Ke Aloha Aina, Volume VI, Number 17, 28 April 1900 — Page 7

KE ALOHA AINA, POAONO, APERILA 29  1900.

 

HE MOOLELO WALOHIA

NO

ALANADELA

 

Ka Wahine Hoopahaonao o ka Aa hu Keokeo.

A I OLE

Ka Loea Hookani Pila Hapa o ke Kulu Au,moe.

 

            I ko'u wa i ike akui ai i na helehelena o kou makuahine hanauna a me na maka omokokoko e kaulona pono mai ana maluna o'u, ua hoo haalulu ia ae la ko'u mau kuli me ka pii ae hoi o ka lia maeele o ka makau i kuu mau kumu pepeiao.

            Alakai ia aku la au no kahi a ua wahine lokoino nei e noho ana iluna o kekahi noho pulu.  A i ko'u wa i hiki aku ai imua o kona alo ua kukuli iho la au, a kali aku la no ka hoolohe ana i kona manao, a i keia mau sekona no ua hoohikilele ia ae la au me ka hoopuanuanu ana mai i kuu puuwai i kuu ike ana i kona lalau ana iho iloko o kona poli a unuhi ae la i kekahi pahi poniaka a kau iho la i kona oi maluna o ka piko o kuu poo me ka pane ana mai me ka leo nui okalakala e hoopaiakuli ana i na paia anoano o ua keena nei.

            E Kauka Laionela, ua ike au ua maopopo ia oe na mea a pau i hana ia iho nei no ka hooilina moi, a o ka'u e iini nui nei e lohe, oia hoi, ua hiki anei i kou mau lehelehe ke uumi malie iho i keia mea huna a'u i hana iho la, a i kou wa e hoole mai ai, aole oe e hooko ana i kuu makemake e noohainu koke aku no au i ka maka o kuu pahi iloko o kou koko i keia wa ano, me ka hoopokole pu ana i kou mau la o keia ola ana.

            I kuu hoomaopopo ana aohe o'u wahi e palekana ai, a ke ike nei au i na lima o ka make ke haha mai la maluna o kuu nui kino, ua huli ae la au a pane aku la.

            Ae, e ke aliiwahine ua ahuwale ia'u kau mau hana a pau, a e elike me ka noi e hama no kuu waha mai ka hoike ana ae i na mea epili ana no kuu haku opio, ka hooilina moi o Seketia nei, aka, no kona hilinai ole nae i ka'u mau olelo ua alako ia aku la no luna o ka paepae oki poo, a malaila i hoohiki pau pele pau mano hou aku ai aui.

            Ua like oia me ka hehena i keia wa a ke lele ae la kona mau maka ma o a maanei me he wahine la i uluhia e ka uhane ino.

            Aole no oia i hilinai mai i ka'u mau hoohiki aua iho maluna o ka paepae oki poo, aka, ua kauoha ae la oia i kana mau kauwa e lalau iho i ke kuilipi a hoomoe mai maluna o ko'u kani al.  Aka, ma kekahi ulia laki nae ua hoea koke n @ ka huli ana o na koa aupuni @ ka hooiliua moi iloko o ua ru@.

            Iloko o ko lakou aluka i ma @ aku ai au mai na kauwa a me ko laua alii wahine e hoomakaukauana e lawe ae i ko'u ola.

            Aole au e aa e noho hou maluna o ka lepo o ko kaua aina aloha, a ma ia po no ua hoohiki paa iho la e kuewa aku ma ka aina malihini a hiki i kuu wa e lohe ai ua hala aku oia ma kela aoao o ka lua ku papau, alaila, hehi hou ko'u mau kapuai iluna o ka aina hanau o'u mau kupuna.

            Ia wa no me ka hookaulua ole iho ua holo pololei aku la au me ka mama nui no kai o ka uwapo ku moku, a ua hookepalili ia mai kuu puuwai me ku hauoli i ka ike ana aku iwaena o na moku e pili ana i aka uwapo aia he hookahi moku e huhu ana no ka haalele ana iho i ke awa.

            A malalo o ke kokua ana a ka pouli ua kau aku ia maluna ona a pee iho la iwaena o na ahua ukana, iloko o na minute pokole mahope iho o ko'u kau ana ak iluna o ka moku, ua hoea mai la ka huli ana iluna ona no'u, aka nae oiai, aole i makemake na lani e hoopoino ia kuu ola, nolaila, ole au i loaa iki i na poe huli a hiki i ko lakou haalele ana iho i ka moku me ka hooneleia.

            I ko lakou nalo ana aku, akahi no a loaa hou mai ia'u na manao maha, a iloko o na hora pokole wale no mahope iho, ua hiu ae la na pea o ka moku aniau palanehe aku la no ke kai kai hohonu me ko'u mau waimaka e hiolo makawalu no ko kaua aina kulaiwi.  A oia ka wa i huepau mai ai ke aloha e lalawe ana i na mapuna wai a ka lihilihi.

 

            E kipi mai ana ka mokukaua Farani Protet, ma kona alahele no Iapana.

            O na kula aupuni a pau, koe ko na Kona, e hoomaha ana ma ka la 29 o Iune, a hoomaka hou ma ka la 10 Sepatemaba.

            Ua haawi ae o Guerrero, ke kuene nui o ka mokuahi Kinau he papaaiua hoomanao la hanau no ka piha makahiki o kana moopuna, ma kona home mauka o Kapalama.

            Ua hookuu ia mai la o Mr. Levy, he kupakako o ka Hotele Hawaii i lawe ia ai ma ke ano hoohuoi ua loaa oia i ka bubonika mai kahi hoomalu mai ma Kakaako, mahope o kona ola loa ana mai na hoomailo ana a ka ma'i maluna o kona kino.

            O ka nupepa, he kukui ia e malamalama ai kou home, a ke nele oe i ka nupepa ole, ua pio iho la ua malamalama la, oia hoi i a mea hou, a o ka hopena e loaa ana he lohe pepeiao wale mai no, @ e lawe nui i Ke Aloha @ mau i na mea hou o @ amao a mo nuhou ku@.

 

HE MOOLELO WALOHIA

NO KA

LEDE ELENORA

Ka Ui Nohea i Hookaawale ia mai ke Alo aku o na Makua.

A I OLE

Ka wahine Opio i Auamo i na Koikoi a Kona Makuakane i Hana ai.

MOKUNA VI.

HIOHIONA WALCHIA ILOKO O KA RUMI KOMO KAPA.

 

            E na lani he mana anei ko'u, wahi a ka L de Augusta i hooho mai ai.

            Ae, he mana kou pela ka hoike a na mea a pau aka, aole nae oe i makemake e haawi mai.  Ua hauoli oe aole hoi hoi he manao aloha iloko ou no ka'u keiki, wahi a ka wahine aoo 1 panai aku ai.

            E haawi nou au i ko'u mau waiwai a pau o keia honua me ke koe mai o kuu kane a me kuu kamaiki, ina oia ka mea e pakele ai o kau keiki, ua ike ke Akua i ka oiaio o ka'u olelo.

            Ua hoopiha ia mai la ko ka wahine opio puuwai me ka hopohopo no na hiona piha inaina o Nora, aka, ua hookanaaho iki ia ae la nae oia i ke komo ana mai o Daniela Hunter, aole oia i ike koke mai i na malihini, aka, ua hele loa aku la oia no kahi a kana bebe e moe ana iluna o kekahi punee uuku a kilohi iho la i na helehelena nani o kana lei momi makamae.

            Ua ike koke aku la o Nora i kona komo ana mai, aia hoi kona mau maka ke haka pono la maluna o ke kiaaina i kona wa i kaalo ae ai a ku iho la ma ka aoao o ka moe o kana mea i aloha ai.

            A ma keia wa i ikeia aku ai na helehelena o ua Hunter nei i ka minoaka ana iho i kana kama e hooipo ana me Nolopua.

            I kooa hooki ana ae i kona nana hou ana iho i kana bebe, ua nana ae la oia ma o a maanei o ua keena a ike mai la i na malihini a me kana lei aloha, aole oia i ui koke mai i ka manao o na malihini, aka, ua hele pololei aku la oia no kahi a kana wahine a hui papa olelo aku la me ia me ka leo hawanawa.

            A i ka pau ana o ka laua kukai kamilio ana, ua huli ae la ua kiaaina nei a ninau aku la i na malihi ni me ka leo olu waipahe.  E na malihini, heaha ka'u hana e hooko aku ai no olua?

            O e ka mea kiekie, wahi a Nora i puana mai ai me ke kukuli ana iho mamua o ke alo o  Hunter, i hiki mai la au imua o kou alo no ke noi a me ka uwalo ana aku ia oe o hoopakele ia ke ola o ka'u keiki kaina kuhi, oiai, ua lohe au ua hoole oe i ka kuikala ana laia.

            @ ae ana onei oe i ka wahine i hoopalupalu ia me ka nui o na ma kahiki e hoouele ia me ka mea ole nana e hona iho i kona mau iwi.  O oe hookahi wale no ka mea inana kiekie i hiki ke hoopakele i kona ola.  Nolaila, pela au i hele mai la i keia po e hoike aku ia oe i ko'u kaumaha a luuluu piha no ka'[u kei ki.  Me ka manaoio ana nau e hoo kaawale aku i na haawina ehaeha a'u e haawe nei.  E aloha, a e maliu mai i ka leo uwalo o ka makua hine i aloha io i kona keiki.

 

Nuhou Kuloko.

 

Aohe mai e keia mau la.

           

            E keaka ana no ka Orpheum i keia po.

            Eia no ke hoomau nei ka halekuai kamaa Honolulu Manufacture Shoe Co., i ke kuai ana i na kamaa wahine $5.00, no ka $1.50 a me $2.50.  E naue koke ae o nele auanei.

            I keia Poakahi ae e piha ai na la he kanakolu o ko kakou noho ana me ka puka ole o ka ma'i, a ia wa e pau loa ai ka hoomalu, ina nae aole e oili hou ae ana ka ma'i.

            He nui na waiwai hou i loaa mai la i na haiekuai o N. S. Sachs, L. B. Kerr a me B. F. Ehlers, he mau waiwai h ou mai Amerika a me Europa mai, a nolaila, mai poino i ka kipa ae malaila.

            He nui na hana kolohe a hana ia nei ma ke alanui Beritania i keia mau po, ma ka po Poalima nei, ua hoao ia iho la kekahi hale e komo aihue ma ka puka aniani, aka, i ka hoomaopopo ana o ke kolohe ua ikeia oia, ua haalelele iho la oia i ke alanui pii ana i lawe mai ai a mahuka aku la iloko o ka pouli.

            Ma ka huli hoi ana mai la a Kikila Baraunu maluna o ka Moana ua hoea aku kekahi poe i kona kaena oihana no ka niele ana i na mea hou o kana kuakai aku nei no Amerika, iwaena o na ninau i waiho ia aku i kona alo, na ninau ia aku oia, owai ana la ke kiaaina mua o Hawaii nei?  O ka pane i loaa mai aole oia i maopopo, aka, aole no no nae o Peresidena Dole.

 

UA LOAA MAI, HE HELUNA

O NA

Pena a me na Aila Pena,

No Hulu Pena,

Na Kapoahi Aila,

Na Kapuahi Fisher.

(ua hoemila ke kumukuai)

Na Palau na ano apau,

Na Lako Mahiai.

Ho, Oo, Kopala, Kipikoa,

No Bakeke o na like ola

Na Ipuhao, Ipu Ti,

Na Lako Aniani,

 

            E loaa mai ana he mau waiwai hoa maluna o ka mokuahi Auseteralia.  Nolaila, e kipa mai, a e wao no oulou iho, he omi loa ka makou mau kumukuai

.

Hawaiian Hardware Co., Ld

(HUI LAKO HAO HAWAII.  @ KAUPALENAIA)

Alanui Papa, ma o ka Banako o Spreekela