Ke Aloha Aina, Volume VI, Number 17, 28 April 1900 — Page 6

This text was transcribed by:	Rosemary Mccune
This work is dedicated to:	Kaelene Puanani Ahu Rey

KE ALOHA AINA POAONO, APERILA 28, 1900

========================================

HE HAAO KAILI PUUWAI

-:NO KA:-

UI MINEWA

-:A ME NA:-

Kaikunani Eiwa

I Hooliloia i mau Manu Nene Ahiu a i ole na Keiki i Hoehaehaia

Kakauia no KE ALOHA AINA.

I ka hooki ana iho o ke kilokilo luanhine i kona leo, mahope hoi o kona hoakaka pokole ana ae i na mea pili ana i na mea kupua e waiho ana iloko o ka ipu poki, a i mea e hilinai ai ka moi opio Daro i kana mau hoike no na mea mana ana e paa ana, ua lalau iho la oia i kahi popo eleele uuku a nou aku la iluna, a ia wa koke no i uhi iho kekahi pouli aki paa loa, a uhi pu ia iho la ka malamalama o na kukui e hoomalamalama ana ia loko o ua rumi hookipa la me ka nalowale ana aku o kekahi mai kekahi aku.

A ia wa i ioheia aku ka leo o ka moi i ke kahea mai me ka leo nui.

Ua lawa, ua lawa e kuu kuawa hoolohe, e hoihoi hou mai i ka malamalama, oiai, aole e hike ia'u ke noho hou iloko o keia ano pouli.

E like me ka makemake o ka moi pela ua Ronio nei i apo ae ai i ka popo a hoi iho la iloko o ka ipu poki keleawe a hoi hou mai ia ka malamalama.

Ua lilo keia i mea e hoohauoli loa ana i ka manao o ka moi, me ka lalau ana mai i ka lima o kana kauwa a pane mai la. Maluna ou ko'u ma paulele ana i na wa a pau ina no ka make ua poino like iho la no kaua, aka hoi, ina no ka lanakila aohe olelo ana, a o oe a owau iloko o ia mau hauoli ana.

A i keia wa i ku ae ai ka moi iluna a anehe aku la no ka hoi ana aku iloko o ka rumi a Minewa e hoo paa ia ana, oia pu no ka manawa i ku ae ai ka luahine kilokilo iluna a hahai aku la mahope o ka opio me ka haawi pu ana aku i na olelo hoohauoli.

Mai kanalua no ka'u mau olelo i hoike mua aku ai ia oe, oia hoi, e hoopau koke no kela wahine opio i kona mau manao kue nou i kuu wa e hoea aku ai imua o kona alo, a e hoonawaliwali ia no hoi kona puuwai paakiki, a e like no me kekahi bebe hanau hou. Nau ana ka wahine e kuu haku, hoomanawa nui ia a papahi i ka lei o ka lana kila.

Iloko o ka manawa pokole wale no keia hele ana aku a ua moi opio nei me ka luahine kilokilo, aia hoi, ua hiki aku la laua no ka rumi i hoopaa ia ai o ka wahine opio, aole oia i ike mai ia laua nei oiai, kona mau maka e paa ana no i ka palulu ia.

A ma kela wahi i hoonoho aku ai ke kilokilo i kona haku a hele hookahi mai la oia imua me na kapuai e nihi malie ana, a i kona hoea ana aku ma ke alo o ka ui nohea me na koa e kiai makaala ana, ua lalau iho la ke kilokilo he wahi omole iloko o kona pakeke, a unuhi ae la a mahope o kona namunamu ana ae he mau huaolelo hawanawana, ua hookulu iho la oia maluna o ka piko o ke poo o ka wahine opio.

Ua hoohikilele ia ae la ka wahine opio no keia hoomau ia ana iho o kona poo me kekahi mau kulu wai huihui, a oia kana i ninau ae i na koa kiai me ka leo pihoihoi.

E na kiai e oluolu anei olua e hoike mai, he@ha keia mea ano e e hoopuanuanu nei i ka p@ko o ko'u poo?

Aole, e ka wahine opio mai hoopihoihoi i kou noonoo, no ka mea, o kela mau kulu i hoopulu iho la i kou poo he mau kulu pakaua i iho mai mailina loa mai o na paia lani no ka poni ana aku ia oe i wahine na ko makou haku, wahi a kekahi o na koa i pane aku ai me ka maalea nui.

A i keia wa no i poina pu iho aina noonoo ao kanaka o ka ui Minewa a hehee aku la oia no luna o ka papahele, aka, mamua nae o kona pahu ana aku iluna o ka papa ua paa aku la oia i ka lima o na kiai, ua hoohikilele loa ia ka moi opio no keia mau hana a ka luahine kilokilo me ka pii pu ana ae o ka inaina nona, no ka hiki ole iaia ke hoomanawanui iho, ua holo koke mai la oia a apo ae la ma ka puhaka o ka mea a kona puuwai i aloha nui ai me ka puana ana ae me ka leo kaumaha.

E ka luahine kilokilo heaha kau mau hana puuwai eleele i hookau iho la maluna o ka wahine opio e lawe ana anei oe i kona ola? O kou hooko ana aku pela e aho e pepehi mua mai oe ia'u a make mamua o kou lawe ana aku i kona ola, oiai, ua maopopo no ia oe ua aloha au iaia mai ka piko o kona poo a hoea loa aku i kona mau kapuai wawae.

Aole, e kua haku, aole au i kinai ak la i ke ole makamae o kau mea i aloha ai, aka.ua kaili mai la au i na manao uahoa e moe loli ana iloko o kona puuwai nou, a nolaila ina ua manao oe e kuu haku ua hewa loa keia mau hana a'u i hana iho la ua hiki no ia'u ke hoihoi hou mai i kona mau noonoo ao kanaka, aka, ke kaalua ole nei i ka hoike aku, aole loa e hooko ia ana kou mau nui maluna o keia ui nohea, i ka wa e hoi hou mai ai kona noonoo, aole, aole loa no ka wam mau loa wahi a Ronio i pane aku.

Ua pono oe a e buikala mai ia'u, i panai aku ai o Daro, oiai, aole au i ike mua penei oe e kaili ai i kona mau manao ao kanaka, a ia wai kauoha ae ai ua moi opio nei i @ kiai no ka hoihoi ana aku i ka wahiue opio no loko o kona keena kapu.

Elike me ka makemake io ko lakou haku pela na kiai ai i lalau ma lio iho ai i ka nohea a hapai ae la, e hooko pono ana hoi i k@ makemake o ka moi opio/

I keia wa no i noi aku ai ke kilokilo wahine i kona haku opio ko ka hookuu ana mai iaia e hele aku e hoaia i na koa a pau no ko hoike ana aku ia lakou i ke kaua nui e noea mai ana.

A ma keia wahi i lalau iho a@ ua Ronio nei i kahi pinao iloko o ka ipu poki keleawe, a huki ae la iwaho me ka haawi ana iho i na huaolelo kanaenae.

E Pinao kuu kauwa hoolohe ano ke hoohana nei au ia oe no ka wa mua loa, e lele aku no na paia koiuiu o ka lewa a hakilo aku i na enemi o kakou, a hoike mai i ko haku nei.

---o---o---o---

LIHAUPUAIKAWAI.

---

Hanohano Lihaupuaikawai,

A he Home Kuikahi na ke aloha,

Kilakila na hana ke ike aku,

I pono kaulike me ka lehulehu,

E kupu ae a like pua a mohala,

I kakela nani me ka Ihikapu,

Kahapai nani ku kilakila,

A kaula a hoi me ka Hiehie.

Aia ilaila kuu lei nani

Ka Ui Akala he Maunaloa,

O kuu lei hoi ua kaulana,

Ohaoha i ke alo o ke Koolau,

Makamaka Laniloa no Kahikina,

A he milimili hoi na ka Hinihini.

Haina ka inoa o ke kakela,

Lihaupuaikawai Kuikahi,

Eo mai oe ka wahine ui,

Ka Ui Akala he Maunaloa.

Hakuia e,

I. M. H. KAHINIHINI.

Kapalama, Honolulu, Apr. 26, 1900

----------

Wehiwehi Lihaupuaikawai,

Hoolauna Kuikahi e h@poi nei,

Onaona na pua a o ia home,

A na manu a e hoohie nei,

I na kilihau ua kewai,

Kalipohe i ka pua Vapinia,

Hea mai Lihaupuakawai,

E naue a e ike i ka mea hou,

Hoolauna Kuikahi hoi e ka home,

Lawa pono na ono a ka makemake,

Ilaila hoi au i ike iho ai,

O Makaniekeoe Kaoilelani,

Nana i pulumi pau na manu,

Noho ana i ka hale hookuikahi,

Akahi a ike maka i ka nani,

Iiwipolena maka onaona,

Oia manu leo lea o ka uka,

Hooheno ana me ka pua lehua,

Auhea oukou e ka nui manu,

Hoi mai i ka home hookuikahi,

Kui lima pu mai hoi kakou,

Ma na hana pono e hauoli ai,

Hui mai Kumukahi me Haehae,

Ne @ea o kalahiki,

Hiki mai e ka lono piha hauoli,

Ua holopono oi na kumuhana,

E ola kuu kama ku mihimihi,

Lihaupuaikawai e inoa.

Hakuia o

MRS. HAILAKA

Laie, Koolauloa, Oahu

Hoopukaia e Mrs. I. Mary Harper.

===============

HE MOKU LAWE KAUOHA A HIKI MAI.

-----

Ua loaa mai nei he mau lono i ke kulanakauhale nei ma ka mokuahi Dorika mai la e hoike mai ana, e hoouna awiwi ia mai ana ka moku lawe kauoha Corwin a i ole o kekahi moku e ae paha me na agena waiwai o Amerika Huipuia no ka lawe ana ae i ke keena oihana dute. O ka hana mua a na agene waiwai i ko lakou wa e hiki ai maanei oia n ka huli pono ana i ke kulana o na hana e lawelawe ia an maanei, a waiho aku i ka lakou hoike i ke keena poo ma Wasinetona. O keia ke keena mua a Amerika Huipuia e kaili ae ana mai ko lakou nei ma ae mana aku, a na lohe ia mai, eia ke lelele nei ka oili o kekeai poe maloko oia keena i ko lakou kai ehu ia aku i ka Wa e oea nai ai o kela mau agena.

---o---o---

Ua malama hou ia he hou pahi ma Hilo, ma kela Poaono aku nei, ua hou ibo ia o Kan Kee he pake kuonoono no ia wahi no i kana wahine, iloko o kona wa ohewahewa me kekahi ma'i fiva malaria. He elua wahi o ka wahine i ku ai i ka pahi, ma ka poohiwi a me ka aoao. Ua ku aku kekahi pake e keakea, a ua moku pu oia i ka pahi. Ua pii mahuahua mau ae ka a'i o Kan Kee, a a ka Poalua mai i make ai oia.

---o---o---

HANA POWA MA KE ALANUI

-----

Ua hoea ae he Pake i keia kakahiaka Poalima ma ka halewai no ka hoike ana i kekahi powa hilahila ole i hana ia maluna ona. Ua hoike mai oia ma ka ahiahi Poaha nei, oiai oia e iho mai ana ma ke alanui o Palolo a hiki i ke alanui o Waialae, ua halawai iho la oia me ekolu kanaka Hawaii.

Ua hoohei kokeia mai oia me na kaula ili e na kanaka a laweia aku la no kahi mehameha, a malaila i huli ia ai kona mau pakeke me ka lilo pu aku he $37.50 i na kolohe. Ua hoike kokeia aku ka lohe ia Paulo Isenberg mawaho o Waialae no keia mau hana lapuwale i lawelawe ia, ua hoike mai oia i ka oihana makai o kokua ana oia ma ka huli ana i ka meheu o na poe kolohe.

---o---o---

O ka Nippon Maru ka mokuahi e hoea mai ana i ka Poakolu ae nei mai Kapalakiko mai.

Ua loaa mai la he leta ia Kanikela Haywood mai Wasinetona mai, maluna mai la o ka mokuahi Dorika, a kauoha mai ana iaia e hiki koke aku ilaila.