, ua hopu aku la oia ma ka lima o ke kanaka paahao, a huki iho la iaia no ke kukuli ana a ia wa i haawi aku ai ke kahunapule i na leo kahoahoa no ka ho pakele ana i ke ola o ka lawe hala. A no kekahi manawa loihi kona pule ana, me ke noi ikaika ana i ka Mana Lani e haawi mai i na manao aloha no ka mea poino, ua hookuu ae la oia i kona leo pule me ke ku ana ae iluna, aia hoi, ua loaa mai la na manao maha i ka puuwai o ka mea i hoehaehaia.

            I keia wa no i hele aku ai ke kahunapule a kahea aku la i ke kiai no ka wehe ana mai ka puka mahope o kona hoohala ana he aneane hapalua hora me kona hoaloha poino, e haawi ana hoi i na olelo hoolana, ka pule a me na heluhelu ana i kekahi mau mokuna o ka buke nui.

            I ka hamama ana mai o ka puka o ua rumi paahao nei, ua huli ae la oia a hoi aku la no kahi a ke kanaka onio e waiho ana iluna o kona punee me na manaolana poho no kona lanakila.

            A me ka leo malie puana iho la na Guderika nei. E kuu keiki e kii aku ana au i kou makuahine a me kau wahine i keia wa ano. Aia laua ke kali mai la ma ka rumi o paahao, a he manao ko'u e hiki ana no ia oe ke malama nou iho. A i kou wa e hoopiha loa ia ai ai me ke kaumaha e noi aku i na kokua ana mailuna mai.

            E kuu makua mai hopohopo no'u, no ka mea, e hoao no au e ku paa ma o ke kokua ana mai o na Lani.

            Lalau iho la na kahunapule nei i ka lima o ke pio a lulu pumehana iho la, a ia wa no i puka aku oia no waho o ka rumi paahao a kamoe aku la no ka rumi a na wahine e kali mai ana.

            Me na kapuai wawae kaumaha i komo aku ai ua kahunapule nei, a i ka ike ana o Nora iaia nei e komo aku, aia, holo mai la oia me na waimaka e kiheahea ana ma kona mau papalina a hopu mai la i na lima o ke kahunapule me ka puuwai i hoopaia iaia me ka luuluu a ninau mai la.

            E ka makua ua hoike aku la anei oe i na mea a pau iaia?

            Ae, e kuu kaikawahine, a aia oia ke auamo la me na manao Karistiano iloko ona.

            Nolaila, ua makaukau oia e halawai mai. E hahai mai mahope o'u e kuu kaikamahine no kahi a kau mea aloha e kali mai la ia oe, wahi a Guderika a panai aku ai me ka leo malie.

            Ia wa no i holo ae ae ai o Guderika a puka aku la iwaho me ka ukahli koke ana aku o na wahine mahope ona, mahope hoi o ko laua holoi ana ae i na waimaka e hoopulu ana i ko laua mau papalina.

            Me na kapuai mama komo aku la lakou no lako o ka rumi a ke pio e noho ana, aka, aole nae oia ike mai ia lakou nei, oiai, oia e kukuli ana ma ka aoao o kona moe me ka haawina ana aku i na leo pule no ka hookaawale ana ae i alahele nona e pae aku ai ma kela aoao o ka muliwai make, i ka wa e hele kohana aku ai kona uhane, a e haawi pu mai hoi i na kokua ana i ka ohana makua ole.

            No kekahi mau minute loihi keia pule ana o ua opio nei me na waimaka e hiolo makawalu ana no ke aloha i ka ohana ana e haalele iho ana mahope, a me ka weliweli o ka hoopai ana e auamo aku ana, a me ke noi ana i na mana lani e hookaawale ia i wahi nona iloko o ka parediso nani, ua hooki ae la oia i kana hua pule a ku ae la iluna me ka holoi ana i kona mau waimaka e huai mai ana mai kona mau lihilihi mai.

 

UA HALA-UA NALO.        

            Ma ka po o ka la 7 o Mei, A.D. 1900, ua haalele mai la o Mrs. Mary Ahia Naone i keia ola ana, a mau aku la i ke ala hoi ole mai.-Auwe? Aloha ka makua ka hoapili, ka makua pumehana o ke kino, nana no i kukulu, a nana no i wawahi, nana no i haawi mai, a nana no i lawe aku, e mahalo ia kou lokomaikai e "Kupaianaha."

            Ua hanau ia oia ma Kema'u, Hamakua, Hawaii, mai ka puhaka mai o Abela Kapule a me Pailili na makua, i Iune 11, A.D. 1842, a hala aku la, ua piha iaia na makahiki he 57 me na mahina keu, he Karistiano oiaio, he makuahine heahea, he oluolu, he hookipa, a he puuwai hamama, ua haalele mai i kana moopuna a me kona koolua e hoomanao aku i ka lokomaikai a me ke aloha o ke Akua oiaio hookahi. Amene.

            J.K. NAONE.

            Kalaekao, Kaalaaluna, Mei 15, 1900.

 

            He papi kuhikuhi hou ko ka Orpheum e keaka mai nei i keia mau po malalo o ke kokua ana a ka hui keaka paele.

            Ua haawi ia aku la na laikini kuai waiona mama ia H.C. Norton o Waianae a me Chas. David o Waialua, ma ka apono ana a ka Mana Hooko.

            Eia kekahi poe ke kuai nui nei i na poo leta, mamuli o ka manao ana i mea hoopukapuka no keia mua aku, oiai, ua manao ia aole e ku mau aku ana na poo leta o ka Repubalika Hawaii i ka wa e kahuli ae ai ua Repuballika la.

            Ua loaa mai ia Lunakanawai Wilikoki he hooilina waiwai mai kona hoahanau i make Henry Wilikoki, nona ka waiwai io he $16,000.

 

KAUKA L.F. ALVAREZ.

KEENA ME KAHI NOHO HELU 16, ALANUI EMMA.

 

NA HORA HANA:   8a ka 10 a.m.,

                                                3 a ka 5 p.m.,

                                                7 a ka 8 p.m.

NA LA PULE:                       8 a ka 10 a.m.,

                                                7 a ka 8 p.m.

            Telepona 644.

 

OLELO HOOLAHA.

            Ke hoike ia aku nei ka lohe i na kanaka a pau, aole loa au e uku i na aie a pau e hana ia ana ma ko'u inoa me ka loaa ole he palapala kauoHa mai a'u aku.

            Owau no me ka oiaio,

            S.K. KAHAI.

Honolulu, Mei 5, 1900. 2wks.

 

OLELO HOOLAHA.

            Owau o ka mea nona ka inoa malalo iho nei, ke papa loa aku nei au i na mea a pau mai hoaie mai oukou i kuu wahine mare ia Mrs. Kaulia Koa, no ka mea, ua haalele mai oia i ko maua wahi moe. Ua kii aku au iaia, a ua hoole loa mai oia. Nolaila, ina hoolohe ole oukou maluna iho no o oukou ko oukou poho.

            Owau no me ka oiaio,

            KOA KAWIKA.

            Honokohau, Maui, Mei 3, 1900.

 

Ka Halekuai Nui

-:O:-

ON HING Co.

Alanui Nuuanau kohe i ka Hala Lua Rama Emepaea.

 

            Ua wehe ae nei makou he hale kuai lole o na ano a pau. A e loaa no kau mea i makemake ai maloko ona. E kipa mai a e wae nou iho, na Lole Aahu, na Kamaa, Kakini, Papale, a pela aku. He emi loa hoi na kumu kuai.

 

NO HOOKAHI PULE WALE NO

He Kuai Hoemi Hui o na Kamaa Miomio.

 

            Eia ka wa no ka makoiu kuai hoemi nui na na La Pakoa, (Easter). O na KAMAA ILI O LAULA  o na Lede a me na Opio Kaikamahine. E hoohuli ia ana ka waiwai, e hoohuliia i ke alanui me na wawae e komo ana maloko o lakou. Ina e lawe aku ana oukou mai ko makou mau lima aku, e lilo no ia he mea nui, ina he mea nui ke dala ia oe.

 

Na Kamaa Eleele o na Lede $5.00

            mamua i keia Pule @.50.

Na Kamaa Ui Ulania o na Lede

            $@.00 mamua i keia Pule $2.50.

 

            M @ kela pule aku a mai e @ i  @ ka pono i keia pule ma @ i kou mau mea @ i @ keia pule.

MANUFACTURE SHOE CO.

ALANUI PAPU.