Ke Aloha Aina, Volume VI, Number 19, 12 May 1900 — Page 5

KE ALOHA AINA

 

POAONO, MEI 12, 1:00       5

 

DOLE KE KIAAINA MUA O HAWAII NEI

            Wasinetona, Mei 1. Ua koho ia aku o Peresidena Dole ma ke ano oia ke Kiaaina mua no ke Teritori o Hawaii. O ka hoike piha ana aku, e hanaia aku no ia i ka wa e pau pono ai ka papa inoa o na luna aupuni Hawaii i ke koho ia e ka Peresidena. O ka manao o ka Peresidena, oia no ka hana koke aua i na poe i koho ia no ke koena o ke keena. Nolaila, na loaa i na poe i koho ia he wa no lakou e hoomakaukau mua ae ai. O na keena teritori a pau, e hoopiha ia lakou me na makaainana o ke teritori, a he hookahi nae o na kulana i ike ia he mau keena no Amerika Huipuia, e lilo pu aku ana no ia i kekahi makaainana o na paemoku. O keia mau wahi, oia ka Lunakanawai o Amerika Huipuia, Loio Apana, Ilamuku a me ka Luna Date Nui. O keia mau keena eha, o ka Loio Apana, kai manaoia e lilo ana i kekahi makaainana Hawaii. O Senatoa Cullom i hooikaika nui ai i ka bila o Hawaii maloko o ke Senate, me he mea la, e lawe ana oia i wahi no kekahi o kona mau hoaloha Ilinoi. Ua manao ia o M. M. Estee o Kaleponi ke lawe ae ana i ke kulana Lunakanawai o Amerika Huipuia.

 

PAKELE MAI HAUNAELE

            Ma ka hoea ana mai la a ka mokuahi Kalaudina mai Hilo mai, i loaa mai ai na lono no ka pakele ana o ia kulanakakauhale mai ke komohia ana maloko o kekahi haunaele nui, i ulu ae mawaena o na hana hookiekie a kekahi makai nona ka inoa o Peter Elemakule.

            O ke kumu i hoomaka mai ai o ka uluaoa ana, mamuli no ia o ka hopu ana o keia makai i kekahi pake kupakako o ka halekuai o Ah Holt no kona holo ana maluna o ke kaa baikikala we ke kukui ole. Ma ka hoike a Ah Holt, e holoholo ana oia mawaho iho o ka hale kuai ma ka hora 9 o keia po Poaono aku nei. Ua holo mai la o Peter Elemakule a hope iho la iaia. Ua hoike aku oia aole oia e hoopoino ana i ke ola o ka lehulehu, ua hookuu ia mai la oia, aka o ke kaa nae ua lawe ia aku ia no ka halepaahao. A ma ia wahi na kamailio ia mai ia na makai nei i ka lawe ia ana aku o ke kaa aole o ke kanaka, ua hoi hou mai la oia a loaa na pake nei, me ka hopu koke aku ma ka a i o kana lawehala, a i kona wa i hoao ai o lawe, na iaia mai la he pake nona ka inoa o Tong Ou, a koe ae la, a ia wa i kui aku ai na makai la i ka helehelena o Tong On.

            I keia wa na hoopiha ia ae la ke alanui me na kanaka o na lahui like ole, a iloko oia aluka o Kakauole Laimana o ke Keena Makai Nui, ua haawi mai la oia i na kokua ana i ka makai o ke aupuni, aole me na lawelawe akahele ana, aka, me na puupuu wela a ke aloha ole. A mahope o keia uluaoa ana ua lawe ia aku la na lawehala no ka halewai. Ua ike ia aku la ka lualua o na pake malaila i keia mau hana lawelawe oolea a na kaiko o ke aupuni.

            I ka La Pule ae no, ua hoea aku la keia Peter Elemakule i kokua ia e Keolanui, he kakauolelo no ka halepaanao, ma kekahi hale holoi ma ke alanui Alo, no ka hoao ana e komo iloko e huli ai i na paha he poe piliwaiwai a i ole he poe puhi opiumako loko me ka palapala hopu ole. I ke kue ana mai o ka mea nona ka hale, ua malama hou ia iho ia he hakaka mawaena o na pake a me na makai, a i ka wa i puhi ai o ka pake i ka ulili, ua hoea aku la o Norman Laimana a hoopakela ae la i na makai. Ma ke kamailio oluolu ana a Ah Hip i kona mau hoaloha, ua ae mai la na pake e lawe ia lakou e na makai i makemake ai e hopu, a ua lawe ia aku la na lawe la aku la na lawehala no ka halewai.

            Mai ia po La Pule na malama ia iho la he halawai e na pake no ka waiho ana aku i ko lakou mau manao kue no keia mau hana lapuwale a na makai, imua o ka Makai nui Anaru, a mahope hoi o kona noonoo akahele ana i na hana kolohe a na makai i hana mau ai ma ka lawe ana i na dala kipe, a pela wale aku, na hoopau ia iho la o Peter Elemakule a me Kapena Henry Espinda o Olaa, a e hoopau ia no ana kekahi mau makai ma keia ana iho.

            O ke kumuhana hope a na pake i lawelawe ai ma na lono i loaa mai ia makou, ua hooholo lokahi lakou aole lakou e kuai i na io bipi, na wai momona a me ka lawe ana i ka lakou mau ukana maluna o na kaa o ka ohana o Norman Laimana, a o ka pake e ikeia ana e hoolohe ole ana ia olelo hooholo e hoopai ia oia i $10. He puupuu ikaika ia i loaa aku i ka ohana o keia kanaka opio, a he laau hahau hoi e ao mai ana i na makai o keia mua aku e malama i ka oihana me ke akahele.

           

            Ua hala aku no ka hauoli o Kaleponi o Mrs. Kahuila Walikoki maluna o ka mokuahi Amerika Maru.

 

PAKELE MAI MAKE

 

HE MAU HAOLE NO KEIA KULANAKAUHALE

 

Ma o ke Piholo Ana o ka Moku Kiakahi Mawaho Aku o ka Lae o Makapuu.

            Ma ka La Pule nei i huli hoi mai ai he elua mau kanaka opio o keia kulanakauhale mai Kaneohe mai, mahope hoi o ko laua halawai ana me kekahi hiohiona weliweli loa a laua hoi i makemake ui e ike hou.

            O ka inoa o keia mau kanaka opio oia o P. J. Hollander a me G. T. Turner, e noho ana mawaena o ka Lae o Makapuu a me ka Lae o Koko. E hoohala manawa ana hoi malaila ma ka lawaia ana. A ma ke kakahiaka Poano nei ua liuliu ae la laua i ko laua wahi moku kiakahi, a hoi mai la no Honolulu nei, a penei ka hoike a Hollander:

            I ko laua hiki ana mawaho o ka moana he hapalua hora mahope o ko laua haalele ana aku i ka Lae o Makapuu, ua halawai iho la laua me kekahi makani ikaika mai ka hikina hema mai. Mahope o ko laua hoomaopopo ana i ke kulana popilikia o ka hoomau ana mai i ko laua alahele no Honolulu nei, na hoohuli ae la lana i ko laua wahi moku no ka hoi ana aku iuka o ka aina. Aka, ia wa no nae ua komo nui mai la ke kai iloko o ka moku me ke poi ana me ka ikaika, a o na pea hoi o na wahi moku nei ua pau ae la i ka nahaehae.

            Mahope o ka hoomau ana mai o ke kai i ke komo ana iloko o ko laua wahi halelana, ua piholo iho la oia, a waiho aoao iho la me kona kia iloko o ke kai. Iloko o keia manawa aia ua mau oluolu nei iloko o ke kai e hoolana ana ia laua iho ma ka puliki ana aku i ka aoao o ka moku. O ka iini nui a me ka pule a ua mau kauaka opio nei oia ko laua lawe ia ana aku e na ale hanapanupa no uka o ka aina, aka, aole nae i hooko ia ko laua mau apu ana, a puhi aku la laua no waho o ka moana kai uli, kai hohonu.

            No elima hora o ko laua paialewa ia ana iluna a i lalo o na ale kawahawaha o ka moana, ua hoomaka mai la ko laua ikaika o haalele ia laua, a ua nui hoi na palapu i loaa ia laua ma ka hookuikui ia ana aku ma ka aoao o ka moku me ke komo pu mai o na hoomanao ana, he manawa waio no keia no laua e hoi aku ai no laio o ka opu ana ole o ka moana.

            A i ko laua wa i hoomaopopo ai aohe he wahi manaolaua i koa no ko lau palekana, ua ike mai la laua i kekahi mokukuna e hoio aku ana ma ko laua alahele mawaho o ka Lae o Koko.

            Ua hoomaka koke iho la laua e haawi aku i na hoailona ana i ka moku no ke kiaa ana mai e hoopakele ae ia laua mailoko ae o ko laua popilikia me kekahi kahekahana lole o ko laua aahu i hoopaa ia aku i kekahi hoe a me kahi ikaika e kamau ana iloko o laua ua kau ae la iluna no ke kahea ana aku i na kokua mai iaia mai, a he mea oiaio, ua ike io mai la ua moku nei a hookolo mai la no kahi a laua e lana ana a hoopakele ae la i na olulo aumoana iloko o ke kulana nawaliwali loa.

            O keia mokukana oia no ka Lady e holo ana no Kaneohe, ua haawi mai ke kapena a me kona mau kanaka i na kokua ana ia iaua, me ka hoaahu ana ia lana me na kapa mahana a me ka ai. Ua hoea aku ka moku i Kaneohe ma ka hora 6 o ke ahiahi Poaono, a hoaumoe iho la na mau kanaka poino nei ina ka home o Mr. Mendoue@. I ke kakahiaka La Pule ae na telepona mai ia lana i kaa i ke kulanakauhale nei, a nana i hoihoi mai ia laua a hoea maalahi i Honolulu nei. Ua haalele ia aku ko laua wahi hale lana poino i ka moana, oiai, na hiki ole i ka moku ke kolo mai iaia no ke taona nei. A ua hiki ole ia laua ke hoike mai i ko laua piha hauoli nui no ka palekana ana mai ka waha mai o ka lua kupapau.

            Ma ke kakahiaka Poakahi nei, na loaa mai la he hoike mai kekahi Iapana lawelawe ia Ilamuka Baraunu no ka pae aua mai o kekahi wahi maoku kiakahi ma kai@ kokoke i kahi noho o ka Ilamuku. Aole he kino kanaka maluna ona, a o na hoike i loaa mai ia no keia moku kuapaianaha i pae ke la mawaho o Waikiki, ua like loa ia me ka moku kiakahi a Hollander a me Turner i haaleleai i waho moana.

            Ina o ka moku poino io no keia, he keu a ke kupaianaha o kona ala ana mai, a huli hoi mai la no ka aina nei. Aka, malia no nae he moku okoa no keia. e hele aku ana na kanaka opio e nana ina paha o ko laua hale lana no keia.

           

            Ua hoea mai la ka moku haukipua Solaoa mai Amerika Huipuia mai me kekahi mau koe hou no Ma@.

            Ke wehe aloha aku nui ko makou papale imua o ua poe kupaa i ke aloha aina, a ke kuuou pa aku nei mo ko ka@. “E ike la kakou hoa kanaka.”